დაღესტანში 24-25 და 26 ივნისი გლოვის დღეებად გამოცხადდა. მოკლულია 20-მდე ადამიანი, მათ შორის 15 პოლიციელი, მღვდელი და ეკლესიის მცველი, დაჭრილია 12 სამართალდამცავი და დაშავებული 25 ადამიანი პირი.
დერბენტსა და მაჰაჩყალაში უცნობი პირები მართლმადიდებლურ ეკლესიაში შეიჭრნენ. თავს დაესხნენ სინაგოგასა და საგზაო პოლიციის განყოფილებასაც. ინფორმაცია მომხდარის შესახებ რუსულმა მედიამ გაავრცელა.
დაღესტნის შინაგან საქმეთა სამინისტროს ინფორმაციით, ლიკვიდირებულია ოთხი თავდამსხმელი, მათ შორის, დაღესტნის ერთ-ერთი ოლქის ხელმძღვანელის, მაგომედ ომაროვის ორი ვაჟი, ოსმან და ადილ ომაროვები. ოლქის ხელმძღვანელმა კი, ადგილობრივი მედიის ცნობით თანამდებობა დატოვა. საგამოძიებო კომიტეტმა გამოძიება ტერაქტის მუხლით დაიწყო. დაღესტანში კი, შეტაკებები ამ დროისთვისაც გრძელდება.
