კრემლის პროპანგანდისტი მარგარიტა სიმონიანი რომანების წერას აანონსებს. მისი თქმით, ამის გაკეთებას მას შემდეგ აპირებს, რაც გადადგება, ეს კი მისივე თქმით, მაშინ მოხდება, როცა უკრაინაში რუსეთის ომის მიზნები შესრულდება.
„როგორც კი ომი დასრულდება, როცა ეს მორჩება ჩვენი გამარჯვებით, მთავარი რედაქტორის პოსტს დავტოვებ. ახლა ახალ წიგნზე მუშაობა დავასრულე, ასევე მაქვს მცირე მონახაზი მოთხრობებისთვის და ამის დასრულებას ვაპირებ. რომანების წერასაც ვიწყებ, მინდა, მეტი დრო მხოლოდ ამას დავუთმო“, – აცხადებს სიმონიანი.
