ოკუპირებული აფხაზეთის ე.წ. საგარეო საქმეთა მინისტრის, ინალ არძინბას განცხადებით, არ განიხილავენ ”სახელმწიფოს სუვერენულ სტატუსს” არც ერთ პლატფორმაზე და არც ერთ დონეზე.
მისი თქმით, საქართველო უარს ამბობს ძალის გამოუყენებლობის შესახებ შეთანხმების ხელმოწერაზე, რადგან ის აფხაზეთს რუსეთის მიერ ოკუპირებულ ტერიტორიად მიიჩნევს.
არძინბას თქმით, დასავლეთის ქვეყნებისა და შეერთებული შტატების მუდმივი მოწოდებები სამხრეთ კავკასიაში ”მეორე ფრონტის” გახსნის თაობაზე გარკვეულ რისკებს ქმნის.
„დასავლეთი დაინტერესებულია რუსეთის ირგვლივ ცეცხლის რგოლის შექმნით, მას მიაჩნია, რომ სამხრეთ კავკასია კარგი ვარიანტი და კარგი შანსია. ამიტომ, ჩვენ ველით გარკვეულ პროვოკაციულ დესტრუქციულ ქმედებებს [ამერიკის]გან და კიდევ უფრო მონიტორინგს გაუწევს სიტუაციას. მჭიდროდ”, – განაცხადა არძინბამ.
არძინბას თქმით, „აშშ ცდილობს განათავსოს არასამთავრობო ორგანიზაციების სისტემა, რათა პირველ ეტაპზე რბილი ძალით იმუშაოს“.
,,მინდა გავიხსენო 1921 წლის 21 მაისი, როდესაც საქართველოს რევოლუციურმა კომიტეტმა, ანუ ოფიციალურმა ხელისუფლებამ, აღიარა აფხაზეთის საბჭოთა სოციალისტური რესპუბლიკა. ანუ უკვე იყო პრეცედენტები, როცა საქართველომ ოფიციალურად აღიარა აფხაზეთი. და ჩვენ დარწმუნებულნი ვართ, რომ ახალ ისტორიულ რეალობაში ეს აუცილებლად მოხდება, რადგან ეს გარდაუვალია და ამ სიტუაციიდან სხვა გამოსავალი არ არსებობს”,- აღნიშნა არძინბამ.
