კატეგორია: საზოგადოება და სამართალი

“მე რუსი ვარ” – სატრანსპორტო საშუალებებზე აღნიშნული წარწერის გამო, ლატვიაში  მძღოლებს დააჯარიმებენ. პოლიციის განცხადებით, “პოტენციურად პროვოკაციული წარწერები რუსულ ენაზე” მიუღებელი პრაქტიკაა. ქვეყნის პოლიციის სამმართველომ ეს განცხადება მას შემდეგ გააკეთა, რაც ინტერნეტში ლატვიური სანომრე ნიშნით ავტომობილის ფოტო გამოჩნდა, მინაზე წარწერით „მე ვარ რუსი“. ლატვიის პოლიციამ განმარტა, რომ უკრაინის ომის ფონზე, მანქანებზე „პოტენციურად პროვოკაციული წარწერების“ გამოყენება მიუღებელია. მანამდე გავრცელდა ინფორმაცია, რომ ლატვიის იუსტიციის სამინისტრო ამზადებს კანონპროექტს, რომელიც საშუალებას მისცემს ქვეყნის შიგნით მდებარე რუსული და ბელორუსული სანომრე ნიშნების მქონე მანქანების ჩამორთმევას. დოკუმენტი, კერძოდ, ითვალისწინებს, რომ თუ სამი თვის განმავლობაში ასეთი მანქანის მფლობელი არ…

მთიან ყარაბაღში საწვავის ავზის აფეთქების შედეგად დაშავებულებთან დაკავშირებით ომბუდსმენი განცხადებას ავრცელებს. როგორც გეგჰამ სტეპანიანი ამბობს, სიცოცხლის გადასარჩენად, მათი საჰაერო გზით ევაკუაციის ძლიერი აუცილებლობა არსებობს. „არცახში საწვავის საწყობის აფეთქების გამო ასობით ადამიანი დაშავდა, დაშავებულთა და დაღუპულთა ზუსტი რაოდენობის დადგენა ჯერჯერობით ვერ ხერხდება. რესპუბლიკურ სამედიცინო ცენტრში და სტეფანაკერტის ბავშვთა საავადმყოფოში შეზღუდული სამედიცინო და სამკურნალო დაწესებულებების პირობებში დაშავებულებს სამედიცინო დახმარება უწევენ, თუმცა ეს საკმარისი არ არის. დაშავებულთა სიცოცხლის გადასარჩენად აუცილებელია მათი საჰაერო ტრანსპორტის გადაუდებელი ევაკუაცია“, – აცხადებს ომბუდსმენი. ყარაბაღში აფეთქება მოხდა, არიან დაღუპულები

ყარაბაღში ვითარება ისევ მძიმეა. ქალაქ ხანქენდას ტერიტორიაზე ბენზინგასამართ სადგურთან ძლიერი აფეთქება მოხდა, რამაც მსხვერპლი გამოიწვია. დაღუპულთა და დაშავებულთა შესახებ ინფორმაცია ამ ეტაპისთვის დაზუსტებული არ არის. ადგილობრივი წარმომადგენლის ინფორმაციით, დაშავებულთა რაოდენობა 200-მდეა. აფეთქება სწორედ მაშინ მოხდა, როცა ბენზინგასამართ სადგურთან, ქალაქიდან გამსვლელების  კილომეტრობით რიგი იდგა.

უკრაინამ და აშშ-მა ხელი მოაწერეს ურთიერთგაგების მემორანდუმს, რომლის თანახმად, უკრაინა მიიღებს 522 დოლარის დახმარებას ქვეყნის ენერგეტიკული სისტემის გასაძლიერებლად. აშშ-ის საელჩოს განცხადებაში ნათქვამია, რომ უკრაინა მიიღებს 422 მილიონ დოლარს ენერგეტიკის სფეროში ახალი დახმარების სახით და დამატებით 100 მილიონი დოლარი დაექვემდებარება გარკვეული ღონისძიებების განხორციელებას, რეფორმების ჩათვლით.

რუსეთმა საერთაშორისო სისხლის სამართლის სასამართლოს ხელმძღვანელზე, პიოტრ ჰოფმანსკიზე, მის მოადგილე, ლუზ დელ კარმენ იბანეს კარანსას და მოსამართლე ბერტრამ შმიტზე ძებნა გამოაცხადა. განცხადებას რუსეთის შსს-ს პრესსამსახური ავრცელებს. ,,ძებნის საფუძველი, სისხლის სამართლის კოდექსის მუხლი “, – ნათქვამია უწყების ინფორმაციაში. შეგახსენებთ, რომ მანამდე ძებნილად მოსამართლე ტომოკო აკანე გამოცხადეს, რომელმაც 17 მარტს რუსეთის პრეზიდენტის, ვლადიმერ პუტინისა და ბავშვთა უფლებების დამცველის, მარია ლვოვა-ბელოვის დაკავების ორდერი გასცა. რუსეთის პრეზიდენტი და ბავშვთა უფლებათა დამცველი სამხედრო დანაშაულების ჩადენასა და უკრაინის ოკუპირებული რაიონებიდან ბავშვების უკანონო დეპორტირებაში არიან ეჭვმიტანილები. მანამდე კი, მაისში, რუსეთმა ძებნა ჰააგის პროკურორ კარიმ ხანზეც გამოაცხადა.

ამერიკის შეერთებულმა შტატებმა რუსული კომპანიები დაასანქცირა. ინფორმაციას უკრაინული მედია ავრცელებს. საექსპორტო შეზღუდვები დაწესდება 5 რუსული კომპანიის წინააღმდეგ. მათ შორისაა VSMPO-AVISMA, რომელიც მსოფლიოში ტიტანის უმსხვილესი მწარმოებელია. ასევე, აშშ-ის ვაჭრობის დეპარტამენტმა საქსპორტო შეზღუდვები დაწესდა გერმანიის, ჩინეთის, არაბთა გაერთიანებული საამიროების, ომანის, პაკისტანისა და ფინეთს 23 ორგანიზაციაზე. აღნიშნული კომპანიები აშშ-ს ეროვნული უსაფრთხოების ან საგარეო პოლიტიკის ინტერესებს ეწინააღმდეგებიან.

დროა, ევროკავშირმა სრულად გაიაზროს თავისი გეოპოლიტიკური მოთამაშის როლი და მხარი დაუჭიროს იმ ქვეყნების სუვერენულ არჩევანს, რომლებიც ისტორიულად, ევროპულ ოჯახს განეკუთვნებიან. ამის შესახებ საქართველოს პარლამენტის თავმჯდომარემ შალვა პაპუაშვილმა რუმინეთის სენატში პლენარულ სესიაზე სიტყვით გამოსვლის დროს განაცხადა. მისი განცხადებით, მიუხედავად იმისა, რომ ევროკავშირმა საქართველოს მიანიჭა ევროპული პერსპექტივა, ახლა, დროა, მიიღოს სტრატეგიული გადაწყვეტილება და საქართველოს კანდიდატის სტატუსი მიანიჭოს. „გასულ წელს, საქართველოს ევროპული პერსპექტივის აღიარებით, ევროკავშირთან ჩვენს ურთიერთობაში ახალი ეტაპი დაიწყო, რადგან ევროკავშირში გაწევრიანების ახალ ეტაპზე გადავედით. თუმცა, ახლა, დროა, ევროკავშირმა მიიღოს კიდევ ერთი სტრატეგიული გადაწყვეტილება და მიანიჭოს საქართველოს კანდიდატის სტატუსი და დაიწყოს გაწევრიანების…