თურქეთში, მუგლეს პროვინციაში, ავტობუსი რომელსაც ტურისტები გადაჰყავდა ავარიაში მოყვა. შემთხვევის შედეგად 2 მგზავრი დაიღუპა და 35 დაშავდა. გარდაცვლილთაგან ერთი 11 წლის ბავშვია. დაშავებულებიდან 9 პირის მდგომარეობა მძიმეა.
ადგილობრივი მედიის ინფორმაციით, ავტობუსს მუხრუჭებმა უმტყუნა, რის გამოც გაჩერებულ 3 ავტომობილს, შემდეგ კი საცხოვრებელი სახლის ეზოს კედელს შეეჯახა.
ადგილზე მობილიზებული იყვნენ სასწრაფო სამედიცინო ჯგუფები და მაშველები. დაზიანებული ავტობუსიდან მგზავრების გადმოსაყვანად, მაშველებს სპეციალური ტექნიკის გამოყენება დასჭირდათ.
