დღე: ივნისი 18, 2025

აშშ-ის პრეზიდენტმა, დონალდ ტრამპმა ისრაელის პრემიერ-მინისტრს ირანში სამხედრო კამპანიის გაგრძელებისკენ მოუწოდა. „მე ვუთხარი – განაგრძე. მას ყოველდღე ვესაუბრები. ის კარგი ადამიანია და ბევრს აკეთებს“ – აღნიშნა ტრამპმა. ინფორმაციას „სიენენი“ ავრცელებს.

აზერბაიჯანისა და თურქმენეთის საზღვრის გადაკვეთისთვის საჭიროა სპეციალური ნებართვა, რომლის მისაღებად საქართველოს მოქალაქეები უნდა დაუკავშირდნენ ირანში საქართველოს საელჩოს. ამის შესახებ განცხადებას, ირანში საქართველოს საელჩო ავრცელებს. „ირანის ისლამურ რესპუბლიკაში საქართველოს საელჩო, ქვეყანაში არსებული უსაფრთხოების გარემოს გათვალისწინებით, საგანგებო რეჟიმში მუშაობას განაგრძობს. საელჩოს თანამშრომლები მუდმივ კომუნიკაციაში არიან ირანში მცხოვრებ საქართველოს მოქალაქეებთან. საელჩო ასევე კოორდინაციაშია შესაბამის უწყებებთან და ახდენს უსაფრთხოების გარემოს მონიტორინგს. ამ დროისთვის საელჩოს თანამშრომლებმა ირანში მცხოვრებ საქართველოს 100-ზე მეტ მოქალაქეს გაუწიეს სატელეფონო და სხვა ტიპის კონსულტაცია თუ დახმარება. ირანის ისლამური რესპუბლიკის დატოვება შესაძლებელია სახმელეთო გზით აზერბაიჯანის რესპუბლიკის (ასტარა), სომხეთის (ნორდუზი), თურქეთის (ბაზარგანი) და…

ისრაელში საქართველოს საელჩო, ქვეყანაში არსებული უსაფრთხოების გარემოს გათვალისწინებით, მუშაობას საგანგებო რეჟიმში განაგრძობს. როგორც გავრცელებულ ინფორმაციაშია ნათქვამი, საელჩო მუდმივ კომუნიკაციაშია ისრაელის სახელმწიფოში მცხოვრებ საქართველოს მოქალაქეებთან, ასევე მუდმივ კოორდინაციაშია შესაბამის სამსახურებთან და ახდენს ვითარების მუდმივ მონიტორინგს. „საელჩოს თანამშრომლებმა სატელეფონო კონსულტაცია გაუწიეს საქართველოს 200-ზე მეტ მოქალაქეს. საელჩოს წარმომადგენლებმა არაერთი შეხვედრა გამართეს, მათ შორის ქალაქ ბათ იამში მცხოვრებ საქართველოს მოქალაქეებთან. საელჩო მოუწოდებს საქართველოს მოქალაქეებს, მკაცრად დაიცვან ადგილობრივი ხელისუფლების ინსტრუქციები, განგაშის სიგნალის ამოქმედებისთანავე გადავიდნენ თავშესაფარში და დაიცვან უსაფრთხოების პროტოკოლი. განახლებული ინფორმაციის მისაღებად თვალყური ადევნეთ საელჩოს გვერდებს. საჭიროების შემთხვევაში დაგვიკავშირდით ისრაელის სახელმწიფოში საქართველოს საელჩოს ნომრებზე: +972 526…

აშშ-ის პრეზიდენტმა დონალდ ტრამპმა კითხვას, აპირებს თუ არა ის ირანის ბირთვულ ობიექტებზე დარტყმების ბრძანების გაცემას, ასე უპასუხა: „შეიძლება არავინ არ იცის, რას ვიზამ, – გავაკეთო, შეიძლება არ გავაკეთო”. “შემიძლია ის გითხრათ, რომ ირანს დიდი პრობლემები აქვს და მოლაპარაკება სურთ. და ვეუბნები აქამდე რატომ არ მელაპარაკებოდნენ… რატომ არ მელაპარაკებოდით ორი კვირის წინ? კარგად იქნებოდით, ქვეყანა გექნებოდათ” – განაცხადა ტრამპმა. აშშ-ის პრეზიდენტმა აღნიშნა, რომ ირანისთვის მოლაპარაკებებში ჩასართველად მიცემული 2-თვიანი ვადა ამოწურა და ისრაელმა ამის შემდეგ განახორციელა თეირანის წინააღმდეგ დარტყმები. ტრამპის თქმით, ყველაფერი ისრაელის დარტყმების “პირველ დღეს დასრულდა” და ირანი ახლა “სრულიად დაუცველია, საერთოდ…

ისრაელის თავდაცვის მინისტრის, ისრაელ კაცის ინფორმაციით, ირანის შიდა უსაფრთხოების შტაბ-ბინა გაანადგურეს. „ახლახან რეჟიმის მთავარი რეპრესიული საშუალება, ირანის შიდა უსაფრთხოების შტაბ-ბინა გავანადგურეთ. როგორც დაგპირდით, ჩვენ აიათოლას რეჟიმის დაბომბვას ყველგან გავაგრძელებთ, სადაც ეს საჭირო იქნება“- წერს ისრაელ კაცი X-ზე. მანამდე, ისრაელის თავდაცვის ძალებმა განაცხადა, რომ თეირანში ირანის სამხედრო ობიექტებზე საჰაერო იერიშებს ახორციელებდა.

გერმანიის საგარეო საქმეთა მინისტრმა, იოჰან ვადეფულმა განაცხადა, რომ მოლაპარაკებებისთვის გვიანი არასდროს არის, თუმცა ირანმა სასწრაფოდ უნდა იმოქმედოს. „ჩვენ პრობლემის გადაჭრის გზის მოსაძებნად მოლაპარაკებებისთვის მზად ვართ. თუმცა, ირანმა სასწრაფოდ უნდა იმოქმედოს. მოლაპარაკებების მაგიდასთან დაჯდომა გვიანი არასდროს არის, თუ გულწრფელი განზრახვა არსებობს“ – განაცხადა იოჰან ვადეფულმა. მისი თქმით, ისრაელის შიში იმის შესახებ, რომ ირანი ბირთვულ იარაღს შეიმუშავებდა, სრულიად გამართლებული იყო და მას თავდაცვის უფლება ჰქონდა. „ისრაელის გადაწყვეტილება, ამ საფრთხის წინააღმდეგ რამე მოიმოქმედოს, გასაგებია“, – აღნიშნა გერმანიის საგარეო საქმეთა მინისტრმა.

საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენელი კაია კალასი  აცხადებს, რომ რუსეთი უკვე ევროკავშირის პირდაპირი საფრთხეა. კალასის თქმით, ევროკავშირი თუ არ გააგრძელებს უკრაინის დახმარებას, ევროკავშირში ყველამ უნდა დაიწყოს რუსულის სწავლა. „გასულ წელს რუსეთმა თავდაცვაზე მეტი დახარჯა, ვიდრე მთელმა ევროკავშირმა. წელს რუსეთი თავდაცვაზე მეტს ხარჯავს, ვიდრე ჯანდაცვაზე, განათლებასა და სოციალურ პოლიტიკაზე ერთად აღებულზე. ეს გრძელვადიანი აგრესიის გრძელვადიანი გეგმაა“, – განაცხადა კალასმა.

ირანის სულიერი ლიდერი აიათოლა ალი ხამენეი დონალდ ტრამპის განცხადებას პასუხობს. მისი თქმით, ირანი არ დანებდება. „ამერიკელებმა უნდა იცოდნენ, რომ ირანელი ერი არ ნებდება და მათი მხრიდან ნებისმიერი სამხედრო ჩარევა უდავოდ გამოუსწორებელ ზიანს გამოიწვევს“- აღნიშნა ხამენეიმ. იათოლა ალი ხამენეის თქმით, ვინც ბრძენია და ირანს, მის ხალხსა და ისტორიას კარგად იცნობს, ამ ერს მუქარის ენით არასდროს ელაპარაკება. ამერიკის პრეზიდენტმა საკუთარ სოციალურ ქსელში ირანს უპირობო დანებებისკენ მოუწოდა.

თურქეთის პრეზიდენტმა, რეჯეფ თაიფ ერდოღანმა განაცხადა, რომ ისრაელის სახელმწიფო “ტერორიზმის” წინააღმდეგ ირანს საკუთარი თავის დაცვის ბუნებრივი უფლება აქვს. „სრულიად ბუნებრივი, ლეგიტიმური და კანონიერია, რომ ირანმა ისრაელის ბანდიტიზმისა და სახელმწიფო ტერორიზმისგან თავი დაიცვას. ირანის წინააღმდეგ ისრაელის ტერორისტულ თავდასხმებს ყურადღებით ვაკვირდებით. ამ თავდასხმების თურქეთზე პოტენციური გავლენის გამო ჩვენი ყველა ინსტიტუტი მზადყოფნაშია“, – განაცხადა რეჯეფ თაიფ ერდოღანმა. მისი თქმით, ყველაფერს აკეთებს, რომ „ღაზას, სირიის, ლიბანის, იემენისა და ირანის წინააღმდეგ არაადამიანური აგრესია შეაჩეროს“. „ნეთანიაჰუმ ტირან ჰიტლერს გენოციდის დანაშაულების ჩადენის მხრივ დიდი ხანია გადაასწრო. ვიმედოვნებთ, რომ მათი ბედი მსგავსი არ იქნება. მშვიდობიანი მოქალაქეების, ჩვილებისა და ბავშვების…

ლიეტუვის საგარეო საქმეთა მინისტრი კესტუტის ბუდრისი აცხადებს, რომ უკრაინის ნატოში მიწვევის საკითხი დღის წესრიგში არ დგას. „არავის გამოუთქვამს იმედი, რომ მიწვევა ჰააგაში გაკეთდებოდა, თვით უკრაინელებსაც კი. არ არსებობს მოლოდინი, რომ რაიმე გარდამტეხი გადაწყვეტილებები იქნება მიღებული, არც ვაშინგტონის სამიტამდე და არც ახლა, ჰააგის სამიტამდე. ეს დღის წესრიგში არ დგას“, -აღნიშნა ბუდრისმა. ლიეტუვის საგარეო უწყების ხელმძღვანელის თქმით, მნიშვნელოვანია, შეხვედრაზე ყურადღება უკრაინაზე გამახვილდეს და ხაზი გაესვას იმას, რომ ნატო-ს ქვეყნები და კიევი უსაფრთხოების ერთ სივრცეში იმყოფებიან.

გაერო-ში ირანის ელჩმა, ალი ბაჰრეინიმ განაცხადა, რომ იმ შემთხვევაში, თუ აშშ ირანის წინააღმდეგ მოქმედებებში პირდაპირ ჩაერთვება, მაშინ მათ მტკიცე პასუხს გასცემენ. „დარწმუნებული ვარ, რომ ირანის სამხედროები ძლიერ, პროპორციულ და სათანადო რეაგირებას მოახდენენ. ჩვენ აშშ-ს ჩართულობის დონეს ყურადღებით ვაკვირდებით. შესაბამის რეაგირებას მოვახდენთ, თუ ეს საჭირო იქნება“, – განაცხადა ალი ბაჰრეინიმ. გაერო-ში ირანის ელჩმა აშშ-ის პრეზიდენტის, დონალდ ტრამპის განცხადებას, რომლითაც მან ირანს „უპირობო დანებებისკენ“ მოუწოდა, „უადგილო“ უწოდა. „ეს განცხადება სრულიად უადგილო და მტრულად განწყობილი იყო. ჩვენ ამის იგნორირება არ შეგვიძლია. ტრამპის განცხადებებს ყურადღებით ვაკვირდებით“, – აღნიშნა ელჩმა.  

მაშველებმა კიევის სოლომენსკის რაიონში, რუსეთის ჯარების მასირებული იერიშის შედეგად 9-სართულიანი სახლის განადგურებული სადარბაზოს ნანგრევებში კიდევ 6 ადამიანის ცხედარი იპოვეს. საერთო ჯამში დაღუპულთა საერთო რიცხვი 24-მდე გაიზარდა, ხოლო 134 დაშავდა. დღეს კიევში გლოვაა გამოცხადებული. კიევზე რუსული დრონებით და რაკეტებით შეტევა 17 ივნისს განხორციელდა.