ლადო ბურდული ავარიაში მოჰყვა. ინფორმაციას მუსიკოსი, სოციალური ქსელის მეშვეობით, თავად ავრცელებს. როგორც ქართველი როკერი წერს, მას სკუტერით მორიგი ავარია მოუვიდა და უფალს მადლობს გადარჩენისთვის.
,,მორიგი ავარია სკუტერით, მორიგი სიკვდილისთვის თვალებში ჩახედვა, მორიგი უფლის წყალობა და ახალი მიკერებული ცხვირი, სახის ძვლების მრავლობითი მოტეხილობით. უფალს მადლობა და დიდება”, – წერს ფეისბუქზე.
მუსიკოსი იხსენებს წინა შემთხვევასაც.
,,სასიკვდილო ავარიას მეორედ გადავურჩი. ამის წინ ერთი კვირა ვიწექი საავადმყოფოში. მაშინ სხეული მქონდა დაზიანებული, ახლა სახის ძვლები და ცხვირი, რომელიც უკან მიმაკერეს.
სკუტერი მიყვარს და მის გარეშე ვერ წარმომიდგენია. ,,ვესპა” სულ სხვანაირ სითბოს, სიყვარულს, თავისუფლების და ბედნიერების უმაღლეს ხარისხს გჩუქნის.
უფრო ფრთხილად ვიქნები”, – ამბობს ლადო “პრაიმტაიმთან”.
