დღე: ივლისი 4, 2025

ატომური ენერგიის საერთაშორისო სააგენტოს ინსპექტორები ირანს ტოვებენ. განცხადებას სააგენტო ავრცელებს. “IAEA-ს ინსპექტორთა გუნდმა მშვიდობიანად დატოვა ირანი, ვენაში, სააგენტოს შტაბ-ბინაში დასაბრუნებლად, მას შემდეგ, რაც ისინი ბოლო კონფლიქტის პერიოდში თეირანში იმყოფებოდნენ. IAEA-ს გენერალურმა დირექტორმა, რაფაელ გროსიმ კიდევ ერთხელ გაიმეორა IAEA-ს მიერ ირანში საჭირო მონიტორინგისა და სავერიფიკაციო აქტიურობების რაც შეიძლება სწრაფად განახლების დეტალების საკვანძო მნიშვნელობა”- ნათქვამია განცხადებაში. საინფორმაციო სააგენტო Bloomberg-ის ცნობით, პარასკევს, 4 ივლისს, თეირანი ინსპექტორთა ბოლო ჯგუფმა დატოვა.

ვოლოდიმირ ზელენსკიმ და დონალდ ტრამპმა ტელეფონის საშუალებით ისაუბრეს. როგორც ზელენსკი წერს,  ტრამპთან  საჰაერო დაცვის შესაძლებლობებზე ისაუბრა. “ძალიან მნიშვნელოვანი და ნაყოფიერი საუბარი მქონდა აშშ-ის პრეზიდენტთან. პრეზიდენტ ტრამპსა და მთელ ამერიკელ ერს შეერთებული შტატების დამოუკიდებლობის დღე მივულოცე. ჩვენ, უკრაინაში, მადლობელები ვართ მთელი მოწოდებული დახმარებისთვის. ის გვეხმარება სიცოცხლის დაცვაში, ჩვენი თავისუფლებისა და დამოუკიდებლობის დაცვაში. ბევრს მივაღწიეთ ამერიკასთან ერთად და მხარს ვუჭერთ ყველა ძალისხმევას, მკვლელობების შესაჩერებლად და სამართლიანი, მყარი და ღირსეული მშვიდობის აღსადგენად. კეთილშობილი შეთანხმებაა საჭირო მშვიდობისთვის. დღეს მიმდინარე ვითარება განვიხილეთ, მათ შორის რუსეთის ავიადარტყმები და უფრო ფართო ფრონტის ხაზის მოვლენები. პრეზიდენტი ტრამპი ძალიან…

,,აშშ უკრაინასთან სამხედრო დახმარების კუთხით თანამშრომლობას აგრძელებს”, – განაცხადა ამერიკის პრეზიდენტმა, დონალდ ტრამპმა. „ჩვენ უკრაინასთან ვთანამშრომლობთ, რათა დავეხმაროთ. ამავე დროს ჩვენ ჩვენი მოთხოვნებიც უნდა დავაკმაყოფილოთ“, – აღნიშნა მან. ცნობისთვის, რამდენიმე დღის წინ მედიაში გავრცელდა ინფორმაცია, რომ აშშ-მა უკრაინას სამხედრო დახმარება შეუჩერა. კერძოდ, საუბარია ჰაერსაწინააღმდეგო და საარტილერიო ჭურვების მიწოდების შეჩერებაზე.

გაერო-ს ატომური ენერგიის საერთაშორისო სააგენტოს, უსაფრთხოებიდან გამომდინარე, ირანიდან ინსპექტორები გაჰყავს, რითიც წყვეტს კავშირს სააგენტოსა და თეირანს შორის. „უოლ სთრით ჯორნალის” ინფორმაციით, სააგენტოს ინსპექტორების ჯგუფმა ირანი დღეს დატოვა, ისინი ვენაში ბრუნდებიან. მანამდე ირანის პრეზიდენტმა, მასუდ ფეზეშქიანმა განაცხადა, რომ თეირანი ატომური ენერგიის საერთაშორისო სააგენტოსთან თანამშრომლობას წყვეტს.

,,რუსეთის პრეზიდენტმა, ვლადიმერ პუტინმა აშშ-ის პრეზიდენტ დონალდ ტრამპთან საუბრისას კიდევ ერთხელ გაიმეორა, რომ რუსეთის ფედერაცია დაინტერესებულია ე.წ. „სპეციალური სამხედრო ოპერაციის“ მიზნების მიღწევით და უმჯობესია, რომ ეს პოლიტიკური და დიპლომატიური გზებით გახდეს შესაძლებელი”, – ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა. „საუბრის დროს პრეზიდენტმა პუტინმა გაიმეორა, რომ ჩვენ დაინტერესებულები ვართ იმით, რომ სპეციალური სამხედრო ოპერაციის მიზნებს მივაღწიოთ და უმჯობესია, ეს პოლიტიკური და დიპლომატიური საშუალებებით განხორციელდეს“, – განუცხადა პესკოვმა ჟურნალისტებს. შეგახსენებთ, აშშ-სა და რუსეთის პრეზიდენტებმა, დონალდ ტრამპმა და ვლადიმერ პუტინმა ტელეფონით გუშინ ისაუბრეს.

უკრაინის პრეზიდენტის, ვოლოდიმირ ზელენსკის განცხადებით, რუსეთმა და უკრაინამ ტყვეების მორიგი გაცვლა განახორციელეს. მისი თქმით, დაბრუნებულ ტყვეებს შორის არიან უკრაინელები, რომლებიც სხვადასხვა რეგიონში: დონეცკსა და მარიუპოლში, ლუგანსკში, ხარკოვსა და ხერსონში იბრძოდნენ. „გაცვლა უნდა გაგრძელდეს და მადლობას ვუხდი ყველას, ვინც ამას უზრუნველყოფს. უკრაინის მიზანია ყველა ჩვენიანის გათავისუფლება რუსეთის ტყვეობიდან. მადლობა ყველას, ვინც ამაში დაგვეხმარა“, – აღნიშნა ზელენსკიმ.

თურქეთისა და ირანის პრეზიდენტები აზერბაიჯანში ჩავიდნენ. ლიდერები „ეკონომიკური თანამშრომლობის ორგანიზაციის“ მე-17 სამიტზე დასასწრებად იკრიბებიან. რეჯეფ თაიფ ერდოღანს აეროპორტში დახვდნენ აზერბაიჯანის მეცნიერებისა და განათლების მინისტრი ემინ ამრულაევი, აზერბაიჯანის რესპუბლიკის პრეზიდენტის სპეციალური წარმომადგენელი აღდამის, ფუზულისა და ხოჯავენდის რეგიონებში ემინ ჰუსეინოვი და სხვა ოფიციალური პირები. მასუდ ფეზეშქიანის დასახვედრად აეროპორტში მივიდნენ აზერბაიჯანის კულტურის მინისტრი ადილ ქერიმლი, აზერბაიჯანის რესპუბლიკის პრეზიდენტის სპეციალური წარმომადგენელი აღდამის, ფიზულისა და ხოჯავენდის რეგიონებში ემინ ჰუსეინოვი და სხვა ოფიციალური პირები. აზერბაიჯანში იმყოფება პაკისტანის პრემიერ-მინისტრი შაჰბაზ შარიფი, რომელთანაც ქალაქ ხანქენდიში აზერბაიჯანის პრეზიდენტმა შეხვედრა გამართა. შარიფმა ხაზგასმით აღნიშნა, რომ აზერბაიჯანსა და პაკისტანს შორის ორმხრივი…

,,პაკისტანი მკაცრად გმობს ისრაელის თავდასხმას ირანზე”, – ამის შესახებ პაკისტანის პრემიერ-მინისტრმა, მუჰამად შაჰბაზ შრიფმა ხანქენდიში, „ეკონომიკური თანამშრომლობის ორგანიზაციის“ სამიტზე განაცხადა. პაკისტანის პრემიერ-მინისტრმა ასევე ისაუბრა ინდოეთ-პაკისტანის კონფლიქტზე. „ინდოეთის მიერ პაკისტანის წინააღმდეგ განხორციელებულ აგრესიას მტკიცე პასუხი მოჰყვა. ჩვენ პროვოკაცია აღვკვეთეთ. მადლობას ვუხდი „ისლამური თანამშრომლობის ორგანიზაციის“ მოძმე წევრ სახელმწიფოებს პაკისტანისადმი სოლიდარობისთვის. ჩვენ არ დავივიწყებთ ინდოეთის აგრესიას. ინდოეთი პაკისტანის წინააღმდეგ წყალს იარაღად იყენებს. საერთაშორისო საზოგადოებამ ეს არ უნდა დაუშვას“, – განაცხადა პაკისტანის პრემიერმა.

,,ყარაბაღში გათავისუფლებულ ტერიტორიებზე ამჟამად 50 ათასზე მეტი ადამიანი ცხოვრობს, მუშაობს და განათლებას იღებს”, – ამის შესახებ აზერბაიჯანის პრეზიდენტმა, ილჰამ ალიევმა, ყარაბაღის რეგიონის ქალაქ ხანქენდიში, „ეკონომიკური თანამშრომლობის ორგანიზაციის“ სამიტზე განაცხადა. ალიევის თქმით, სომხეთმა აზერბაიჯანის მიწებზე მილიონზე მეტი ნაღმი დატოვა და ომიდან დღემდე, ნაღმების აფეთქებების შედეგად აზერბაიჯანის დაახლოებით 400 მცხოვრები დაიღუპა ან მძიმედ დაიჭრა. „დღეისთვის ჩვენ უზრუნველვყავით ყოფილი იძულებით გადაადგილებული პირების დაბრუნება 16 ქალაქსა და სოფელში. ამჟამად, 50 ათასზე მეტი ადამიანი ცხოვრობს, მუშაობს და იღებს განათლებას განთავისუფლებულ ტერიტორიებზე. ამჟამად, ოკუპაციისგან გათავისუფლებულ ყარაბაღსა და აღმოსავლეთ ზანგეზურში მასშტაბური სამშენებლო და აღდგენითი სამუშაოები მიმდინარეობს. ჩვენ…

,,რუსეთი კიდევ ერთხელ აჩვენებს, რომ არ აპირებს ომისა და ტერორის დასრულებას”, – ასე ეხმაურება უკრაინის პრეზიდენტი რუსეთის მიერ უკრაინაზე განხორციელებულ მასშტაბურ იერიშს. „ჩვენს ქალაქებსა და რეგიონებში საჰაერო თავდასხმის სირენები პრეზიდენტ ტრამპსა და პუტინს შორის სატელეფონო საუბრის დაწყების შესახებ მედიაში გავრცელებულ ინფორმაციასთან ერთად გაისმა. რუსეთი კიდევ ერთხელ აჩვენებს, რომ არ აპირებს ომისა და ტერორის დასრულებას“, – განაცხადა უკრაინის პრეზიდენტმა. უკრაინის პრეზიდენტმა დასძინა, რომ ძალიან მნიშვნელოვანია პარტნიორების მხარდაჭერის შენარჩუნება.

,,ნიდერლანდების სადაზვერვო სააგენტოებმა შეაგროვეს მტკიცებულებები რუსეთის მიერ უკრაინაში აკრძალული ქიმიური იარაღის ფართოდ გამოყენების შესახებ”, – ამის შესახებ ნიდერლანდების თავდაცვის მინისტრმა, რუბენ ბრეკელმანსმა და სამხედრო დაზვერვის უფროსმა, პიტერ რისინკმა Reuters-ს განუცხადეს. ნიდერლანდების სამხედრო დაზვერვის სააგენტოს ხელმძღვანელის პიტერ რისინკის მტკიცებით, დასკვნები ნიდერლანდების დაზვერვის დამოუკიდებელ მონაცემებს ეფუძნება. ნიდერლანდების თავდაცვის უწყების ხელმძღვანელის თქმით, ქიმიური იარაღის გამოყენებას სულ მცირე სამი უკრაინელი მოქალაქის დაღუპვა უკავშირდება. ამასთან, ჯანდაცვის ორგანოებს ქიმიურ იარაღთან დაკავშირებული სიმპტომებით ბრძოლის ველზე დაშავებულმა 2500-ზე მეტმა ადამიანმა მიმართა. ბრეკელმანსის თქმით, რუსეთის მიერ ქიმიური იარაღის გამოყენების ზრდა საფრთხეს უქმნის არა მხოლოდ უკრაინას, არამედ სხვა ქვეყნებსაც. ნიდერლანდების…

,,პრეზიდენტო ტრამპ, პუტინი დასცინის თქვენს სამშვიდობო ძალისხმევას. გთხოვთ, აღადგინოთ უკრაინისთვის საზენიტო საბრძოლო მასალის მიწოდება და აგრესორის წინააღმდეგ ახალი მკაცრი სანქციები დააწესოთ”, – ამის შესახებ პოლონეთის საგარეო საქმეთა მინისტრი, რადოსლავ სიკორსკი X-ზე წერს. მისი თქმით, რუსეთზე მასშტაბურმა თავდასხმამ ხანძარი და დიდი ზიანი გამოიწვია, მათ შორის კიევში პოლონეთის საკონსულოში. შეგახსენებთ, რუსულმა ძალებმა უკრაინას რაკეტებით და დრონებით შეუტია. ამ დროისთვის არსებული მონაცემებით, კიევში 23 ადამიანი დაშავდა.