ბრედ პიტი ანჯელინა ჯოლის სასამართლოში ვენახის გამო უჩივის

ბრედ პიტი ყოფილ მეუღლეს, ანჯელინა ჯოლის სასამართლოში უჩივის. მსახიობმა ლუქსემბურგის სასამართლოში სარჩელი უკვე შეიტანა. საქმე ეხება მსახიობების საერთო ვენახებს საფრანგეთში. გავრცელებული ინფორმაციით, ჯოლის შატო მირავალის ვენახების გაყიდვა პიტთან შეუთანხმებლად სურდა. ვენახები, სახლთან ერთად, 160 მილიონ დოლარადაა შეფასებული.

მეტი...

ჟან პოლ ბელმონდო გარდაიცვალა

88 წლის ასაკში ცნობილი ფრანგი მსახიობი ჟან პოლ ბელმონდო გარდაიცვალა. ბელმონდომ განსაკუთრებული პოპულარობა მოიპოვა ფილმით „პროფესიონალი“. 1989 წელს გახდა საფრანგეთის კინოაკადემიის უმაღლესი ჯილდოს – სეზარის გამარჯვებული, მამაკაცის მთავარი როლის შესრულებისთვის ფილმში „ბედით განებრივებული“. 2011 წელს, კანის კინოფესტივალზე, კინოს განვითარებაში შეტანილი წვლილისთვის ბელმონდო ოქროს პალმის რტოთი დაჯილდოვდა. ბელმონდოს კინოკარიერა 50 წელს ითვლის. მონაწილეობა 80-ზე მეტ ფილმში აქვს მიღებული.

მეტი...

ლიტერატურულ კონკურსს, რომლის ჟიურის წევრადაც კულტურის მინისტრის მრჩეველი დაინიშნა, პროტესტს მწერლები და ჟიურის წევრები უცხადებენ

მწერლების ბოიკოტი “ლიტერას”  – მწერლები, ლიტერატურათმცოდნეები, კრიტიკოსები და გამომცემლები ლიტერატურულ კონკურსში ჟიურის მეხუთე წევრის – იოსებ ჭუმბურიძის დანიშნვას აპროტესტებენ. მათი თქმით, ჭუმბურიძე წარმოადგენს კულტურის მინისტრის მრჩეველს და მათთვის მიუღებელია სამინისტროს ამგვარი ჩარევა ლიტერატურულ პროცესებში. როგორც ლიტერატურული წრის წარმომადგენლები ამბობენ, კონკურსი 5 წლიანი ისტორიის მანძილზე, ყოველთვის თავისუფალი იყო პოლიტიკური სარჩულისგან. მწერლების პროტესტს შეუერთდნენ ჟიურის წევრები. ჟიურის დატოვების შესახებ განცხადებები სოციალურ ქსელში გაავრცელეს  ოქტაი ქაზუმოვმა, რეზო თაბუკაშვილმა, ლელა კოდალაშვილმა და ბელა წიფურიამ. ლიტერატურული პრემია “ლიტერას” 6 ნომინაციაში საკონკურსოდ 110 წიგნი იყო წარმოდგენილი. საკუთარი ნაწარმოები კონკურსიდან 20-მდე ადამიანმა მოხსნა.

მეტი...

რობერტ სტურუა მოსკოვში გაემგზავრა

რუსთაველის თეატრის დასი, მიუხედავდ საზოგადოების ნაწილის უკმაყოფილებისა, რუსეთში მაინც გაემგზავრება. სანამ გასტროლებზე მსახიობები წავლენ, მოსკოვში უკვე გაფრინდა რეჟისორი რობერტ სტურუა. რობერტ სტურუა ემიჯნება საზოგადოების კრიტიკას და ამბობს, რომ ხელოვნებას საზღვრები არ აქვს. “წინასწარ მივდივარ სცენა, რომ ვნახო როგორ მდგომარეობაშია, სადაც მსახიობები ჩამოვლენ 27-ში და უნდა ითამაშონ. მე იცი რა მაკვირვებს, ჩვენზე რატომ გაქვთ ასეთი აღგზნება და როცა ჩამოდიან რუსული თეატრები, მაშინ რაღაც ძალიან ტაშით ხვდებით. ხელოვნებას არა აქვს საზღვარი. მივდივარ ხელოვნების საჩვენებლად, თუ რას აკეთებს საქართველო მაშინაც კი, როცა ასეთ სავალალო მდგომარეობაში ჩააყენა რუსებმა,” – განაცხადა რობერტ სტურუამ მოსკოვში გამგზავრების წინ.

მეტი...

“სად არის ჩემი ფული?! ” – მუსიკოსები პარლამენტს მიმართავენ

საავტორო უფლებების დაცვის მოთხოვნით, 400-მდე ხელოვანი პარლამენტის კულტურის კომიტეტს მიმართავს. მუსიკოსების თქმით, მათი ნაწარმოებების საჯარო შესრულებისას, ხშირ შემთხვევაში ჰონორარების განაწილების პრინციპი ირღვევა. პრობლემებზე სასაუბროდ დღეს ხელოვანებმა ბრიფინგი გამართეს.”კონკრეტული კანონები, რომელიც დღეს არსებობს, იმდენად ბუნდოვანია, რომ ფაქტობრივად არარსებულია. ჩვენი თხოვნაა, რომ კანონმდებლობის დონეზე ეს კანონები, რაც საავტორო უფლებებს და საავტორო უფლებებით ანაზღაურებას ეხება, გახდეს კონკრეტული, გამჭვირვალე და ავიდეს საკანონმდებლო დონეზე,” – აღნიშნა მომღერალმა ზუკა ხუციშვილმა. მომღერალი რომა რცხილაძე ამბობს, რომ კულტურის სფეროს სათანადო მხარდაჭერა, ხელოვან ხალხს კი გაფრთხილება სჭირდება. “სად არის ჩემი ფული?! – ჩვენ ხელოვან ხალხს გაფრთხილება გვჭირდება. კულტურას, თუ…

მეტი...

პრიმაბალერინას კონტრაქტი ოფიციალურად შეუწყვიტეს

ნინო ანანიაშვილი ნოვოსიბირსკის ოპერისა და ბალეტის თეატრთან ვერ ითანამშრომლებს. თეატრმა პრიმაბალერინას კონტრაქტი ოფიციალურად შეუწყვიტა. როგორც თეატრის ოფიციალურ ვებგვერდზე გამოქვეყნებულ განცხადებაში ვკითხულობთ, ეს, ორმხრივი შეთანხმების საფუძველზე მოხდა. „ნოვოსიბირსკის ოპერისა და ბალეტის აკადემიური თეატრის სამხატვრო ხელმძღვანელის, ვლადიმერ კეხმანის ნინო ანანიაშვილთან გამართული მოლაპარაკებების შედეგად მიღებულია გადაწყვეტილება მანამდე დადებული კონტრაქტის მხარეთა შეთანხმების საფუძველზე გაწყვეტასთან დაკავშირებით“, – ვკითხულობთ თეატრის მიერ დღეს გავრცელებულ განცხადებაში. შეგახსენებთ, თეატრმა, ნინო ანანიაშვილის (ხელმძღვანელის პოზიციაზე)  ვინაობის გასაჯაროება კოლექტივისთვის მის ოფიციალურ წარდგენამდე,  დასის უპატივცემლობად ჩათვალა, რაც კონტრაქტის შეწყვეტის საფუძველი გახდა.   „ჩვენ იძულებული ვართ, შევაჩეროთ მასთან გაფორმებული კონტრაქტის მოქმედება, ხსენებული ინფორმაციის საჯარო სივრცეში…

მეტი...

მერიის ორგანიზებული საახალწლო სატელევიზიო კონცერტები ხვალ სრულდება

თბილისის მერიის მიერ ორგანიზებული და მხარდაჭერილი საახალწლო პროექტები დასასრულს უახლოვდება. 13 იანვარს, კომპანია “Bukajazz Entertainment”-ის  ორგანიზებით, საქართველოს განათლების, მეცნიერების, კულტურისა და სპორტის სამინისტროს, თბილისის მერიისა და ტელეკომპანია “იმედის” ერთობლივი კონცერტი გაიმართება. როგორც „მედიაცენტრ მთავარს“ თბილისის მერიიდან აცნობეს, საახალწლო კონცერტში, რომელიც პირდაპირი ტრანსლაციით ტელეკომპანია იმედის ეთერში გადაიცემა, მონაწილეობას მიიღებენ ყველა თაობის ქართველი საესტრადო შემსრულებლები. „აღნიშნული პროექტისთვის სპეციალურად  შეიქმნა კომპოზიციების ახალი ვერსიები, ნიკოლოზ რაჭველის, ბუკა კარტოზიას და რუსუდან მორჩილაძის ხელმძღვანელობით. ღონისძიება პირდაპირ ეთერში 22:30 საათზე დაიწყება. 14 იანვარს ტელეკომპანია „მაესტროს“ ეთერში ქართული ესტრადის მონაწილებით საუკეთესო ჰიტებისგან შემდგარი საახალწლო კონცერტი გადაიცემა. 13 და…

მეტი...

თემურ წიკლაური ცოცხალია და ჰოსპიტალში მკურნალობს 

გავრცელებული ინფორმაცია მომღერალ თემურ წიკლაურის გარდაცვალების შესახებ ჭორია. მომღერალი “კოვიდ 19”-ის დიაგნოზით, გორის სამხედრო ჰოსპიტალში მკურნალობს. მისი ჯანმრთელობის მდგომარეობა გართულდა, რის გამოც რეანიმაციულ განყოფილებაში მართვით სუნთქვაზე იმყოფება. როგორც თავდაცვის სამინისტროში აცხადებენ. თემურ წიკლაურის კოვიდინფექციის შედეგად გამოწვეული თანმდევი დაავადებების გამო, თემურ წიკლაური რეანიმაციულ განყოფილებაში მართვით სუნთქვაზე იმყოფება. ოჯახის თქმით, მდგომარეობა მძიმეა, თუმცა, სტაბილური. ცოტა ხნის წინ, სოციალურ ქსელებსა და გარკვეულ საინფორმაციო გვერდებზე გავრცელდა ინფორმაცია, რომ მომღერალი გარდაიცვალა. გამოჯანმრთელებას და დიდხანს სიცოცხლეს ვუსურვებთ ბუმბერაზ ადამიანს – თემურ წიკლაურს.   

მეტი...

თაკო ჩარკვიანს კორონავირუსი დაუდასტურდა

პარტია კანონი და სამართლის ლიდერს და მაჟორიტარი დეპუტატობის კანდიდატს საბურთალოს ოლქში, თაკო ჩარკვიანს კორონავირუსი დაუდასტურდა, ამის შესახებ ის ფეისბუკზე წერს: “ძვირფასო  მეგობრებო დამიდასტურდა კოვიდი!!! თავს უკეთ ვგრძნობ! თუ ღმერთმა ინება გავუძლებთ! მ ი ყ ვ ა რ ხ ა რ თ ! ახლა მე არა, ჩემს ირმას უგულშემატკივრეთ ავსტრიაშია, გაიგებს და ინერვიულებს!  თავისუფლება ლომთა ხვედრია,” – წერს თაკო ჩარკვიანი.

მეტი...

კორონავირუსის 18 ახალი შემთხვევიდან 7 ინფიცირებულ პირთან კონტაქტია, ხოლო 11 იმპორტირებული შემთხვევაა

თბილისის ინფექციური საავადმყოფოს კლინიკური დირექტორის, მარინა ეზუგბაიას განცხადებით, კორონავირუსის 18 ახალი დადასტურებული შემთხვევიდან 7 ინფიცირებულ პირთან კონტაქტია, ხოლო 11 იმპორტირებული შემთხვევაა. მისივე ინფორმაციით, იმპორტირებული შემთხვევებიდან  2 სატვირთო ავტომანქანის მძღოლია.  შეგახსენებთ, რომ საქართველოში კორონავირუსის 18 ახალი შემთხვევა გამოვლინდა. ამასთან, გამოჯანმრთელდა 19 პაციენტი.

მეტი...

ოკუპირებულ აფხაზეთში კორონავირუსით ინფიცირების 13 ახალი შემთხვევა დაფიქსირდა

ოკუპირებული აფხაზეთის ე.წ. ჯანდაცვის სამინისტროს ინფორმაციით, გასული დღე-ღამის განმავლობაში 67 ადამიანს ჩაუტარდა ტესტირება კორონავირუსზე. შედეგად 13 მათგანს კორონავირუსი დაუდასტურდა. ამასთან, 19 კოვიდინფიცირებული პაციენტი გუდაუთის რაიონულ საავადმყოფოში მკურნალობს. სულ ოკუპირებულ აფხაზეთში კორონავირუსით ინფიცირების 308 შემთხვევაა დაფიქსირებული, მათგან 117 გამოჯანმრთელდა, ოთხი კი გარდაიცვალა.

მეტი...

გალაკტიონ ტაბიძის განახლებული მემორიალური ბინა-მუზეუმი გაიხსნა

თბილისის მერიის მუზეუმების გაერთიანებამ ნიკოლოზ ბარათაშვილის სახლ-მუზეუმისა და კოტე და სოსო წერეთლების ბინა-მუზეუმის შემდეგ, კიდევ ერთი მუზეუმის რეაბილიტაცია დაასრულა. ამჯერად, დამთვალიერებლებს გალაკტიონ ტაბიძის განახლებული მემორიალური ბინა-მუზეუმი უმასპინძლებს. სრულიად განახლებული და თანამედროვე, საერთაშორისო სტანდარტების შესაბამისი საგამოფენო-საგანმანათლებლო სივრცით, მუზეუმი დამთვალიერებლებს დღეიდან მიიღებს.   მუზეუმის გახსნის ღონისძიებას დედაქალაქის მერის მოადგილე, ანდრია ბასილაია დაესწრო. „დღეს თბილისისთვის ძალიან მნიშვნელოვანი დღეა. ქალაქს კულტურული და ტურისტული მნიშვნელობის კიდევ ერთი ობიექტი შეემატა – ჩვენი დიდი პოეტის, გალაკტიონ ტაბიძის ბინა-მუზეუმი, რომელზეც რამდენიმე წლის განმავლობაში, მუზეუმების გაერთიანებამ იმუშავა. განახლებულ სივრცეში, სხვადასხვა ფორმატში ძალიან ბევრი ინფორმაციაა წარმოდგენილი. ვფიქრობ, რომ ზოგადად, მუზეუმებისა და…

მეტი...

მსახიობები საერთო გრიმსა და „კოსტუმებს“ ვერ გამოიყენებენ – რა რეგულაციები დაწესდა ხელოვანებისთვის   

„ინდივიდუალური გრიმი და „კოსტუმი“ – ასეთია  უწყებათაშორისი საბჭოს გადაწყვეტილება  დახურულ სივრცეში რეპეტიციებთან დაკავშირებით. დღევანდელი გადაწყვეტილებით, შემოქმედებითი საქმიანობისთვის რეპეტიციები დასაშვები ხდება, თუმცა, შეზღუდვები მკაცრია. როგორც როგორც  შრომის პირობების ინსპექტირების დეპარტამენტის უფროსმა ბექა ფერაძემ „მედიაცენტრ მთავართან“  საუბრისას განაცხადა, ერთი ჯგუფისთვის რეპეტიცია 2 საათზე მეტი დროით ვერ გაგრძელდება.   „რაც შეეხება შემოქმედებთ საღამოებს, ეს ფიზიკურად ვერ განხორციელდება რეპეტიციების გარეშე. ამიტომ, გადაწვეტილებით, რეპეტიციებზეც გარკვეული რეგულაციები იმოქმედებს. კერძოდ, 10 ადამიანზე მეტი არ უნდა მოექცეს ერთ სივრცეში; უნდა ხდებოდეს საგრიმიოროში ერთი გრიმის გამოყენება ერთი მსახიობის მიერ; კოსტიუმები და ტანსაცმელი უნდა იყოს ინდივიდუალური ან ყოველი გამოყენების შემდეგ…

მეტი...

გარე სივრცეში 200 ადამიანის შეკრება დასაშვებია – რა რეგულაციები ამოქმედდა კულტურული ღონისძიებებისთვის?!

უწყებათაშორისი საბჭოს გადაწყვეტილებით, დღეიდან დასაშვები ხდება კულტურული ღონისძიებების ჩატარება. საუბარია ღია სივრცეებში დაგეგმილ კულტურულ ღონისძიებებზე, სადაც მაქსიმალური ლიმიტი  200 ადამიანია. როგორც  შრომის პირობების ინსპექტირების დეპარტამენტის უფროსმა ბექა ფერაძემ „მედიაცენტრ მთავართან“ საუბრისას განაცხადა, დღეიდან რეპეტიციებიც დაშვებულია, თუმცა გარკვეული შეზღუდვებით. „კონკრეტული ღონისძიების ორგანიზატორმა უნდა გაითვალისწინონ შემდეგი საკითხები: სკრინინგის განხორციელება, 2 მეტრიანი დისტანციის დაცვა, 5 კვ მეტრზე ერთი ადამიანის განთავსება და  სადეზინფექციო სამუშაოები. ბიზნესს მოუწევს ადაპტირება, თუმცა, ეს  გამოწვეულია უკიდურესი აუცილებლობით. ღია სივრცეებში, სადაც კონკრეტული შემოქმედებითი თუ კულტურული ღონისძიებები დაიგეგმება, ადამიანთა მაქსიმალური ოდენობა 200-ზე მეტი არ უნდა იყოს  “ – განაცხდა ბექა ფერაძემ…

მეტი...

გელათის კომპლექსის რეაბილიტაციისას დაშვებული შეცდომების გამოსწორება სამუშაოების შემსრულებელს მოუწევს

„კულტურული მემკვიდრეობის დაცვის ეროვნული სააგენტოს“ განცხადებით, გელათის სამონასტრო კომპლექსში დაშვებულ შეცდომებს სამუშაოების  შემსრულებელი –  „ხელოვნების საერთაშორისო ცენტრი“ გამოასწორებს. შეგახსენებთ, რომ სამონასტრო კომპლექსში ხარვეზები 2020 წლის მარტში თვეში დაფიქსირდა. საუბარია კომპლექსური საკონსერვაციო-სარეაბილიტაციო პროგრამის ფარგლებში ღვთისმშობლის მიძინების ტაძრის კრამიტით გადახურვაზე.  „გადახურვის მასალაზე გამოვლენილი დაზიანებების აღმოფხვრა დამკვეთსა და შემსრულებელ კომპანიას შორის გაფორმებული სახელშეკრულებო პირობებით განხორციელდება, რაც საექსპლუატაციო ვადაში აღმოჩენილ დეფექტებზე შემსრულებლის ვალდებულებას განსაზღვრავდა. მსოფლიო მემკვიდრეობის ძეგლის საბურველის ნაწილის პრობლების გადაჭრის პროცესი ფინანსური კუთხითაც კომპანიის მიერ იქნება უზრუნველყოფილი და მასში სახელმწიფო სახსრები არ დაიხარჯება. მიმდინარე პროცესში კულტურული მემკვიდრეობის დაცვის ეროვნული სააგენტო კვლავაც სარესტავრაციო პირობების განუხრელ…

მეტი...

მოზარდ მაყურებელთა თეატრი სოციალურ ქსელში სპექტაკლების ჩანაწერების ჩვენებას იწყებს

ნოდარ დუმბაძის სახელობის მოზარდ მაყურებელთა თეატრი სოციალურ ქსელში სპექტაკლების ჩანაწერების ჩვენებას იწყებს. თეატრის სამხატვრო ხელმძღვანელის, დიმიტრი ხვთისიაშვილის თქმით, დღეიდან, ყოველდღიურად თეატრი სხვადასხვა ასაკობრივ კატეგორიაზე გათვლილი ორი სპექტაკლის ჩანაწერს აჩვენებს. სპექტაკლების შესახებ ინფორმაცია კი ყოველდღიურად განახლდება. „20 მარტი მსოფლიო საბავშვო თეატრების საერთაშორისო დღეა. მოზარდ მაყურებელთა თეატრი ჩართულია მსოფლიო საბავშვო თეატრების ფერხულში. აქედან გამომდინარე, ჩვენც აღვნიშნავთ დღევანდელ დღეს. თუმცა შექმნილი ვითარებიდან გამომდინარე ამ თარიღის ფართო აღნიშვნის არანაირი რესურსი არ გაგვაჩნია. გადავწყვიტეთ გამოვიყენოთ სოციალური ქსელი და ჩვენი პატარებისათვის და მოზარდთათვის გიჩვენებთ ორი სხვადასხვა ასაკის მაყურებელზე გათვლილ გათვლილ წარმოდგენას. დღეს ჩვენ ვიწყებთ ქართული ხალხური…

მეტი...

თორნიკე ყიფიანის საევროვიზიო სიმღერას მილიონი ნახვა აქვს (ვიდეო)

ევროვიზიაზე საქართველოს წარმომადგენლის, თორნიკე ყიფიანის სიმღერის – Take Me As I Am („მიმიღე ისეთი, როგორიც ვარ“) და ვიდეოს ევროვიზიის ოფიციალურ არხზე მილიონამდე ნახვა აქვს. სიმღერისა და ტექსტის ავტორი თავად მომღერალია. სიმღერის არანჟირებაზე თორნიკე ყიფიანმა ალეკო ბერძენიშვილთან ერთად იმუშავა, რომელიც მარიკო ლეჟავასთან და მარიამ შენგელიასთან ერთად მისი ბექვოკალია. სოციალურ ქსელში თორნიკე ყიფიანის სიმღერას სხვადასხვა ვლოგერები ემხაურებიან და საერთო ჯამში ამჟამად 41 ქვეყნიდან მე-14 ადგილზე იმყოფება. აღსანიშნავია, ისიც რომ “ახალი კორონავირუსის” გავრცელების გამო, შეიძლება ევროვიზიის კონკურსი გადაიდოს და არ ჩატარდეს მაისში.

მეტი...

თორნიკე ყიფიანის ვიდეოს 400 000-ზე მეტი ნახვა აქვს (ვიდეო)

ევროვიზიაზე საქართველოს წარმომადგენლის, თორნიკე ყიფიანის სიმღერის – Take Me As I Am („მიმიღე ისეთი, როგორიც ვარ“) და ვიდეოს ევროვიზიის ოფიციალურ არხზე 400 000-ზე მეტი ნახვა აქვს. სიმღერისა და ტექსტის ავტორი თავად მომღერალია. სიმღერის არანჟირებაზე თორნიკე ყიფიანმა ალეკო ბერძენიშვილთან ერთად იმუშავა, რომელიც მარიკო ლეჟავასთან და მარიამ შენგელიასთან ერთად მისი ბექვოკალია. სოციალურ ქსელში თორნიკე ყიფიანის სიმღერას სხვადასხვა ვლოგერები ემხაურებიან და საერთო ჯამში ამჟამად 41 ქვეყნიდან მე-14 ადგილზე იმყოფება.

მეტი...

ევროვიზია 2020-ზე თორნიკე ყიფიანის სიმღერა და კლიპი ცნობილია (ვიდეო)

დღეს ევროვიზიაზე საქართველოს წარმომადგენლის, თორნიკე ყიფიანის სიმღერის – Take Me As I Am („მიმიღე ისეთი, როგორიც ვარ“) და ვიდეოს პრეზენტაცია შედგა. სიმღერისა და ტექსტის ავტორი თავად მომღერალია. სიმღერის არანჟირებაზე თორნიკე ყიფიანმა ალეკო ბერძენიშვილთან ერთად იმუშავა, რომელიც მარიკო ლეჟავასთან და მარიამ შენგელიასთან ერთად მისი ბექვოკალია. თორნიკე ყიფიანის სიმღერაზე გადაღებული ვიდეო განთავსდა ასევე ვებგვერდზე Eurovision.tv თორნიკე ყიფიანის სიმღერის თიზერი გუშინ გავრცელდა. ევროვიზიის სიმღერის 65-ე კონკურსს 12, 14 და 16 მაისს როტერდამი მასპინძლობს. საქართველოს წარმომადგენელი კონკურსზე მაყურებლის წინაშე 14 მაისს წარდგება.

მეტი...

ევროვიზია 2020 – თორნიკე ყიფიანის სიმღერის თიზერი

ევროვიზიის სიმღერის კონკურსზე საქართველოს წარმომადგენლის, თორნიკე ყიფიანის სიმღერის Take me as i am თიზერი ვრცელდება. სიმღერის და ტექსტის ავტორი თავად მომღერალია.  არანჟირებაზე თორნიკე ყიფიანმა ალეკო ბერძენიშვილთან ერთად იმუშავა, რომელიც მარიკო ლეჟავასთან და მარიამ შენგელიასთან ერთად მისი ბექ ვოკალია. სიმღერის პრემიერა უახლოეს დღეებში საქართველოს პირველი არხის ეთერში შედგება. ევროვიზიის სიმღერის 65-ე კონკურსს 12, 14 და 16 მაისს როტერდამი მასპინძლობს. საქართველოს წარმომადგენელი კონკურსზე მაყურებლის წინაშე 14 მაისს წარდგება.

მეტი...

“PRADA” იაპონიაში მოდის ჩვენებას აუქმებს

იტალიური მოდის სახლი „პრადა“ იაპონიაში დაგეგმილ ჩვენებას კორონავირუსის გამო დროებით გადადებს. უცხოური მედიის მიერ გავრცელებულ განცხადებაში წერია: შოუ, რომელიც იაპონიაში 21 მაისს უნდა ჩატარებულიყო, კორონავირუსის არსებული მდგომარეობის გამო გადაიდება“  მოდის სახლში იმედოვნებენ, რომ მდგომარეობა მალე გამოსწორდება და იაპონიაში შოუს ჩაატარებენ, რადგანაც მათთვის იაპონიის ბაზარი, ძალიან მნიშვნელოვანია.

მეტი...

კინორეჟისორი გიორგი შენგელაია გარდაიცვალა

ცნობილი ქართველო კინორეჟისორი, რუსთაველის პრემიის ლაურეატი, საქართველოს სახალხო არტისტი გიორგი შენგელაია გარდაიცვალა 82 წლის ასაკში. გიორგი შენგელაიას შემოქმედება არა მხოლოდ საქართველოში, არამედ მსოფლიოს მასშტაბითაა ცნობილი. მის მიერ გადაღებული ყველაზე ცნობილი ფილმებია: „მაცი ხვიტია“; „ხარება და გოგია“; „სიყვარული ვენახში“ და სხვა არაერთი. მათ შორის, ყველასთვის ცნობილი და საყვარელი მიუზიკლი „ვერის უბნის მელოდიები“, რომელიც დღემდე ცოცხლობს.

მეტი...

უიტნი ჰიუსტონი – 8 წელი გარდაცვალებიდან

2012 წლის 11 თებერვალს მსოფლიო შეძრა ცნობილი ამერიკელი მომღერლისა და მსახიობის სიკვდილმა, 48 წლის ასაკში გარდაიცვალა უიტნი ჰიუსტონი. გარდაცვლილის ცხედარი სასტუმრო Beverly Hilton-ის ერთ-ერთ ნომერში აღმოაჩინეს. როგორც ცნობილია, მას ნარკოტიკებთან ჰქონდა შეხება და სავარაუდოდ სწორედ ნარკოტიკები გახდა მისი სიკვდილის მიზეზი. ახლა კი ცოტაოდენი ცნობები მის შესახებ:უიტნი ელიზაბეთ ჰიუსტონი იყო ამერიკელი პოპ და რიტმ-ენდ-ბლუზ მომღერალი, მსახიობი, კინოპროდიუსერი და მოდელი. მსოფლიო მასშტაბით უიტნი ჰიუსტონს გაყიდული აქვს დაახლოებით 170 მილიონი ალბომი და სინგლი. გინესის მსოფლიო რეკორდების წიგნში იგი შესულია, როგორც კომერციული თვალსაზრისით, ყველა დროის ყველაზე წარმატებული რიტმ-ენდ-ბლუზის შემსრულებელი ქალი. მომღერალი ცნობილი იყო თავისი…

მეტი...

“ოსკარის“ მფლობელები ხოაკინ ფენიქსი ფილმისთვის „ჯოკერი“ და რენე ზელვეგერი ფილმისთვის „ჯუდი“ გახდნენ

ლოს ანჯელესში, „დოლბის“ თეატრში მიმდინარე „ოსკარების“ ცერემონიაზე საუკეთესო მამაკაცისა და ქალის როლების შემსრულებლები დააჯილდოვეს. „ოსკარის“ მფლობელები ხოაკინ ფენიქსი ფილმისთვის „ჯოკერი“ და რენე ზელვეგერი ფილმისთვის „ჯუდი“ გახდნენ. აღსანიშნავია, რომ ფენიქსისთვის ეს პირველი „ოსკარია“, ხოლო ზელვეგერისთვის მეორე. საზეიმო ცერემონიას შარშანდელის მსგავსად წელსაც არ ჰყავს წამყვანი. ნომინაციებში გამარჯვებულებს ჰოლივუდის ცნობილი ვარსკვლავები აცხადებენ, წამყვანების მონოლოგების ნაცვლად კი მუსიკალური ნომრებისა და ვიდეორგოლების ჩვენება მიმდინარეობს. „ოსკარის“ დაჯოლდოების 92-ე ცერემონიაზე „გრემის“ წლევანდელი დაჯილდოების ტრიუმფატორმა, 18 წლის ამერიკელმა მომღერალმა ბილი აილიშმა ცოტა ხნის წინ ლეგენდარული ინგლისური ჯგუფის, „ბითლზის“ კომპოზიცია Yesterday შეასრულა.

მეტი...

თორნიკე ყიფიანი – საქართველოს ხმა ევროვიზია 2020-ზე

ევროვიზიის რიგით 65-ე კონკურსს წელს ნიდერლანდების ქალაქი როტერდამი, 12, 14 და 16 მაისს მასპინძლობს. რამდენიმე დღის წინ ცნობილი გახდა, რომ საქართველოს წარმომადგენელი, თორნიკე ყიფიანი კონკურსის მეორე ნახევარფინალის, მეორე ნაწილში, 14 მაისს იმღერებს. აქტიურ ფაზაში შედის სიმღერაზე მუშაობა. თორნიკე ყიფიანი სიმღერას “ბრავო რექორდსში” წერს. ცნობილია, ისიც რომ მას სამი ბექვოკალისტი ეყოლება. მარიამ შენგელია, ალეკო ბერძენიშვილი და მარიკო ლეჟავა. სიმღერის კლიპსა და სცენოგრაფიაზე ქართველი და უცხოეული პროდისერები იმუშავებენ. შეგახსენებთ, რომ საქართველო ევროვიზიაზე 2007 წლიდან მონაწილეობს და საუკეთესო შედეგს 2010-2011 წლებში მივაღწიეთ. წლევანდელი ევროვიზიის სლოგანია Open Up – გაიხსენი.

მეტი...

ბობ მარლის დაბადების დღე – მუსიკალური კალენდარი

6 თებერვალი Bob Marley-ის დაბადების დღეა. ლეგენდარულმა იამაიკელმა არტისტმა მუსიკალური კარიერა ჯგუფ The Wailers-თან ერთად 1963 წელს დაიწყო. მარლის მუსიკაზე გავლენა იქონია მისი სამშობლოს სოციალურმა პრობლემებმა. აღიარებულია, რომ მუსიკოსმა მნიშვნელოვანი ნაბიჯი გადადგა ქვეყნის კულტურულ და პოლიტიკურ მოვლენებში წვლილის შეტანაში. მარლის ყველაზე პოპულარული კომპოზიციებია: Is This Love, One Love, Satisfy My Soul, Jamming. ის 36 წლის ასაკაში გარდაიცვალა.

მეტი...

თბილისი – საუკეთესო ადგილი ევროპაში კოლმარისა და ათენის შემდეგ

„საუკეთესო ადგილები ევროპაში 2020 წელს სამოგზაუროდ“ – აღნიშნულ გამოკითხვას  ვებპორტალი „ევროპის საუკეთესო ადგილები“, უკვე 11 წელია, ატარებს.  გამოკითხვაში მონაწილეობა წელს 600 ათასზე მეტმა ადამიანმა მიიღო. რეიტინგში საქართველოს შესახებ აღნიშნულია, რომ  „დედაქალაქი თბილისი კულტურული, გასტრონომიული მრავალფეროვნებით, არქიტექტურის მოყვარულთათვის იდეალური ადგილია“. ამასთან, პორტალი თბილისის არქიტექტურაზეც ამახვილებს ყურადღებას. „შუა საუკუნეების ნაგებობები ბრწყინვალე ოსმანური სტილის ნაგებობებს ერწყმის. აქ იხილავთ ნეოკლასიკას, საბჭოთა ან თანამედროვე შენობებს. თბილისი პატივს სცემს წარსულს და მიმართულია მომავლისკენ, მისი ახალგაზრდობისა და ხვალინდელი გამოწვევებისკენ. აუცილებლად ადით თბილისის მწვერვალზე და მოინახულეთ თბილისის მცველის, ქართლის დედის ქანდაკება, საიდანაც დედაქალაქზე გამორჩეული პანორამა იშლება. მშვიდობის ხიდი, მეტეხის ტაძარი,…

მეტი...

მსახიობი ლალი ბადურაშვილი გარდაიცვალა

81 წლის ასაკში მსახიობი ლალი ბადურაშვილი გარდაიცვალა. ლალი ბადურაშვილმა დაამთავრა თბილისის ილია ჭავჭავაძის სახელობის უცხო ენათა ინსტიტუტი ფრანგული ენის სპეციალობით. მუშაობდა თბილისის სახელმწიფო უნივერსიტეტის კათედრაზე. 1970 წელს გადაიღეს ფილმში „დიდოსტატის მარჯვენა“, რომელშიც შეასრულა შორენას როლი. ასევე, მონაწილეობდა რამდენიმე ფილმში. იყო „ქართული ფილმის“ რედაქტორი. 2016 წელს მიენიჭა თბილისის საპატიო მოქალაქის წოდება.

მეტი...

10 ყველაზე საოცნებო ადგილი საქართველოში – CNN

მუცო, უშგული, ვარძია, ანანური, გერგეთი, გელათი, გომის მთა, სიღნაღი, დართლო, დავით გარეჯი – ეს ის ადგილებია, რომლებზეც ცნობილი გამოცემა CNN Travel-ი საქართველოზე წერს. სტატიაში წერია, რომ საქართველო მიუხედავად მისი მცირე ზომისა, ფლობს უზარმაზარ გეოგრაფიულ შესაძლებლობებს და ღირსშესანიშნაობებს. “ქვეყნის ოთხივე მხარე ტურისტის გაოცხებას იწვევს. ევროპის 6 უმაღლესი მწვერვალიდან, 3 სწორედ საქართველოში მდებარეობს”-ნათქვამია სტატიაში, რომელსაც CNN-ის მოგზაურობის ბიურო ავრცელებს.

მეტი...

„ლურჯი ვეშაპი“ – „მკვლელ თამაშთან“ დაკავშირებით ლევან გაბაძემ ფილმი გადაიღო (ვიდეო)

ქართული და არა მხოლოდ ქართული, მსოფლიო საზოგადოება, მალე, ე.წ. მკვლელ თამაშთან დაკავშირებით ქართველი რეჟისორისა და სცენარისტის, ლევან გაბაძის მხატვრულ ფილმს იხილავს. „ლურჯი ვეშაპი“ ასე ჰქვია ფილმს, რომელმაც არაერთი ოჯახი გააუბედურა და არაერთ მოზარდს წაართვა სიცოცხლე. რეჟისორმა, ერთ-ერთ მსახიობთან და შვილმკვდარ დედასთან ერთად „მედიაცენტრ მთავარში“ პრესკონფერენცია გამართა და ფილმზე ისაუბრა. „იდეა წამოვიდა პრობლემიდან. მოგეხსენებათ, კარგად მუშაობს ამ თემაზე საინფორმაციო და ბეჭდური მედია, თუმცა, ის სეგმენტი, რომელიც ამ საშიში თამაშის ინტერესის სფეროა, ნაკლებად უყურებს საინფორმაციოს გამოშვებებს. ამიტომ, ვეცადეთ, რამე განსხვავებული კუთხით მიგვეწოდებინა ეს ინფორმაცია, დაინტერესებულიყვნენ და ენახათ. ფილმი სულ 15 წუთიანია და შექმნილია…

მეტი...

ევროვიზია 2020 წლის კენჭისყრა დღეს გაიმართება

როტერდამში ევროვიზიის სიმღერის კონკურსის 2020 წლის კენჭისყრა 28 იანვარს გაიმართება და გადაწყდება, რომელი ქვეყანა რომელ ნახევარფინალში მიიღებს მონაწილეობას, მათ შორის საქართველოც. ევროვიზიის სიმღერის კონკურსის წესების თანახმად, ფინალში ავტომატურად გადადიან მასპინძელი ქვეყნისა (ნიდერლანდები) და ე.წ. დიდი ხუთეულის: გერმანიის, დიდი ბრიტანეთის, საფრანგეთის, ესპანეთისა და იტალიის წარმომადგენლები. 2020 წლის ევროვიზიის სიმღერის კონკურსის კენჭისყრის პირდაპირ ეთერში ნახვა საქართველოს პირველი არხის ვებ-გვერდზე იქნება შესაძლებელი. კენჭისყრა 19:10 საათზე დაიწყება და მას ჟურნალისტი დემეტრე ერგემლიძე გაუძღვება. ევროვიზიის სიმღერის კონკურსს როტერდამი მასპინძლობს და წელს საქართველოს თორნიკე ყიფიანი წარადგენს. გრანდიოზული შოუს ნახევარფინალები 12 და 14 მაისს, ხოლო ფინალი 16 მაისს გაიმართება.

მეტი...

18 წლის მომღერალი გრემის დაჯილდოვებაზე რეკორდსმენი გახდა

18 წლის ამერიკელმა მუსიკოსმა, ბილი აილიშმა 2020 წლის გრემის დაჯილდოებაზე რეკორდი დაამყარა. ის ყველაზე ახალგაზრდა ნომინანტი გახდა, რომელმაც ღონისძიების ისტორიაში ოთხ ძირითად კატეგორიაში: წლის ალბომი, წლის სიმღერა, წლის ჩანაწერი და წლის ახალბედა არტისტი გაიმარჯვა. საუკეთესო სიმღერისა და ჩანაწერის სტატუსი Bad Guy-მ დაიმსახურა.  ბილი აილიშმა კიდევ ერთი გრემი საუკეთესო ვოკალური პოპ ალბომის კატეგორიაში დაიმსახურა.

მეტი...

“ფორსაჟის” პირველ ტიზერში თავისუფლების მოედანი ჩანს

Fast and Furious-ის მეცხრე ნაწილის ტრეილერის 15-წამიანი ანონსი გავრცელდა. პირველ კადრებში ვხედავთ ერთ-ერთი მთავარი როლის შემსრულებელ ვინ დიზელს და ამის გარდა ნაცნობ ლოკაციასაც თავისუფლების მოედანს. ფილმის გადაღებები საქართველოში აგვისტოსა და სექტემბერში მიმდინარეობდა . Fast and Furious-ს დედაქალაქში პროგრამის გადაიღე საქართველოში ფარგლებში იღებდნენ. როგორც ყოფილი პრემიერის, მამუკა ბახტაძის ხელმოწერილ განკარგულებაში წერია, ჰოლივუდური ფილმის გადაღებისთვის საქართველოში მაქსიმუმ 31,4 მილიონი ლარი (31 358 162 ლარი) უნდა დახარჯულიყო.

მეტი...

QUEEN-ი დიდი ბრიტანეთის ვალუტაზე გამოსახეს

ლეგენდარული Queen პირველი მუსიკალური ჯგუფი გახდა, რომელიც დიდი ბრიტანეთის ვალუტაზე გამოსახეს. კოლექტივის პატივსაცემად მთავრობამ 5 გირვანქა სტერლინგის ნომინალის საკოლექციო მონეტები გამოუშვა, რომლებზეც ბენდის თითოეულ წევრთან დაკავშირებული ინსტრუმენტებია დატანილი. რკინის, ვერცხლისა და ოქროს მონეტების ღირებულება 13-დან 2,020 გირვანქა სტერლინგამდე მერყეობს.

მეტი...

მაისურაძე, ბოლქვაძე, ოდიშარია – ვინ იქნება კულტურის სფეროს ახალი ხელმძღვანელი?

განათლების და კულტურის სამინისტროების  გაყოფასთან დაკავშირებით მთავრობაში გადაწყვეტილება მიღებულია. კულტურის სფეროს ხელმძღვანელად დღეს სამი გვარი დასახელდა. ესენია: ბადრი მაისურაძე, ელისო ბოლქვაძე და ბექა ოდიშარია. საქართველოში 10 სამინისტრო და ერთი სახელმწიფო მინისტრის აპარატი 2018 წელს ჩამოყალიბდა. სამთავრობო ცვლილებების მიხედვით კი კულტურისა და სპორტის სამინისტრო განათლების სამინისტროს შეუერთდა.

მეტი...

„ჩვენს თაობას შეუძლია მუსიკით რევოლუცია მოაწყოს“ – ახალგაზრდა მუსიკოსი Omar K

ქართველი ბითმეიქერი (მუსიკოსი, რომელიც ჰიპ-ჰოპ ჟანრში ინსტუმენტალურ მხარეს უზრუნველყოფს), ტრეკების პროდიუსერი და  მუსიკოსი ომარ ხალვაში, იგივე Omar K თავისი მუსიკით აუდიტორიას იპყრობს. Omar K მუსიკას 16 წლის ასაკიდან ქმნის, კერძოდ კი პროფესიული წინსვლა  ელექტრონული მუსიკის მიმართულებით დაიწყო. მუსიკალური განვითრება კი “ოლდ სქულ” (90-იანი წლების ჰიპ-ჰოპის მიმდინარეობა) ჰიპ-ჰოპით  გააგრძელა. „მედიაცენტრი მთავარი“ დაინტერესდა მუსიკოსის შემოქმედებით, რომელიც მისი ნამუშევრებით რევოლუციას გეგმავს. „მედიაცენტრი მთავარი“ : რატომ გახდა ჰიპ-ჰოპი და არა სხვა მუსიკალური მიმდინარეობა თქვენთვის საინტერესო? Omar K: „ჩემთვის ჰიპ-ჰოპი საკუთრი თავის გამოხატვა და იმ ყველაფრის ასახვაა მარტივ ენაზე, რაც საზოგადოებაში და ზოგადად ჩვენ ირგვლივ …

მეტი...