დღე: ივლისი 1, 2025

საფრანგეთის პრეზიდენტს, ემანუელ მაკრონსა და რუსეთის პრეზიდენტს, ვლადიმერ პუტინს შორის 2022 წლის შემდეგ პირველი სატელეფონო საუბარი შედგა. ინფორმაციას საფრანგეთის პრეზიდენტის ადმინისტრაცია ავრცელებს. “ირანთან დაკავშირებით, [საფრანგეთის] რესპუბლიკის პრეზიდენტმა გაიხსენა გაეროს უშიშროების საბჭოს მუდმივი წევრების, მათ შორის საფრანგეთისა და რუსეთის, პასუხისმგებლობები ბირთვულ საკითხზე. მან ხაზი გაუსვა, რომ ირანმა დაუყოვნებლივ უნდა შეასრულოს თავისი ვალდებულებები “ბირთვული არ გავრცელების შეთანხმების” ფარგლებში, კერძოდ კი სრულად ითანამშრომლოს ატომური ენერგიის საერთაშორისო სააგენტოსთან, რომლის ინსპექტორებსაც თავისი სამუშაოს დაუყოვნებლივ გაგრძელების შესაძლებლობა უნდა ჰქონდეთ… უკრაინასთან დაკავშირებით, [საფრანგეთის] რესპუბლიკის პრეზიდენტმა ხაზი გაუსვა საფრანგეთის ურყევ მხარდაჭერას უკრაინის სუვერენიტეტისა და ტერიტორიული მთლიანობისადმი. კონფლიქტის მყარი და…

ევროპის საკითხებში საფრანგეთის მინისტრი, ბენჟამინ ჰადადი აცხადებს, რომ მონაწილეობა მიიღო ბრიტანელი კოლეგის მიერ ინიცირებულ საკოორდინაციო შეხვედრაში, რომელიც საქართველოში არსებულ ვითარებას ეხებოდა. როგორც მან აღნიშნა, “ქართული ოცნების” “ავტორიტარული” გადახვევები მიუღებელია. “დღეს [დიდი ბრიტანეთის ევროპის საკითხებში სახელმწიფო მინისტრის] სტივენ დოუთის მიერ ინიცირებულ საკოორდინაციო შეხვედრაში მივიღე მონაწილეობა საქართველოში არსებულ ვითარებაზე. ეს ტრაექტორია ქართველი ხალხის ევროპულ მისწრაფებებს ეწინააღმდეგება, და უპასუხოდ არ დავრჩებით”, – წერს ჰადადი.

ირანის საგარეო საქმეთა მინისტრი აბას არაღჩი თეირანსა და ვაშინგტონს შორის ბირთვული მოლაპარაკებების განახლების წინაპირობად აშშ-ის სამხედრო მუქარის შეწყვეტას ასახელებს. „სიბიესთან” ინტერვიუში ირანის საგარეო უწყების ხელმძღვანელმა განაცხადა, რომ ირანმა 12-დღიანი თავსმოხვეული ომი გადაიტანა და შესაბამისად, ირანელი ერი ადვილად არ დაიხევს უკან ურანის გამდიდრებისგან. „იმისათვის, რომ გადავწყვიტოთ, გავაგრძელოთ თუ არა მოლაპარაკებები, პირველ რიგში, უნდა უზრუნველვყოთ, რომ ვაშინგტონი აღარ გამოიყენებს მოლაპარაკებებს სამხედრო აგრესიისთვის. დიპლომატიის კარები არასდროს დაიხურება. ეს ინდუსტრია თუ დაზიანდება ან განადგურდება, ჩვენ შეგვიძლია, სწრაფად აღვადგინოთ ზიანი და დავძლიოთ წარუმატებლობები, რათა ამ ინდუსტრიაში პროგრესი კვლავ მივაღწიოთ. გამდიდრების ტექნოლოგიებისა და ცოდნის განადგურება დაბომბვით შეუძლებელია.…

აშშ-ის პრეზიდენტი დონალდ ტრამპი კიდევ ერთხელ დაუპირისპირდა ილონ მასკს სოციალურ ქსელში. ტრამპი truth social-ზე წერს, რომ ის სასტიკი წინააღმდეგი იყო ელექტრომობილების მანდატის და ეს მასკმა იქამდე იცოდა, ვიდრე საპრეზიდენტო არჩევნებში მას მხარს დაუჭერდა. „ილონ მასკმა დიდი ხნის წინ იცოდა, ვიდრე მხარს დამიჭერდა პრეზიდენტობისთვის, რომ მე სასტიკი წინააღმდეგი ვიყავი ელექტრომობილების მანდატის. სასაცილოა და ეს ყოველთვის იყო ჩემი კამპანიის ნაწილი. ელექტრომობილები ნორმალურია, მაგრამ ყველა არ უნდა იყოს იძულებული, იქონიოს ერთი მაინც. ილონმა იმაზე მეტი სუბსიდია მიიღო, ვიდრე ვინმემ ისტორიაში და სუბსიდიების გარეშე ილონს მოუწევდა მაღაზიის დახურვა და უკან სახლში, სამხრეთ აფრიკაში დაბრუნება. არანაირი…

ისრაელის პრემიერ-მინისტრი ბენიამინ ნეთანიაჰუ აცხადებს, რომ ახლო აღმოსავლეთი ჩამოიშლებოდა ისრაელის გარეშე. მისი თქმით, ირანს ისრაელის გასანადგურებლად სამი გზა ჰქონდა, რომელთა შორის იყო ბირთვული საფრთხე. „ეს არის რეჟიმის არსებობის მიზეზი. ეს არ არის ერთადერთი მიზეზი, რატომაც უნდათ ჩვენი განადგურება და ჩვენ არ ვართ მათი მთავარი სამიზნე. მაგრამ მთავარი მიზნების მისაღწევად მათ უნდა გაგვანადგურონ. ახლო აღმოსავლეთის დაპყრობა შეუძლებელია ისრაელის განადგურების გარეშე და თუ ისრაელი აღარ იარსებებს, მაშინ ახლო აღმოსავლეთი დაუყოვნებლივ დაიშლება“, – აღნიშნა ნეთანიაჰუმ.

რუსეთის პრეზიდენტის პრესსპიკერის, დიმიტრი პესკოვის განცხადებით, ბაქოში ჟურნალისტების დაკავება ზოგადად მიღებულ ნორმებს და ორ ქვეყანას შორის არსებული ურთიერთობების სულისკვეთებას არ შეესაბამება. „გვჯერა, რომ ეს ემოციური, უკიდურესად ემოციური რეაქცია ჩანაცვლდება პირდაპირი კომუნიკაციით, რომლის დროსაც პასუხები გაეცემა ყველა დასმულ კითხვას“, – განაცხადა პესკოვმა „სპუტნიკ აზერბაიჯანისა“ და Ruptly-ს თანამშრომლების დაკავებაზე საუბრისას. ბაქოში „სპუტნიკი-აზერბაიჯანის“ ოფისის 7 თანამშრომელი დააკავეს

აზერბაიჯანის შინაგან საქმეთა სამინისტროს მიერ საინფორმაციო სააგენტო „როსია სეგოდნიას“ („სპუტნიკ-აზერბაიჯანის“) ბაქოს ფილიალში ჩატარებული ოპერატიულ-სამძებრო ღონისძიების ფარგლებში შვიდი ადამიანი დააკავეს. აზერბაიჯანული მედიის ცნობით, სისხლის სამართლის საქმე თაღლითობის, უკანონო მეწარმეობისა და დანაშაულებრივი გზით მოპოვებული ქონების ლეგალიზაციის მუხლებით აღიძრა. ორი ადამიანი დააპატიმრეს, ხუთი კი სისხლის სამართლის პასუხისგებაში მიეცა. სასამართლო გარემოსდაცვითი და ეკონომიკური ზიანის განზრახ მიყენების მტკიცებულებებს განიხილავს.

ისრაელის პრემიერ-მინისტრი ბენიამინ ნეთანიაჰუ მომავალ კვირაში ვაშინგტონში გაემგზავრება, სადაც აშშ-ის პრეზიდენტს, დონალდ ტრამპს შეხვდება. ნეთანიაჰუს ვიზიტი ვაშინგტონში 7 ივლისს არის დაგეგმილი. ეს თეთრ სახლში დონალდ ტრამპის დაბრუნების შემდეგ ისრაელის პრემიერ-მინისტრის ვაშინგტონში მესამე ვიზიტი იქნება. როგორც The Times of Israel-ს ამერიკელმა მაღალჩინოსანმა განუცხადა, ბენიამინ ნეთანიაჰუსა და დონალდ ტრამპის შეხვედრის დღის წესრიგში იქნება ირანისა და ღაზის საკითხები, ასევე განიხილება სირიის საკითხი. ტრამპის ადმინისტრაციაში გამოცემასთან ამბობენ, რომ ტრამპის სურვილია ღაზაში ომის დასრულებისა და დარჩენილი მძევლების გათავისუფლების უზრუნველყოფა.

,,გერმანიას სურს შენგენის ზონის შენარჩუნება, თუმცა მისი ბოროტად გამოყენება არ უნდა მოხდეს მიგრანტების უკანონო გადაყვანაში ჩართული კრიმინალების მიერ”, – ამის შესახებ გერმანიის კანცლერმა, ფრიდრიხ მერცმა ლუქსემბურგის ლიდერთან ერთობლივ პრესკონფერენციაზე განაცხადა. ფრიდრიხ მერცმა ასევე განაცხადა, რომ მჭიდროდ თანამშრომლობს პოლონეთთან სასაზღვრო კონტროლის კუთხით. „დონალდ ტუსკსა და მე, ჩვენს შინაგან საქმეთა მინისტრებს შორის არის ძალიან მჭიდრო, კოლეგიალური და მეგობრული თანამშრომლობა, რადგან ჩვენ გვსურს, საერთო პრობლემა ერთად გადავჭრათ“, – აღნიშნა გერმანიის ლიდერმა.

,,უნგრეთში ყველას შეუძლია, უყვარდეს, ვინც უნდა და იცხოვროს, ვისთანაც უნდა, მაგრამ ჩვენ აგრესიული ლგბტ პროპაგანდის წინააღმდეგი ვართ”, – აცხადებს უნგრეთის საგარეო საქმეთა მინისტრი პიტერ სიიარტო. მისი თქმით, ბუდაპეშტში პრაიდის აღლუმის ჩატარებასთან დაკავშირებით „ბევრი ტყუილი, ცილისწამება, ყალბი ამბავი გავრცელდა“. „ჩვენი შვილების დასაცავად, ჩვენ არ ვეგუებით აგრესიულ ლგბტ პროპაგანდას, სკანდალურ ქცევას, თუნდაც იმიტომ, რომ რამდენიმე წლის წინ უნგრელმა ხალხმა რეფერენდუმში დიდი უპირატესობით მის წინააღმდეგ მისცა ხმა“, – აღნიშნავს სიიარტო.

ღაზას პორტთან ახლოს მდებარე კაფეზე ისრაელის საჰაერო დარტყმის შედეგად 40-ზე მეტი ადამიანი დაიღუპა. ალ-შიფას საავადმყოფოს დირექტორის დოქტორ მოჰამედ აბუ სილმიას თქმით, დარტყმის შედეგად სულ მცირე 41 ადამიანი დაიღუპა და 75 დაშავდა. ისრაელის თავდაცვის ძალებმა CNN-ს განუცხადეს, რომ ინციდენტი „განხილვის პროცესშია“. „ისრაელის თავდაცვის ძალებმა ჩრდილოეთ ღაზას სექტორში „ჰამასის“ რამდენიმე ტერორისტი დაბომბეს. დარტყმამდე გადაიდგა ნაბიჯები მშვიდობიანი მოსახლეობისთვის საჰაერო მეთვალყურეობის გამოყენებით ზიანის რისკის შესამცირებლად“, – აცხადებენ ისრაელის თავდაცვის ძალებში. CNN-ის ინფორმაციით, ალ-ბაქას კაფე ცნობილი ადგილი იყო სტუდენტებისთვის, ჟურნალისტებისთვის და დისტანციურად მომუშავე ადამიანებისთვის.