დღეს, 14 ივლისს ბერლინის „ოლიმპიაშტადიონზე“ ევროპის ჩემპიონატის ფინალური მატჩი გაიმართება. ერთმანეთს ინგლისის და ესპანეთის ნაკრებები დაუპირისპირდებიან. შეხვედრა თბილისის დროით 23:00 საათზე დაიწყება.
დიდ ტურნირებზე ესპანეთმა ინგლისს მხოლოდ ერთხელ, 1950 წლის მსოფლიო ჩემპიონატზე მოუგო – 1:0. აღსანიშნავია, რომ ესპანელებს ინგლისელები ევროპის ჩემპიონატებზე (4 მატჩი ჩაატარეს) არასდროს დაუმარცხებიათ.
