უკრაინის პრეზიდენტსა და ევროკომისიის პრეზიდენტს შორის წელს პირველი სატელეფონო საუბარი შედგა. ურსულა ფონ დერ ლეიენმა ვოლოდიმირ ზელენსკისა და უკრაინას კიდევ ერთხელ გამოუცხადა მხარდაჭერა და დახმარება აღუთქვა:
“ევროკავშირი თქვენს გვერდით დგას, რამდენი ხანიც საჭირო იქნება.
ჩვენ მხარს ვუჭერთ თქვენს გმირულ ბრძოლას.
ბრძოლას თავისუფლებისთვის და სასტიკი აგრესიის წინააღმდეგ.
ჩვენ გეხმარებით ამ ზამთარს გენერატორებით, ნათურებით, თავშესაფრებით, სასკოლო ავტობუსებით.
და ჩვენ ვაგრძელებთ ძლიერ ფინანსურ დახმარებას.
მალე ჩვენ დავიწყებთ 18 მილიარდი ევროს მხარდაჭერის პაკეტის ყოველთვიური ტრანშებით გაცემას.
მოუთმენლად ველი თქვენთან შეხვედრას უკრაინაში მალე.” წერს ლეიენი ტვიტერზე.
