დღე: ივნისი 19, 2025

თეთრი სახლის პრესმდივანმა, კეროლინ ლევიტმა განაცხადა, რომ ამერიკის პრეზიდენტი დონალდ ტრამპი ირან-ისრაელის კონფლიქტში ჩართვასთან დაკავშირებით გადაწყვეტილებას მომდევნო ორ კვირაში მიიღებს. ამის შესახებ ლევიტმა თეთრი სახლში გამართული პრესკონფერენციისას ისაუბრა. „იმის გათვალისწინებით, რომ უახლოეს მომავალში ირანთან მოლაპარაკებების დიდი ალბათობა არსებობს, პრეზიდენტი გადაწყვეტილებას მომდევნო ორი კვირის განმავლობაში მიიღებს“, – განაცხადა პრესმდივანმა.  

ირანი აცხადებს, რომ მესამე მხარის ჩართვა დაუყოვნებლივ რეაქციას გამოიწვევს. როგორც ირანის ეროვნული უსაფრთხოების უზენაესი საბჭოს განცხადებაშია აღნიშნული, „მტერთან კონფრონტაცია გაგრძელდება, ვიდრე არ გადაიხდიან კომპენსაციას“. მათივე თქმით, ირანს გეგმები სხვადასხვა სცენარისთვის გააჩნია. განცხადებაში აშშ-ის უშუალოდ ხსენების გარეშე ნათქვამია: „ამ აგრესიაში მესამე ქვეყნის ჩარევის შემთხვევაში, მათ დაუყოვნებლივ დავუპირისპირდებით კონკრეტული გეგმის მიხედვით“.

აშშ-ის შეიარაღებულმა ძალებმა ახლო აღმოსავლეთში საკუთარი აქტივების დასაცავად თვითმფრინავებისა და ხომალდების გარკვეული რაოდენობა განათავსა. ინფორმაციას „სიენენი” ავრცელებს. აშშ-ს ცენტრალურმა სარდლობამ ასევე წინასწარ განათავსა სისხლის დამატებითი მარაგები რეგიონში, რაც სტანდარტული პროტოკოლია აშშ-ის შეიარაღებულ ძალებზე შესაძლო თავდასხმის შემთხვევაში.

აშშ-ს სპეციალურ წარმომადგენელს, სტივ უიტკოფსა და ირანის საგარეო საქმეთა მინისტრს, აბას არაღჩის შორის რამდენჯერმე შედგა სატელეფონო საუბარი. ინფორმაციას ამის შესახებ „როიტერი“ ავრცელებს. როგორც სააგენტო წყაროებზე დაყრდნობით  აცხადებს, რომ არაღჩიმ ვაშინგტონს განუცხადა, რომ თეირანი არ დაუბრუნდება ბირთვულ შეთანხმებაზე მოლაპარაკებას, თუ ისრაელი თავდასხმებს არ შეწყვეტს. ასევე, „როიტერის“ ცნობით, განხილვის თემა იყო, აშშ-ის მიერ მაისის მიწურულს წარდგენილი ინიციატივა, რომელიც მიზნად ისახავდა, შექმნილიყო რეგიონული კონსორციუმი, რომელიც ირანის ფარგლებს გარეთ გაამდიდრებდა ურანს, თუმცა თეირანი ამ წინადადებასაც ჯერჯერობით უარყოფს.

ირანის საგარეო საქმეთა მინისტრი პარასკევს ჟენევაში ბრიტანელ, ფრანგ, გერმანელ კოლეგებსა და ევროკავშირის უმაღლეს წარმომადგენელს შეხვდება. ამის შესახებ, ინფორმაციას ირანული მედია ავრცელებს. ამავე ცნობით, აბას არაღჩი პარასკევს ბრიტანელ, ფრანგ და გერმანელ კოლეგებს შეხვდება, ევროკავშირის საგარეო პოლიტიკის ხელმძღვანელთან, კაია კალასთან ერთად. აბას არაღჩი ამ ინფორმაციას თავად ადასტურებს. შეხვედრაზე არაღჩი, სვარაუდოდ ირანის ბირთვულ პროგრამას განიხილავს. როგორც მედია წერს, დიდ ბრიტანეთს, გერმანიას, საფრანგეთსა და ევროკავშირს შორის ხვალ შვეიცარიაში დაგეგმილი მოლაპარაკებები ტრამპის ადმინისტრაციასთან კონსულტაციით მიმდინარეობს.  

ისრაელის პრემიერ-მინისტრი ბენიამინ ნეთანიაჰუ ირანის სულიერი ლიდერის, აიათოლა ალი ხამენეის ლიკვიდაციის შესაძლებლობას არ გამორიცხავს. „მე გავეცი განკარგულება, რომ ხელშეუხებელი არავინაა. მირჩევნია ქმედებებმა თავად თქვას სათქმელი. ყველა ვარიანტი ღიაა“, – განაცხადა ნეთანიაჰუმ. მისივე თქმით, აშშ-ის ჩართულობა ომში „პრეზიდენტ ტრამპის გადასაწყვეტია“. ასევე, ნეთანიაჰუ აღნიშნავს, რომ ისრაელს შესწევს უნარი, დამოუკიდებლად განახორციელოს მთელი მისია.

ირანის ხელისუფლება ჰორმუზის სრუტის დაკეტვის ვარიანტს განიხილავს. ინფორმაციას The Times of Israel-ი ირანის პარლამენტის წევრზე, ბეჰნამ საიდიზე დაყრდნობით ავრცელებს და აღნიშნავს, რომ მსოფლიოში ნავთობის გადაზიდვების 20% ჰორმუზის სრუტის გავლით ხდება. ირანი დასავლეთის ზეწოლის საპასუხოდ ჰორმუზის სრუტის დაკეტვით ადრეც იმუქრებოდა. როგორც გამოცემას წყარომ განუცხადა, კომერციული გემები ირანის წყლებში სრუტის გავლით ერიდებიან.

უკრაინის პრეზიდენტის, ვოლოდიმირ ზელენსკის განცხადებით, უკრაინამ რუსეთის ტყვეობიდან ჯარისკაცების კიდევ ერთი ჯგუფი დაიბრუნა. „ჩვენი ხალხი რუსეთის ტყვეობიდან სახლში ბრუნდება. მათი უმეტესობა ტყვეობაში 2022 წლიდან იმყოფებოდა. ისინი უკრაინის დამცველები არიან, რომლებიც დონეცკის, ზაპოროჟიეს, ლუგანსკის, ხარკოვის, სუმის, ჩერნიგოვისა და კიევის ოლქებში იბრძოდნენ“, – წერს ვოლოდიმირ ზელენსკი X-ზე. მისი თქმით, ტყვეობიდან დაბრუნებულთა შორის არიან უკრაინის შეიარაღებული ძალების, ეროვნული გვარდიისა და უკრაინის სახელმწიფო სასაზღვრო სამსახურის მებრძოლები.

აშშ-ის პრეზიდენტი, დონალდ ტრამპი აცხადებს, რომ შესაძლებელია, რომ ირანის რეჟიმი დაეცეს. „რა თქმა უნდა, ყველაფერი შეიძლება მოხდეს, არა?“, – განაცხადა ტრამპმა ოვალურ კაბინეტში ჟურნალისტის შეკითხვის საპასუხოდ. კითხვაზე, გეგმავს თუ არა აშშ ასეთ სცენარს, აშშ-ის პრეზიდენტი პასუხობს: „ჩვენ ყველაფრის გეგმა გვაქვს“. მისი თქმით, ერთ საათში თავის მრჩევლებს შეხვდება სიტუაციურ ოთახში.

,,აშშ-ის სამხედროებს ყველაფრის გეგმა აქვთ, მათ შორის ირანზე თავდასხმის შემდგომი დღისთვისაც”, – ამის შესახებ აშშ-ის თავდაცვის მდივანმა, პიტ ჰეგსეტმა განუცხადა კანონმდებლებს. ჰეგსეტმა არაერთხელ თქვა უარი ირანზე აშშ-ის პოტენციურ თავდასხმასთან დაკავშირებით საუბრის დეტალებზე, რადაგანაც, როგორც მან განაცხადა, ღია ფორუმზე ინფორმაციას არ გაამჟღავნებს. „მათ ჰქონდათ შესაძლებლობა, დაედოთ გარიგება, და მათ ეს უნდა გაეკეთებინათ“, – განაცხადა პენტაგონის ხელმძღვანელმა.

ევროპარლამენტმა მემარჯვენე პოლიტიკური ჯგუფების დახმარებით მხარი დაუჭირა სამუშაო ჯგუფის შექმნას, რომელიც ევროკავშირში არასამთავრობო ორგანიზაციების დაფინანსებას შეისწავლის. სამუშაო ჯგუფის შექმნის შესახებ წინადადება მემარჯვენე ცენტრისტულმა „ევროპის სახალხო პარტიამ“ წარადგინა, რომელიც ევროპარლამენტში უმსხვილეს ფრაქციას წარმოადგენს. გადაწყვეტილების წინააღმდეგ ხმა ცენტრისტმა სოციალისტებმა, დემოკრატებმა და ლიბერალებმა მისცეს. Politico-ს ცნობით, სპეციალური ჯგუფი შეისწავლის ყველა კონტრაქტს, რომლებსაც ევროკომისია არასამთავრობო ორგანიზაციებთან გააფორმებს. როგორც მედია წერს, მემარჯვენე მრწამსის პოლიტიკური ჯგუფები ევროპაში სულ უფრო ხშირად აცხადებენ, რომ არასამთავრობო ორგანიზაციების დაფინანსების კონტროლია საჭირო. მათ აინტერესებთ, თუ როგორ იხარჯება ევროკომისიის ფული. ეს უთანხმოების მიზეზი ხშირად გამხდარა. მაკონტროლებელი ორგანოს შექმნის იდეა მას შემდეგ გაჩნდა,…

,,ყველა სახმელეთო საზღვარი ღიაა და ყველა მოქალაქეს თავისუფლად შეუძლია, რომ დატოვონ ირანის ისლამური რესპუბლიკა”, – ამის შესახებ საქართველოში ირანის საგანგებო და სრულუფლებიანმა ელჩმა, მაჰმუდ ადიბმა მოქალაქეების ევაკუაციასთან დაკავშირებული კითხვის პასუხად ჟურნალისტებს განუცხადა. „ისრაელის რეჟიმის თავდასხმამ არა მხოლოდ ირანის მოქალაქეებს შეუქმნა პრობლემები, ასევე პრობლემების წინაშე აღმოჩნდნენ იქ მცხოვრები უცხო ქვეყნის მოქალაქეები. საუბარია როგორც ჩვეულებრივ მოქალაქეებზე, ასევე დიპლომატიური წარმომადგენლების თანამშრომლებზე. შესაბამისად, ჩვენ ირანში არსებულ საელჩოებს დავუკავშირდით და ვუთხარით, რომ ნებისმიერ მოქალაქეს, ვისაც ენდომება და სურვილი ექნება, დატოვოს ირანის ტერიტორია, ჩვენ ხელს შევუწყობთ ევაკუაციაში. ყველა სახმელეთო საზღვარი ღიაა და ყველა მოქალაქეს თავისუფლად შეუძლია,…

ევროპარლამეტნმა 324 ხმით მიიღო რეზოლუცია, სადაც მზია ამაღლობელის გათავისუფლებაა მოთხოვნილი. კენჭისყრის შედეგების მიხედვით, რეზოლუციის, სახლემწოდებით „მედიის თავისუფლება საქართველოში, განსაკუთრებით მზია ამაღლობელის საქმე“, წინააღმდეგ ხმა 25 ევროპარლამენტარმა მისცა, ხოლო 87-მა თავი შეიკავა. გარდა ამისა, ევროპარლამენტარები საქართველოს ხელისუფლებას ზურაბ ჯაფარიძის, ნიკა მელიას და ნიკა გვარამიას, ასევე ყოფილი პრეზიდენტის, მიხეილ სააკაშვილის გათავისუფლებასაც ითხოვენ.

„თუ აშშ-ს სურს, ისრაელის მხარდასაჭერად აქტიურად ჩაერიოს, მაშინ ირანს სხვა გზა არ ექნება, გარდა იმისა, რომ თავის დასაცავად და აგრესორებისთვის ჭკუის სასწავლებლად ყველა საჭირო საშუალება გამოიყენოს“, – ამის შესახებ ირანის საგარეო საქმეთა მინისტრის მოადგილემ, ქაზემ ღარიბაბადიმ განაცხადა. მისი თქმით, აშშ-ის პირდაპირი ჩარევის შემთხვევაში, ირანი „ყველა საჭირო სამხედრო ვარიანტს“ განიხილავს. „თუ მათ არ სურთ, რომ ისრაელის აგრესია შეაჩერონ, მაშინ აშშ-სთვის ჩვენი რეკომენდაციაა, რომ გვერდით გადგნენ“, – აღნიშნა ქაზემ ღარიბაბადიმ.

ევროპარლამენტმა 405 ხმით მიიღო რეზოლუცია, რომელშიც ევროკავშირის წევრ ქვეყნებში კანონის უზენაესობის მდგომარეობის მნიშვნელოვან გაუარესებაზეა საუბარი. რეზოლუციის წინააღმდეგ 210 დეპუტატმა მისცა ხმა, ხოლო 36 დეპუტატმა ხმის მიცემისგან თავი შეიკავა. ანგარიში მიუთითებს ევროკავშირის მთელ ტერიტორიაზე სისტემურ და ახალ საფრთხეებზე. განსაკუთრებული შეშფოთება გამოხატულია სასამართლო გადაწყვეტილებების შეუსრულებლობის ტენდენციების, სამოქალაქო სივრცის შევიწროებისა და ევროკავშირის ღირებულებებზე თავდასხმების გამო. ევროპარლამენტი ხაზს უსვამს დამოუკიდებელი და ეფექტური მართლმსაჯულების სისტემის მნიშვნელობას და აკრიტიკებს სასამართლო სისტემის პოლიტიკური მიზნებისთვის გამოყენებას. დეპუტატებმა დაგმეს პრესის თავისუფლებაზე თავდასხმები, ჟურნალისტებისა და სამოქალაქო საზოგადოების წარმომადგენლების წინააღმდეგ სპეციალური პროგრამების გამოყენება და დემოკრატიულ პროცესებს ზიანის მომტანი ცრუ ინფორმაციის გავრცელება.…

,,ჩვენ მუდმივ კონტაქტზე ვართ ჩვენს ირანელ პარტნიორებთან. დღესაც კონტაქტზე ვართ. ვფიქრობ, ხვალაც და ზეგაც. ჩვენ ვაგრძელებთ ჩვენს ურთიერთობას”, – ამის შესახებ ვლადიმერ პუტინმა ჟურნალისტებთან საუბრის დროს განაცხადა. „ჩვენი სპეციალისტები ქალაქ ბუშერში მუშაობენ, სულ 250 ადამიანი. ჩვენ არ ვაპირებთ ირანიდან წასვლას. ეს მხარდაჭერა არ არის? ირანს ჩვენგან სხვა მხარდაჭერა არ მოუთხოვია. ერთხელ ჩვენ შევთავაზეთ ჩვენს ირანელ მეგობრებს საჰაერო თავდაცვის სისტემების სფეროში მუშაობა, მაგრამ ჩვენმა პარტნიორებმა მაშინ დიდი ინტერესი არ გამოხატეს და სულ ესაა. რაც შეეხება სტრატეგიულ პარტნიორობასთან დაკავშირებულ შეთანხმებას, თავდაცვის სფეროსთან დაკავშირებული მუხლები არ არსებობს და მესამე, ჩვენი ირანელი მეგობრები ამას…