კატეგორია: საზოგადოება და სამართალი

ვაშინგტონს არ უნდა გაუწიოს შემდგომი დახმარება კიევს, რადგან ეს საფრთხეს უქმნის შეერთებული შტატების უსაფრთხოებას და ართულებს ამერიკის მოქალაქეების ცხოვრებას. ამის შესახებ ,,რესპუბლიკელმა” სენატორმა, რენდ პოლმა განაცხადა. ,,მარტივად რომ ვთქვათ: ჩვენ არ გვაქვს ზედმეტი ფული უკრაინაში გასაგზავნად. ჩვენი დეფიციტი წელს 1.5 ტრილიონ დოლარს გადააჭარბებს. ჩინეთიდან ფულის სესხება უკრაინაში გასაგზავნად უაზრობაა”, – აღნიშნა სენატორმა. მისი თქმით, უკრაინაში რუსეთის მიერ ომის დაწყებიდან ამერიკელმა გადასახადის გადამხდელებმა უკრაინას 113 მილიარდი დოლარი გამოუყვეს. ,,როდის დასრულდება დახმარების მოთხოვნა? როდის დასრულდება ომი? ვინმეს შეუძლია ამიხსნას როგორ გამოიყურება გამარჯვება უკრაინაში? პრეზიდენტ ბაიდენს რა თქმა უნდა არ შეუძლია. მისმა ადმინისტრაციამ…

სომხეთი დამოუკიდებლობის დღეს მასშტაბური პროტესტის ფონზე აღნიშნავს. ერევანში, რესპუბლიკის მოედანი რამდენიმე საათია გადაკეტილია. დაანონსებულია ფართომასშტაბიანი აქცია, პროტესტის მთავარი სამიზნე კი ქვეყნის პრემიერ მინისტრია. ნიკოლ ფაშინიანს ქვეყნის ღალატსა და ტერიტორიების დათმობაში ადანაშაულებენ. არსებული ინფორმაციით, გუშინ შეტაკებები დემონსტრანტებსა და პოლიციას შორის მთელი ღამე გრძელდებოდა, დაშავებულია ათობით ადამიანი, მათ შორის პოლიციელები. პოლიციამ აქციის 30-ი მონაწილე დააკავა, დაზიანებულია მთავრობის ადმინისტრაციის შენობა.

შეძლებდით თქვენი შვილის მოტაცებისა და დეპორტაციის ატანას? – ამ კითხვით გაერო-ს უშიშროების საბჭოში გამართული დებატების დროს ევროპული საბჭოს პრეზიდენტმა შარლ მიშელმა დამსწრეებს მიმართა. მან უკრაინელი ბავშვების რუსეთში იძულებით გადაყვანაზე ისაუბრა და აღნისნა, რომ ეს სინამდვილეში  ბავშვების დეპორტაციაა. ,,გეკითხებით ყველას, მათ შორის რუსეთის წარმომადგენლებს: შეძლებდით თქვენი შვილის მოტაცებისა და დეპორტაციის ატანას? შვილების დაცვით უკრაინელები იცავენ ყველაზე ძვირფასს: ოჯახებს, მომავალს, თავისუფლებას. სწორედ ამიტომ, ჩვენ, ევროკავშირი, მტკიცედ ვდგავართ უკრაინის გვერდით, რათა დავიცვათ თავი. მანამ, სანამ უდანაშაულოებს თავს დაესხმებიან, ჩვენ დავეხმარებით მათ თავის დაცვაში და ჩვენ მათ გვერდით დავრჩებით იმდენხანს, რამდენ ხანსაც საჭირო იქნება“,…

რუსეთის მთავრობამ შიდა ბაზრის სტაბილიზაციისთვის ბენზინისა და დიზელის ექსპორტი დროებით შეზღუდა. ამის შესახებ ინფორმაციას რუსული მედია რუსეთის მთავრობის პრესსამსახურზე დაყრდნობით ავრცელებს. ,,შიდა ბაზრის სტაბილიზაციის მიზნით მთავრობამ შემოიღო დროებითი შეზღუდვა საავტომობილო ბენზინისა და დიზელის საწვავის ექსპორტზე“, – ნათქვამია მთავრობის განცხადებაში, რომელსაც რუსული მედია ავრცელებს. რუსული მედიის ცნობით, ბოლო რამდენიმე თვე, საწვავის ფასი რუსეთში რეკორდულად მაღალ დონეზე იყო.

რუსეთმა ღამით კიევზე იერიში მიიტანა – დაშავებულია შვიდი ადამიანი.  კიევის მერის, ვიტალი კლიჩკოს განცხადებით, კიევში რამდენიმე აფეთქება მოხდა, ზოგ რაიონს არ მიეწოდება წყალი და ელექტროენერგია. „საჰაერო იერიშის დროს აფეთქება მოხდა, არიან დაშავებულები, ნამსხვრევები ჩამოვარდა გოლოშეევსკისა და შევჩენკოვსკის რაიონებში, სადაც გაზის მილი დაზიანდა. მაშველები ამ დრომდე ცდილობენ ხანძრის ჩაქრობას“, – წერს კლიჩკო.  

უკრაინის პრეზიდენტმა, ვოლოდიმირ ზელენსკიმ გაეროს უშიშროების საბჭოს მოუწოდა, დაიცვას გაეროს წესდება და რუსეთს ვეტოს უფლება ჩამოართვას. ინფორმაციას ამის შესახებ CNN-ი ავრცელებს. ვოლოდიმირ ზელენსკის თქმით, უკრაინელი ჯარისკაცები ბრძოლის ველზე თავიანთი სიცოცხლის ფასად აკეთებენ იმას, რაც გაეროს უშიშროების საბჭომ უნდა გააკეთოს კენჭისყრით. ,,ისინი [უკრაინელი ჯარისკაცები] აჩერებენ აგრესიას და იცავენ გაეროს წესდების პრინციპებს. ომის შეჩერება შეუძლებელია, რადგან აგრესორი ყველა მცდელობას ვეტოს ადებს”, – დასძინა ზელენსკიმ.

,,ევროკავშირი წევრ ქვეყნებს ავალდებულებს, პატივი სცენ ეროვნული ბანკის დამოუკიდებლობას”. გერმანიის ელჩი საქართველოში, პიტერ ფიშერი ეროვნული ბანკისა და ოთარ ფარცხალაძის გარშემო მიმდინარე მოვლენებს ეხმაურება. ,,ევროკავშირის 130-ე მუხლი ადგენს ეროვნული ბანკის დამოუკიდებლობას და ავალდებულებს ევროკავშირის წევრი ქვეყნების მთავრობებს, პატივი სცენ ამ პრინციპებს”, – წერს ფიშერი.

ყარაბაღში რამდენიმე საათია ცეცხლი შეწყვეტილია. არსებული ინფორმაციით, რეგიონის დე ფაქტო ხელისუფლებამ ბაქოს პირობები მიიღო და იარაღს დაყრის. საპასუხოდ კი ტერიტორიიდან გავლენ აზერბაიჯანული შენაერთებიც. ხვალიდან მხარეები მოლაპარაკებების მაგიდას მიუსხდებიან და ისე გააგრძელებენ ურთიერთობას.

,,ყველა ნიღაბი საბოლოოდ ჩამოხსნილია! საქართველოს ხელისუფლება ქვეყნის ევროპული გზის საბოტაჟს აპირებს”. ამის შესახებ ევროპარლამენტარმა ვიოლა ფონ კრამონმა ევროპარლამენტში საქართველო-ევროკავშირის ინტეგრაციის თემაზე გამართული დისკუსიის დროს განაცხადა. ,,ყველა ნიღაბი საბოლოოდ ჩამოხსნილია! საქართველოს ხელისუფლება ქვეყნის ევროპული გზის საბოტაჟს აპირებს. საბედნიეროდ, ქართველი ხალხი ამას არ მიიღებს. ახლა არ არის გზა უკან, რუსული ჭაობისკენ. შეზღუდულ თავისუფლებებსა და ავტოკრატიაში დასაბრუნებელი გზა არ არსებობს. საქართველოს ევროპული მომავლისკენ მხოლოდ ერთი გზაა. ქართველი ხალხი ძალიან განსხვავდება თავისი ხელისუფლებისგან. თბილისში, ბრიუსელში და განსაკუთრებით მოსკოვისთვის ხმის მისაწვდენად ყველა ქუჩაში გამოვიდა. ევროპული იდენტობა წყლის ჭავლით ვერ ჩამოირეცხება, ევროკავშირის დროშის დაწვა ევროპას ქართველთა…