„ომის შესწავლის ინსტიტუტი” ადასტურებს, რომ რუსული კერძო სამხედრო კომპანია „ვაგნერის“ მებრძოლები ბახმუტის ცენტრში წინ მიწევენ და ადმინისტრაციული შენობა დაიკავეს.
განახლებაში ნათქვამია, რომ “ვაგნერის” ხელმძღვანელმა, ევგენი პრიგოჟინმა 2 აპრილის ღამეს ადმინისტრაციის შენობის წინ ასწია რუსული დროშა და მოკლულ სამხედრო ბლოგერს პატივი მიაგო. პრიგოჟინი აღიარებს, რომ ქალაქის დასავლეთ ნაწილში უკრაინის ძალები რჩებიან.
ექსპერტების შეფასებით, 3 აპრილს, რუსულმა ძალებმა ბახმუტის ცენტრში წინ წაიწიეს.
უკრაინის შეიარაღებული ძალების აღმოსავლეთის დაჯგუფების წარმომადგენელი სერგეი ჩერევატის თქმით, ბახმუტის ადმინისტრაციული შენობის გარშემო ბრძოლებია.
