დღე: ივლისი 5, 2025

სომხეთის საგარეო საქმეთა სამინისტრომ თურქეთის პრეზიდენტის მიერ ე.წ. ზანგეზურის დერეფნის შესახებ გაკეთებულ განცხადებას გამოეხმაურა. როგორც უწყებაში აცხადებენ, „სომხეთი იყო და რჩება დაინტერესებული რეგიონული ურთიერთკავშირების გაფართოებით და ეკონომიკურ განვითარებით. „ჩვენი მოსაზრებით, მათ შეუძლიათ, უზრუნველყონ ორმხრივად სასარგებლო შედეგები როგორც რეგიონის ქვეყნებისთვის, ისე პარტნიორებისთვის, რომლებიც დაინტერესებულნი არიან კომუნიკაციების უფრო ფართო გეოგრაფიული ქსელის განვითარებით. როგორც ადრე, ისე ახლაც სომხეთის რესპუბლიკის ხედვა რეგიონში სატრანსპორტო ინფრასტრუქტურის განბლოკვის შესახებ დაფუძნებულია სუვერენიტეტის, კომუნიკაციებზე ეროვნული იურისდიქციის ფუძემდებლურ პრინციპებზე და, როგორც ცნობილია, არ გულისხმობს სხვა ლოგიკას. მსჯელობა დაინტერესებულ პარტნიორებთან გრძელდება“, – ნათქვამია სომხეთის საგარეო უწყების განცხადებაში.

აზერბაიჯანთან დაძაბულობის ფონზე რუსეთი სომხეთში სამხედრო წარმომადგენლობას ზრდის. ამის შესახებ განცხადებას უკრაინის დაზვერვის მთავარი სამმართველო ავრცელებს. „აზერბაიჯანთან ურთიერთობების დაძაბულობის ფონზე მოსკოვი სომხეთში სამხედრო წარმომადგენლობას ზრდის. რუსეთმა დააჩქარა გიუმრიში (სომხეთი) საკუთარი სამხედრო ბაზის დაკომპლექტება სამხრეთ კავკასიის ქვეყნებზე სამხედრო-პოლიტიკური ზეწოლის გაძლიერების მიზნით. პირად შემადგენლობას სამხედრო მოსამსახურეებიდან აგროვებენ რუსეთიდან, რომლებიც სამსახურს გადიან როსტოვისა და ვოლგოგრადის ოლქებში, და ასევე დროებით ოკუპირებულ ყირიმში. ამას გარდა, აქტიურად ეძებს მოხალისეებს კავკასიის დამონებული ერების წარმომადგენლებიდან – კერძოდ, სამხრეთ ოსეთიდან და ადიღედან… უკრაინის სამხედრო დაზვერვა აგრძელებს ყურადღების თვალის დევნებას რუსული ჯარების გადაადგილებისთვის როგორც რუსეთის ტერიტორიაზე, ასევე მის ფარგლებს გარეთ” – ნათქვამია…

ირანის უზენაესი ლიდერი აიათოლა ალი ხამენეი 25 დღეა საჯაროდ არ გამოჩენილა. ჭორები ვრცელდება, ის შესაძლოა მძიმედ არის ავად ან უკვე გარდაიცვალა. ინფორმაციას გამოცემა Bild-ი ავრცელებს. გამოცემის ცნობით, ბოლო პერიოდის განმავლობაში მან ხალხს მხოლოდ ორჯერ მიმართა ვიდეომიმართვით. ეს საკმაოდ იშვიათი მოვლენაა, რადგან ხამენეი, როგორც წესი, მნიშვნელოვან რელიგიურ ცერემონიებს სისტემატიურად ესწრება. როგორც Bild აღნიშნავს, ირანში სხვადასხვა ჭორები ვრცელდება, მაგალითად, რომ ის მძიმედ არის ავად ან უკვე გარდაიცვალა.

აშშ-ის პრეზიდენტმა, დონალდ ტრამპმა განაცხადა, რომ უკრაინის პრეზიდენტთან, ვოლოდიმირ ზელენსკისთან სატელეფონო საუბრით კმაყოფილია. ტრამპის თქმით, ზელენსკისთან „კარგი დიალოგი ჰქონდა და სხვადასხვა საკითხზე ისაუბრეს“. გარდა ამისა, უკრაინისთვის იარაღის მიწოდების შესახებ დასმულ კითხვაზე პასუხად ტრამპი აცხადებს, რომ აშშ უკრაინის დახმარებას გააგრძელებს. „ჩვენ ვეხმარებოდით მათ და კვლავ განვაგრძობთ დახმარებას. სიტუაცია საკმაოდ რთულია. ვნახოთ, რა მოხდება შემდეგ“, – აღნიშნა აშშ-ის პრეზიდენტმა.

სომხეთის პრემიერ-მინისტრის, ნიკოლ ფაშინიანის განცხადებით, სომხეთს სჭირდება ახალი კონსტიტუცია, რომელიც საყოველთაო ხმის მიცემის შედეგად იქნება შეთანხმებული. სომხეთის პრემიერმა თქვა, რომ სომეხი ხალხი ქვეყნის სამართლებრივ სისტემას, რომელიც ბოლო 35 წლის განმავლობაში ჩამოყალიბდა, დღემდე აღიქვამს, როგორც სხვა ხალხის მიერ განსაზღვრულს, მათი მონაწილეობის გარეშე. „სომხეთს სჭირდება ახალი კონსტიტუცია, რომელსაც დაამტკიცებს ხმის მიცემით ხალხი, რათა ჩათვალოს, რომ მისია ეს კონსტიტუცია, მშობლიური, კონსტიტუცია ჩათვალოს საკუთარ სამშობლო-სახელმწიფოში ცხოვრების წესად, რომელიც თავად შექმნა“, – განაცხადა ნიკოლ ფაშინიანმა.    

თურქეთის პრეზიდენტის, რეჯეფ თაიფ ერდოღანის განცხადებით, აზერბაიჯანსა და სომხეთს შორის მშვიდობა რეგიონში შესაძლებლობების ახალ ფანჯარას გახსნის. „მშვიდობა, რომელსაც დაამყარებენ სომხეთი და აზერბაიჯანი, რეგიონში კლიმატს შეცვლის. ამის წყალობით ჩვენ გავხდებით იმის მოწმე, რომ ერთი მეორეს მიყოლებით გაიხსნება ახალი ინსტორიული შესაძლებლობების ფანჯრები“, – განაცხადა რეჯეფ თაიფ ერდოღანმა. თურქეთის ლიდერმა ასევე ისაუბრა ე.წ. ზანგეზურის დერფნის პროექტის რეალიზაციაზე. „მართალია, სომხეთი თავდაპირევლად ზანგეზურის დერეფნის წინააღმდეგ გამოდიოდა, ახლა ერევანი უფრო მოქნილ მიდგომას მისდევს ეკონომიკურ ინტეგრაციაში მონაწილეობის თვალსაზრისით. ზანგეზურის დერეფანი ახალ შესაძლებელობებს მოუტანს არა მხოლოდ აზერბაიჯანს, არამედ მთელ რეგიონს. ამ ხაზს განვიხილავთ, როგორც გეოეკონომიკურ რევოლუციას“, – განაცხადა…

კოსოვოს პარლამენტის შენობიდან დეპუტატებისა და თანამშრომლების ევაკუაცია განხორციელდა. როგორც მედიაში ვრცელდება ინფორმაცია, პოლიციამ ევაკუაციის გადაწყვეტილება მას შემდეგ მიიღო, რაც უცნობმა მათ შენობაში ბომბის არსებობის შესახებ მიაწოდა ინფორმაცია. პარლამენტში სწორედ ამ დროს უნდა განახლებულიყო სესია. „გვითხრეს გამოვსულიყავით, რადგან არსებობს შესაძლო საფრთხე. ჩვენ არ ვიცით, რა ხდება“, – განაცხადა ოპოზიციის წარმომადგენელმა. აღსანიშნავია, რომ კოსოვოს პარლამენტი უკვე 40-ზე მეტჯერ შეიკრიბა, თუმცა დეპუტატებმა თავმჯდომარე და მის მოადგილეები ამ დრომდე ვერ აირჩიეს. შესაბამისად, საკანონმდებლო ორგანო ვერ იწყებს სრულფასოვან მუშაობას.

უკრაინის პრეზიდენტის ადმინისტრაციის ხელმძღვანელის მრჩეველმა, მიხაილო პოდოლიაკმა განაცხადა, რომ პუტინი  თავის “ბუნებრივ მდგომარეობაშია” და მასთან მოლაპარაკებები უშედეგოა. „შეერთებულმა შტატებმა უნდა გააცნობიეროს პუტინთან მოლაპარაკებების უშედეგობა და გადამწყვეტი ზომები მიიღოს გლობალური ლიდერის როლის შესანარჩუნებლად. ხაზგასმით ვამბობ, რომ პუტინთან ნებისმიერი მოლაპარაკება უაზროა. პუტინის მიერ იმის განცდის გარეშე, რომ ჩიხშია და უნდა შეშინდეს- ამის გარეშე არაფერი მოხდება. პუტინი თავს უფლებამოსილად მიიჩნევს, გაანადგუროს საერთაშორისო სამართლებრივი მატრიცა, მოკლას ნებისმიერი რაოდენობის ადამიანი და არ აიღოს პასუხისმგებლობა“, – თქვა პოდოლიაკმა

სომხეთის საგარეო საქმეთა სამინისტროში დაბარებულ რუსეთის ელჩს, სერგეი კოპირკინს საპროტესტო ნოტა გადაეცა. ინფორმაციას სომხური მედია ავრცელებს.  მედიის თანახმად, ნოტაში მიზეზად დასახელებულია არამეგობრული, დეზინფორმაციული თავდასხმები ერევანზე, რუსეთის სახელმწიფო ტელეარხებიდან. “გამოხატული იქნა მკაცრი პროტესტი რუსეთის ფედერაციის მასმედიაში ღიად არამეგობრული, ხშირად კი მტრული პროპაგანდის წინააღმდეგ, რომელიც მიმართულია სომხეთის რესპუბლიკის მთავრობის წინააღმდეგ და აქტიურად ღვივდება ზოგიერთი ოფიციალური პირის, რუსეთის ფედერაციის სახელმწიფო დუმის დეპუტატების, პრესისა და ექსპერტული წრის წარმომადგენლების განცხადებებით” – აცხადებს სომხეთის საგარეო უწყება.

აშშ-ის პრეზიდენტი დონალდ ტრამპი აცხადებს,  რომ ხელი მოაწერა ბრძანებას 12 ქვეყნის შესახებ, სადაც განსაზღვრულია ტარიფების დონეები, რომლებსაც ისინი აშშ-ში ექსპორტირებულ საქონელზე გადაიხდიან. ტრამპმა არ დაასახელა აღნიშნული 12 ქვეყანა და განაცხადა, რომ სია ორშაბათს გამოქვეყნდება. „მე ხელი მოვაწერე რამდენიმე ბრძანებას და ისინი ორშაბათს გაიგზავნება. სხვადასხვა თანხა, სხვადასხვა ტარიფები“, – თქვა ტრამპმა. ცნობისთვის, ტრამპმა აპრილში გამოაცხადა 10%-იანი საბაზისო ტარიფი და დამატებითი თანხები ქვეყნების უმეტესობისთვის, ზოგიერთი 50%-მდე. 10%-იანი საბაზისო ტარიფის გარდა ყველა განაკვეთი მოგვიანებით 90 დღით შეჩერდა, რათა მოლაპარაკებებისთვის შეთანხმების მისაღწევად მეტი დრო დარჩენილიყო.  

ამერიკის შეერთებული შტატები ევროკავშირს საკვებ და სასოფლო-სამეურნეო პროდუქციაზე 17%-იანი ტარიფების დაწესებით დაემუქრა. ინფორმაციას „გარდიანი“ ავრცელებს. ბრიტანული გამოცემა წერს, რომ ამის შესახებ ევროკომისიამ წევრი ქვეყნების ელჩებს უკვე აცნობა. გავრცელებული ცნობით, სავაჭრო ტარიფები შეეხება ყველაფერს, ბელგიური შოკოლადიდან დაწყებული და იტალიური ზეითუნის ზეთით დასრულებული. როგორც სტატიაშია აღნიშნული, თუ ვაშინგტონი ამ ნაბიჯს გადადგამს, ეს მნიშვნელოვან დარტყმას მიაყენებს ევროპელ მწარმოებლებს. თავის მხრივ, ევროკომისიაში კვლავაც საჯაროდ აცხადებენ, რომ ევროკავშირი ოპტიმისტურად აფასებს აშშ-თან სავაჭრო შეთანხმების გაფორმების შესაძლებლობას.

უკრაინის შეიარაღებულმა ძალებმა რუსეთის ვორონეჟის რეგიონში მდებარე ბორისოგლებსკის სამხედრო აეროდრომს დაარტყეს. ჭურვების საწყობი და სასწავლო თვითმფრინავი განადგურდა. ინფორმაციას უკრაინის სამხედრო ძალები ავრცელებს. მათივე ცნობით, ზარალი მიადგა კიდევ სხვა საჰაერო მოწყობილობებსაც. ვორონეჟის გუბერნატორმა, ალექსანდრე გუსევმა, Telegram-ზე დაწერა, რომ ღამის განმავლობაში რეგიონში 25-ზე მეტი უკრაინული დრონი განადგურდა.

დაჯგუფება „ჰამასში“ აცხადებენ, რომ ღაზის სექტორში ცეცხლის შეწყვეტის შეთავაზებაზე შუამავლებს პოზიტიური პასუხი გადასცეს. „ჰამასში“ ამბობენ, რომ მზად არიან, დაუყოვნებლივ ჩაერთონ ბოლო წინადადების შესახებ მოლაპარაკებებში. მანამდე აშშ-ის პრეზიდენტმა, დონალდ ტრამპმა განაცხადა, რომ ღაზის სექტორში ცეცხლის შეწყვეტის შესახებ შეთავაზებაზე „ჰამასის“ პასუხს 24 საათში ელოდება. ტრამპმა ასევე თქვა, რომ ისრაელი დათანხმდა პირობებს, რომელთა შესრულების შემთხვევაში ღაზის სექტორში ცეცხლი 60 დღით შეწყდება. აღნიშნული წინადადება მოიცავს ღაზის სექტორში მყოფი 10 მძევლის გათავისუფლებას და 18 დაღუპულის ცხედრის ისრაელისთვის გადაცემას. სანაცვლოდ კი, ისრაელი ციხეებში მყოფ პალესტინელ პატიმრებს გაათავისუფლებს. ამ ეტაპზე ღაზის სექტორში, სავარაუდოდ, კიდევ რჩება 50 მძევალი,…