აშშ-ის 46-ე პრეზიდენტის ინაუგურაციამდე 8 საათი დარჩა

ამერიკის შეერთებული შტატების არჩეული 46 პრეზიდენტი, საკუთარი ქვეყნის მოსახლეობის წინაშე დაახლოებით 8 საათში ფიცს დადებს, რის შემდეგაც უკვე ოფიციალურად ჩაიბარებს თეთრ სახლს. ჯო ბაიდენის ინაუგურაციის პარალელურად ჩანიშნულია რამდენიმე ღონისძიება. მათ შორის მასშტაბური 90 წუთიანი კონცერტი ამერიკელი ვარსკვლავების მონაწილეობით. სახელმწიფო ჰიმნს ლედი გაგა შეასრულებს. მასთან ერთად სცენაზე იქნება ჯენიფერ ლოპესი. რაც შეეხება ძველ და ახალ პრეზიდენტებს, მათ უკვე ჰქონდათ მიმართვები. “45-ე პრეზიდენტის ვადის ამოწურვისას მე ვდგავარ თქვენ წინაშე ჭეშმარიტად ამაყი იმით, თუ რას მივაღწიეთ ერთად. მიმდინარე კვირას ჩვენ ახალი ადმინისტრაციის ინაუგურაციას ჩავატარებთ და ჩვენ ვლოცულობთ მათი წარმატებისთვის ამერიკის კეთილდღეობისა და უსაფრთხოების შენარჩუნებაში. „განსაკუთრებით ამაყი ვარ,…

მეტი...

“კორონავირუსის „ბრიტანული“ შტამი მინიმუმ 60 ქვეყანაშია აღმოჩენილი” – ჯანმო

კორონავირუსის ახალი, ე.წ. ბრიტანული შტამი სულ მცირე 60 ქვეყანაშია აღმოჩენილი, – ამის შესახებ ინფორმაციას ჯანდაცვის მსოფლიო ორგანიზაცია ავრცელებს. აღსანიშნავია, რომ იმ ქვეყნების რაოდენობა, სადაც კოვიდ 19-ის აღნიშნული ვარიანტია დაფიქსირებული, ერთი კვირის წინ 50-მდე იყო. რაც შეეხება ე.წ. „სამხრეთ აფრიკულ“ შტამს, ჯანდაცვის მსოფლიო ორგანიზაციის ინფორმაციით, დღემდე ის მსოფლიოს 23 ქვეყანასა და ტერიტორიულ ერთეულშია აღმოჩენილი. მეცნიერები აცხადებენ, რომ ახალი შტამები დღემდე ცნობილ სახეობებთან შედარებით უფრო გადამდებია, თუმცა, ჯერჯერობით არ არსებობს იმის მტკიცებულება, რომ ისინი ფატალობის უფრო მაღალი მაჩვენებლით ხასიათდებიან, ან დაავადების უფრო მძიმე ფორმას იწვევენ. ცნობისათვის, მსოფლიოში კორონავირუსით ინფიცირების საერთო რაოდენობამ 96 მილიონს…

მეტი...

სტრასბურგის სასამართლო საქმეზე „საქართველო რუსეთის წინააღმდეგ“ ხვალ განაჩენს გამოიტანს

ადამიანის უფლებების ევროპული სასამართლოს დიდი პალატა საქმეზე „საქართველო რუსეთის წინააღმდეგ“ 21 იანვარს განაჩენს გამოიტანს, – ამის შესახებ ადამიანის უფლებების ევროპული სასამართლოს ოფიციალურ ვებგვერდზე განთავსებულ ინფორმაციაშია აღნიშნული. პრესრელიზის თანახმად, საქმეზე მოსმენა სტრასბურგის დროით დილის 11:00 საათზე (საქართველოს დროით 14:00 საათზე), გაიმართება. „საჩივარი შემოტანილია საქართველოსა და რუსეთის ფედერაციას შორის 2008 წლის აგვისტოში მომხდარ შეიარაღებულ კონფლიქტთან დაკავშირებით საქართველოს მიერ რუსეთის ფედერაციის წინააღმდეგ. საქართველო ამტკიცებს, რომ რუსეთის ფედერაციამ – რუსეთის არმიის, ან /და მის კონტროლს დაქვემდებარებული სეპარატისტული ძალების, მხრიდან განურჩეველი და არაპროპორციული თავდასხმების შედეგად საქართველოს მოქალაქეებზე და მათ საკუთრებაზე – დაუშვა ან გამოიწვია ადმინისტრაციული პრაქტიკა,…

მეტი...

აშშ-ში კორონავირუსით გარდაცვლილთა რიცხვმა 400 ათასს გადააჭარბა

აშშ-ში კორონავირუსით გარდაცვლილთა საერთო რიცხვმა 400 ათასს გადააჭარბა. შესაბამის მონაცემებს ამერიკული მედია ჯონს ჰოპკინსის უნივერსიტეტზე დაყრდნობით ავრცელებს. როგორც „ეიბისი ნიუსი“ აღნიშნავს, პანდემიის განმავლობაში აშშ-ში გარდაცვლილთა რაოდენობა აღემატება, პირველ და მეორე მსოფლიო ომებში, ასევე ვიეტნამის ომში გარდაცვლილი სამხედროების საერთო რაოდენობას. აშშ-ში კორონავირუსით გარდაცვლილთა რიცხვმა 300 ათასს 14 დეკემბერს გადააჭარბა, რაც იმას ნიშნავს, რომ ბოლო 25 დღის განმავლობაში ქვეყანაში „კოვიდ-19“-ს ასი ათასი ადამიანი ემსხვერპლა. აშშ მსოფლიოში პირველ ადგილზეა „კოვიდ-19“-ით ინფიცირების შემთხვევებისა და გარდაცვლილთა რაოდენობით. ქვეყანაში კორონავირუსი სულ 24 მილიონზე მეტ ადამიანს დაუდასტურდა.

მეტი...

“მადლობა და მშვიდობით!” – დონალდ ტრამპი

მინდა მადლობა გადავუხადო ამერიკელ ხალხს. თქვენი პრეზიდენტობა აღუწერილი პატივია. გმადლობთ ამ არაჩვეულებრივი პრივილეგიისთვის, – ამის შესახებ აშშ-ის მოქმედმა პრეზიდენტმა, დონალდ ტრამპმა გამოსამშვიდობებელ მიმართვაში განაცხადა. მისი თქმით, ახალ ადმინისტრაციას წარმატებებსა და იღბალს უსურვებს. „45-ე პრეზიდენტის ვადის დასრულებისას მე ვდგავარ თქვენ წინაშე ჭეშმარიტად ამაყი იმით, თუ რას მივაღწიეთ ერთად. ჩვენ გავაკეთეთ ის, რისთვისაც მოვედით და გაცილებით უფრო მეტიც. ჩვენ ახალი ადმინისტრაციის ინაუგურაციას ვატარებთ და ვლოცულობთ, წარმატებით შეინარჩუნონ ამერიკის კეთილდღეობა და უსაფრთხოება. ჩვენ მათ საუკეთესოს ვუსურვებთ და ასევე გვსურს, იღბალი ჰქონდეთ, ეს ძალიან მნიშვნელოვანი სიტყვაა”, – აცხადებს დონალდ ტრამპი. ის მადლობას უხდის იმ ადამიანებს,…

მეტი...

აშშ-ში ქვეყნის 46-ე პრეზიდენტის ინაუგურაციისთვის ემზადებიან

ამერიკის შეერთებულ შტატებში 46-ე პრეზიდენტის ინაუგურაციისთვის ემზადებიან. დღეს ჯო ბაიდენი და კამალა ჰარისი ფიცის დადების შემდეგ უფლებამოსლების შესრულებას ოფიციალურად შეუდგებიან. ცერემონია ვაშინგტონში უკიდურესად გამკაცრებული უსაფრთხოების ზომების პირობებში გაიმართება. 6 იანვარს კაპიტოლიუმის შტურმის შემდეგ დედაქალაქში პოლიციის დამატებითი ძალები და ეროვნული გვარდიის დანაყოფები განთავსდნენ. ინაუგურაციის დღეს ვაშინგტონის ქუჩებში უსაფრთხოების ეროვნული გვარდიის 25 ათასამდე წევრი უზრუნველყოფს. ცნობისთვის, 2017 წელს, დონალდ ტრამპის ინაუგურაციის დღეს ვაშინგტონში უსაფრთხოებას ეროვნული გვარდიის რვა ათასი წარმომადგენელი იცავდა. ქალაქში გადაკეტილია ქუჩების ნაწილი. ასევე, დაკეტილია ათზე მეტი მეტროსადგური. კორონავირუსის გამო, შეზღუდულია ინაუგურაციაზე დამსწრეთა რაოდენობა. ჯერ კიდევ კაპიტოლიუმის შტურმამდე, ბაიდენის ინაუგურაციის კომიტეტმა…

მეტი...

სალომე ზურაბიშვილი სამუშაო ვიზიტით ბრიუსელს ეწვევა

საქართველოს პრეზიდენტი სალომე ზურაბიშვილი დღეს, 20 იანვარს ბრიუსელში სამუშაო ვიზიტით გაემგზავრება. ბრიუსელში პრეზიდენტის სამუშაო ვიზიტის ფარგლებში, დაგეგმილია შეხვედრები ევროკავშირისა და ნატო-ს ხელმძღვანელ პირებთან. საქართველოს პრეზიდენტის ადმინისტრაციის ცნობით, სალომე ზურაბიშვილი შეხვდება ევროპული საბჭოს პრეზიდენტს, შარლ მიშელს; საგარეო საქმეთა და უსაფრთხოების პოლიტიკის საკითხებში ევროკავშირის უმაღლეს წარმომადგენელს, ევროკომისიის ვიცე-პრეზიდენტ ჟოზეპ ბორელს; ევროპარლამენტის პრეზიდენტს, დავიდ სასოლის; ეკონომიკურ საკითხებში ევროკომისიის აღმასრულებელ ვიცე-პრეზიდენტს, ვალდის დომბროვსკის; ევროპარლამენტის საგარეო კომიტეტის თავმჯდომარეს, დევიდ მაკალისტერსა და ნატო-ს გენერალურ მდივანს, იენს სტოლტენბერგს. დაგეგმილია ასევე, სხვადასხვა მაღალი რანგის შეხვედრები.

მეტი...

თურქეთში საქართველოს მოქალაქე დააკავეს

თაღლითობის ბრალდებით თურქეთში საქართველოს მოქალაქე დააკავეს. ადგილობრივი მედიის ინფორმაციით, 6-მა პირმა – მათ შორის საქართველოს მოქალაქემ მუღლის პროვინციაში მცხოვრები 84 წლის მამაკაცის საკუთრებაში არსებული ქონება მიითვისა. საუბარია საერთო ჯამში 100-ზე მეტ ერთეულ უძრავ ქონებაზე. გამოძიების ფარგლებში დადგინდა, რომ მოხუცს მეხსიერების პრობლემა ჰქონდა. დაკავებულების ნაწილი ჩვენების მიცემის შემდეგ გაათავისუფლეს. სამი პირის, მათ შორის საქართველოს მოქალაქე ლ.კ.-ს საქმე კი სასამართლოს გადაეცემა.

მეტი...

“საქართველოს პრეზიდენტის ვიზიტის წინ ნატო-ს გენერალური მდივნის მხარდამჭერ განცხადებას ძალიან დიდი მნიშვნელობა ენიჭება” – ვიქტორ დოლიძე

წლევანდელი წელი იქნება ერთ-ერთი მნიშვნელოვანი, როგორც პოლიტიკური, ასევე პრაქტიკული თანამშრომლობის თვალსაზრისით ნატო-სთან, – აღნიშნავს ჩრდილო-ატლანტიკურ ალიანსში საქართველოს წარმომადგენელი ვიქტორ დოლიძე ნატო-ს გენერალური მდივნის, იენს სტოლტენბერგის განცხადებასთან დაკავშირებით, რომ „საქართველოს სურს, ნატო-ს წევრი გახდეს და ამას რუსეთი ვერ შეაჩერებს“. ვიქტორ დოლიძის შეფასებით, საქართველოს პრეზიდენტის ბრიუსელში ვიზიტის წინ მსგავსი მხარდაჭერის გამოხატვა განსაკუთრებით მნიშვნელოვანია. „ჩვენი ნატო-სთან ურთიერთობის დინამიკა არათუ შენარჩუნდა, არამედ გაიზარდა კიდეც, მიუხედავად იმისა, რომ პანდემიაა და ძალიან რთული სამუშაო პირობებია გლობალურად. წლევანდელი წელი იქნება ერთ-ერთი მნიშვნელოვანი, როგორც პოლიტიკური, ასევე პრაქტიკული თანამშრომლობის თვალსაზრისით ნატო-სთან. იცით, რომ 2030 წლების პოლიტიკური უსაფრთხოების ახალი კონცეპტუალური დოკუმენტი მზადდება…

მეტი...

“აშშ-სა და საქართველოს შორის ურთიერთობა არის ძალიან მაღალ ნიშნულზე ყველა მიმართულებით” – ნათია თურნავა

აშშ-ის სახელმწიფო მდივნის მოადგილის, ქით ქროქის შეფასება არის ძალიან ზუსტი. ჩვენს ორ ქვეყანას შორის ურთიერთობა არის ძალიან მაღალ ნიშნულზე ყველა ასპექტითა და მიმართულებით. განსაკუთრებით გამოვყოფდი ეკონომიკურ თანამშრომლობას, – ასე შეაფასა საქართველოს ეკონომიკისა და მდგრადი განვითარების მინისტრმა, ნათია თურნავამ აშშ -ის სახელმწიფო მდივნის მოადგილის, ქით ქროქის ინტერვიუ, რომელიც მან „ამერიკის ხმის“ ქართულ რედაქციას მისცა. როგორც ნათია თურნავამ აღნიშნა, რამდენიმე დღის წინ ხელი მოეწერა მნიშვნელოვან მემორანდუმს „სუფთა ქსელის“ ინიციატივასთან საქართველოს მიერთების თვალსაზრისით, რაც ხსნის ახალ პერსპექტივებს ამერიკული ბიზნესებისთვის, რომლებიც უფრო მეტი ნდობით მოეკიდებიან საქართველოში ინვესტირებას. მინისტრის განცხადებით, ქით ქროქის შეფასება, რომ ახლა ამერიკა-საქართველოს ეკონომიკური თანამშრომლობის „ბიზნესგეგმა“ უნდა შეიქმნას, ეს ზუსტი ტერმინია და საქართველოსა და აშშ-ს შორის თანამშრომლობის…

მეტი...

ნორვეგიაში Pfizer-ის ვაქცინის მიღების შემდეგ 23 ადამიანი გარდაიცვალა – ნორვეგიული მედია

ნორვეგიაში, Pfizer-ის მიერ წარმოებული კოვიდ 19-ის ვაქცინის მიღების შემდეგ, გვერდითი ეფექტებით 23 ადამიანი გარდაიცვალა – ამის შესახებ ნორვეგიის მედიკამენტების სააგენტო იტყობინება. აღნიშნული ლეტალური შემთხვევები დაუფიქსირდა იმ ადამიანებს, რომელთა ასაკიც 80 წელზე მეტი იყო და მათ იმუნიტეტი დასუსტებული ჰქონდათ. ამის შესახებ ნორვეგიის მედიკამენტების სააგენტოზე დაყრდნობით წერს RIA. Norwaytoday-ის ცნობით, ამ ეტაპისთვის ნორვეგიის მედიკამენტების სააგენტო 13 ადამიანის გარდაცვალებას კოვიდ 19-ის საწინააღმდეგო ვაქცინის გვერდითი მოვლენებს უკავშირებს, ხოლო დანარჩენი ფატალური შემთხვევის მიზეზის დადგენა ჯერ კიდევ დამუშავების პროცესშია. გავრცელებული ინფორმაციით, დაღუპულები ხანდაზმულები და ფიზიკურად სუსტები იყვნენ. “საერთო გვერდითმა ეფექტებმა mRNA-ვაქცინებისგან, როგორიცაა ციებცხელება და ღებინება ზოგიერთი დასუსტებული პაციენტის გარდაცვალებამდე შეიძლება…

მეტი...

ოკუპირებული აფხაზეთის ე.წ. საგარეო უწყება იენს სტოლტენბერგს პასუხობს

აფხაზეთის ოკუპირებული რეგიონის ე.წ. საგარეო საქმეთა სამინისტრო მოუწოდებს ნატო-ს, უარი თქვას „ორმაგი სტანდარტების პრაქტიკაზე და რეგიონის ქვეყნების მეგობრებად და მტრებად დაყოფაზე”. „იენს სტოლტენბერგის თქმით, ისეთი ქვეყნების სუვერენიტეტი, როგორიცაა საქართველო ან უკრაინა, ნატო-სთვის წმინდაა და ალიანსის ხელმძღვანელის სიტყვებით, მზადაა დაიცვას ეს ქვეყნები ნებისმიერი, თუნდაც წარმოსახვითი ხელყოფისაგან. ნატო-ს ლიდერი საქართველოსა და უკრაინის უფლების, თავად გადაწყვიტონ თავიანთი მომავალი, ეჭვქვეშ დაყენებას ფიქრებშიც კი არ უშვებს. ამავე დროს, სტოლტენბერგის ლოგიკით, არსებობენ სხვა სახელმწიფოები, რომლებიც ნატო-ს კრიტერიუმებს ვერ აკმაყოფილებენ და რომლებსაც, მისი აზრით, არ აქვთ უფლება, დამოუკიდებლად გადაწყვიტონ თავიანთი ბედი. ეჭვგარეშეა, რომ ნატო-ს ხელმძღვანელობა აფხაზეთის რესპუბლიკას ამ…

მეტი...

“ვაქცინის დანერგვის გეგმაზე, ჩვენთან ერთად, 80-ზე მეტი ექსპერტი მუშაობდა” – თამარ გაბუნია

ვაქცინის დანერგვის გეგმაზე, ჩვენთან ერთად,  80-ზე მეტი ექსპერტი მუშაობდა, როგორც ადგილობრივი, ასევე საერთაშორისო ორგანიზაციებიდან, – ამის შესახებ ჯანდაცვის მინისტრის მოადგილემ, თამარ გაბუნიამ, ვაქცინაციის კომისიის შეხვედრის შემდეგ, ვაქცინაციის ეროვნულ გეგმაზე საუბრისას განაცხადა. მისივე თქმით, პროცესი იყო ძალიან წარმომადგენლობითი და რამდენიმე კვირა დასჭირდა ყველა იმ დეტალის დაზუსტებას, რომელიც გეგმაშია ასახული, როგორც პრიორიტეტული ჯგუფების განსაზღვრის, ასევე ტექნიკური დეტალების დაზუსტების კუთხით. „ეს ითვალისწინებს ცივი ჯაჭვის მოთხოვნების შესრულების შესაძლებლობებს, ასევე მარეგულირებელ გარემოს, რა თქმა უნდა, ვაქცინაციის პროგრამასთან დაკავშირებულ უსაფრთხოების საკითხებს, რადგან გვერდითი რეაქციების მონიტორინგი და მართვა უნდა განხორციელდეს აუცილებლად საერთაშორისო პრაქტიკასთან შესაბამისობაში. დღეს ეს პროცესი უკვე დასრულებულია…

მეტი...

“საერთაშორისო და ადამიანის უფლებების დაცვის სტანდარტებთან მიმართებით ვაქცინაციის გეგმასთან შენიშვნები არ გვაქვს” – ნინო ლომჯარია

ჩვენ შევაფასეთ, რამდენად შეესაბამებოდა ვაქცინაციის ეროვნულ გეგმაში მოცემული პრიორიტეტული მიმართულებები თუ კატეგორიები საერთაშორისო სტანდარტებს და ადამიანის უფლებების დაცვის სტანდარტებთან მიმართებით გეგმასთან შენიშვნები არ გვაქვს, – ამის შესახებ საქართველოს სახალხო დამცველმა, ნინო ლომჯარიამ პრემიერ-მინისტრთან კოვიდვაქცინაციის პროცესის შეუფერხებელი უზრუნველყოფის მიზნით შექმნილი სპეციალური კომისიის წევრების შეხვედრის შემდეგ განაცხადა, რომელიც დღეს მთავრობის ადმინისტრაციაში გაიმართა. ომბუდსმენის ინფორმაციით, სახალხო დამცველი უშუალოდ იყო ჩართული ვაქცინაციის ეროვნული გეგმის შემუშავების პროცესში. „ჩვენ შევაფასეთ, რამდენად შეესაბამებოდა გეგმაში მოცემული პრიორიტეტული მიმართულებები თუ კატეგორიები ჯანმრთელობის მსოფლიო ორგანიზაციისა და გაერო-ს ორგანიზაციების მიერ აღიარებულ პრიორიტეტულ ჯგუფებს და გათვალისწინებული იყო თუ არა ის პრინციპები, რაც საერთაშორისო სტანდარტებით გათვალისწინებული უნდა…

მეტი...

ტრამპი ბაიდენის ინაუგურაციის დღეს სამხედრო აღლუმს გამართავს

დონალდ ტრამპი თავის გამოსამშვიდობებელ ღონისძიებას მერილენდის სამხედრო ავიაბაზაზე გამართავს ოთხშაბათს, რამდენიმე საათით ადრე ვიდრე მოხდება მისი მემკვიდრის, ამერიკის 46-ე პრეზიდენტის, ჯო ბაიდენის ინაუგურაცია ვაშინგტონში, კაპიტოლიუმის შენობაში. ამის შესახებ ინფორმაციას THE GUARDIAN-ი ავრცელებს. აღნიშნულ ღონისძიებაზე სამხედროების გარდა აგრეთვე იქნებიან ტრამპის მხარდამჭერები, მისი კაბინეტის უკვე ყოფილი წევრებიც, მათ შორის იქნება ვიცე-პრეზიდენტი, მაიკ პენსი. გავრცელებული ინფორმაციით, ტრამპი დიდ, მასშტაბურ აღლუმს არ ჩაატარებს და მას სიმბოლური გამოსამშვიდობებელის სტატუსი ექნება. ამავე დღეს ვაშინგტონში გამართულ პრეზიდენტის ინაუგურაციას კი დონალდ ტრამპი არ დაესწრება. დამსწრეებს ეკრძალებათ თან ცეცხლსასროლი იარაღისა და საბრძოლო მასალის ქონა.

მეტი...

ინაუგურაციას ტრაპმი ჰაერში შეხვდება, ჯო ბაიდენს კი 25 000-მდე გვარდიელი დაიცავს

ჯო ბაიდენის ინაუგურაციას მსოფლიოში უპრეცენდენტო უსაფრთხოება ექნება. აშშ-ში მობილიზებული გვარდიელების უსაფრთხოება ავღანეთსა და ერაყში ამერიკის სამხედრო მისიასაც კი აჭარბებს. აშსს- პრეზიდენტის 46-ე პრეზიდენტი ინაუგურაციამდე ერთი დღე რჩება. ჯო ბაიდენის ინაუგურაციის ცერემონიალს აშშ უპრეცენდენტო უსაფრთხოებით ხვდება.  ფიცის დადება კაპიტოლიუმის წინ მოხდება. მოქმედი პრეზიდენტ კი ღონისძიებას არ დაესწრება. დონალდ ტრამპი ცერემონიალის მსვლელობისას ჰაერში იქნება და ის „პალმ ბიჩზე“ მიემგზავრება. ჯო ბაიდენის ინაუგურაცია გამორჩეულია სხვა ინაუგურაციასთან შედარებით იმ კუთხითაც, რომ დაცვის უპრეცენდენტო რაოდენობაა მობილიზებული.  თუ ტრამპის ინაუგურაციას 8 000-მდე გვარდიელი იცავდა, ამ შემთხვევაში, აშშ-ში 25 000-მდე გვარდიელის მობილიზება მოხდა. ეს ციფრი იმდენად დიდია, რომ…

მეტი...

ჯო ბაიდენი ემიგრანტებს მოქალაქეობის მისაღებად რვაწლიან პერიოდს შესთავაზებს

ჯო ბაიდენი ემიგრანტებს მოქალაქეობის მიღებისთვის რვაწლიან გზას შესთავაზებს. ამის შესახებ ინფორმაციას „ესოშიეთიდ პრესი“ ავრცელებს. აშშ-ის არჩეული პრეზიდენტი, ჯო ბაიდენი საიმიგრაციო კანონპროექტის გამოქვეყნებას ადმინისტრაციის პირველ დღეს გეგმავს. კანონპროექტი ლეგალური სტატუსის გარეშე აშშ-ში მცხოვრებ დაახლოებით 11 მილიონ ადამიანს მოქალაქეობისკენ 8-წლიანი გზის გავლას შესთავაზებს. მსგავსი საიმიგრაციო პოლიტიკა ტრამპის მკაცრი პოლიტიკისგან რადიკალურად განსხვავებულია. კანონპროექტი ბაიდენს ლათინოამერიკელი ამომრჩევლებისა და სხვა ემიგრანტების მიმართ წინასაარჩევნო კამპანიის დროს გაცემული მთავარი დაპირების შესრულების გზაზე აყენებს. „ესოშიეთიდ პრესის“ ინფორმაციით, აშშ-ის არჩეული პრეზიდენტი კანონპროექტის წარდგენას ინაუგურაციის შემდეგ გეგმავს. კანონპროექტის მიხედვით, 2021 წლის პირველი იანვრის მდგომარეობით, აშშ-ში ლეგალური სტატუსის გარეშე მცხოვრებ ადამიანებს ხუთწლიანი…

მეტი...

“ნავალნი საქართველოსთან მიმართებაში არის ისეთივე “დერჟიმორდა” იმპერიალისტი, როგორიც პუტინი – პატარა პუტინია” – გიორგი ბარამიძე

„ნაციონალური მოძრაობის“ წევრი გიორგი ბარამიძე რუსი ოპოზიციონერის ალექსეი ნავალნის შესახებ წერს და პუტინის რეჟიმის დაშლაში წარმატებებს უსურვებს. „დღეს იგი პუტინმა დაიჭირა, მას შემდეგ რაც ვაჟკაცურად არ შეუშინდა და ჩავიდა რუსეთში. იგი დღეს პუტინს ებრძვის და მისი ქმედებები მიმართულია ამ რეჟიმის მხილებისა და დამარცხებისაკენ. ამიტომ ამაში მას წარმატებას ვუსურვებ, ისემც უქნიათ რო აირიონ და თავისი თავის გარდა სხვა ვერავინ გაახსენდეთ! ამავდროულად, ნავალნი საქართველოსთან მიმართებაში არის ისეთივე “დერჟიმორდა” იმპერიალისტი, როგორიც არის პუტინიც. “პატარა პუტინია”. ამიტომ, როგორც ქართველი პატრიოტი, იგი ჩემთვის არა თუ კარგი პოლიტიკოსი არაა, არამედ არც ცივილიზირებული და საღადმოაზროვნე პატიოსანი ადამიანიც კი არაა და მას წარმატებას მხოლოდ…

მეტი...

გიორგი გახარია სამხრეთ კავკასიაში მსოფლიო ბანკის რეგიონულ დირექტორს, სებასტიან მოლინეუსს შეხვდა

შესანიშნავი შეხვედრა იყო, ჩვენი მოსაზრებები თანხვედრაშია იმ წარმატებული თანამშრომლობის შესახებ, რომელიც საქართველოს მთავრობასა და მსოფლიო ბანკს ბოლო წლების განმავლობაში აკავშირებს, – ამის შესახებ სამხრეთ კავკასიაში მსოფლიო ბანკის (WB) რეგიონულმა დირექტორმა, სებასტიან მოლინეუსმა საქართველოს პრემიერ-მინისტრ გიორგი გახარიასთან გამართული შეხვედრის შემდეგ განაცხადა. მთავრობის ადმინისტრაციის პრესსამსახურის ცნობით, შეხვედრის მთავარი განსახილველი საკითხები საქართველოსა და მსოფლიო ბანკს შორის ეფექტური და წარმატებული თანამშრომლობა, ვაქცინაციის სამოქმედო გეგმა, ქვეყნის ევროინტეგრაცია და სტრუქტურული რეფორმების დღის წესრიგი იყო. სებასტიან მოლინეუსმა დაადასტურა მსოფლიო ბანკის მზაობა, მხარი დაუჭიროს ევროკავშირში ინტეგრაციის კუთხით, საქართველოს მთავრობის უმთავრეს გეგმას – 2024 წლისათვის წევრობის ოფიციალური განაცხადის მომზადებასთან…

მეტი...

COVID-19-ის ე.წ ბრიტანული შტამი ჩეხეთსა და იაპონიაშიც დადასტურდა

მსოფლიოში კორონავირუსით ინფიცირების მაჩვენებელმა 96 მილიონს გადააჭარბა. COVID-19-ის ე.წ ბრიტანული შტამი დადასტურდა ჩეხეთსა და იაპონიაში. მონაცემები მზარდია გერმანიაში, სადაც შესაძლოა პანდემიის გამო დაწესებული შეზღუდვები კიდევ უფრო გამკაცრდეს. გასულ დღე-ღამეში, ინფიცირების რეკორდული რაოდენობა დადასტურდა პორტუგალიაში. ჩინეთში კი ზედიზედ მეშვიდე დღეა ახალი შემთხვევების რიცხვი 100-ს აჭარბებს. მონაცემების მატების გამო ე.წ კომენდანტის საათის ორი კვირით დაწესება იგეგმება კოლუმბიის დედაქალაქში. ავსტრიის კანცლერის გადაწყვეტილებით კი ქვეყნის მასშტაბით საზოგადოებრივ ტრანსპორტსა და სავაჭრო ობიექტებში პირბადის ტარება 25 იანვრიდან სავალდებულო გახდება. ვაქცინაციის ფარგლებში ჯანდაცვის მსოფლიო ორგანიზაცია ქვეყნებსა და მწარმოებელ კომპანიებს ვაქცინის სამართლიანად გადანაწილებისკენ მოუწოდებს.

მეტი...

კორონავირუსის გამო, პარიზის დისნეილენდის ხელახალი გახსნა 2 აპრილამდე გადაიდო

პარიზის დისნეილენდის ხელახალი გახსნა „კოვიდ-19“-ის გამო 2 აპრილამდე გადაიდო. ინფორმაციას სააგენტო „როიტერი“ დისნეილენდის განცხადებაზე დაყრდნობით ავრცელებს. „ევროპაში არსებული მდგომარეობის გამო, პარიზის დისნეილენდი, როგორც დაგეგმილი იყო, 13 თებერვალს არ გაიხსნება. თუ მდგომარეობა საშუალებას მოგვცემს, ჩვენ პარიზის დისნეილენდს 2021 წლის 2 აპრილს ხელახლა გავხსნით“, – შესაბამისი განცხადება დისნეილენმა „ტვიტერში“ გაავრცელა. პანდემიის დაწყებიდან დღემდე, საფრანგეთში კორონავირუსის დადასტურებული შემთხვევების რაოდენობა სამ მილიონს აღწევს. პანდემიამ ქვეყანაში 70 000-ზე მეტი ადამიანის სიცოცხლე იმსხვერპლა. როგორც „როიტერი“ წერს, ვაქცინაციის დაწყებიდან დღემდე, საფრანგეთში კორონავირუსის საწინააღმდეგო ვაქცინა 422 000-ზე მეტ ადამიანს გაუკეთდა.

მეტი...

კოვიდგადატანილი პაციენტების მესამედი, რომლებსაც ჰოსპიტალიზაცია დასჭირდათ, კვლავ საავადმყოფოებში მოხვდა

კოვიდგადატანილი პაციენტების მესამედი, რომლებსაც ჰოსპიტალიზაცია დასჭირდათ, კვლავ საავადმყოფოებში მოხვდა, სადაც, საშუალოდ ყოველი მეათე მათგანი დაიღუპა,- CNN-ის ინფორმაციით, ამის შესახებ ბრიტანელი მეცნიერების კვლევაშია აღნიშნული. ბრიტანეთის ეროვნული სტატისტიკის ოფისის, ლესტერის უნივერსიტეტისა და სხვა მეცნიერთა ჯგუფმა 48 000-მდე იმ ადამიანის მონაცემები შეისწავლა, რომლებიც, აგვისტოს ბოლო პერიოდამდე, კორონავირუსის გამო საავადმყოფოებში მკურნალობდნენ. მათ 140 დღის, ანუ დაახლოებით 5 თვის მანძილზე აკვირდებოდნენ. „საავადმყოფოებიდან გაწერილი ადამიანების თითქმის მესამედი სამკურნალო დაწესებულებებში ხელახლა მოხვდა და ყოველ 10 ადამიანში ერთზე მეტი გარდაიცვალა“, – წერს გუნდი კვლევის წინასწარ შედეგებში, რომელიც ჯერჯერობით სამედიცინო ჟურნალის მიერ განხილული არ არის, თუმცა ინტერნეტში განთავსებულია. კვლევის ავტორების…

მეტი...

მსოფლიოში კორონავირუსით ინფიცირებულების საერთო რაოდენობამ 96 მილიონს გადააჭარბა

მსოფლიოში კორონავირუსით დაინფიცირებულების საერთო რაოდენობამ 96 მილიონს გადააჭარბა, – შესაბამის მონაცემებს worldometers აქვეყნებს. მათივე ინფორმაციით, მსოფლიოში პანდემიის დაწყების დროიდან კოვიდ 19-ით 2 049 238 პაციენტი გარდაიცვალა, გამოჯანმრთელებულთა რაოდენობამ კი 68 მილიონს გადააჭარბა. ამ დროისთვის მსოფლიოში კოვიდ -19-ით ინფიცირების 25 328 747აქტიური შემთხვევა ფიქსირდება. კორონავირუსით დაინფიცირების ყველაზე მეტი შემთხვევა აშშ-შია დადასტურებული, მეორე ადგილს ინდოეთი იკავებს, მესამეს – ბრაზილია, მეოთხეს – რუსეთი, მეხუთეზე კი – გაერთიანებული სამეფოა.

მეტი...

ისრაელში ვაქცინაცია დაჩქარებული ტემპებით მიმდინარეობს

მსოფლიო ქვეყნებს შორის ისრაელი გამორჩეული აღმოჩნდა, რომელმაც ყველას დაასწორო და კოვიდ ვაქცინების გამოყენებით მაქსიმუმს მიაღწია. ამ ეტაპისთვის, ისრაელის მოსახლეობის 25%-მა ვაქცინა გაიკეთა.  ადგილობრივი მედიის ინფორმაციით, ისრაელში „კოვიდ 19“-ის ვაქცინა 2 მილიონზე მეტმა ადამიანმა გაიკეთა და ვაქცინაცია სწრაფი ტემპებით გრძელდება. ისრაელის პრემიერ-მინისტრ ბენიამინ ნეთანიაჰუს შეფასებით, მსოფლიოში ისრაელი პირველი ქვეყანა იქნება, რომელიც კორონავირუსს სწრაფად დაამარცხებს.

მეტი...

„ვაქცინების განაწილების კუთხით მსოფლიო „კატასტროფული ზნეობრივი მარცხის” პირასაა“ –  ჯანმო

კორონავირუსის საწინააღმდეგო ვაქცინებთან დაკავშირებით, მსოფლიოს ქვეყნები დასწრებაზეა. ჯანდაცვის მსოფლიო ორგანიზაციის ხელმძღვანელი, ტედროს ადჰანომ გებრეისუსის განცხადებით, „კოვიდ-19“-ის საწინააღმდეგო ვაქცინების განაწილების კუთხით მსოფლიო „კატასტროფული ზნეობრივი მარცხის” პირასაა. ჯანდაცვის მსოფლიო ორგანიზაცია ვაქცინის მწარმოებელ ქვეყნებს მოუწოდებს, ვაქცინები სამართლიანად გაანაწილონ, ისე, რომ ყველამ თანაბრად მიიღოს. ტედროს ადჰანოს ინფორმაციით, შარშან, ჯერ არარსებული ვაქცინების მიწოდებაზე 44 ხელშეკრულება გაფორმდა, წელს კი 12. ჯანმო ფიქრობს, რომ არსებულმა ვითარებამ შესალოა, ვაქცინების ხელმისაწვდომობის პრობლემა შექმნას.   „აღნიშნულმა ვითარებამ, შეიძლება, COVAX-ის ფარგლებში დაგეგმილი მიწოდება შეაფერხოს და შექმნას სწორედ ის სცენარი, ქაოტური ბაზრით და არაკოორდინირებული რეაქციით, რომლის თავიდან ასაცილებლადაც COVAX-ი შეიქმნა,“- ფიქრობს ტედროს ადჰანომ…

მეტი...

ვაქცინის პირველი დოზა 2021 წლის პირველი კვარტალში შემოვა – ვის შეხვდება პირველი დოზა?! 

საქართველოში კორონავირუსის ვაქცინის პირველი დოზების შემოტანის დათქმული დრო 2021 წლის პირველი კვარტალია. ამის შესახებ, ჯანდაცვის მინისტრის მოადგილე თამარ გაბუნიამ ჟურნალისტებს განუცხადა. მისივე თქმით, ქვეყანა მზადაა, სამივე ტემპერატურული რეჟიმის ვაქცინა მიიღოს. „ვაქცინის დანერგვის გეგმის ტექნიკურ ნაწილზე მუშაობა პარასკევს დასრულდა. მასში 82 სპეციალისტი იყო ჩართული. ამ ეტაპისთვის, ტექნიკური სამუშაო დასრულებულია. ჯანდაცვის სამინისტროს იურიდიული დეპარტამენტი ამზადებს უკვე გეგმის ვერსიას, რაც მთავრობის ადმინისტრაციაში დასამტკიცებლად გამოიგზავნება. ვფიქრობ, რომ კვირის ბოლომდე ეს დასრულდება. გეგმაში განსაზღვრულია სამი ეტაპი, რის მიხედვითაც მაღალი რისკის ჯგუფებიდან მოხდება ვაქცინაცია, მოსახლეობის იმ ჯგუფებამდე, რომელსაც რისკი მაღალი არ აქვს, თუმცა იმუნიტეტის განვითარებისთვის მათი მოცვა…

მეტი...

პანდემიის გამო, დიდი ბრიტანეთი „სამოგზაურო დერეფანს“ კეტავს

18 იანვრიდან დიდი ბრიტანეთი მოგზაურებისთვის საზღვარს ჩაკეტავს. აღნიშნული გადაწყვეტილება, კორონავირუსის ახალი შტამის გავრცელებას უკავშირდება. ახალი შეზღუდვით, გაერთიანებულ სამეფოში ჩასული ნებისმიერი ადამიანი ვალდებულია კორონავირუსზე ჩატარებული ტესტის დასკვნა წარადგინოს. გაერთიანებული სამეფოს პრემიერ-მინისტრის, ბორის ჯონსონის განცხადებით, ყველას, ვინც ბრიტანეთის საზღვარს გადაკვეთს, მოუწევს, 10-დღიანი კარანტინი გაიაროს. ახალი შეზღუდვები, 18 იანვრიდან 15 თებერვლამდე იმოქმედებს. შემდეგი რეგულაციები კი ქვეყანაში არსებული ვითარების შესაბამისად იქნება მიღებული. ბრიტანეთში კორონავირუსის შემთხვევები მზარდია და ბოლო 24 საათში 55 761 ახალი შემთხვევა დაფიქსირდა. მზარდია გარდაცვალებულთა რაოდენობაც.

მეტი...

“საქართველოში ოლიგარქი, რომელიც ტრამპის გამოძახილია, ამბობს, რომ პოლიტიკიდან მიდის, ბევრს მისი არ სჯერა” – Washington Post

საქართველოში ოლიგარქი, რომელიც ტრამპის გამოძახილია ამბობს, რომ პოლიტიკიდან მიდის. ბევრს მისი არ სჯერა, – ამ სათაურით აქვეყნებს სტატიას Washington Post-ი. „დაახლოებით ათი წელია საქართველოს საკუთარი ტრამპული ისტორია აქვს: მილიარდელი, რომელმაც პოლიტიკური ძალა ააგო, რამაც იგი შავი ზღვისა და კავკასიის ქვეყნის დე-ფაქტო ლიდერად აქცია. ახლა, 64 წლის ოლიგარქი, ბიძინა ივანიშვილი ამბობს, რომ ყველაფერს აკეთებს იმისთვის, რათა თავისი ბედი ქველმოქმედებისკენ წარმართოს“, – წერია სტატიაში. როგორც სტატიის ავტორი წერს, ეს შთამაგონებელი ამბავია, განსაკუთრებით კი მაშინ, როცა პოსტსაბჭოთა სახელმწიფოების ლიდერები ხშირად ძალაუფლებას ეჭიდებიან და იშვიათად მიდიან საკუთარი ნებით. „პრობლემა იმაშია, რომ ამის, ივანიშვილის პოლიტიკური ოპონენტებიდან და რეგიონალური პოლიტანალიტიკოსებიდან…

მეტი...

მსოფლიოში „კოვიდ-19“-ით გარდაცვლილთა საერთო რაოდენობამ ორ მილიონს გადააჭარბა

მსოფლიოში „კოვიდ-19“-ით გარდაცვლილთა საერთო რაოდენობამ ორ მილიონს გადააჭარბა. ჯონ ჰოფკინსის უნივერსიტეტის მონაცემების მიხედვით, ვირუსის გავცრელებიდან დღემდე, მთელ მსოფლიოში „კოვიდ-19“-ით 2 000 905 ადამიანია გარდაცვლილი. ეპიდემიის  გავრცელებიდან დღემდე, მსოფლიოში კორონავირუსის 93 418 283 შემთხვევაა დადასტურებული. როგორც ვირუსის გავრცელბის, ისე  ლეტალური შემთხვევების კუთხით ყველაზე რთული მდგომარეობა ამერიკის შეერთებულ შტატებშია, მას მოჰყვება ინდოეთი, ბრაზილია და რუსეთი.

მეტი...

აშშ 46-ე პრეზიდენტის ინაუგურაციისთვის ემზადება

აშშ-ში ინაუგურაციისთვის ემზადებიან. როდესაც ჯო ბაიდენი ისტორიულ ფიცს დადებს, ვაშინგტონში საგანგებო მდგომარეობა იმოქმედებს. თუ აქამდე პრეზიდენტის ინაუგურაციას კაპიტოლიუმის კიბეებთან 200 000 სტუმარი ჰყავდა, წელს მათმა რიცხვმა 1000-მდე იკლო. მიზეზი მხოლოდ COVID- 19 არ არის, 6 იანვარს კაპიტოლიუმზე შტურმმა ქვეყანაში უსაფრთხოების ნორმები გააასმაგა. ამერიკის ეროვნული ჰიმნის შესრულების პატივი წელს მუსიკალური სამყაროს გამორჩეულ ვარსკვლავს, ლედი გაგას ერგო, რომელიც ჯო ბაიდენს საპრეზიდენტო კამპანიის დროსაც გულშემატკივრობდა. ინაუგურაციის დღეს ის სპეციალურად მოწყობილ სცენაზე ერთადერთი ვარსკვლავი არ იქნება. ჯენიფერ ლოპესი გაგას სცენაზე ინდივიდუალური შესრულებით ჩაანაცვლებს. ჯო ბაიდენი ბიბლიაზე ფიცს კამალა ჰარისთან ერთად დადებს, რომელიც პირველი ქალი ვიცე-პრეზიდენტია აშშ-ის ისტორიაში. ისინი სცენაზე ოჯახებთან ერთად…

მეტი...

“არჩევნები იყო კონკურენტული, ის ფუნდამენტური თავისუფლებების დაცვით ჩატარდა” – ევროსაბჭოს საპარლამენტო ასამბლეა

მიუხედავად საარჩევნო სისტემის თაობაზე მიღწეული შეთანხმებისა, საქართველოში პოლიტიკური კლიმატი კვლავ პოლარიზებული და სადავო რჩება. ამის შესახებ საუბარია ევროსაბჭოს საპარლამენტო ასამბლეის 2020 წლის მონიტორინგის ანგარიშში, რომელიც ასამბლეის ვებგვერდზე გამოქვეყნდა. ანგარიშში ნათქვამია, რომ საქართველოში საპარლამენტო არჩევნებს აკვირდებოდნენ საერთაშორისო და ადგილობრივი დამკვირვებლები, რომელთაც ერთხმად დაასკვნეს, რომ არჩევნები იყო კონკურენტული, ის ჩატარდა ფუნდამენტური თავისუფლებების დაცვით და პარტიებს შესაძლებლობა ჰქონდათ კამპანია თავისუფლად ეწარმოებინათ. აქვე საუბარია, რომ დამკვირვებლებმა მიუთითეს არათანაბარ გარემოზე, ადმინისტრაციული რესურსების ბოროტად გამოყენებაზე, კამპანიის დაფინანსების და გამჭვირვალობის სუსტ რეგულაციებზე, რამაც აშკარა ფინანსური უპირატესობა მისცა გარკვეულ პარტიებს, მათ შორის მმართველ პარტიას. დამკვირვებლებმა ასევე მიუთითეს ზოგიერთ საარჩევნო…

მეტი...

ნატო-ს პრესსპიკერი – იენს სტოლტენბერგი საქართველოს პრეზიდენტს შეხვდება

ნატო-ს გენერალური მდივანი, იენს სტოლტენბერგი საქართველოს პრეზიდენტს, სალომე ზურაბიშვილს შეხვდება, – ამის შესახებ ნატო-ს პრესსპიკერი ოანა ლუნგესკუ სოციალურ ქსელ „ტვიტერში“ წერს. მისივე ინფორმაციით, შეხვედრა 22 იანვარს, ნატო-ს შტაბბინაში გაიმართება. შეხვედრის შემდეგ მედიისთვის ერთობლივი პრესკონფერენცია გაიმართება, რომელიც, თბილისის დროით, 16:15 საათზე (ბრიუსელის დროით 13:15 საათზე) დაიწყება.

მეტი...

„იაპონჩიკის“ მკვლელობისთვის ქართველ მამაკაცზე ძებნა გამოცხადდა

11 წლის შემდეგ, კრიმინალური „ავტორიტეტის“ ვიაჩესლავ ივანკოვის მკვლელობის ფიგურანტთა წრე ფართოვდება. 13 იანვარს მოსკოვის სასამართლომ დაპატიმრების სანქცია გასცა ნუგზარ პაპავაზე, რომელიც 2009 წელს მომხდარი გახმაურებული მკვლელობის ერთ-ერთ ორგანიზატორად მიიჩნევენ. ნუგზარ პაპავასთან ერთად ამავე საქმეზე ბრალი წარედგინა ვინმე ასტამურ ბუთბას. ორივე მათგანზე ძებნა გამოცხადდა. ვიაჩესლავ ივანკოვს კრიმინალურ წრეებში „იაპონჩიკის“ მეტსახელით იცნობდნენ. ის ქურდულ სამყაროში დიდი გავლენით სარგებლობდა. ვიაჩესლავ ივანკოვი მოკლეს 2009 წლის 28 ივლისს, საღამოს, როდესაც ის ტოვებდა რესტორანს Thai Elephant, ხოროშევსკოეს გზატკეცილზე. მას სნაიპერული შაშხანიდან (SVD) ესროლეს. მკვლელობის ბრალდებით სასჯელს ორი პირი იხდის, თუმცა, როგორც ჩანს წლების შემდეგ ამ საქმეში…

მეტი...

ტრამპის ადმინისტრაციის თანამშრომლები თეთრი სახლის ოფისებს ცლიან

ჯო ბაიდენის ინაუგურაციამდე 5 დღით ადრე თეთრი სახლის თანამშრომლები თავიანთ ოფისებს ცლიან. ამერიკის შეერთებული შტატების მოქმედი პრეზიდენტის, დონალდ ტრამპის, ადმინისტრაციის თანამშრომლებს საკუთარი ნივთები სატვირთო ავტომობილებით გადააქვთ. ბაიდენის ინაუგურაცია 20 იანვარს შედგება. ცნობილია, რომ ღონისძიებას დონალდ ტრამპი არ დაესწრება.

მეტი...

ინდონეზიაში 6.2 მაგნიტუდის სიმძლავრის მიწისძვრა მოხდა, დაღუპულია 7 ადამიანი

ინდონეზიაში, სულავესის კუნძულზე, 6.2 მაგნიტუდის სიმძლავრის მიწისძვრას სულ მცირე შვიდი ადამიანის სიცოცხლე ემსხვერპლა, – ამის შესახებ ინფორმაციას The Guardian-ი ავრცელებს. გამოცემის ცნობით, დაშავებულია ასობით მოქალაქე, დანგრეულია შენობები. მედიის ცნობით, მიწისძვრის ეპიცენტრი ქალაქ მაჯენთან ახლოს მიწისქვეშ ათი კილომეტრის სიღრმეში დაფიქსირდა. სტიქიის შედეგად მაჯენში ოთხი ადამიანი დაიღუპა, 637 კი – დაშავდა. სამი ადამიანი კი, მეზობელ მამუჯუს რაიონში დაიღუპა. მიწისძვრის გამო კუნძულს ელექტროენერგიის მიწოდება შეუწყდა. სოციალურ მედიაში ვრცელდება ვიდეოები, სადაც ჩანს დანგრეული შენობები და პანიკაში ჩავარდნილი მოსახლეობა. ერთ-ერთ ვიდეოში მამაკაცი ადამიანებს ნანგრევებში მოყოლილი შვილების გადარჩენაში დახმარებას სთხოვს.

მეტი...

იტალიაში მაფიის 66 წლის ბოსს ბრალდება წაუყენეს – ყველაზე მასშტაბური სასამართლო პროცესი

იტალიაში, ბოლო 30 წლის განმავლობაში ყველაზე მასშტაბური სასამართლო პროცესი იწყება. სასამართლოს წინაშე, კრიმინალური სინდიკატის, “ნდრანგეტას” 355 წევრი და მათთან დაკავშირებული კორუმპირებული ჩინოვნიკები და ბიზნესმენები წარსდგებიან. მათ ბრალად ედებათ 1990 ან 2019 წლამდე ჩადენილი, უამრავი ძალადობრივი დანაშაული, მათ შორის მკვლელობები, ნარკოვაჭრობა, რეკეტი, ფულის გათეთრება და სხვა. პროცესის მთავარი გმირი, 62 წლის ცნობილი იტალიელი პროკურორი ნიკოლა გრატერი იქნება. მისი ხელმძღვანელობით ჩატარებული გამოძიება 2019 წელს ევროპის სხვადასხვა ქვეყანაში, დაკავებების სერიით დასრულდა. გამოძიების მთავარი მიზანი, ნდრანგეტას სინდიკატის ყველაზე მძლავრი კლანის, მანჩოზოს ოჯახის განეიტრალება იყო.  ბრალდებულთა სკამზე აღმოჩნდა კლანის მმართველი, 66 წლის “ბაბუა” ლუიჯი მანჩოზოც. იტალიაში, მსგავსი მასშტაბების სასამართლო პროცესი 1987 წელს გაიმართა.…

მეტი...