“ასეთ მიღებას ნამდვილად არ ველოდი” – ილია თოფურიას პირველი კომენტარი

UFC-ის ჩემპიონი ილია თოფურია საქართველოშია.  მას თბილისის საერთაშორისო აეროპორტში გულშემატკივრები და ოჯახის წევრები დახვდნენ. “კარგად, მშვენივრად ვარ, ბაბუის გვერდით როგორ ვიქნები, ძალიან ბედნიერი, ძალიან მაგრად, ძალიან კარგად, ძალიან გახარებული ესეთი მიღებისთვის, შემოგევლეთ, შემოგევლეთ, უდიდესი მადლობა… ეს სიყვარული რასაც ვიღებ, ძალიან გახარებული ვარ, მადლობა ყველა ადამიანს, ვინც მოვიდა, მხარი რომ დამიჭიროს, უძლიერესი ენერგიაა აქ და რავიცი, მადლობის გარდა არანაირი სიტყვა არ მებადება ამ მომენტში, უდიდესი მადლობა ყველას, ყველანი მიყვარხართ… სამშობლოში დაბრუნება ყოველთვის განსაკუთრებულია” – განუცხადა ქართულ მედიას ილია თოფურიამ, ქართველ გულშემატკივრებზე საუბრისას.

მეტი...

ლგბტ პროპაგანდის წინააღმდეგ კანონპროექტს მიმდინარე კვირაში დავაინიცირებთ – მდინარაძე

საპარლამენტო უმრავლესობის ლიდერის, მამუკა მდინარაძის განცხადებით, მმართველი პარტია “ქართული ოცნება” მიმდინარე კვირაში დაარეგისტრირებს კანონპროექტს “ლგბტ პროპაგანდის წინააღმდეგ”. 18 მარტს, “ქართული ოცნების” მთავარ ოფისში გამართული პოლიტსაბჭოს სხდომის შემდეგ, მამუკა მდინარაძემ ბრიფინგზე თქვა, რომ ოპონენტები “დაურეგისტრირბელი კანონპროექტის წინააღმდეგ საბრძოლველად ემზადებიან” და ახსენებს ორგანიზაცია “თბილისი პრაიდის” მიერ ორგანიზებულ ტრენინგებს, რომელიც მისი მტკიცებით, “ფსევდოლიბერალური პროპაგანდის დაცვას” ეხებოდა. “როგორც იცით, ამ თემით ჩვენი ოპონენტები დაინტერესდნენ და ჯერ კიდევ დაურეგისტრირბელი კანონპროექტის წინააღმდეგ საბრძოლველად ემზადებიან. მათ ჩაუტარდათ ტრენინგები. ტრენინგები პრაიდის ორგანიზებითა და გაეროს განვითარების ფონდის დაფინანსებით გაიმართა, რაზეც პრაიდის წარმომადგენლები აცხადებდნენ, რომ სემინარი რუსული დეზინფორმაციის წინააღმდეგ ტარდებოდა,…

მეტი...

აშშ-ში 5 წლის შვილის მკვლელობისთვის დედა დააკავეს

5 წლის შვილის მკვლელობის გამო, ქალი დააკავეს. უცხოური მედიის ცნობით, ცხედარი ჩემოდანში, ტყეში იპოვეს. ბავშვის ცხედარი ტყეში მამაკაცმა იპოვა, რომელიც სოკოზე იყო წასული. მიტოვებული ჩემოდანის აღმოჩენის შემდეგ, მამაკაცმა პოლიციაში დარეკა. შემთხვევა 2022 წელს მოხდა. მაშინ პოლიცია იტყობინებოდა, რომ უცნობი ბიჭი გარდაიცვალა ელექტროლიტური დისბალანსით, სავარაუდოდ გასტროენტერიტის (ღებინება და დიარეა) გამო, რამაც ფატალური დეჰიდრატაცია გამოიწვია. პოლიციამ ცხედრის ვინაობა კაიროში 2022 წლის ოქტომბერში გამოაცხადა, რა დროსაც მათ დედამისის დაკავების ორდერი გასცეს.

მეტი...

ირაკლი კობახიძე – „Swissôtel Tbilisi-ის“ გახსნა არის ტურიზმის ინდუსტრიის წარმატების კიდევ ერთი თვალსაჩინო გამოხატულება

თბილისის ცენტრში საერთაშორისო სტანდარტების პრემიუმ ბრენდის სასტუმრო Swissôtel-ის გახსნა ტურიზმის ინდუსტრიის წარმატების კიდევ ერთი თვალსაჩინო მაგალითია, – ამის შესახებ საქართველოს პრემიერ-მინისტრმა, ირაკლი კობახიძემ სასტუმროს Swissôtel Tbilisi გახსნის ღონისძიებაზე სიტყვით გამოსვლისას განაცხადა. მთავრობის მეთაურმა ქვეყნის ტურისტულ პოტენციალზე ისაუბრა და აღნიშნა, რომ მისი განვითარება ხელისუფლების ერთ-ერთი მთავარი პრიორიტეტია. „ჩვენს ქვეყანაში ტურისტული ინდუსტრია სწრაფად ვითარდება. ამ მიმართულებით საკვანძო როლი ენიჭება ინფრასტრუქტურის განვითარებას. მხოლოდ გასული 14 თვის განმავლობაში საქართველოში 220 მლნ ლარის ინვესტიციები განხორციელდა კონკრეტულად სასტუმროების სფეროში და ქვეყნის მასშტაბით 8 000 ახალი საწოლი ადგილი შეიქმნა. ამბიციური გეგმები გვაქვს მომდევნო წლებისთვის. გვინდა, 2027 წლამდე…

მეტი...

ტაქსის მძღოლი ძალოვანს სასტიკ ანგარიშსწორებაში ადანაშაულებს

ამ წუთებში საგამოძიებო სამსახური იმ ტაქსის მძღოლის ჩვენებას ისმენს, რომელიც პოლიციას სასტიკ ანგარიშსწორებაში ადანაშაულებს – ელჯან დამბაროვი ამტკიცებს, რომ პოლიციის უფროსი მას ფიზიკურად გაუსწორდა. დამბაროვს სამართალდამცველები მგზავრის ჩანთის ქურდობას ედავებიან, თუმცა ადვოკატი ირწმუნება, რომ მგზავრს ფულით სავსე ჩანთა ავტომობილში დარჩა და ქურდობას ადგილი არ ჰქონია. ასევე ირკვევა, რომ პოლიციის უფროსი დამბაროვების ოჯახსაც დაუკავშირდა და სთხოვდა, რომ დაკავებულს მის წინააღმდეგ არ ეჩივლა. (ტვ პირველი)

მეტი...

შენი ჭირიმე, ბაბუ, რასაც შემპირდი ხომ შემისრულე…“ – ილია თოფურიას ბაბუა დახვდა

UFC-ის ჩემპიონი ილია თოფურია საქართველოშია. მას თბილისის საერთაშორისო აეროპორტში გულშემატკივრები და ოჯახის წევრები დახვდნენ. „შენი ჭირიმი, ბაბუ, რასაც შემპირი ხომ შემისრულე, ხომ ასახელე საქართველო“, – უთხრა ილიას ბაბუამ. ილია თოფურია საქართველოშია

მეტი...

ევროკავშირი უკანონოს უწოდებს საქართველოს ოკუპირებულ რეგიონებში რუსეთის საარჩევნო უბნების გახსნას

ევროკავშირის ოფისი უკანონოს უწოდებს საქართველოს ოკუპირებულ რეგიონებში რუსეთის საპრეზიდენტო არჩევნებისთვის საარჩევნო უბნების გახსნას, საქართველოს მთავრობის თანხმობის გარეშე. ეს შეფასება დღეს, 18 მარტს, სოციალურ ქსელ X-ში გამოაქვეყნა ევროკავშირის წარმომადგენლობამ საქართველოში. „ევროკავშირი რჩება სრულად ერთგული საქართველოს სუვერენიტეტის, დამოუკიდებლობისა და ტერიტორიული მთლიანობის მიმართ“, – წერია ევროკავშირის ოფისის განცხადებაში.

მეტი...

ავარია კახეთში – დაღუპულია სკოლის პედაგოგი

მსხვერპლით დასრულდა ავტოსაგზაო შემთხვევა კახეთში. გარდაცვლილია 45 წლამდე ასაკის ქალი. შემთხვევა რამდენიმე საათის წინ,ქალაქ დედოფლისწყაროში მოხდა. მსუბუქი ავტომანქანა, რომელსაც მუნიციპალიტეტის ერთ-ერთი საჯარო სკოლის პედაგოგი მართავდა, მოცურდა და ბოძს შეეჯახა. მიღებული ტრავმებით, ქალი ადგილზე გარდაიცვალა. გარდაცვლილი გურჯაანში, ლევან სამხარაულის სახელობის ექსპერტიზის ბიუროშია გადასვენებული. ადგილობრივების ინფორმაციით, დედოფლისწყროში წვიმა და ნისლია, რაც ხილვადობას ართულებს და შესაძლოა, ავტოსაგზაო შემთხვევა, სწორედ უამინდობას უკავშირდებოდეს. გამოძიება მომხდარ ფაქტზე, სისხლის სამართლის კოდექსის 276-ე მუხლის 6-ე ნაწილით დაიწყო.

მეტი...

ილია თოფურია საქართველოშია

UFC-ის ქართველი ჩემპიონი ილია თოფურია საქართველოშია, იგი საქართველოში პრემიერ-მინისტრ ირაკლი კობახიძის მოწვევით ჩამოვიდა. UFC-ის ქართველი ჩემპიონს აეროპორტის გამოსასვლელში უამრავი გულშემატკივარი დახვდა. 16 თებერვალს, ქამრისთვის ბრძოლაში, 27 წლის ქართველმა მებრძოლმა ავსტრალიელი ალექსანდერ ვოლკანოვსკი დაამარცხა. ილია თოფურიასთვის ეს MMA-ში ზედიზედ მე-15 გამარჯვება იყო, მას ჯერ კარიერაში არ წაუგია.  

მეტი...

ლიკვიდირებულია “ჰამასის” ერთ-ერთი მეთაური – IDF

ტერორისტული დაჯგუფება “ჰამასის” ერთ-ერთი მეთაური ლიკვიდირებულია, ისრაელის თავდაცვის ძალების ცნობით, მეთაური ალ-შიფას საავადმყოფოში განხორციელებულ სამხედრო ოპერაციას ემსხვერპლა. ფაიკ მაბუჰი, რომელიც „ჰამასის“ შიდა უსაფრთხოების ძალების ოპერაციებს ხელმძღვანელობდა, შეიარაღებული იყო და ალ-შიფას საავადმყოფოს კომპლექსში იმალებოდა, საიდანაც ტერორისტულ საქმიანობას ახორციელებდა“, – აცხადებს ისრაელის თავდაცვის ძალები.  

მეტი...

დღევანდელი ვიზიტი მნიშვნელოვან ახალ იმპულსს შესძენს ნატო-საქართველოს ორმხრივ ურთიერთობებს – ილია დარჩიაშვილი

„დღეს ნატოს გენერალური მდივნის საქართველოში ჩამობრძანება ნიშნავს ჩვენს ორმხრივ ურთიერთობებში უმაღლეს დონეზე განვითარებულ დინამიკას“ – ამის შესახებ საგარეო საქმეთა მინისტრმა ილია დარჩიაშვილმა საქართველოში ნატოს გენერალური მდივნის, იენს სტოლტენბერგის ვიზიტთან დაკავშირებით გაკეთებულ კომენტარში განაცხადა. მინისტრის თქმით, საქართველო ნატოს მნიშვნელოვანი და ღირებული პარტნიორია რეგიონში. საქართველოს ხელისუფლება განაგრძობს ნატოელ პარტნიორებთან მჭიდრო თანამშრომლობას და კოორდინაციას როგორც ინდივიდუალურ, ისე ორმხრივ ფორმატებში, მათ შორის, საქართველოში რეფორმების განხორციელების მიმართულებით. „ევროატლანტიკური ინტეგრაცია საქართველოს კონსტიტუციური ნორმა და საგარეო პოლიტიკის მთავარი პრიორიტეტი და ქვაკუთხედია და შესაბამისად ეს დინამიკა გრძელდება“ – ხაზგასმით აღნიშნა დარჩიაშვილმა. მინისტრმა ასევე ყურადღება გაამახვილა საქართველოს ტერიტორიული მთლიანობისა…

მეტი...

,,მიუღებელია საქართველოს ოკუპირებულ რეგიონებში რუსეთის არჩევნების ჩატარება. მივმართავ საერთაშორისო საზოგადოებას, სათანადო რეაგირება მოახდინოს” – სალომე ზურაბიშვილი

,,მიუღებელია საქართველოს ოკუპირებულ რეგიონებში რუსეთის არჩევნების ჩატარება. მივმართავ საერთაშორისო საზოგადოებას, სათანადო რეაგირება მოახდინოს რუსეთის ამ უკანონო ქმედებებზე”. ამის შესახებ საქართველოს პრეზიდენტმა სალომე ზურაბიშვილმა იენს სტოლტენბერგთან დღეს ორბელიანების სასახლეში გამართულ შეხვედრისას განაცხადა. ,,ყოვლად მიუღებელი და უკანონოა საქართველოს ოკუპირებულ რეგიონებში რუსეთის ფედერაციის საპრეზიდენტო არჩევნების ჩატარება. ეს კიდევ ერთხელ უხეშად ლახავს საქართველოს სუვერენიტეტსა და ტერიტორიულ მთლიანობას და სრულად ეწინააღმდეგება საერთაშორისო ნორმებს. დღეს, როცა კვლავ ოკუპირებულია აფხაზეთი და ცხინვალის რეგიონი, მივმართავ საერთაშორისო საზოგადოებას სათანადო რეაგირება მოახდინოს რუსეთის ფედერაციის ამ უკანონო და ქვეყნის სუვერენიტეტის შემლახავ ქმედებებზე”, – განაცხადა პრეზიდენტმა.

მეტი...

პუტინს არჩევნებში გამარჯვება ჩინეთის პრეზიდენტმა მიულოცა

რუსეთის პრეზიდენტ პუტინს არჩევნებში გამარჯვება ჩინეთის პრეზიდენტმა სი ძინპინმა მიულოცა. ,,თქვენი ხელახალი არჩევა არის რუსი ხალხის თქვენდამი მხარდაჭერის სრული დემონსტრირება” – თქვა სი ძინპინმა Xinhua News-ის ცნობით. ჩინეთმა გააძლიერა კავშირები რუსეთთან ბოლო რამდენიმე წლის განმავლობაში, მიუხედავად იმისა, რომ დასავლეთის კრიტიკა უკრაინაში ომის მიმართ გაძლიერდა. გავრცელებული ინფორმაციით, ჩინეთი და რუსეთი ამზადებენ “რამდენიმე შეხვედრას” სი ძინპინსა და პუტინს შორის წელს.  

მეტი...

ნატოს გენერალური მდივანი ორბელიანების სასახლეში საქართველოს პრეზიდენტს ხვდება

ნატოს გენერალური მდივანი, იენს სტოლტენბერგი, ორბელიანების სასახლეში საქართველოს პრეზიდენტს ხვდება. იენს სტოლტენბერგი თბილისში დღეს ბაქოდან ჩამოვიდა. პირველი შეხვედრა მან პრემიერ კობახიძესთან გამართა, რის შემდეგაც მედიისთვის ერთობლივი ბრიფინგი გაიმართა. ნატოს გენერალური მდივანი საქართველოდან სომხეთში გაემგზავრება.

მეტი...

„ვინც ტაივანის დამოუკიდებლობას აღიარებს, ცეცხლთან თამაშისთვის დაიწვება“ – ოფიციალური ჩინეთი

„რაც უფრო ძლიერი იქნება ერთიანი ჩინეთის პრინციპისადმი ერთგულება, მით მეტი იქნება სრუტის მიღმა მშვიდობის გარანტია“- აცხადებს ჩინეთის საგარეო სამეთა მინისტრი. როგორც ვანგ ი-მ საერთაშორისო მედიასთან შეხვედრისას აღნიშნა, ტაივანის სამშობლოდან გამოყოფას არასდროს დაუშვებენ. „ჩვენი პოლიტიკა საკმაოდ ნათელია – ჩვენ გავაგრძელებთ სწრაფვას მშვიდობიანი გაერთიანებისთვის უდიდესი გულწრფელობით. ჩვენი საბოლოო აზრი ასევე საკმაოდ ნათელია – ჩვენ არასოდეს დავუშვებთ ტაივანის სამშობლოს გამოყოფას. ვინც მსოფლიოში დაუჭერს და მხარს უჭერს „ტაივანის დამოუკიდებლობას“, დაიწვება ცეცხლთან თამაშის გამო და დააგემოვნებს საკუთარი საქმის მწარე ნაყოფს. ჩინეთი ყველას მოუწოდებს, ჩინეთის ერის ინტერესები დაიცვას „ჩინური წარმოშობის ყველა ადამიანმა უნდა დაიცვას ჩინეთის ერის…

მეტი...

ე.წ. არჩევნების ჩატარება უკრაინის, მოლდოვისა და საქართველოს ტერიტორიებზე, ეწინააღმდეგება საერთაშორისო სამართალს – ბერბოკი

რუსეთში არჩევნები იყო არჩევანის გარეშე, – ასე შეაფასა პუტინის ,,არჩევნები”, გერმანიის საგარეო საქმეთა მინისტრმა. ანალენა ბერბოკმა დაგმო ის ფაქტიც, რომ ,,საარჩევნო უბნები” ოკუპირებულ ტერიტორიებზეც გაიხსნა. ,,საარჩევნო პროცესი გვიჩვენებს არა მხოლოდ პუტინის ბოროტ ქმედებებს საკუთარი ხალხის მიმართ, არამედ ასევე მეზობელი ქვეყნების მიმართაც. ე.წ. არჩევნების ჩატარება უკრაინის ტერიტორიებზე, მოლდოვისა და საქართველოს ტერიტორიებზე, ეწინააღმდეგება საერთაშორისო სამართალს. საყურადღებოა, თუ რამდენმა რუსმა გამოხატა საჯაროდ აზრი ამ შაბათ-კვირას, რომ ისინი ვერ ხედავენ პუტინს რუსეთის პრეზიდენტად”, – აღნიშნა ბერბოკმა ბრიუსელში, ევროკავშირის საგარეო საქმეთა მინისტრების შეხვედრის წინ. ცნობისთვის, 15-17 მარტს გამართულ საპრეზიდენტო არჩევნებში, რუსეთის ცესკოს მონაცემებით, ვლადიმერ პუტინმა…

მეტი...

„ისრაელის კონფლიქტი ტრაგედიაა კაცობრიობისთვის“ – ჩინეთს პოზიცია

„ისრაელის კონფლიქტი დღეს 21-ე საუკუნეში არის ტრაგედია კაცობრიობისთვის და სირცხვილი ცივილიზაციისთვის. არაფერი ამართლებს კონფლიქტის გაჭიანურებას, ან მშვიდობიანი მოსახლეობის მკვლელობას“ – აღნიშნული განცხადება ჩინეთის საგარეო საქმეთა მინისტრმა ვანგ ი-მ პეკინში, საერთაშორიო მედიასთან გააკეთა, რომელსაც  „მედიაცენტრი მთავარიც“ დაესწრო. როგორც მინისტრი განმარტავს, პალესტინის ტერიტორიის ოკუპაცია ყურადღების მიღმა არ უნდა დარჩეს. „პალესტინის ტერიტორიების ხანგრძლივი ოკუპაცია უყურადღებოდ აღარ უნდა დაგვრჩეს. პალესტინელების დიდი ხნის ნანატრი სწრაფვა დამოუკიდებელი სახელმწიფოსკენ აღარ უნდა იქნეს არიდებული. რაც მთავარია, პალესტინელების მიმართ ისტორიული უსამართლობა არ უნდა გაგრძელდეს თაობიდან თაობაში“ – განაცხადა ვანგ ი-მ. ოფიციალური ჩინეთი მხარდაჭერას უცხადებს პალესტინის წევრობას გაეროში. „პალესტინელი ხალხისთვის…

მეტი...

საქართველოში უნდა გაგრძელდეს რეფორმები, სამართლის უზენაესობის მიმართულებით, თავისუფალი და ღია არჩევნების ჩათვლით – სტოლტენბერგი

საქართველოში ვიზიტით იმყოფება ნატოს გენერალური მდივანი, იენს სტოლტენბერგი, რომელმაც პრემიერმინისტრთან შეხვედრის შემდეგ მედიისთვის განცხადება გააკეთა. ,,საქართველო არის ერთ-ერთი უახლოესი პარტნიორი ნატოსთვის და დიდად ვაფასებთ იმ მნიშვნელოვან წვლილს, რასაც თქვენ ჩვენ მისიებში ახორციელებთ და სრულად ვუჭერთ მხარს საქართველოს სუვერენიტეტსა და ტერიტორიულ მთლიანობას. სამხრეთ ოსეთი და აფხაზეთი არის საქართველოს ნაწილი და ნატო აგრძელებს მოწოდებას რუსეთისადმი, რომ გაიწვიოს საქართველოს ძირძველი ტერიტორიების აღიარების მოთხოვნა. ოკუპირებულ ტერიტორიებზე რუსეთის აქტივობები და უკრაინაში მიმდინარე მოვლენები აბსოლუტურად უკანონოა, არც სამართლიანი და არც თავისუფალი იყო არჩევნები რუსეთში, ესეც შემიძლია ვთქვა. რუსეთი აწარმოებს იმპერიალისტურ მისწრაფებებს და უკრაინა არის იმ სიტუაციაში,…

მეტი...

მოხარული ვარ, რომ დღეს ჩვენ კიდევ ერთხელ განვიხილეთ ნატო-საქართველოს თანამშრომლობის საკითხები და ჩვენი ინტეგრაციის პროცესი – ირაკლი კობახიძე

მოხარული ვარ, რომ დღეს ჩვენ კიდევ ერთხელ განვიხილეთ ნატო-საქართველოს თანამშრომლობის საკითხები და ჩვენი ინტეგრაციის პროცესი, – ამის შესახებ საქართველოს პრემიერ-მინისტრმა ირაკლი კობახიძემ ნატოს გენერალურ მდივანთან, იენს სტოლტენბერგთან ერთად გამართული ერთობლივი განცხადებების დროს აღნიშნა. მთავრობის მეთაურის თქმით, საქართველო ალიანსის ერთ-ერთი ყველაზე ერთგული და საიმედო პარტნიორია. „ბატონო გენერალურო მდივანო ჩემთვის ძალიან დიდი პატივია საქართველოში თქვენი მასპინძლობა. მინდა მადლობა გადაგიხადოთ პირადად თქვენი მხარდაჭერისთვის ჩვენი ქვეყნის მიმართ, ჩვენი ქვეყნის ევროატლანტიკური მისწრაფებების მიმართ. ნატოს გენერალური მდივნის თანამდებობაზე თქვენი 10-წლიანი მოღვაწეობა დაემთხვა უპრეცედენტო გამოწვევებს და სირთულეებს. თუმცა, თქვენი ლიდერობით, მრავალი გამოწვევა გადაილახა და ნატო კვლავაც რჩება…

მეტი...

რამდენჯერაც პოლიტიკური სპექტრი განახლდება ქვეყანაში, იმდენჯერ უნდა ჩატარდეს ვეტინგი?! – გიორგი მიქაუტაძე

უზენაესი სასამართლოს თავმჯდომარის მოადგილე, მოსამართლე გიორგი მიქაუტაძე ამბობს, რომ მიუღებელია ,,ვეტინგი” და არა მოსამართლეების შემოწმება. მისივე თქმით, არანაირი დამატებითი საფუძველი და არგუმენტი არ არსებობს, რომ მოსამართლეების დამატებით შემოწმება მოხდეს. როგორც მან აღნიშნა, სასამართლო აღარასდროს იქნება დამოუკიდებელი, თუ იმას დავუშვებთ, რომ ყველა ჯერზე პოლიტიკური სპექტრიდან წამოსული მსგავსი განცხადება ხორცს შეისხამს და დაიწყება მოსამართლეების მიმართ “რეპრესიები”. ,,მიუხედავად იმისა, რომ ჩვენ არაერთხელ დავინტერესდით თუ რა სამართლებრივი და ფაქტობრივი საფუძველი აქვს ამ ინიციატივას, დავინტერესდით, გვენახა მტკიცებულებები, თუ რატომ გაჩნდა ასეთი ინიციატივა, მსგავსი მტკიცებულება ჩვენ ვერ ვნახეთ და ვერ მოვიპოვეთ, სამაგიეროდ, ჩვეული მეთოდებით, დაწყებულია ცილისმწამებლური…

მეტი...

იურიდიულმა კომიტეტმა „საარჩევნო კოდექსში“ პრეზიდენტის ვეტო არ გაითვალისწინა

იურიდიულ საკითხთა კომიტეტმა, მიმდინარე წლის 20 თებერვალს პარლამენტის მიერ „საარჩევნო კოდექსში“ შეტანილ ცვლილებასთან დაკავშირებით პრეზიდენტის მოტივირებული შენიშვნები განიხილა და მხარი არ დაუჭირა. კანონპროექტით მნიშვნელოვნად იკვეცება პრეზიდენტის უფლებები. სალომე ზურაბიშვილს აღარ ექნება უფლებამოსილება შექმნას კომისია, რომელიც პარლამენტს ცესკოს თავმჯდომარისა და წევრობის კანდიდატებს წარუდგენს. პრეროგატივა კანონის ამოქმედების შემთხვევაში პარლამენტის თავმჯდომარის ხელში გადადის. მმართველი პარტია პრეზიდენტის ვეტოს სავარაუდოდ ხვალინდელ პლენარულ სხდომაზე დაძლევს.

მეტი...

ნატოს გენერალური მდივანი პრემიერ კობახიძეს ხვდება

ნატოს გენერალური მდივანი მთავრობის კანცელარიაში პრემიერმინისტრს ხვდება. იენს სტოლტენბერგში თბილისში დაახლოებით ერთი საათის წინ ჩამოვიდა. საერთაშორისო აეროპორტში მას საგარეო საქმეთა მინისტრი და ნატოში საქართველოს ელჩი დახვდნენ. პრემიერთან შეხვედრის შემდეგ იენს სტოლტენბერგი და ირაკლი კობახიძე ერთობლივ განცხადებებს გააკეთებენ. ამის შემდეგ კი ნატოს გენერალური მდივანი პრეზიდენტ ზურაბიშვილს შეხვდება. ცნობისთვის, სტოლტენბერგი თბილისში ბაქოდან ჩამოვიდა, ხვალ კი ის შეხვედრებს უკვე ერევანში გააგრძელებს.

მეტი...

გორში ერთ-ერთი სუპერმარკეტი გატეხეს

გორში, სუხიშვილის ქუჩაზე, სუპერმარკეტი “გვირილა” გატეხეს. ინფორმაციას გამოცემა “მოზაიკა” ავრცელებს და წერს, რომ საქმეში არასრულწლოვანები ფიგურირებენ. ,,დილით ყვითელი ლენტი დაგხვდა. გატეხესო ასე გვითხრეს. სიგარეტები წაუღიათ და რაღაც პატარა რკინის სეიფივით ყოფილა, ეტყობა ეგონათ ფული იქნებოდა, მაგრამ თანხის წაღება ვერ შეძლეს,” – ამბობს ერთ-ერთი ადგილობრივი. მომხდარზე შინაგან საქმეთა სამინისტრომ გამოძიება 177-ე მუხლით დაიწყო, რაც ქურდობას გულისხმობს.

მეტი...

,,არავინ არ არის გატაცებული” – ილია დარჩიაშვილი მექსიკაში მყოფ ქართველებზე

საგარეო საქმეთა მინისტრი ილია დარჩიაშვილი ამტკიცებს, რომ მექსიკის საზღვრიდან საქართველოს მოქალაქეები არ გაუტაცებიათ და ტყვეობაში არ არიან. ,,ნუ, აყენებთ ადამიანებს ისეთ მდგომარეობაში, რომელმაც შეიძლება რაღაც გაურკვეველი პროცესები გამოიწვიოს. არავინ არ არის გატაცებული. თუკი ნებისმიერი ადამიანს, რომელიმე ადამიანს, ეს იქნება მექსიკა თუ ნებისმიერი სხვა ქვეყანა, დაჭირდება ჩვენი, თითოეული დიპლომატის დახმარება, ჩვენ ამისთვის მზად ვართ, გავაგრძელებთ მომავალშიც და მოგიწოდებთ, რომ გამოხვიდეთ და თქვათ, რომ ეს ინფორმაცია იყო დაუზუსტებელი და, ნუ, შეგყავთ ჩვენი მოქალაქეები შეცდომაში. ჩვენ ვინც დაგვიკავშირდა, ჩვენ მათთან ვმუშაობთ. თუკი მათ აქვთ ამის საჭიროება, რომ თითოეული, ასე ვთქვათ, მათ საჭიროებებზე მოხდეს…

მეტი...

იენს სტოლტენბერგი თბილისშია

ნატოს გენერალური მდივანი საქართველოშია. იენს სტოლტენბერგის თვითმფრინავი თბილისის საერთაშორისო აეროპორტში ცოტა ხნის წინ დაეშვა. აეროპორტში ნატოს გენერალურ მდივანს საქართველოს საგარეო საქმეთა მინისტრი ხვდება. ასევე საქართველოს ელჩი ნატოში. სტოლტენბერგი საქართველოს დედაქალაქში ერთდღიანი ვიზიტით იმყოფება. ის შეხვედბა პრემიერ კობახიძესა და პრეზიდენტ ზურაბიშვილს. პრემიერთან შეხვედრის შემდეგ, დაგეგმილია განცხადება მედიისთვის. სტოლტენბერგი თბილისში ბაქოდან ჩამოვიდა, ხვალ კი ის შეხვედრებს უკვე ერევანში გააგრძელებს.

მეტი...

საქართველო-ლუქსემბურგის მატჩის დღეს, რესპუბლიკის მოედანზე გულშემატკივრებისთვის ეკრანი დაიდგმება

ეროვნული საფეხბურთო ნაკრებისა და ლუქსემბურგის თამაშის დღეს, რესპუბლიკის მოედანზე დაიდგმება დიდი ეკრანი და მოქალაქეებს შეეძლებათ ნაკრებს უგულშემატკივრონ. ამის შესახებ თბილისის მერმა, კახა კალაძემ განაცხადა და აღნიშნა, რომ ადგილზე მოეწყობა სივრცეები ბავშვებისთვის და განთავსდება კვების ობიექტებიც. საქართველოს ეროვნული საფეხბურთო ნაკრები ევროპის ჩემპიონატის პლეი ოფისთვის ნახევარფინალურ მატჩს ლუქსემბურგის წინააღმდეგ 21 მარტს, დინამო არენაზე გამართავს. მატჩზე დასასწრები ყველა ბილეთი უკვე გაყიდულია. ,,მივიღეთ გადაწყვეტილება, რომ რესპუბლიკის მოდენაზე გავაკეთოთ ძალიან დიდი ეკრანი სადაც გულშემატკივარს ექნება შესაძლებლობა აღნიშნული შეხვედრის ყურების პირდაპირ ეთერში, გარდა ამისა, ბავშვებისთვის იქნება სხვადასხვა სივრცეები მოწყობილი, კვების ობიექტები იქნება განთავსებული და რა ვიცი,…

მეტი...

ასაფეთქებელი მოწყობილობის შესახებ ცრუ შეტყობინების გამო, ევაკუაცია ქუთაისის სკოლაშიც გამოცხადდა

ქუთაისში, ქართულ-ამერიკულ სკოლა ,,პროგრესში” ევაკუაცია გამოცხადდა. საგანმანათლებლო დაწესებულების მეილზე ამ დრომდე დაუდგენელმა პირმა შენობაში ასაფეთქებელი მოწყობილობის არსებობის შესახებ შეტყობინება გაგზავნა. ადმინისტრაციამ სკოლიდან ბავშვები და თანამშრომლები გაიყვანა. შემოწმების შედეგად შენობაში ასაფეთქებელი მოწყობილობა არ აღმოჩნდა. პერიმეტრი ამ დრომდე ყვითელი ლენტით არის შემოსაზღვრული. დაწყებულია გამოძიება.

მეტი...

თუ ამ არჩევნებში არ მოხდა ხელისუფლების შეცვლა, თაობისთვის, რომელიც პირველად აძლევს ხმას, ეს შეიძლება ბოლო არჩევნები იყოს – მიხეილ სააკაშვილი

საქართველოს მესამე პრეზიდენტმა სასამართლო პროცესზე დისტანციურად ჩართვის დროს მომავალ არჩევნებზე ისაუბრა და მოსახლეობას კიდევ ერთხელ მოუწოდა აქტიურობისკენ. ,,ჩვენ ყველანი უნდა ვიყოთ ძალიან აქტიურები, ძალიან ქმედითები, მაფიოზებს ეშინიათ როგორც წესი, ხალხის აქტიურობის და ქმედითობის, ეს არაერთხელ დადასტურდა… თუ ამ არჩევნებში არ მოხდა ხელისუფლების შეცვლა, ჩვენ ავტომატურად მივიღებთ იმას, რომ უკვე ის თაობა, რომელიც პირველად აძლევს ხმას, შეიძლება მათთვის ეს იყოს ბოლო არჩევნები და არასოდეს აღარ იყოს არც საქართველო, აღარც თავისუფალი არჩევნები. ყოფნა არყოფნის საკითხი დგას, გენოციდის შეწყვეტის საკითხი დგას, ჩვენ აუცილებლად გავიმარჯვებთ, ჩვენ აუცილებლად ვიქნებით აქტიურები, ჩვენ აუცილებლად ბედის ბორბალს დავატრიალებთ…

მეტი...

წალენჯიხის მერიის თანამშრომელმა ორი ადამიანი დაჭრა

წალენჯიხაში, სიტყვიერი შელაპარაკების შემდეგ, მერიის თანამშრომელმა ი.ე.-მ დანით დაჭრა ორი ადამიანი. ერთ-ერთის მდგომარეობა შედარებით მძიმე იყო, ის კლინიკაში გადაიყვანეს. მეორე დაჭრილმა, რომელმაც მსუბუქი დაზიანებები მიიღო, ორი დღის შემდეგ თავადაც ესროლა მერიის თანამშრომელს. მან ქალაქის შესასვლელში მანქანიდან ცეცხლსასროლი იარაღით ისროლა, მაგრამ არავინ დაჭრილა. შინაგან საქმეთა სამინისტრო, ჯერჯერობით ფაქტზე კომენტარს არ აკეთებს.

მეტი...

ქუთაისში სუპერმარკეტი გატეხეს – წაიღეს ფული და თამბაქო

ქუთაისში, ჯავახიშვილის ქუჩაზე, უცნობმა პირებმა მაღაზიათა ქსელ ,,ფემილის” ობიექტი გატეხეს. ,,დღეს დილით გატეხილი დაგვხვდა ობიექტი, წაღებულია გარკვეული თანხა, ასევე სიგარეტი. ეს არ არის პირველი შემთხვევა. ძალიან ბევრი ფაქტია ასეთი. უმოკლეს დროში, ხდება გატეხა კარების, შემდეგ შეამტვრიეს საწყობის კარებიც,” – ამბობს მაღაზიის ერთ-ერთი თანამშრომელი. ადგილზე სამართალდამცავები იყვნენ მობილიზებულნი. ჩატარდა საგამოძიებო მოქმედებები.

მეტი...

ბათუმის ერთ-ერთ სკოლაში, ასაფეთქებელ მოწყობილობას ეძებენ

ასაფეთქებელ მოწყობილობას ეძებენ ბათუმში კერძო სკოლა “პროგრესში”. დაწყებულია მოსწავლეებისა და პედაგოგების ევაკუაციის პროცესი. შეტყობინება სკოლაში ასაფეთქებელი მოწყობილობის შესახებ ტელეფონით შევიდა. ადგილზე სამართალდამცველები და კინოლოგები იმყოფებიან და ტერიტორიის დათვალიერება მიმდინარეობს.

მეტი...

ბათუმში ავტოსაგზაო შემთხვევების შედეგად 2 ადამიანი დაიღუპა

ბათუმში ავტოსაგზაო შემთხვევების შედეგად ორი ადამიანი დაიღუპა. ერთი ავარია კლინიკა ,,მედინასთან” მოხდა, მეორე კი ერთ-ერთ სარიტუალო დარბაზთან. ინფორმაციას ,,ბათუმელები” ავრცელებს. 40 წლამდე ქალს კლინიკასთან მანქანა იმ დროს დაეჯახა, როცა გზაზე გადადიოდა. ის კლინიკაში მიყვანამდე გარდაიცვალა. ,,მისი შვილი რამდენიმე დღეა რეანიმაციულ განყოფილებაშია, ქალს რძე მოჰქონდა ბავშვთან, საღამოს 9 საათი იქნებოდა,” – აცხადებენ კლინიკაში. მეორე პირი კი, რომელიც ზებრაზე გადადიოდა, ფრიდონ ხალვაშის გამზირზე, ავარიის შედეგად ღამით დაიღუპა. ​შინაგან საქმეთა სამინისტრომ მომხდარ ავტოსაგზაო შემთხვევებზე გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს (რამაც…

მეტი...

ანაკლიის პორტის საზღვაო ინფრასტრუქტურის მშენებლობისთვის საერთაშორისო ტენდერი გამოცხადდა

მსოფლიო ბანკის შესყიდვის პროცედურების მიხედვით, ანაკლიის პორტის საზღვაო ინფრასტრუქტურის პროექტირების და სამშენებლო სამუშაოების განხორციელებისთვის საერთაშორისო ტენდერი გამოცხადდა. ინფორმაციას ეკონომიკის სამინისტრო ავრცელებს. „სატენდერო დოკუმენტაცია ე.წ. „დიდი ოთხეულის კომპანიებს“ (Boskalis, DEME, Jan De Nul, Van Oord) დაეგზავნათ. აღნიშნულ კომპანიებს საზღვაო სამუშაოების პროექტირების და წარმოების მდიდარი გამოცდილება გააჩნიათ. მნიშვნელოვანია, რომ პორტის საზღვაო სამუშაოების დიდი წილი მოდის ფსკერის დაღრმავებაზე, ხოლო აღნიშნული კომპანიები გლობალური დაღრმავების/დამღრმავებელი ფლოტის 80%-ს ფლობენ. სამუშაოების შესყიდვის სატენდერო დოკუმენტაციის ევროპულ კომპანიებთან („დიდი ოთხეული“) დაგზავნის მიზანშეწონილობა საერთაშორისო საკონსულტაციო კომპანია HAEDES B.V.-სთან კონსულტაციის შედეგად გამოიკვეთა. აღნიშნული კომპანია შპს „ანაკლიის საზღვაო ნავსადგურმა“ სამუშაოების დროულად, საიმედოდ…

მეტი...

ვაშინგტონში, სროლის შედეგად, 2 ადამიანი დაიღუპა – არიან დაშავებულებიც

აშშ-ის დედაქალაქ ვაშინგტონში ცეცხლსასროლი იარაღიდან სროლის შედეგად ორი ადამიანი დაიღუპა, ხუთი კი დაშავდა. პოლიციის ცნობით, კენედის რეკრეაციულ ცენტრთან სროლა დაახლოებით დილის 3 საათზე დაფიქსირდა. დაზარალებულები საავადმყოფოში გადაიყვანეს. უცნობია, ვინ გახსნა ცეცხლი ან რამ გამოიწვია სროლა. ,,ჩვენ ვთხოვთ ნებისმიერს, ვისაც აქვს რაიმე ინფორმაცია ამ ინციდენტთან დაკავშირებით ან შეიძლება იყოს ამის თვითმხილველი, დაუკავშირდეს მეტროპოლიტენის პოლიციის დეპარტამენტს,” – განაცხადა პოლიციის აღმასრულებელი დირექტორის თანაშემწემ ჯეფრი კეროლმა.

მეტი...

მოხსენით გრიფით საიდუმლო დღევანდელ სამთავრობო ხარჯებს და ჩემი პროცესი ავტომატურად შეწყდება – მიხეილ სააკაშვილი პრეზიდენტს

თბილისის საქალაქო სასამართლოში მესამე პრეზიდენტის მორიგი პროცესი იმართება. სასამართლო ე.წ. პიჯაკების საქმეს განიხილავს. პროცესს დისტანციურად ერთვება მიხეილ სააკაშვილი და სალომე ზურაბიშვილს მოუწოდა მოეხსნას გრიფით საიდუმლო დღევანდელ სამთავრობო ხარჯებს. ,,ქალბატონო სალომე ზურაბიშვილს მინდა ვუთხრა, ის ხშირად ამბობს, მას შემდეგ რაც ასობით ათასმა ქართველმა შეაგროვა ხელმოწერა ჩემ გათავისუფლებაზე, ევროპარლამენტმა მიმართა და მრავალი სახელმწიფოს ხელმძღვანელმა, ის ამბობს, რომ ეს არის მორალური საკითხი, ქალბატონო სალომე, მორალური საკითხი არ არის ასევე ის, რომ მოიხსნას გრიფით საიდუმლო დღევანდელ სამთავრობო ხარჯებზე, იმიტომ, რომ მე მასამართლებენ იმაზე, რასაც დღეს ყოველდღე აკეთებს მთავრობა, თქვენ გაქვთ თქვენ უფლებამოსილებაში, მოხსენით და…

მეტი...

ევროპამ, შესაძლოა, რუსეთიდან სოფლის მეურნეობის პროდუქტის იმპორტი აკრძალოს

ევროპამ, შესაძლოა, რუსეთიდან სოფლის მეურნეობის პროდუქტის იმპორტი აკრძალოს. ევროკომისიის ხელმძღვანელმა, ურსულა ფონ დერ ლაიენმა და პოლონეთის პრემიერმინისტრმა, დონალდ ტუსკმა განიხილეს გზები, როგორ უნდა დაუჭირონ მათ მხარი ევროკავშირის ფერმერებს. მრავალმხრივი მოლაპარაკების შემდეგ, ევროკომისიის ანგარიშში აღნიშნულია, რომ მხარეებმა ასევე განიხილეს შემდგომი ზომები მარცვლეულის ბაზარზე სიტუაციის მოსაგვარებლად, რაც რუსეთიდან მარცვლეულის იმპორტის საკითხსაც მოიცავს.

მეტი...