დღე: ივნისი 21, 2025

იემენელი ჰუსიტები ირანსა და ისრაელს შორის მიმდინარე კონფლიქტზე განცხადებას ავრცელებს და აშშ-ს ისრაელის მხარეს ჩართვის შემთხვევაში თავდასხმებით ემუქრება. ,,თუ აშშ ისრაელთან ერთად ირანის წინააღმდეგ თავდასხმასა და აგრესიაში მონაწილეობას მიიღებს, შეიარაღებული ძალები მიზანში ამოიღებენ მის გემებსა და სამხედრო ხომალდებს წითელ ზღვაში”. – განაცხადა ტერორისტული დაჯგუფების სამხედრო სპიკერმა, იაჰია სარემ. ჰუსიტების თქმით, აშშ-ს გემებზე იერიშებს იმ შემთხვევაში მიიტანენ, თუ აშშ ირანის სამხედრო და ბირთვულ ობიექტებს დაესხმება თავს. მანამდე, 15 ივნისს, ირანის წინააღმდეგ მიმდინარე სამხედრო ოპერაციის პარალელურად ისრაელმა იემენზე იერიში მიიტანა, რომლის სამიზნეც ჰუსიტების ლიდერი, აბდულ მალიკ ალ-ჰუთი იყო.

ღონისძიებაზე სიტყვით გამოსვლისას, რომელსაც იტალიის პრემიერ-მინისტრი ჯორჯია მელონი და 68 ქვეყნის საპარლამენტო დელეგაციები ესწრებოდნენ, რომის პაპმა განიხილა თემა, რომელიც მან პაპობის პირველი რამდენიმე კვირის განმავლობაში არაერთხელ წამოჭრა. მან პოლიტიკოსები ხელოვნური ინტელექტით შექმნილი გამოწვევების შესახებ გააფრთხილა. კათოლიკური ეკლესიის ხელმძღვანელმა ახალგაზრდებზე ხელოვნური ინტელექტის პოტენციური ზემოქმედების შესახებ ისაუბრა. „არ უნდა დაგვავიწყდეს, რომ ხელოვნური ინტელექტი ადამიანების საკეთილდღეოდ ფუნქციონირებს, როგორც ინსტრუმენტი, არა მათ დასაკნინებლად, არა მათ ჩასანაცვლებლად. ის, რაც ჩნდება, სინამდვილეში მნიშვნელოვანი გამოწვევაა, რომელიც დიდ ყურადღებას და შორსმჭვრეტელობას მოითხოვს, რათა ახალი სცენარების კონტექსტშიც კი, განსაკუთრებით ახალგაზრდა თაობების საკეთილდღეოდ, ჯანსაღი, სამართლიანი და ჯანსაღი ცხოვრების წესი შეიქმნას“,…

,,უკრაინელი ჯარისკაცების ცხედრების ნაცვლად 20 რუსი ჯარისკაცის ცხედარი გადმოგვცეს”, – ამის შესახებ უკრაინის პრეზიდენტმა, ვოლოდიმირ ზელენსკიმ ჟურნალისტებს განუცხადა. „გვითხრეს, რომ ეს ცხედრები მხოლოდ უკრაინელებსა და მხოლოდ სამხედრო მოსამსახურეებს ეკუთვნოდა. მაგრამ ეს ტყუილია. ამ ცხედრებს რუსული პასპორტებიც კი აქვთ. მათ იმის შემოწმებას კი არ შეუძლიათ, თუ ვის აგზავნიან. ჩვენ, რა თქმა უნდა, ყველა ჩვენი ჯარისკაცისა და ჩვენი გმირების ცხედრების დაბრუნება გვსურს. მაგრამ, რაოდენობის გამო რუსების დაბრუნება არ გვინდა“, – განაცხადა ზელენსკიმ.  

საფრანგეთის პრეზიდენტის, ემანუელ მაკრონის განცხადებით, ირანმა ბირთვული იარაღი არ უნდა მოიპოვოს. „ირანის ბირთვული პროგრამის შესახებ ჩემი ღრმა შეშფოთება გამოვხატე. ჩემი პოზიცია ნათელია: ირანმა ბირთვული იარაღი არასდროს უნდა მოიპოვოს და ირანის მოვალეობაა უზრუნველყოს იმის გარანტიები, რომ მისი განზრახვა მშვიდობიანია“, – წერს ემანუელ მაკრონი X-ზე. მისი თქმით, „დარწმუნებულია, რომ ომის დასასრულებლად გზა არსებობს“. „აღნიშნულის მისაღწევად, ჩვენ, საფრანგეთისა და მისი ევროპელი პარტნიორების ხელმძღვანელობით, ირანთან მოლაპარაკებებს გავაძლიერებთ“, – აღნიშნავს საფრანგეთის პრეზიდენტი.

,,აშშ-ს იმ შეიარაღების სია გადავეცით, რომლის შეძენაც გვსურს”, – ამის შესახებ უკრაინის პრეზიდენტმა, ვოლოდიმირ ზელენსკიმ ჟურნალისტებს განუცხადა. უკრაინის პრეზიდენტის, ვოლოდიმირ ზელენსკის ცნობით, ქვეყნის ვიცე-პრემიერმა, იულია სვირიდენკომ და პრეზიდენტის ადმინისტრაციის ხელმძღვანელმა, ანდრეი ერმაკმა შეიარაღების სია აშშ-ის სახაზინო მდივანს, სკოტ ბესენტს გადასცეს. მისი თქმით, შეიარაღების პაკეტი Patriot-ის საჰაერო თავდაცვის სისტემებს მოიცავს. უკრაინის პრეზიდენტმა აღნიშნა, რომ არ არის დარწმუნებული მომავალ კვირას ჰააგაში დაგეგმილ სამიტში მონაწილეობას მიიღებს თუ არა.

ირანის უზენაესმა ლიდერმა, აიათოლა ალი ხამენეიმ მისი მკვლელობის შემთხვევისთვის თავის პოსტზე სამი კანდიდატი სასულიერო პირი შეარჩია. „ნიუ იორკ თაიმსის” ინფორმაციით, აითაოლა ალი ხამენეი მიწისქვეშა ბუნკერს აფარებს თავს და თავის სამხედრო მეთაურებს ნდობით აღჭურვილი პირის შუამავლობით ეკონტაქტება. როგორც წყაროები გამოცემასთან ამბობენ, ხამენეიმ შეარჩია სამი მაღალი რანგის სასულიერო პირი თავის პოსტზე კანდიდატებად. ასევე მას შერჩეული ჰყავს სამხედრო მეთაურების შემცვლელები იმ შემთხვევაში, თუ ისრაელის ოპერაციას დამატებით სამხედრო მაღალჩინოსნები დაიღუპებან.

ალექსანდრე ლუკაშენკო მინსკში კიტ კელოგს შეხვდა. ინფორმაციას ბელარუსის პრეზიდენტის პრესსამსახური ავრცელებს. „საუბარი დამოუკიდებლობის სასახლეში დელეგაციების წევრების მონაწილეობით შედგა. მოლაპარაკებების დღის წესრიგში შედიოდა საერთაშორისო საკითხები და მსოფლიოში არსებული ვითარება, რეგიონული საკითხები და ბელარუს-ამერიკის ურთიერთობები“, – ნათქვამია განცხადებაში. უკრაინის საკითხებში აშშ-ის პრეზიდენტის, დონალდ ტრამპის სპეციალურ წარმომადგენელთან, კიტ კელოგთან შეხვედრის დაწყებამდე ბელარუსის პრეზიდენტმა, ალექსანდრე ლუკაშენკომ აღნიშნა, რომ „კელოგის ვიზიტმა დიდი ხმაური გამოიწვია“. ცნობისთვის, კიტ კელოგი პირველი ამერიკელი მაღალი რანგის ოფიციალური პირია, რომელიც ბელარუსს ბოლო წლებში ეწვია.

„პუტინის ცინიკური განცხადებები აშშ-ის სამშვიდობო ძალისხმევის სრულ უგულებელყოფას აჩვენებს. მაშინ როდესაც აშშ და დანარჩენი მსოფლიო მკვლელობების დაუყოვნებლივი შეწყვეტის მოწოდებებით გამოვიდნენ, ომის მთავარი დამნაშავე მეტი უკრაინული ტერიტორიის დაპყრობასა და მეტი უკრაინელის მკვლელობას გეგმავს”, – ამის შესახებ უკრაინის საგარეო საქმეთა მინისტრი, ანდრეი სიბიგა X-ის საკუთარ გვერდზე წერს. ,,პუტინის დღევანდელი ყველა შეშლილი განცხადებიდან რუსი ჯარისკაცის შესახებ განცხადება გამოირჩევა. რეალობაში, სადაც რუსი ჯარისკაცი დგამს ფეხს, მას მხოლოდ სიკვდილი და განადგურება მოაქვს. პუტინს არ ადარდებს არც რუსი ჯარისკაცები და არც მათი უკრაინული დრონებით მოწყვეტილი ფეხები. ის საკუთარი ხალხის მასობრივი მკვლელია. მან უკვე მოახდინა უკრაინაში უაზრო…

ამჟამინდელი საერთაშორისო სიტუაციის პირობებში, სლოვაკეთის პრემიერ-მინისტრი რობერტ ფიცო ფიქრობს, რომ ნეიტრალური სტატუსი მისი ქვეყნისთვის სასარგებლო იქნებოდა. მისი თქმით, სლოვაკეთი მშვიდობის მტკიცე მხარდამჭერი უნდა იყოს და არ უნდა მიიღოს მონაწილეობა არანაირ სამხედრო ავანტიურაში. ,,აღვნიშნე, რომ სლოვაკეთში ნეიტრალიტეტის დემონსტრირება მოხდება და როგორც ყოველთვის, ყველა დამიპირისპირდა. სლოვაკეთი მშვიდობის მტკიცე მხარდამჭერი უნდა იყოს და არ უნდა მიიღოს მონაწილეობა არანაირ სამხედრო ავანტიურაში. სამწუხაროდ, შემდეგი მსოფლიო ომი უკვე კარს მოგვადგა. ნატო გოლფის კლუბს დაემსგავსა. იმისთვის რომ ითამაშო, წევრობის გადასახადი უნდა გადაიხადო. ამერიკის შეერთებულმა შტატებმა ამ გადასახადის გაზრდა გადაწყვიტა. ნატოს წევრმა ყველა ქვეყანამ მთლიანი შიდა პროდუქტის 5…

,,საქართველოს ევროინტეგრაცია შეჩერებულია, დასანანია, რომ საქართველომ შესაძლოა დიდი ხნით დაკარგოს ევროკავშირის წევრობის ისტორიული შანსი, მეტიც საქართველოს დემოკრატია ისევ საფრთხეშია – ევროპული ოჯახის წევრობა არის შესაძლებლობა და არა ვალდებულება”, – ამის შესახებ საქართველოში ევროკავშირის ელჩმა, პაველ ჰერჩინსკიმ, ბათუმში ევროპის დღესთან დაკავშირებით გამართულ ღონისძიებაზე სიტყვით გამოსვლისას განაცხადა. „საქართველოსა და ევროკავშირს წარმატებული პარტნიორობის ხანგრძლივი ისტორია აქვთ. ამ ურთიერთობამ საქართველოს მოსახლეობას ბევრი სიკეთე მოუტანა, მიმოიხედეთ ირგვლივ, ნახეთ რა გაუკეთებია ევროკავშირს, თქვენთან სოფლებში თუ ქალაქებში. 2023 წლეს ევროკავშირმა საქართველოს ევროპული ოჯახის კარი გაუხსნა და ის გახდა ევროკავშირის წევრობის კანდიდატი ქვეყანა, ეს ისტორიული მომენტი ერთად ვიზეიმეთ.…

„მტრის მიერ ე.წ. „ბინძური ბომბის“ შექმნისა და გამოყენების შესაძლო მცდელობები, რის შესახებაც გუშინ პრეზიდენტმა ისაუბრა, უკიდურესად საშიში პროვოკაცია იქნებოდა, რასაც პროპორციული პასუხი მოჰყვებოდა“, – ამის შესახებ რუსეთის უშიშროების საბჭოს თავმჯდომარის მოადგილე, დიმიტრი მედვედევი ,,ტელეგრამის“ არხზე წერს. ცნობისთვის, გუშინ რუსეთის პრეზიდენტმა, ვლადიმერ პუტინმა სანქტ-პეტერბურგის საერთაშორისო ეკონომიკურ ფორუმზე განაცხადა, რომ „უკრაინის მიერ ე.წ. „ბინძური ბომბის“ გამოყენებას კატასტროფული შედეგები მოჰყვება“.

რუსეთმა უკრაინას 280 დრონითა და რაკეტით შეუტია. უკრაინის საჰაერო ძალების ცნობით, რუსულმა ძალებმა უკრაინის მიმართულებით 272 დრონი, ორი Kh-47M2 „კინჟალის“ ტიპის რაკეტა, ოთხი „კალიბრის“ ტიპის ფრთოსანი რაკეტა და ორი „ისკანდერ-K“ ტიპის ფრთოსანი რაკეტა გაუშვეს. უკრაინის თავდაცვის ძალებმა 140 რუსული დრონი, სამი „ისკანდერ-K“-ს ტიპის რაკეტა, ერთი „კინჟალისა“ და ერთი „კალიბრის“ ტიპის რაკეტა ჩამოაგდეს. საჰაერო ძალების ინფორმაციით, 112 დრონი და თითო „ისკანდერ-K“-ს, „კალიბრისა“ და „კინჟალის“ ტიპის რაკეტა ლოკაციურად დაიკარგა. რუსების თავდასხმის ძირითადი სამიზნე ქალაქი კრემენჩუკი იყო.

ირანი ისრაელს დრონებით თავს დაესხა. The Times of Israel-ის ცნობით, ერთი დრონი ისრაელის ჩრდილოეთით მდებარე ქალაქ ბეთ-შეანში დაეცა, ხოლო მეორე – გოლანის მაღლობებზე. ისრაელის ჰაერსაწინააღმდეგო სისტემამ დრონების ჩამოგდება სცადა, მაგრამ უშედეგოდ. როგორც ისრაელური მედია იუწყება, ეს არის დრონებით პირველი წარმატებული შეტევა მას შემდეგ, რაც ისრაელ-ირანის კონფლიქტი დაიწყო. დრონების შეტევის დროს ქალაქში განგაშის სირენა ჩაირთო. დაშავებულების შესახებ ინფორმაცია არ ვრცელდება.

ისრაელის პრემიერ-მინისტრმა, ბენიამინ ნეთანიაჰუმ ირანს მსოფლიოს მთავარი ტერორისტული რეჟიმი უწოდა და აღნიშნა, რომ ამ ქვეყანას ბირთვული იარაღი არ უნდა ჰქონდეს და ვერც ექნება. „ვიბრძოლებთ იმდენხანს, რამდენიც საჭირო იქნება, რადგანაც ჩვენ ორმაგი ეგზისტენციალური საფრთხის წინაშე ვართ; ერთ რაკეტებისგან, ხოლო მეორე, უგუნური რეჟიმის ხელში არსებული ატომური ბომბისგან მოდის. ირანი მსოფლიოში მთავარი ტერორისტული რეჟიმია. მას არ უნდა ჰქონდეს და ვერ ექნება ბირთვული იარაღი. ისრაელის მიზანია გადაურჩეს ირანულ საფრთხეს. ამ საქმის კეთებისას ჩვენ მსოფლიოს ბევრ ქვეყანას ვშველით“, – თქვა ნეთანიაჰუმ.

აშშ-ის პრეზიდენტი დონალდ ტრამპი აცხადებს, რომ მას მსოფლიოში კონფლიქტების შეჩერებისა და მშვიდობის დამყარებისთვის ნობელის პრემიას არ მისცემენ. ამის შესახებ ტრამპმა თავის სოციალურ ქსელში დაწერა. „რუანდის და კონგოს წარმომადგენლები ვაშინგტონში ორშაბათს იქნებიან დოკუმენტებზე ხელმოსაწერად. ეს არის დიდი დღე აფრიკისთვის და, გულწრფელად გითხრათ, დიდი დღე მთელი მსოფლიოსთვის! მე არ მივიღებ ნობელის მშვიდობის პრემიას ამისთვის, მე არ მივიღებ ნობელის მშვიდობის პრემიას ინდოეთსა და პაკისტანს შორის ომის შეჩერებისთვის, მე არ მივიღებ ნობელის მშვიდობის პრემიას სერბეთსა და კოსოვოს შორის ომის შეჩერებისთვის, არ მივიღებ ნობელის მშვიდობის პრემიას ეგვიპტესა და ეთიოპიას შორის მშვიდობის შენარჩუნებისთვის; არ მივიღებ ნობელის…