დღე: ივლისი 3, 2025

რუსეთის პრეზიდენტის თანაშემწის განცხადებით, ვლადიმერ პუტინმა და დონალდ ტრამპა სატელეფონო საუბრის დროს ახლო აღმოსავლეთში არსებული ვითარება და უკრაინის საკითხი განიხილეს. “რა თქმა უნდა, განიხილებოდა უკრაინული პრობლემატიკა. ტრამპმა კვლავ წამოაყენა სამხედრო ქმედებების რაც შეიძლება სწრაფად დასრულების საკითხი. პუტინმა აღნიშნა, რომ ჩვენ ვაგრძელებთ კონფლიქტის მოგვარების ძიებას”, – განაცხადა უშაკოვმა. ასევე, უშაკოვის თქმით, პუტინმა ტრამპს უთხრა, რომ რუსეთი “უკან არ დაიხევს მიზნებისგან, რომლებიც უკრაინული კრიზისის ძირეული მიზეზების აღმოფხვრას უკავშირდება”. საუბრის დროს ასევე, განხილულ იქნა სირიაში, ირანსა და მთლიანად ახლო აღმოსავლეთში არსებული ვითარება.  

დროებით ოკუპირებულ ლუგანსკში ქალაქის ყოფილი “მერი” ააფეთქეს. ინფორმაციას რუსული სახელმწიფო გამოცემა “ტასი” ოკუპირებული რეგიონის “ოპერატიულ სამსახურებზე” დაყრდნობით ავრცელებს. მათი ცნობით, აფეთქება 3 ივლისს შუადღით ქალაქის ტარას შევჩენკოს ქუჩაზე მოხდა. “ტასის” ცნობით, აფეთქების შედეგად გარდაცვლილი ოკუპირებული ქალაქის ყოფილი “მერი” მანოლის პილავოვია. მომხდარის შედეგად სამი ადამიანი დაშავდა. პილავოვი ოკუპირებული ლუგანსკის “ადმინისტრაციას” 2014 წლის დეკემბრიდან 2023 წლის ნოებმრამდე ხელმძღვანელობდა.

,,უკიდურესად შთამბეჭდავია, რომ უკრაინას – ომში მყოფ ქვეყანას შეუძლია არა მხოლოდ ევროპელებზე უკეთესი, უფრო სწრაფი და იაფი წარმოება, მაგალითად, დრონების, არამედ შეუძლია რეფორმების განხორციელება და კონკრეტულ ნაბიჯების გადადგმა, მიუხედავად იმისა, რომ ომშია”, – განაცხადა დანიის პრემიერ-მინისტრმა, მეტე ფრედერიქსენმა. „ვფიქრობ, ისინი თავის წვლილს ასრულებენ. ჯერ კიდევ ბევრი გადაწყვეტილებაა მისაღები რეალურ წევრობამდე, მაგრამ ისინი ნამდვილად ასრულებენ თავიანთ საშინაო დავალებას. ახლა დროა, ევროპამ იგივე გააკეთოს“, – ამბობს პრემიერი.

,,მოლდოვას სურს, სექტემბრის არჩევნებამდე დაიწყოს ევროკავშირთან მოლაპარაკებები, რათა წინააღმდეგობა გაუწიოს ევროკავშირის შესახებ რუსეთის დეზინფორმაციას”, – ამის შესახებ ქვეყნის ვიცე-პრემიერმა, კრისტინა გერასიმოვამ განაცხადა. „ჩვენ ნამდვილად გვჯერა წევრი სახელმწიფოების, რომ უახლოეს მომავალში მოიძებნება გამოსავალი როგორც მოლდოვისთვის, ასევე უკრაინისთვის, რათა გაიხსნას მოლაპარაკების პირველი კლასტერი. მოლდოვისთვის დროის საკითხი გადამწყვეტია. 28 სექტემბერს გვაქვს საპარლამენტო არჩევნები, სადაც დეზინფორმაცია, სამწუხაროდ, დიდ როლს თამაშობს და ამ დეზინფორმაციის უმეტესი ნაწილი ევროკავშირის წინააღმდეგაა მიმართული“, – განაცხადა კრისტინა გერასიმოვამ. მოლდოვამ და უკრაინამ ევროკავშირში გაწევრიანების მოლაპარაკებები ოფიციალურად გასული წლის ივნისში დაიწყეს, თუმცა არსებითი მოლაპარაკება ჯერ დაწყებული არ არის. გაწევრიანების მოლაპარაკებები დაყოფილია ექვს…

სერბეთში აქციის მონაწილეებსა და სამართალდამცველებს შორის შეტაკებები მოხდა. მომიტინგეებმა გზა გადაკეტეს და 28 ივნისს გამართულ აქციაზე დაკავებულების გათავისუფლებას ითხოვდნენ. ვითარება მას შემდეგ დაიძაბა, რაც აქციის მონაწილეებმა პოლიციის მიმართულებით სკამებისა და სხვადასხვა საგნების სროლა დაიწყეს. როგორც ქვეყნის შინაგან საქმეთა სამინისტრო აცხადებს, 77 ადამიანია დაკავებული. ცნობისთვის, სერბეთში გასული წლის ნოემბრის თვეში ნოვი სადის რკინიგზის ახლადგანახლებული სადგურის სახურავი პირველ ჩამოინგრა, რასაც 15 ადამიანი ემსხვერპლა. ოპოზიციის ლიდერები და მოსახლეობის ნაწილი მომხდარს მთავრობაში კორუფციასა და ნეპოტიზმს უკავშირებენ. სადგურის სახურავის ჩამონგრევის გამო ტრანსპორტის, ინფრასტრუქტურისა და ვაჭრობის მინისტრები გადადგნენ, ასევე თანამდებობა დატოვა სერბეთის რკინიგზის სახელმწიფო კომპანიის ხელმძღვანელმა.…

გერმანიის კანცლერი ფრიდრიხ მერცი კიდევ ერთხელ მოუწოდებს ევროკავშირს ამერიკის შეერთებულ შტატებთან ტარიფებთან დაკავშირებით „სწრაფი და მარტივი“ შეთანხმების მიღწევისკენ. „უმჯობესია სწრაფი და მარტივი გადაწყვეტა, ვიდრე ხანგრძლივი და რთული, რომელიც თვეების განმავლობაში მოლაპარაკებების ეტაპზე რჩება“, – განაცხადა ფრიდრიხ მერცმა ბერლინში, კოოპერატიული ბანკების ეროვნული ასოციაციის ყოველწლიურ კონვენციაზე. ცნობისთვის, ევროკავშირის სავაჭრო ხელმძღვანელი მაროშ შევჩოვიჩი ვაშინგტონში იმყოფება, სადაც ტარიფებთან დაკავშირებით მოლაპარაკებებს მართავს.

მიიღებს თუ არა წარმომადგენელთა პალატა დონალდ ტრამპის საბიუჯეტო კანონპროექტს, გაურკვეველია. კანონპროექტზე კენჭისყრა გუშინ დაიწყო. ,,სიბიეს ნიუსი“ წერს, რომ მთელი დღის განმავლობაში აშშ-ის პრეზიდენტი და წარმომადგენელთა პალატის სპიკერი მაიკ ჯონსონი ცდილობდნენ კანონპროექტის მიმართ სკეპტიკურად განწყობილი რესპუბლიკელების დარწმუნებას, თუმცა დღეს დილით ხუთმა რესპუბლიკელმა წინააღმდეგ მისცა ხმა, რაც თეორიულად საკმარისია კენჭისყრის ჩავარდნისთვის, თუმცა კენჭისყრა ჯერ კიდევ გახსნილია და კანონმდებლებს შეუძლიათ, პასუხი შეცვალონ. ხმა ჯერ არ მიუცია კიდევ რვა რესპუბლიკელს. მაიკ ჯონსონმა Fox News-თან ინტერვიუში კი განაცხადა, რომ კენჭისყრა ღია იქნება იმდენ ხანს, რამდენიც საჭირო გახდება. შეგახსენებთ, ტრამპმა რესპუბლიკელების მიერ კონტროლირებულ კონგრესს 4 ივლისამდე…

სომხეთმა „შანხაის თანამშრომლობის ორგანიზაციის“ წევრობის სურვილი გამოთქვა. ამის შესახებ აღნიშნულია სომხეთის საგარეო საქმეთა სამინისტროს მიერ გავრცელებულ განცხადებაში. „შანხაის თანამშრომლობის ორგანიზაციის ფუნდამენტური პრინციპების, კერძოდ, ტერიტორიული მთლიანობის, ძალის გამოუყენებლობისა და საზღვრების ურღვეობის გაზიარებით, სომხეთის რესპუბლიკამ გამოთქვა სურვილი, გახდეს შანხაის თანამშრომლობის ორგანიზაციის წევრი“, – აღნიშნულია განცხადებაში. შანხაის თანამშრომლობის ორგანიზაცია (SCO) არის ათი წევრი სახელმწიფოსგან შემდგარი ევრაზიული პოლიტიკური, ეკონომიკური, საერთაშორისო უსაფრთხოებისა და თავდაცვის ორგანიზაცია, რომელიც 2001 წელს დააარსეს ჩინეთის სახალხო რესპუბლიკამ, ყაზახეთმა, ყირგიზეთმა, რუსეთმა, ტაჯიკეთმა და უზბეკეთმა. 2017 წლის ივნისში ორგანიზაცია, ინდოეთის და პაკისტანის მიღებით, რვა წევრამდე გაფართოვდა. ირანი ჯგუფს 2023 წლის ივლისში შეუერთდა,…

დანია უნგრეთისთვის ევროკავშირში ხმის მიცემის უფლების შეჩერებას ითხოვს. ქვეყნის ევროპულ საქმეთა მინისტრის, მარი ბიერეს თქმით, დანია, როგორც პირველი ივლისიდან ევროკავშირის თავმჯდომარე ქვეყანა, აპირებს, უნგრეთის წინააღმდეგ მე-7 მუხლით გათვალისწინებული პროცედურა დაიწყოს, რადგან, მისივე განმარტებით, უნგრეთი არღვევს ევროკავშირის ფუნდამენტურ ღირებულებებს. ევროკავშირის შეთანხმებაში გაწერილი მე-7 მუხლი გაერთიანების ქვეყნებს შესაძლებლობას აძლევს, კენჭი უყარონ იმ წევრი ქვეყნის გარიცხვას ან დაჯარიმებას, რომელიც არღვევს გაერთიანების წესებს. ევროკავშირის წევრი ქვეყნები თუ გადაწყვეტენ, უნგრეთის წინააღმდეგ აამოქმედონ მე-7 მუხლის პროცედურა, ბუდაპეშტი დაკარგავს ხმის უფლებას ისეთ საკითხში, როგორიცაა გაფართოება, სადაც უნგრეთი ვეტოს ადებს უკრაინის გაწევრიანების საკითხს.

უკრაინის პრეზიდენტი ვოლოდიმირ ზელენსკი დანიაში იმყოფება, სადაც დანიის ევროკავშირის საბჭოს თავმჯდომარეობის აღსანიშნავ ცერემონიას დაესწრება. ზელენსკის დანიის პრემიერ-მინისტრი მეტე ფრედერიქსენი უმასპინძლებს. უკრაინის პრეზიდენტი ასევე შეხვდება ევროკომისიის პრეზიდენტ ურსულა ფონ დერ ლაიენს და ევროკავშირის საბჭოს პრეზიდენტს, ანტონიო კოშტას შეხვდება. საუბრის მთავარი თემა უკრაინის ევროკავშირში გაწევრიანება იქნება. ფრედერიქსენმა პრესკონფერენციაზე განაცხადა, რომ „უკრაინის ადგილი ევროკავშირშია“ და პირობა დადო, რომ დანია ყველაფერს გააკეთებს, რომ უკრაინას ევროკავშირში გაწევრიანების გზაზე დაეხმაროს. ევროკავშირის თავმჯდომარე ქვეყანა დანია გახდა. კოპენჰაგენი ევროკაშირის საბჭოს თავმჯდომარე ექვსი თვის განმავლობაში იქნება.

აშშ-ის დახმარების შეჩერების ფონზე, დონალდ ტრამპი და ვოლოდიმირ ზელენსკი სატელეფონო საუბარს გამართავენ. „პოლიტიკოს” ცნობით, აშშ დღეს უკრაინას ამ გადაწყვეტილების შესახებ აცნობებს და ტრამპსა და ზელენსკის შორის სატელეფონო საუბარი უახლოეს მომავალში გაიმართება. „აშშ აცხადებს, რომ ეს არ არის პაუზა ან შეჩერება. აშშ ჯერ კიდევ წყვეტს, როგორ დაუჭიროს საუკეთესოდ მხარი უკრაინის თავდაცვას. ეს პრიორიტეტად რჩება“, – განაცხადა ერთ-ერთმა ევროპელმა დიპლომატმა. „პოლიტიკო“ წერს, რომ უკრაინისთვის იარაღის მიწოდების შეჩერების შესახებ პენტაგონის გადაწყვეტილება მოულოდნელი აღმოჩნდა მათთვისაც კი, ვინც კარგად არის ინფორმირებული ამ საკითხებში. მათ შორის არიან კონგრესის წევრები, სახელმწიფო დეპარტამენტის წარმომადგენლები და ევროპელი მოკავშირეები. როგორც…

უნგრეთის პრემიერ-მინისტრი ვიქტორ ორბანი ამბობს, რომ უკრაინის პრეზიდენტს ვოლოდიმირ ზელენსკის ზუსტად ერთი წლის წინ კიევში შეხვდა და გააფრთხილა, რომ რუსეთი ხანგრძლივი ომისთვის ემზადება, ამერიკაში კი დიდი ცვლილებები იყო დაგეგმილი. „პრეზიდენტმა ზელენსკიმ მაშინ არ მოგვისმინა. სცენის არტისტის თავდაჯერებულობით, ის დაჟინებით მოითხოვდა ომის გაგრძელებას. ომი კვლავ გრძელდება, ევროპა გამოფიტულია, ხოლო ამერიკული იარაღის მიწოდება იკლებს. უკრაინელი ხალხი ყოველდღიურად განიცდის ომის საშინელებებს. ეს არც თეატრია და არც ტელესერიალი – ეს ცივი და მძიმე რეალობაა. უნგრეთი მშვიდობის მხარეს რჩება. ჯერ კიდევ არ არის გვიანი, რომ პრეზიდენტი ზელენსკიც შემოგვიერთდეს“, – წერს ორბანი.

ევროპარლამენტის პრეზიდენტმა რობერტა მეცოლამ პოლიტიკურ ჯგუფებს აცნობა, რომ ფონ დერ ლაიენის ნდობის ვოტუმზე დებატები ორშაბათსაა დაგეგმილი, სადაც ევროკომისიის პრეზიდენტი თავად გამოვა სიტყვით. ფონ დერ ლაიენისადმი ნდობის საკითხი მემარჯვენე ევროდეპუტატებმა დააყენეს და ამ საკითხის პარლამენტში გასატანად საჭირო რაოდენობის ხელმოწერები შეაგროვეს. მემარჯვენე ევროპარლამენტარები ფონ დერ ლაიენს „ფაიზერგეითის“ საქმის გამო აკრიტიკებენ, ევროკომისიას კი გამჭვირვალობის ნაკლებობასა და არასწორ მენეჯმენტში ადანაშაულებენ.

ღაზის სექტორში ისრაელის სამხედრო ოპერაციის შედეგად დილის შემდეგ 73 ადამიანი დაიღუპა. არაბული მედიის ცნობით, სულ მცირე 33 ადამიანი ჰუმანიტარული დახმარების განაწილების ცენტრთან და სატვირთო ავტომობილების ლოდინის დროს მოკლეს. არაბული მედიის თანახმად, თავდასხმა მოხდა მუსტაფა ჰაფეზის სკოლაზე, რომელსაც ღაზის ქალაქის დასავლეთით იძულებით გადაადგილებული პირები აფარებდნენ თავს. აღნიშნულ ტერიტორიაზე 11 ადამიანი დაიღუპა. გავრცელებული ინფორმაციით, ისრაელის საჰაერო დარტყმების შედეგად, ღაზის სექტორის სამხრეთ ქალაქ ხან იუნისის მახლობლად, ალ-მავასის რაიონში მდებარე კარავი დაიბომბა, სადაც 13 ადამიანი დაიღუპა. პარალელურად, ისრაელის არმიაში აცხადებენ, რომ ისრაელის ჯარებმა დაარტყეს დაახლოებით 150 „ტერორისტულ სამიზნეს“ მთელ ღაზის სექტორში, მათ შორის მებრძოლებს,…

გერმანიის კანცლერი პარლამენტში კრისტოფერ სტრიტის დღის აღნიშვნისთვის პრაიდის დროშის გამოფენის წინააღმდეგია. ფრიდრიხ მერცის თქმით, ბუნდესტაგი ცირკის კარავი არ არის, სადაც ნებისმიერი დროშის აღმართვა შეიძლება. გერმანიის მთავრობის მეთაური მხარდაჭერას უცხადებს ბუნდესტაგის პრეზიდენტს, იულია კლოკნერს, რომელმაც უარი თქვა 26 ივლისს ცისარტყელის ფერების დროშის აღმართვაზე. მერცმა აღნიშნა, რომ პრაიდის დროშა ბუნდესტაგის თავზე მხოლოდ ერთ დღეს, ჰომოფობიასთან ბრძოლის დღეს არის აღმართული. გერმანიაში კრისტოფერ სტრიტის დღე (26 ივლისი) 1969 წელს ნიუ-იორკში სტოუნუოლის აჯანყების პატივსაცემად აღინიშნება. ეს იყო ლგბტქ+ თემის პირველი მასშტაბური პროტესტი დევნისა და უთანასწორობის წინააღმდეგ.