„ლიდერები უკრაინაში არსებულ ვითარებას „ძალიან სერიოზულად” აფასებენ, რამდენადაც არსებობს რუსეთის შემდგომი სამხედრო აგრესიის რისკი“ – აღნიშნულ ინფორმაციას გერმანიის კანცლერის პრესსპიკერი კანცლერისა და ამერიკის პრეზდენტის საუბრის შემდეგ ავრცელებს.
ჯო ბაიდენმა და ოლაფ შოლცმა უკრაინაში არსებული ვითარება განიხილეს. მათი შეფასებით, ვითარება დასამშვიდებელი არ არის, რადგან რუსეთს უკრაინის საზღვრიდან შეიარაღებული ძალების მნიშვნელოვანი ნაწილი არ გაუყვანია.
