„ნამდვილად სამარცხვინო იყო ის განცხადება, რაც აღნიშნულ ზეიმზე, რასაც ქვეყნის დამოუკიდებლობის დღე ჰქვია, [პრეზიდენტისგან] ჩვენ მოვისმინეთ”- ამის შესახებ თბილისის მერმა, კახა კალაძემ განაცხადა. რითაც მან საქართველოს პრეზიდენტის, დამოუკიდებლობის დღისადმი მიძღვნილ ღონისძიებაზე სიტყვით გამოსვლისას გაკეთებული განცხადებები შეაფასა.
„დღეს არის ქვეყნის დამოუკიდებლობის დღე, დღეს არის ზეიმი, შესაბამისად, თავს შევიკავებ პოლემიკაში შესვლისგან. ნამდვილად სამარცხვინო იყო ის განცხადება, რაც აღნიშნულ ზეიმზე, რასაც ქვეყნის დამოუკიდებლობის დღე ჰქვია, ჩვენ მოვისმინეთ, სამწუხაროდ“,- განაცხადა კალაძემ.
დამოუკიდებლობის დღის მნიშვნელობაზე საუბრისას აღნიშნა, რომ საქართველოს დღესაც უწევს ბრძოლა დამოუკიდებლობისა და თავისუფლებისთვის.
„დღეს მთავარი სურვილია, რა თქმა უნდა, ქვეყნის გამთლიანება. ნებისმიერი ქართველისთვის ეს არის პრინციპული საკითხი, ყველაზე მნიშვნელოვანი საკითხი. სრულიად საქართველოს მინდა მივულოცო დღევანდელი დღე. ქვეყნის დამოუკიდებლობა ძალიან მნიშვნელოვანია. მნიშვნელოვანია იყო დამოუკიდებელი, თავისუფალი, მნიშვნელოვანია სახელმწიფოს სუვერენიტეტი, შენი ქვეყნის ტერიტორიების ხელშეუხებლობა“- აღნიშნა კახა კალაძემ.
“საბჭოთა გადმონაშთი სხვა რაა თუ არა ერთპარტიულობა“-სალომე ზურაბიშვილი
