კატეგორია: პოლიტიკა

ესტონეთი აშშ-სგან ATACMS-ის შორ მანძილზე მოქმედ რაკეტებს ყიდულობს. ინფორმაციას ესტონეთის თავდაცვის სახელმწიფო საინვესტიციო ცენტრის დირექტორი მაგნუს საარი ავრცელებს. ,,ჩვენი შეკვეთა მოიცავს, კერძოდ, უახლესი M-57 საბრძოლო მასალას, მათი ფრენის დიაპაზონი 300 კილომეტრია”, – განაცხადა საარმა. ცნობისთვის, ესტონეთმა და შეერთებულმა შტატებმა 2022 წლის დეკემბერში გააფორმეს კონტრაქტი HIMARS-ის სარაკეტო გამშვები სისტემისთვის გამშვები საშუალებების, რაკეტების და სხვა აღჭურვილობის მიწოდებაზე. სწორედ ამ შეთანხმების ნაწილი იყო ATACMS ტაქტიკური რაკეტები. არსებული ინფორმაციით, შეიარაღების მიწოდება 2025 წელს უნდა მოხდეს.

ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში, ჯოზეფ ბორელი ოდესაში ვიზიტის შემდეგ, კიევში ჩავიდა. მან უკრაინის პრეზიდენტთან, ვოლოდიმირ ზელენსკისთან და დმიტრო კულებასთან ერთად, პატივი მიაგო დაღუპულ უკრაინელ დამცველებს. ,,ვიმყოფები კიევში, რათა პრეზიდენტ ზელენსკისთან და მინისტრ დმიტრო კულებასთან ერთად, პატივი მივაგო და მხარდაჭერა გამოვუცხადო დაღუპული დამცველების ხსოვნას და მათ, ვინც ამჟამად იცავს უკრაინას რუსეთის გაუმართლებელი აგრესიისგან და იბრძვის ჩვენი საერთო ღირებულებებისთვის”, – წერს ბორელი Twitter-ზე.

,,დღეს ჩვენთვის განსაკუთრებული დღეა. ჩვენს მისიას საქართველოში 15 წელი შეუსრულდა”. ამის შესახებ საქართველოში ევროკავშირის სადამკვირვებლო მისიის ხელმძღვანელმა დიმიტრიოს კარაბალისმა ევროკავშირის სადამკვირვებლო მისიის დაარსებიდან მე-15 წლისთავთან დაკავშირებით სიტყვით გამოსვლისას განაცხადა. „კონფლიქტებმა სერიოზული გავლენა იქონია და ჯერ კიდევ აქვს ბევრი ადამიანის ცხოვრებაზე. 15 წელია დღე-ღამის გამავლობაში, წელიწადში 365 დღის განმავლობაში ვატარებთ მონიტორინგს, ჩვენი მიზანი საქართველოში სტაბილურობის, უსაფრთხოებისა და გრძელვადიანი მშვიდობის ხელშეწყობაა. ევროკავშირი რჩება საქართველოში და რეგიონში კონფლიქტების მშვიდობიანი მოგვარების გრძელვადიანი ვალდებულების ერთგული. ამას ახლახან კიდევ ერთხელ გაუსვა ხაზი ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში ჟოზეფ ბორელმა. ჩვენი ადგილზე ყოფნა…

სლოვაკეთის რიგგარეშე საპარლამენტო არჩევნებში სოციალ-დემოკრატებმა გაიმარჯვეს. ექსპრემიერ ფიცოს პარტიამ ხმათა 23,3% მიიღო. მეორე ადგილზე 16,8 %-ით ლიბერალური პარტია „პროგრესული სლოვაკეთია,“ მესამე პოზიციას კი 15%-ით პარტია „ჰლასი“ იკავებს. სოციალ-დემოკრატების ლიდერი რობერტ ფიცო რადიკალური ანტიდასავლური განცხადებებით გამოირჩევა და უკრაინისთვის სამხედრო დახმარების შეწყვეტის მომხრეა. მთავრობის ფორმირებისთვის სოციალ-დემოკრატებს მანდატები არ ეყოფათ, რის გამოც მათ კოალიციის შესაქმნელად მოლაპარაკების დაწყება მოუწევთ.

რუსებმა ხარკოვის ოლქში, ქალაქი ვოვჩანსკი დაბომბეს. ავიაიერიშის შედეგად დაიღუპა ერთი მშვიდობიანი მოქალაქე. ინფორმაციას ამის შესახებ უკრაინის შინაგან საქმეთა სამინისტრო ავრცელებს. ,,1-ელ ოქტომბერს, დაახლოებით 11:00 საათზე, რუსმა სამხედროებმა კიდევ ერთხელ დაბომბეს ქალაქი ვოვჩანსკი. დაბომბვის შედეგად ერთი კაცი გარდაიცვალა”, – წერია განცხადებაში. შემთხვევის ადგილას იმყოფებიან შესაბამისი უწყებების წარმომადგენლები.

გასულ ღამეს რუსებმა ჩერკასის ოლქს დრონებით შეუტია. დარტყმები იყო ქალაქ უმანში მდებარე საწყობებზე, სადაც მარცვლეული ინახებოდა. როგორც ჩერკასის ოლქის ხელმძღვანელი, იგორ ტაბურეტსი ამბობს, თავდასხმის შედეგად მარცვლეულის საწყობში ხანძარი გაჩნდა. დაშავებულია ერთი ადამიანი. საგანგებო სიტუაციების სამსახურის თქმით კი, ხანძრის ჩაქრობაში 11 ერთეული ტექნიკა და 52 მაშველი მონაწილეობდა. მათ 3 000 კვ.მ. ფართობზე გავრცელებული ხანძარი ჩააქრეს. ასევე, დნეპროპეტროვსკის ოლქის ხელმძღვანელის, სერგეი ლისაკის თქმით, ოკუპანტებმა დრონებით შეუტიეს კრივი-რიჰში მდებარე სამოქალაქო ინფრასტრუქტურასაც.

,,ყველაფერი უნდა გავაკეთოთ, რომ რუსული რეჟიმი გავისტუმროთ პოლიტიკურ მოუსავლეთში”- ამის შესახებ “ნაციონალური მოძრაობის” თავმჯდომარემ, ლევან ხაბეიშვილმა, “ქართული ოცნების” მმართველობის 11 წელთან დაკავშირებით, ქუთაისში პარლამენტის შენობასთან განაცხადა. ,,პარლამენტი, რომელიც არის მონუმენტი ბოროტების. როგორ შეიძლება გაანადგურო შენი ქვეყნის ეროვნული ინტერესები. მარტივი რამე მინდა ვიკითხო, ქუთაისის პარლამენტი აშენებულია ,,ნაციონალური მოძრაობის” მიხეილ სააკაშვილის მიერ, გელათმა რა დაუშავა ბიძინა ივანიშვილს? როცა ჩვენს ეროვნულ სიმდიდრეს, კულტურულ მემკვიდრეობას, პირდაპირი მნიშვნელობით ჯალათეას, თეა წულუკიანის ხელით ანგრევს. ბაგრატმა რა დაუშავა, რომელსაც ასევე მძიმე მდგომარეობაში აგდებს ბიძინა ივანიშვილი, ან ქუთაისელებმა. 10 000 ქუთაისელია ემიგრაციაში, მიტოვებული ჰყავთ საკუთარი შვილები, ოჯახის წევრები…

ჩეხეთი უკრაინას CZ BREN 2 ტიპის ავტომატების წარმოების ლიცენზიას გადასცემს. ,,ჩვენი მხარდაჭერა სამხედრო დახმარებისა და საბოლოო პროდუქტების მიწოდების დონიდან გრძელვადიან ინტენსიურ თავდაცვით-სამრეწველო თანამშრომლობამდე შეიცვალა, რომელშიც ჩართულია არამხოლოდ ჩვენი არმია, არამედ თავდაცვის საწარმოებიც, როგორც თავდაცვითი ასევე კერძო. თუმცა ჩვენ გვსურს, რომ ეს თანამშრომლობა კიდევ უფრო განვავითაროთ.” – განაცხადა ჩეხეთის თავდაცვის მინისტრის მოადგილემ დანიელ ბლაზკოვეცმა შედეგად, მხარეები შეთანხმდნენ, რომ ჩეხეთი უკრაინას CZ BREN 2_ის ტიპის იარაღის წარმოების ლიცენზიას გადასცემს და ასევე ჩეხური კომპანია SELLIER & Bellot უკრაინელებს საბრძოლო მასალის წარმოებაში დაეხმარება.

უკრაინის გენშტაბი რუსი ოკუპანტების სამხედრო დანაკარგების შესახებ ინფორმაციას ავრცელებს. მონაცემები 2022 წლის 24 თებერვლიდან დღემდე, 1 ოქტომბრამდე, არსებულ ინფორმაციას მოიცავს. უწყების ცნობით, მხოლოდ ბოლო 24 საათის განმავლობაში, თავდაცვის ძალებმა გაანადგურეს დაახლოებით 440 სამხედრო, 7 ჯავშანტექნიკა და 11 ტანკი. რუსეთის შეიარაღებული ძალების საერთო დანაკარგები კი ასეთია: ჯარისკაცი – დაახლოებით 278 570; ტანკი – 4 702; ჯავშანტექნიკა – 8 991; საარტილერიო სისტემა – 6 477; სარაკეტო სისტემა – 798; საზენიტო საბრძოლო სისტემა – 537; თვითმფრინავები – 315; ვერტმფრენი – 316; ოპერატიულ-ტაქტიკური უპილოტო საფრენი აპარატი – 5 043; საკრუიზო რაკეტები – 1 529;…

აშშ მოუწოდებს სერბეთს, კოსოვოსთან საზღვრიდან თავისი ჯარები გაიყვანოს. ამის შესახებ აშშ-ის ეროვნული უსაფრთხოების საბჭოს სტრატეგიული კომუნიკაციების კოორდინატორმა, ჯონ კირბიმ განაცხადა. ამერიკული დაზვერვის ინფორმაციით, გასულ კვირას კოსოვოს ჩრდილოეთში მომხდარი შეტაკებების შემდეგ სერბეთმა საზღვარზე თანამდროვე ტანკები და არტილერია განათავსა. გასულ კვირას მომხდარ ინციდენტს, რომელიც კოსოვოში ბოლო წლების განმავლობაში ერთ-ერთ ყველაზე სერიოზულ ესკალაციად იქცა, კოსოვოელი პოლიციელი და სამი შეიარაღებული სერბი ემსხვერპლა. „ვაკვირდებით მსხვილ სერბულ სამხედრო კონტინგენტს კოსოვოს საზღვრის გასწვრივ. ის მოიცავს არტილერიას, ტანკებს, მოტოქვეით ქვედანაყოფებს. მოვუწოდებთ სერბეთს, გაიყვანოს ეს ძალების საზღვრიდან“, – განაცხადა კირბიმ.

სლოვაკეთში საპარლამენტო არჩევნები იმართება. ბრძოლა ძირითადად ყოფილი პრემიერ-მინისტრის, რობერტ ფიკოს პარტიასა და პროდასავლურ ლიბერალურ პარტიას, „პროგრესულ სლოვაკეთს“ შორის მიმდინარეობს. ხმის მიცემა რამდენიმე საათში შეწყდება. ეგზიტპოლის შედეგების შემდეგ კი საბოლოო მონაცემები გასაჯაროვდება. მედიის ცნობით, რობერტ ფიკოს სურს, უნგრეთის მსგავსად, მეზობელ უკრაინას სამხედრო დახმარება შეუწყვიტოს, რაც შესაძლოა, მისი გამარჯვების შემთხვევაში განხორციელდეს. „პროგრესული სლოვაკეთის“ გამარჯვების შემთხვევაში კი მთავრობა შეინარჩუნებს ქვეყნის მტკიცე მხარდაჭერას უკრაინასადმი.

ზაპოროჟიეს რაიონში ოკუპანტებმა საკუთარი გამანადგურებელი სუ-35 ჩამოაგდეს. ტელეგრამ არხ ,,მონიტორის” მონაცემებით, რუსებმა თავისივე თვითმფრინავი ოკუპირებული ტოკმაკის ცაზე გაანადგურეს. არსებული ინფორმაციით, ეკიპაჟის ყველა წევრი დაიღუპა.

ევროკავშირის უმაღლესი წარმომადგენელი საგარეო და უსაფრთხოების პოლიტიკის საკითხებში ჯოზეფ ბორელი დაუგეგმავი ვიზიტით ოდესაში ჩავიდა. მან უკრაინის ისტორიულ და მდიდარი კულტურული მემკვიდრეობის მქონე ქალაქს მუდმივი რუსული თავდასხმების გამო სოლიდარობა გამოუცხადა. ,,ოდესა მშვენიერი ისტორიული ქალაქია. ის უნდა იყოს ახალ ამბებში მისი ცოცხალი კულტურის და სულისკვეთების, მრავალეთნიკური საზოგადოების, მისი სილამაზისა და ისტორიის გამო, მაგრამ ის პუტინის ომის ხშირი სამიზნეა, რომელიც ანადგურებს პორტის ინფრასტრუქტურას და უძველეს ეკლესიებს. ეს არის კარგი მაგალითი იმისა, თუ როგორ ცდილობს რუსეთი უკრაინის განადგურებას“, – განაცხადა ბორელმა. ცნობისთვის, ტაძარი 23 ივლისის რუსული დაბომბვების შედეგად მნიშვნელოვნად დაზიანდა.

თურქული კომპანია Baykar, რომელიც Bayraktar TB-2 ტიპის უპილოტო საფრენ აპარატებს აწარმოებს, უკრაინაში 100 მილიონი დოლარის ინვესტიციას განახორციელებს. ამის შესახებ ინფორმაციას კომპანიის ხელმძღვანელი ჰალუკ ბაირაქტარი ავრცელებს. ბიზნესმენის თქმით, თურქული დრონების წარმოების ქარხანა კიევში წელიწადნახევარში აშენდება და იქ 300 ადამიანი დასაქმდება. ცნობისთვის, უკრაინაში ბაირაქტარების წარმოების შესახებ შეთანხმება ჯერ კიდევ რუსეთის სრულმასშტაბიანი შეჭრის დაწყებამდე გაფორმდა. 2022 წლის თებერვლის დასაწყისში მას ხელი მოაწერეს თურქეთის პრეზიდენტმა რეჯეფ თაიფ ერდოღანმა და უკრაინის ლიდერმა ვოლოდიმირ ზელენსკიმ. თურქეთის ხელისუფლებამ კი Baykar-ს უკრაინაში დრონების წარმოების ლიცენზია 2023 წლის ივნისში მისცა.

უკრაინაში რუსული დაბომბვის შედეგად 37 თავდაცვის ინდუსტრიის საწარმო დაზარალდა.​ ინფორმაციას ამის შესახებ უკრაინის პრემიერმინისტრი დენის შმიგალი ავრცელებს. ,,უცხოელ მწარმოებლებთან თანამშრომლობის გაძლიერება და უცხოური კომპანიების მოზიდვა უკრაინაში იარაღის წარმოებისთვის ქვეყნის მოკლევადიანი და სტრატეგიული მიზანია. რუსეთის რეჟიმი უკრაინის დემილიტარიზაციაზე ოცნებობდა, თუმცა უკრაინა იარაღისა და სამხედრო ტექნიკის წარმოებას ყოველთვიურად ზრდის,” – განაცხადა შმიგალმა. უკრაინის პრემიერმა კიევში მიმდინარე თავდაცვის მრეწველობის ფორუმზე ასევე აღნიშნა, რომ უკრაინა ევროპაში სამხედრო პროდუქციის წარმოებისთვის ახალი ცენტრი გახდება.

უკრაინამ იარაღებისა და 155 მმ-იანი კალიბრის ჭურვების წარმოება დაიწყო. ამის შესახებ უკრაინის პრეზიდენტმა, ვოლოდიმირ ზელენსკიმ, მრეწველობის საერთაშორისო ფორუმზე განაცხადა. ,,ჩვენ დაინტერესებული ვართ აღჭურვილობისა და მოწინავე თავდაცვითი სისტემების წარმოების ლოკალიზებით, რომლებიც დღეს ფრონტზე შედეგებს იძლევა”, – თქვა ზელენსკიმ. უკრაინის პრეზიდენტმა აღნიშნა, რომ ასევე, აწარმოებს მოლაპარაკებებს პარტნიორებთან იარაღის ერთობლივ წარმოებაზეც.

რუსული დაბომბვის შედეგად ხერსონის ოლქში 3 მშვიდობიანი მოქალაქე დაშავდა, დონეცკის ოლქში კი 7. სამხედრო ადმინისტრაციის ხელმძღვანელის, ალექსანდრ პროკუდინის ცნობით, გასული დღის განმავლობაში მტერმა ხერსონის ოლქის 96 შეტევა განახორციელა. გაისროლა 432 ჭურვი ნაღმმტყორცნებიდან, არტილერიიდან, ტანკებიდან, ავიაციიდან და უპილოტო საფრენი აპარატებიდან. მისივე თქმით, ოკუპანტების სამიზნე საცხოვრებელი კვარტლები, ქარხნები და კვების ობიექტები იყო.

,,აშშ და უკრაინა შეიმუშავებენ იარაღის ერთობლივი წარმოების გეგმას”. ინფორმაციას უკრაინის პრეზიდენტის აპარატის ხელმძღვანელი ანდრეი ერმაკი ავრცელებს. „არსებობს ძალიან ფუნდამენტური გადაწყვეტილება, რომლის განხორციელებაც ძალიან, ძალიან მალე დაიწყება. ვფიქრობ, რომ ძალიან მალე ჩვენთან ჩამოვლენ სპეციალისტები, რომლებიც შეიმუშავებენ კონკრეტულ გეგმას საკუთარი იარაღის წარმოებისთვის. უკრაინაში იქნება ამერიკისა და უკრაინის დელეგაციების შეხვედრა, უკრაინაში იარაღის წარმოების ერთობლივი გეგმების შემუშავების მიზნით”, – განაცხადა პრეზიდენტის ადმინისტრაციის ხელმძღვანელმა.