დღე: ივნისი 16, 2025

ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა. ინფორმაციას ევროკავშირის საბჭოს პრესსამსახური ავრცელებს. რუსეთს სანქციები 2026 წლის 23 ივნისამდე გაახანგრძლივდა. „ევროკავშირი არ აღიარებს და კვლავ გმობს რუსეთის ფედერაციის მიერ ყირიმისა და სევასტოპოლის უკანონო ანექსიას, როგორც საერთაშორისო სამართლის დარღვევას“ – ნათქვამია ევროკავშირის საბჭოს განცხადებაში. ევროკავშირის მიერ 2014 წლის ივნისში დაწესებული სანქციები უკანონოდ ანექსირებული ყირიმიდან ან სევასტოპოლიდან ევროკავშირში საქონლის იმპორტის, ასევე, ინფრასტრუქტურული ან ფინანსური ინვესტიციებისა და ტურისტული მომსახურების აკრძალვას მოიცავს.  

მეტი...

ისრაელის პრემიერ-მინისტრის, ბენიამინ ნეთანიაჰუს განცხადებით, ისრაელი აიათოლა ალი ხამენეის ლიკვიდაციას არ გამორიცხავს. „ეს კონფლიქტის ესკალაციას არ გამოიწვევს, პირიქით, ეს კონფლიქტს დაასრულებს. ეს რეჟიმი ნახევარი საუკუნეა ახლო აღმოსავლეთში კონფლიქტს, ტერორიზმსა და დივერსიას ავრცელებს. ირანს „მარადიული ომი“ სურს და ისინი ბირთვული ომის ზღვარზე გვაყენებენ. სინამდვილეში, ისრაელი ამის თავიდან ასაცილებლად ყველაფერს აკეთებს და ჩვენ ამის გაკეთება მხოლოდ ბოროტების ძალებთან დაპირისპირებით შეგვიძლია. დეტალებში არ შევალ, მაგრამ ჩვენ მიზანში მათი ბირთვული მეცნიერები ამოვიღეთ. ფაქტობრივად, ეს ჰიტლერის ბირთვული მეცნიერების გუნდია“, – განაცხადა ისრაელის პრემიერ-მინისტრმა, ბენიამინ ნეთანიაჰუმ. მისი თქმით, ისრაელის მხარდაჭერა აშშ-ის ინტერესებში შედის.

მეტი...

ირანის სახელმწიფო ტელევიზიაში აცხადებენ, რომ ისრაელის იერიშის შედეგად ტელევიზიის რამდენიმე თანამშრომელი დაიღუპა. ინფორმაციას „ბიბისი“ ავრცელებს. მანამდე ისრაელმა გამოქვეყნა რუკა, რომელზეც ნაჩვენები იყო თეირანის მესამე რაიონი და მოუწოდა მოქალაქეებს ევაკუაციისკენ. რუკაზე ასევე ნაჩვენები იყო ირანის სახელმწიფო ტელევიზია. როგორც ირანის სახელმწიფო მაუწყებლის ხელმძღვანელი პეიმან ჯებელი ამბობს, „ტელევიზია და მისი თანამშრომლები ბოლომდე იდგებიან“.

მეტი...

ირანმა ისრაელის მიმართულებით რაკეტები გაუშვა. ინფორმაციას ისრაელის თავდაცვის ძალები ავრცელებს. საჰაერო განგაშის სირენების ხმა ისრაელის ჩრდილოეთ ნაწილსა და ქალაქ ჰაიფაში ისმის. „საჰაერო ძალები საფრთხის აღმოსაფხვრელად მუშაობენ“ – ნათქვამია  განცხადებაში. ისრაელის თავდაცვის ძალები მოსახლეობას თავშესაფრებში დარჩენისკენ მოუწოდებს.

მეტი...

აშშ-ის პრეზიდენტმა, დონალდ ტრამპმა განაცხადა, რომ ირანი ამ ომს ვერ მოიგებს. როგორც ტრამპი განმარტავს, ირანს სურს ისრაელთან კონფლიქტის დეესკალაციაზე საუბარი. „მათ უნდა მიაღწიონ შეთანხმებას. ეს მტკივნეულია ორივე მხარისთვის, მაგრამ ვიტყვი, რომ ირანი ამ ომს ვერ მოიგებს. მათ უნდა ისაუბრონ და უნდა ისაუბრონ დაუყოვნებლივ, ვიდრე ძალიან გვიანი არ არის“ – აღნიშნა ტრამპმა.

მეტი...

აშშ-ის პრეზიდენტმა, დონალდ ტრამპმა განაცხადა, რომ „დიდი რვიანიდან“ რუსეთის გარიცხვა შეცდომა იყო. „ადრე „დიდი შვიდეული“ „დიდი რვიანი“ იყო. ბარაქ ობამასა და ტრუდოს არ სურდათ, რომ რუსეთი ჯგუფში ყოფილიყო. ვიტყოდი, რომ ეს შეცდომა იყო, რადგან ვფიქრობ, ახლა ომი არ იქნებოდა, რუსეთი რომ წევრი იყოს და ოთხი წლის წინ ტრამპი პრეზიდენტი რომ ყოფილიყო“, – განაცხადა დონალდ ტრამპმა. მისი თქმით, რუსეთის პრეზიდენტი, ვლადიმერ პუტინი მხოლოდ მას ესაუბრება. „პუტინი მე მესაუბრება, სხვას არავის. რადგან შეურაცხყოფილი იყო, როდესაც „დიდი რვიანიდან“ გარიცხეს. ის ობამასთან ერთად ტრუდომ გარიცხა, რომელმაც კიდევ ერთი ან ორი ადამიანი დაარწმუნა. ის მათთანაც…

მეტი...

ისრაელმა ირანის სახელმწიფო მაუწყებლის შენობა დაბომბა, რომელიც თეირანში მდებარეობს. ინფორმაციას „სიენენი“ ავრცელებს. სოციალურ ქსელში ვრცელდება კადრები, სადაც თავდასხმის მომენტია ნაჩვენები. კადრში ჩანს, რომ დარტყმის შემდეგ წამყვანს პირდაპირ ეთერში მოუწია სტუდიის დატოვება. მანამდე ისრაელის თავდაცვის ძალებმა ევაკუაციისკენ მოუწოდეს იმ რაიონის მოსახლეობას, სადაც ირანის სახელმწიფო მაუწყებლის შენობა მდებარეობს.

მეტი...

რუსეთის საგარეო საქმეთა სამინისტროს პრესსპიკერის, მარია ზახაროვას განცახდებით, აშშ-მა რუსეთთან საელჩოების მუშაობის ნორმალიზების საკითხებზე დაგეგმილი კონსულტაციები გააუქმა. „დღევანდელი მდგომარეობით, მორიგი შეხვედრა, რომელიც ორი ქვეყნის დიპლომატიური მისიების მუშაობის ნორმალიზების მიზნით „გამაღიზიანებელი ფაქტორების“ აღმოფხვრის შესახებ ორმხრივი კონსულტაციების ფარგლებში იგეგმებოდა, ამერიკელი მომლაპარაკებლების ინიციატივით გაუქმდა“, – განაცხადა მარია ზახაროვამ. მან იმედი გამოთქვა, რომ ამერიკული მხარის მიერ „დაწესებული პაუზა დიდხანს არ გაგრძელდება“.

მეტი...

„როდესაც ჩვენ ვაკონტროლებთ თეირანის ცას, ჩვენ ვურტყამთ ამ სამიზნეებს, რეჟიმის სამიზნეებს, ირანის კრიმინალური რეჟიმისგან განსხვავებით, რომელიც ჩვენს მოქალაქეებს ესხმის თავს და ბავშვებისა და ქალების მოსაკლავად მოდის“, – ამის შესახებ ისრაელის პრემიერ-მინისტრმა, ბენიამინ ნეთანიაჰუმ ისრაელის ცენტრალურ ნაწილში, თელ-ნოფის საჰაერო ბაზაზე ვიზიტის დროს განაცხადა. მისი თქმით, ისრაელი მისი მიზნის მიღწევის გზაზეა, რომელიც ირანის ბირთვული და ბალისტიკური რაკეტებისგან მომდინარე საფრთხეების განადგურებას ითვალისწინებს. როგორც მან აღნიშნა, ისრაელი, ირანისგან განსხვავებით, თეირანის მოსახლეობას ევაკუაციისკენ მოუწოდებს.

მეტი...

,,თეირანის მცხოვრებლები იძულებული იქნებიან, გადაიხადონ დიქტატურის საფასური, დაცალონ თავიანთი სახლები იმ რაიონებში, სადაც აუცილებელი იქნება რეჟიმის სამიზნეებზე თავდასხმა”, – ამის შესახებ ისრაელის თავდაცვის მინისტრმა, ისრაელ კაცმა სოციალურ ქსელში დაწერა. მისი თქმით, ისრაელს მოსახლეობაზე ზიანის მიყენების განზრახვა არ აქვს. „მინდა განვმარტო ის, რაც ცხადია, არანაირი განზრახვა არ არის ფიზიკური ზიანი მივაყენოთ თეირანის მცხოვრებლებს, როგორც ამას მკვლელი დიქტატორი აკეთებს ისრაელის მცხოვრებლების წინააღმდეგ. თეირანის მცხოვრებლები იძულებულები იქნებიან, გადაიხადონ დიქტატურის საფასური და დაცალონ თავიანთი სახლები იმ რაიონებში, სადაც აუცილებელი იქნება თეირანში რეჟიმის სამიზნეებსა და უსაფრთხოების ინფრასტრუქტურაზე თავდასხმა. ჩვენ გავაგრძელებთ ისრაელის მოსახლეობის დაცვას“, – წერს…

მეტი...

ატომური ენერგიის საერთაშორისო სააგენტოს გენერალური დირექტორი, რაფაელ გროსი აცხადებს, რომ ისრაელის მიერ პარასკევს განხორციელებული თავდასხმის შემდეგ, ბოლო დღეებში ირანის ბირთვულ ობიექტებისთვის დამატებითი ზიანი არ მიყენებულა. აღნიშნულის შესახებ რაფაელ გროსიმ სააგენტო მმართველთა საბჭოს სხდომაზე განაცხადა. რაფაელ გროსის განცხადებით, ნათანზის ობიექტის გარშემო რადიაციის დონე უცვლელია და ნორმის ფარგლებს შეესაბამება, თუმცა თავად ობიექტის შიგნით შეინიშნება რადიოლოგიური და ქიმიური დაბინძურება. მისი თქმით, ასევე არ დაფიქსირებულა რამე დაზიანება ფორდოს ბირთვულ ობიექტსა და ხონდაბის მშენებარე რეაქტორზე. მისი ცნობით, ბოლო თავდასხმების სამიზნე არ ყოფილა ბუშერის ბირთვული ელექტროსადგური და თეირანის კვლევითი რეაქტორი. პარასკევის თავდასხმის დროს დაზიანდა ისფაჰანის ბირთვული…

მეტი...

ირანის სულიერი ლიდერი აიათოლა ალი ხამენეი ისრაელის მიერ ირანის წინააღმდეგ დაწყებული ოპერაციიდან რამდენიმე საათში მიწისქვეშა ბუნკერში გადავიდა. ირანული მედიის ინფორმაციით, ობიექტი, სადაც ხამენეი იმყოფება თეირანის სამხრეთ-აღმოსავლეთში, ლავიზიანის რაიონში მდებარეობს. გავრცელებული ცნობით, ირანის სულიერ ლიდერთან ერთად ბუნკერში იმყოფებიან მისი ოჯახის წევრებიც. გამოცემის ცნობით, აიათოლა ალი ხამენეი ამავე ბუნკერს აფარებდა თავს 2024 წლის აპრილსა და ოქტომბერში, როდესაც ირანი ისრაელი წინააღმდეგ ოპერაციას ატარებდა. ამასთან, როგორც გამოცემის ერთ-ერთი წყარო აღნიშნავს, 15 ივნისს ისრაელმა იერიში მიიტანა მეშხედის აეროპორტზე, რომელიც ისრაელიდან 2,3 ათასს კილომეტრში მდებარეობს, რათა ეჩვენებინა, რომ ხამენეიმ უსაფრთხოდ ვერსად ვერ უნდა იგრძნოს თავი.

მეტი...

აშშ-ის პრეზიდენტი დონალდ ტრამპი განიხილავს, რომ ქვეყანაში შესვლა კიდევ 36 ქვეყნის მოქალაქეებს შეუზღუდოს. ინფორმაციას„როიტერი“ ავრცელებს. ჩამონათვალში შემდეგი ქვეყნებია: ანგოლა, ანტიგუა და ბარბუდა, კაბო ვერდე, კამბოჯა, კამერუნი, კოტ დივუარი, კონგოს დემოკრატიული რესპუბლიკა, ჯიბუტი, დომინიკა, ეთიოპია, ეგვიპტე, გაბონი, გამბია, განა, ყირგიზეთი, ლიბერია, მალავი, მავრიტანია, ნიგერი, ნიგერია, სენტ კიტსი და ნევისი, სან ტომე და პრინსიპი, სენეგალი, სამხრეთ სუდანი, სირია, ტანზანია, ტონგა, ტუვალუ, უგანდა, ვანუატუ, ზამბია და ზიმბაბვე. აღნიშნულ ქვეყნებთან დაკავშირებულ პრობლემებს შორის სახელმწიფო დეპარტამენტი ასახელებს ამ სახელმწიფოების დოკუმენტების უსაფრთხოებას, მათი მოქალაქეების ჩართულობას ტერორისტულ, ანტისემიტურ ან ანტიამერიკულ საქმიანობაში. ასევე იმას, რომ ზოგიერთი ქვეყანა უარს…

მეტი...

,,ისრაელმა თეირანზე სრულ საჰაერო კონტროლს მიაღწია”, – ამის შესახებ ისრაელის თავდაცვის ძალების პრესსპიკერმა, ეფი დეფრინმა განაცხადა. „ჩვენ გავანადგურეთ ირანული რეჟიმის „მიწა-მიწა“ ტიპის რაკეტების გამშვები სისტემების ერთი მესამედი“, – განაცხადა ისრაელის თავდაცვის ძალების პრესსპიკერმა, ეფი დეფრინმა მედიასთან საუბრისას. შეგახსენებთ, რომ ისრაელმა ირანის წინააღმდეგ სამხედრო ოპერაცია 13 ივნისს დაიწყო, რა დროსაც დარტყმები განახორციელა სამხედრო და ბირთვულ ობიექტებზე. პასუხად, ირანმა ისრაელზე რაკეტებითა და დრონებით იერიში მიიტანა.

მეტი...

უკრაინამ დღეს, რუსულ მხარესთან მიღწეული შეთანხმებების ფარგლებში, კიდევ 1 245 დაღუპულის ცხედარი დაიბრუნა. სამხედრო ტყვეებთან მოპყრობის საკოორდინაციო შტაბის ცნობით, სტამბოლის შეთანხმებების რეპატრიაციის ნაწილი დასრულებულია. შტაბში აცხადებენ, რომ სტამბოლის შეთანხმებების ფარგლებში უკრაინამ რუსული მხარისგან 6 057 ცხედარი მიიღო. სამართალდამცავი ორგანოების გამომძიებლები და უკრაინის შინაგან საქმეთა სამინისტროს ექსპერტიზაზე პასუხისმგებელი დაწესებულებების თანამშრომლები რეპატრირებული ცხედრების იდენტიფიცირებისთვის საჭირო ქმედებებს ახორციელებენ.

მეტი...

ირანის პარლამენტი ამზადებს ბირთვული იარაღის გაუვრცელებლობის ხელშეკრულებიდან გასვლის შესახებ კანონპროექტს. ირანის საგარეო საქმეთა სამინისტროს პრესსპიკერმა აღნიშნა, რომ თეირანი კვლავ რჩება მასობრივი განადგურების შეიარაღების განვითარების წინააღმდეგი. ბირთვული იარაღის გაუვრცელებლობის ხელშეკრულება გაერო-ს განიარაღების საერთაშორისო კომიტეტმა შეიმუშავა, ის გენერალურმა ასამბლეამ 1968 წელს დაამტკიცა. ირანმა ხელშეკრულებას 1968 წელს მოაწერა ხელი, 1970 წელს კი მისი რატიფიცირება მოახდინა. ასევე, ირანის საგარეო საქმეთა სამინისტროს პრესსპიკერმა განაცხადა, რომ თეირანსა და ვაშინგტონს შორის ბირთვული მოლაპარაკებების გასაგრძელებლად აშშ-მა უნდა დაგმოს ისრაელის თავდასხმები ირანზე. სამინისტროს წარმომადგენელმა აშშ-ს ირანზე თავდასხმების თანამონაწილე უწოდა. უწყებაში აშშ-თან ბირთვულ მოლაპარაკებებს შექმნილ ვითარებაში აზრმოკლებული უწოდეს.

მეტი...

„საფრანგეთში და ევროკავშირში ყველას ესმის, რომ გრენლანდია არ იყიდება და მას ვერავინ მიიტაცებს“, – დანიისა და გრენლანდიის პრემიერ-მინისტრებთან შეხვედრის დროს, საფრანგეთის პრეზიდენტმა, ემანუელ მაკრონმა გააკრიტიკა აშშ-ის პრეზიდენტის, დონალდ ტრამპის განზრახვა, გრენლანდიაზე კონტროლის დამყარების თაობაზე. მაკრონის თქმით, საფრთხე, რომელიც გრენლანდიას „მტაცებლური ამბიციის“ გამო ემუქრებოდა, ყველა ევროპელისთვის გამოსაფხიზლებელი ზარი უნდა იყოს.

მეტი...

ირანის ბირთვულ ობიექტებზე ისრაელის თავდასხმების შედეგების განსახილველად, ატომური ენერგიის საერთაშორისო სააგენტო (IAEA) საგანგებო სხდომას მართავს. ირანი საერთაშორისო ორგანიზაციისგან თავდასხმების დაგმობას ითხოვს. მედიის ცნობით, სააგენტოს წევრები სხდომაზე შეაფასებენ დარტყმების შედეგად რამდენადაა ობიექტებიდან რადიაციის გაჟონვის საფრთხე.

მეტი...

ირანული მხარის მიერ გაშვებული რაკეტების დარტყმისგან თელ ავივში აშშ-ის საელჩოს ოფისს „მცირე ზიანი“ მიადგა. ინფორმაციას ისრაელში აშშ-ის ელჩი, მაიკ ჰაკაბი ავრცელებს. მისი თქმით, შენობას გარკვეული ზიანი მიადგა ახლოს მომხდარი აფეთქების შედეგად. როგორც ჰაკაბი აცხადებს, საელჩოს თანამშრომლები არ დაშავებულან. როგორც მაიკ ჰაკაბმა აღნიშნა, აშშ-ის საელჩო ისრაელში 16 ივნისს დახურული იქნება, რადგან „თავშესაფარში დარჩენის“ ბრძანება ჯერ კიდევ ძალაშია.

მეტი...

რუსეთის საელჩო საკუთარ მოქალაქეებს ისრაელის დატოვებას ურჩევს. ამის შესახებ განცხადება რუსეთის ელჩმა, ანატოლი ვიქტოროვმა ტელეარხ „რუსეთ-24“-ის ეთერში გააკეთა. მისი თქმით, რუსეთის მოქალაქეებისთვის საფრთხე „სულაც არ არის ეფემერული“. მან მაგალითად მოიყვანა, თუ როგორ ჩაიმსხვრა მინები რუსეთის საელჩოს თანამშრომელთა ბინებში ირანის ერთ-ერთი თავდასხმის დროს. ვიქტოროვის თქმით, რუსეთის მოქალაქეებს შეუძლიათ, დამოუკიდებლად დატოვონ ისრაელი ეგვიპტის საზღვარზე მდებარე სასაზღვრო გამშვები პუნქტის გავლით, შემდეგ კი გაფრინდნენ რუსეთში შარმ-ელ-შეიხიდან ან კაიროდან. ელჩის ცნობით, რუსეთის მოქალაქეთა ევაკუაცია ისრაელიდან ჯერ არ გამოცხადებულა, მაგრამ საჭიროების შემთხვევაში ეს შესაძლებელი იქნება.

მეტი...