დღე: ივნისი 15, 2025

რუსეთის პრეზიდენტი, ვალდიმერ პუტინი მზადაა, ირანსა და ისრაელს კონფლიქტის შუამავლობისთვის. ამის შესახებ, დონალდ ტრამპმა განაცხადა. „ის მზად არის ამისთვის, ამასთან დაკავშირებით მან დამირეკა. ჩვენ დიდხნიანი საუბარი გვქონდა“ – განაცხადა ტრამპმა. დონალდ ტრამპმა ასევე არ გამორიცხა აშშ-ის შესაძლო ჩარევა ისრაელ-ირანის კონფლიქტში, თუმცა არ დაუკონკრეტებია, რა პირობებში და რა ფორმატში შეიძლება მოხდება.

ირანის პრეზიდენტმა, მასუდ ფეზეშქიანმა განაცახდა, რომ აშშ პირდაპირ როლს თამაშობს ისრაელის სამხედრო ოპერაციაში. „სტივ უიტკოფმა ირანის საგარეო საქმეთა მინისტრს, აბას არაღჩის უთხრა, რომ ისრაელი აშშ-ის ნებართვის გარეშე ვერაფერს ვერ გააკეთებს – ეს ნიშნავს, რომ ისრაელის ქმედებები ხორციელდება ამერიკის შეერთებული შტატების პირდაპირი თანხმობით“,- განაცხადა ფეზეშქიანმა. ირანის პრეზიდენტის თქმით, იმის მიუხედავად, რომ აშშ ცდილობს, დამალოს თავისი როლი, „ის რასაც დღეს ვხედავთ, ხორციელდება ვაშინგტონის პირდაპირი მხარდაჭერით“.

აშშ-ის პრეზიდენტი, დონალდ ტრამპი აცხადებს, რომ ირანი და ისრაელი დადებენ შეთანხმებას, როგორც ეს ინდოეთმა და პაკისტანმა გააკეთეს. “ირანმა და ისრაელმა უნდა დადონ შეთანხმება და დადებენ კიდეც, ისევე როგორც მე დავარწმუნე ინდოეთი და პაკისტანი, რომლის ლიდერებმაც შეძლეს სწრაფად მიეღოთ გადაწყვეტილება და შეწყვიტეს”- აცხადებს ტრამპი. მისი თქმით, ისრაელსა და ირანს შორის მშვიდობის მიღწევა მალე მოხდება. „ასევე, მალე გვექნება მშვიდობა ისრაელსა და ირანს შორის! ახლა ბევრი ზარი ხორციელდება და შეხვედრა იმართება. ბევრს ვაკეთებ და არასდროს მიმიღია აღიარება რაიმესთვის, მაგრამ არა უშავს, ხალხი ხვდება. გავხადოთ ახლო აღმოსავლეთი კვლავ დიდებული!“- წერს ტრამპი.  

ისრაელის რამდენიმე რაიონში სირენები გაისმა მას შემდეგ, რაც ირანიდან ქვეყნის მიმართულებით გაშვებული რაკეტები დააფიქსირეს. ინფორმაციას თავდაცვის ძალები ავრცელებენ. “საჰაერო ძალები მოქმედებენ მოსაგერიებლად და, საჭიროების შემთხვევაში, დარტყმების განსახორციელებლად, საფრთხის აღმოფხვრის მიზნით“, – აღნიშნულია ისრაელის თავდაცვის ძალების განცხადებაში. მათი ცნობით, ისრაელის შიდა ფრონტის სარდლობამ მთელი ქვეყნის მასშტაბით მოსახლეობას მოუწოდა, დაცულ სივრცეებთან ახლოს დარჩნენ. „საზოგადოებრივ ადგილებში გადაადგილება მინიმუმამდე უნდა იყოს დაყვანილი და თავიდან უნდა იქნას აცილებული საზოგადოებრივი შეკრებები. განგაშის მიღებისთანავე შედით დაცულ სივრცეში და დარჩით იქ ოფიციალური განახლებული ინფორმაციის მიღებამდე“, – ნათქვამია ისრაელის თავდაცვის ძალები განცხადებაში.

უკრაინამ კიდევ 1 200 დაღუპულის ცხედარი დაიბრუნა. უახლოეს პერიოდში დაიწყება დაღუპულთა იდენტიფიცირებისთვის აუცილებელი ექსპერტიზა. ცხედრების რეპატრიაცია უკრაინამ სტამბოლში, რუსეთთან მოლაპარაკებების შედეგად მიღწეული შეთანხმების ფარგლებში შეძლო.

ისრაელის პრემიერ-მინისტრმა ბენიამინ ნეთანიაჰუმ განაცხადა, რომ თეირანისკენ გზა გახსნილია. მისი თქმით, ისრაელის ოპერაციას აშშ-ის პრეზიდენტის “მკაფიო მხარდაჭერა” აქვს. “გავხსენით გზა თეირანისაკენ. ძალიან მალე დაინახავთ ისრაელის თვითმფრინავებს, ისრაელის საჰაერო ძალებს, ჩვენს პილოტებს, ირანის დედაქალაქის ცაზე, განვახორციელებთ იერიშს ყველა იმ ობიექტსა და სამიზნეზე, რომელიც ეკუთვნის აიათოლას რეჟიმს, ის, რაც მათ ამ დღეებში განიცადეს, არაფერია იმასთან შედარებით, რაც სამომავლოდაა მოსალოდნელი” – განაცხადა მან.

ჩინეთი გმობს ისრაელის მიერ ირანზე განხორციელებული თავდასხმას. ამის შესახებ, საგარეო საქმეთა მინისტრმა, ვანგ იმ განაცხადა. „ჩინეთი კატეგორიულად გმობს ისრაელის მიერ ირანის სუვერენიტეტის, უსაფრთხოებისა და ტერიტორიული მთლიანობის დარღვევას და მტკიცედ ეწინააღმდეგება ირანელი ოფიციალური პირების წინააღმდეგ მიმართულ თავდასხმებს, რომლებიც მშვიდობიან მოსახლეობაში მსხვერპლს იწვევს. ისრაელის თავდასხმებმა ირანის ბირთვულ ობიექტებზე საშიში პრეცედენტი შექმნა პოტენციურად კატასტროფული შედეგებით. ჩინეთი ასევე მოუწოდებს ისრაელზე გავლენის მქონე ქვეყნებს, იმოქმედონ მშვიდობის აღსადგენად“ – აღნიშნულია ჩინეთის საგარეო საქმეთა სამინისტროს მიერ გავრცელებულ განცხადებაში. ვანგ იმ განაცხადა, რომ ამჟამად რეგიონული სიტუაცია კრიტიკულ და გადამწყვეტ მომენტშია. „ჩინეთი მზადაა, შეინარჩუნოს კომუნიკაცია ირანთან და სხვა შესაბამის…

ისრაელი არ გამორიცხავს ირანის სულიერი ლიდერის ლიკვიდაციის სცენარს, როგორც თეირანის მხრიდან ბირთვული საფრთხის აღკვეთის წინააღმდეგ შესაძლებლობას. ინფორმაციას, „უოლ სთრით ჯორნალი“ ისრაელის მაღალჩინოსანზე დაყრდნობით ავრცელებს. მისივე თქმით, აიათოლას გაუვნებელყოფა „ტაბუირებული არ არის“ ისრაელისთვის. როგორც გამოცემა წერს, წყარო აცხადებს, რომ „ისრაელსა და ირანს შორის ომი გაგრძელდება იქამდე, ვიდრე თეირანი უარს არ იტყვის ბირთვულ პროგრამაზე ან ისრაელი საბოლოოდ არ აღმოფხვრის ამ შესაძლებლობას მათთვის“.

აზერბაიჯანისა და ირანის საგარეო საქმეთა მინისტრებს შორის სატელეფონო საუბარი შედგა. აზერბაიჯანის საგარეო საქმეთა მინისტრმა, ჯეიჰუნ ბაირამოვმა და ირანის საგარეო საქმეთა მინისტრმა, აბას არაღჩიმ ისრაელსა და ირანს შორის არსებული ვითარება განიხილეს. განცხადების თანახმად, აზერბაიჯანის საგარეო საქმეთა მინისტრმა შეშფოთება გამოხატა რეგიონში მზარდი დაძაბულობის გამო. ბაირამოვმა აღნიშნა, რომ ყველაზე შემაშფოთებელია ბირთვული ობიექტების ირგვლივ არსებული ვითარება. მისივე თქმით, არსებული საკითხები უნდა მოგვარდეს დიალოგისა და დიპლომატიის გზით, საერთაშორისო სამართალთან, ნორმებსა და პრინციპებთან შესაბამისობით. საგარეო უწყების განცხადების თანახმად, აზერბაიჯანის საგარეო საქმეთა მინისტრმა მტკიცედ განაცხადა, რომ აზერბაიჯანის ტერიტორია არ შეიძლება და არ იქნება გამოყენებული არცერთი ქვეყნის მიერ…

ისრაელში ირანის მიერ ღამით განხორციელებული დარტყმების შედეგად დაღუპულთა რიცხვი 10-მდე გაიზარდა. -ინფორმაციას CNN-ი ავრცელებს. მათივე ინფორმაციით, ექვსი ადამიანი ისრაელის ცენტრალურ ნაწილში მდებარე ქალაქ ბატ-იამში დაიღუპა, სადაც დარტყმა საცხოვრებელ შენობაზე განხორციელდა. კიდევ ოთხი ადამიანი კი ჩრდილოეთ ქალაქ ტამრაში დაიღუპა, სადაც ასევე შენობები დაზიანდა.

აშშ-ის პრეზიდენტის, დონალდ ტრამპის მტკიცებით მის ქვეყანას არაფერი აქვს საერთო ირანზე წუხელ განხორციელებულ თავდასხმასთან და ირანს აფრთხილებს, მისი ქვეყანა კონფლიქტში არ ჩართოს. ტრამპი მიმართავს ირანს, რომ შესაძლებელია შეთანხმების მიღწევა და სისხლიანი კონფლიქტის დასრულება. „აშშ-ს არაფერი აქვს საერთო წუხელ ირანზე განხორციელებულ თავდასხმასთან. თუ ირანი რაიმე ფორმით თავს დაგვესხმება, აშშ-ის შეიარაღებული ძალების სრული ძალა და ძლიერება ისეთი დონით დაგეცემათ, როგორიც მანამდე არავის უნახავს. თუმცა, ჩვენ შეგვიძლია მარტივად მივაღწიოთ შეთანხმებას ირანსა და ისრაელს შორის და დავასრულოთ ეს სისხლიანი კონფლიქტი!!!“- წერს ტრამპი Truth Social-ზე. აშშ-ის პრეზიდენტმა, დონალდ ტრამპმა ირანის უზენაეს ლიდერს, აიათოლა ალი ხამენეის მარტში…

ისრაელში, ირანის სარაკეტო იერიშის შედეგად 8 ადამიანი დაიღუპა და 200-მდე დაშავდა. ინფორმაციას The Times of Israel-ი ავრცელებს. 4 ადამიანი, მათ შორის 8 წლის ბავშვი, ირანის მიერ გაშვებულ ბალისტიკურ რაკეტას ბათ-იამში ემსხვერპლა. ამჟამად, დაახლოებით 20 ადამიანი კვლავ დაკარგულად ითვლება და სამძებრო-სამაშველო სამუშაოები გრძელდება. გარდა ამისა,  ჩრდილოეთით მდებარე ქალაქ ტამრაზე სარაკეტო დარტყმის შედეგად 4 ადამიანი დაიღუპა.

ისრაელის თავდაცვის ძალების განცხადებით, ირანის დედაქალაქ თეირანში ირანის ბირთვულ პროგრამასთან დაკავშირებულ ინფრასტრუქტურულ ობიექტებს დაარტყეს. სამიზნეებს შორისაა ირანის თავდაცვის სამინისტროს შტაბ-ბინა და თავდაცვითი ინოვაციებისა და კვლევის ორგანიზაცია. ისრაელის თავდაცვის ძალებში აცხადებენ, რომ მათ ასევე დაარტყეს სხვა სამიზნეებს, რომლებიც „ხელს უწყობდნენ ირანის რეჟიმის მცდელობებს ბირთვული იარაღის მოპოვებისკენ და სადაც ირანის რეჟიმი ბირთვულ არქივს მალავდა“. გარდა ამისა, ირანის ნავთობის სამინისტროს ცნობით, ისრაელმა თეირანში საწვავის ორ საწყობზე დარტყმები განახორციელა. უწყებაში აცხადებენ, რომ დარტყმები თეირანის ჩრდილო-დასავლეთ ნაწილში მდებარე შაჰრანის ნავთობის საწყობებსა და ქალაქის სამხრეთ ნაწილში მდებარე რეზერვუარს მიაყენეს.