დღე: ივნისი 12, 2025

აქციის მონაწილეებმა თბილისის სახელმწიფო უნივერსიტეტის მიმდებარე ტერიტორიაზე კარვები გაშალეს. პოლიციამ დემონსტრანტებისთვის ხელის შეშლა სცადა, თუმცა, მომიტინგეებმა კარვის გაშლა მაინც მოახერხეს. აქციის მონაწილეებმა აღნიშნულ ტერიტორიაზე თბილისის საქალაქო სასამართლოდან მას შემდეგ გადმოინაცვლეს, რაც 19 ნოემბრის აქციაზე დაკავებულ მათე დევიძეს სასამართლომ 4 წლითა და 6 თვით პატიმრობა მიუსაჯა.

მელიქიშვილის გამზირზე შეკრებილმა აქციის მონაწილეებმა მსვლელობით თბილისის სახელმწიფო უნივერსიტეტის პირველი კორპუსის მიმდებარე ტერიტორიაზე გადაინაცვლეს. მოქალაქეებმა ჭავჭავაძის გამზირიც გადაკეტეს. აქციის მონაწილეები მხარდაჭერას უცხადებენ მსჯავრდებულ მათე დევიძეს და აქციების დროს დაკავებულ სხვა მოქალაქეებს. პოლიციელზე თავდასხმაში ბრალდებული 21 წლის მათე დევიძე სასამართლომ დამნაშავედ ცნო. მოსამართლე ნინო გალუსტაშვილის გადაწყვეტილებით, დევიძეს 4 წლითა და 6 თვის ვადით თავისუფლების აღკვეთა მიესაჯა.

უკრაინაში ომში  “ქართული ლეგიონის” მებრძოლი 22 წლის დემეტრე დარჩია დაიღუპა. ინფორმაცია უკვე ცნობილია ოჯახისთვის. დარჩია კიევში ლეგიონის ერთ-ერთ საწვრთნელ ბაზაზე დაიღუპა, სავარაუდოდ ხელნაკეთი ასაფეთქებელი ნივთიერების დეტონაციის შედეგად. ომის დაწყებიდან დღემდე, უკრაინაში 80-ზე მეტი ქართველი მებრძოლი დაიღუპა

ფილარმონიასთან აქცია მიმდინარეობს. აქციის მონაწილეებმა მელიქიშვილის გამზირი გადაკეტეს. ისინი აქ მსჯავდებულის, მათე დევიძის მხარდასაჭერად შეიკრიბნენ. როგორც დემონსტრანტები აცხადებენ, “ისინი მივიდნენ იქ, საიდანაც ყველაფერი დაიწყო”. მათე დევიძე, 19 ნოემბერს, სწორედ ფილარმონიის მიმდებარე ტერიტორიაზე დააკავეს. პოლიციელზე თავდასხმაში ბრალდებული 21 წლის მათე დევიძე სასამართლომ დამნაშავედ ცნო. მოსამართლე ნინო გალუსტაშვილის გადაწყვეტილებით, დევიძეს 4 წლითა და 6 თვის ვადით თავისუფლების აღკვეთა მიესაჯა.  

,,მონები არიან”, – ეს კომენტარი საქართველოს მეხუთე პრეზიდენტმა, სალომე ზურაბიშვილმა თბილისის საქალაქო სასამართლოში პოლიციელზე თავდასხმაში ბრალდებული 21 წლის მათე დევიძის სასამართლო პროცესის დასრულების შემდეგ გააკეთა, რის გამოც ის შესაძლოა, სასამართლოზეც დაიბარონ და დააჯარიმონ. ,,სამარცხვინო დღე საქართველოსთვის” – სალომე ზურაბიშვილი

,,დღეს არის სამარცხვინო დღე საქართველოსთვის. იმ დარბაზში იყო საქართველოს დროშა, გერბი და იუსტიციის ქადაგება. ეს სამივეს შეურაცხყოფაა”, – ამის შესახებ საქართველოს მეხუთე პრეზიდენტმა, სალომე ზურაბიშვილმა თბილისის საქალაქო სასამართლოში, პოლიციელზე თავდასხმაში ბრალდებულ მათე დევიძის განაჩენის გამოცხადების შემდეგ განაცხადა. ,,ჩვენთან ბევრს ლაპარაკობენ შეურაცხყოფაზე და ჯარიმებს გვაკისრებენ. რეალურად, დღეს არის თითოეული ადამიანის შეურაცხყოფა ვინც აქ იმყოფება და არ იმყოფება. ქვეყანა, სადაც სასამართლო არ არსებობს ის ქვეყანა და სახელმწიფო აღარაა. ყველა გადაიხდის, ვინც ტაშს უკრავენ ასეთ სამარცხვინო გადაწყვეტილებას. ის მოსამართლე და პროკურორი, არ ვიცი რაც ფიქრობენ და როგორი მომავალი ექნებათ მათ. მე ვიცი, როგორი…

პოლიციელზე თავდასხმაში ბრალდებულ 21 წლის მათე დევიძეს 4 წლითა და 6 თვის ვადით თავისუფლების აღკვეთა მიუსაჯეს. განაჩენის გამოცხადებას არ დასწრებია მათე დევიძე, მან საბოლოო სიტყვის წარმოთქმის შემდეგ, სხდომათა დარბაზი დატოვა, რადგან განაცხადა, რომ ის ,,ამას ვერ მოუსმენდა”. მოსამართლის გადაწყვეტილებას ხმაური და შეძახილები მოჰყვა სხდომათა დარბაზში. განაჩენის გამოცხადებას ესწრებოდა საქართველოს მეხუთე პრეზიდენტი სალომე ზურაბიშვილი. ცნობისთვის, მათე დევიძეს ბრალი სისხლის სამართლის კოდექსის 353-ე პრიმა მუხლის პირველი ნაწილით ჰქონდა წარდგენილი, რაც პოლიციელზე თავდასხმას გულისხმობს. აღნიშნული ქმედება 4-დან 7-წლამდე თავისუფლების აღკვეთას ითვალისწინებს. მათე დევიძის საქმეში დაზარალებულის სტატუსი სამ პოლიციელს – ბიძინა ჟამერაშვილს, ლევან კოდალაშვილს…

,,მაპატიეთ მეგობრებო, მაგრამ დარბაზი უნდა დავტოვო, იმიტომ, რომ მე არ შემიძლია ამ გადაწყვეტილების მოსმენა”, – ეს სიტყვები 21 წლის მათე დევიძემ საბოლოო სიტყვის დასრულების შემდეგ განაცხადა და დარბაზიდან გავიდა. ,,თანამებრძოლებო, ეს სიტყვა ჩემთვის ყოველთვის შუა საუკუნეებთან ასოცირდებოდა. იცით ყველამ, რომ აქ მხოლოდ თქვენს სანახავად მოვდიოდი, დღეს ალბათ, ბოლო დღეც იქნება. შეიძლება, დიდი ხანი ვერ გნახოთ, მაგრამ მეც მაქვს პატარა იმედი, მაგრამ. იცით ყველამ, თელავიდან მოვდიოდი აქციებზე, მაპატიეთ, ვნერვიულობ, რათა მეგობრებთან ერთად მშვიდობიანი პროტესტით გამეპროტესტებინა ქვეყნის ევროპული კურსიდან გადახვევა. 19 ნოემბრის გამთენიისას, ჭავჭავაძის გამზირზე, როცა ფორმიანმა დაჯგუფებებმა დაიწყეს გამოსვლა, ორი დღის…

საქართველოს პრემიერ-მინისტრ ირაკლი კობახიძისა და სამთავრობო დელეგაციის ოფიციალური ვიზიტი უნგრეთში დასრულდა. საქართველოს მთავრობის მეთაური ფერენც ლისტის სახელობის ბუდაპეშტის საერთაშორისო აეროპორტში უნგრეთის თავდაცვის მინისტრმა კრისტოფ შალაი ბობროვნიცკიმ გააცილა. ორდღიანი ოფიციალური ვიზიტი პრემიერ-მინისტრმა მედიასთან შეაჯამა. როგორც ირაკლი კობახიძემ აღნიშნა, საქართველო-უნგრეთის მთავრობათაშორისი სამიტის ფარგლებში განხილული იყო თანამშრომლობის პერსპექტივები ყველა მიმართულებით, ხელი მოეწერა არაერთ მემორანდუმს როგორც პოლიტიკური ურთიერთობების, ასევე სავაჭრო-ეკონომიკურ, კულტურის, განათლებისა და სოფლის მეურნეობის სფეროებში თანამშრომლობის განვითარებაზე. „საქართველო-უნგრეთის მთავრობათაშორისი სამიტის ფარგლებში განვიხილეთ აბსოლუტურად ყველა მიმართულებით თანამშრომლობის პერსპექტივები. მთავრობა პრაქტიკულად სრული შემადგენლობით იყო ჩამოსული ბუდაპეშტში. მინისტრები შეხვდნენ კოლეგებს იმისათვის, რომ თითოეულ დარგში განგვეხილა როგორც…

თბილისის საქალაქო სასამართლოში ხმაურია. მანდატურის სამსახურის თანამშრომლებსა და მოქალაქეებს შორის ფიზიკური დაპირისპირება მოხდა. პარალელურად საქალაქო სასამართლოში პოლიციელზე თავდასხმაში ბრალდებული 21 წლის მათე დევიძის პროცესი მიმდინარეობს. სასამართლო პროცესს მეხუთე პრეზიდენტი სალომე ზურაბიშვილი ესწრება. სასამართლოს ეზოში პოლიციაა მობილიზებული.

საქართველოს მეხუთე პრეზიდენტი, სალომე ზურაბიშვილი აცხადებს, რომ შინაგან საქმეთა სამინისტრომ გზის გადაკეტვისთვის, ადმინისტრაციული წესით 5000 ლარით დააჯარიმა. საქმე ეხება 3 მარტს, რუსთაველის გამზირზე გამართულ აქციას, სადაც, როგორც ზურაბიშვილი წერს, ნამდვილად იმყოფებოდა. „აქტივისტად მოვინათლე დღეს! მე კი ვიდექი იქ, სადაც ყველა დედა უნდა მდგარიყო – სინდისის პატიმრების დედების გვერდში!“, – წერს სალომე ზურაბიშვილი სოციალურ ქსელში.

,,არაერთხელ გავაკეთეთ განმარტება იმასთან დაკავშირებით, რომ საქართველოს ინტერესები არ და ვერ დაითმობა – ხელისუფლება ყოველთვის გაატარებს, პირველ რიგში, ქართველი ხალხის ინტერესს”, – ამის შესახებ თბილისის მერმა, კახა კალაძემ ჟურნალისტებს ევროკავშირში უვიზო მიმოსვლის შესაძლო შეჩერებასთან დაკავშირებით დასმული კითხვის პასუხად განუცხადა. ,,ისმის კითხვა: რა არის ამის მიზეზი? რას აკეთებს საქართველო ისეთს, რომ ქართველებს შეუჩერონ უვიზო მიმოსვლა? ჩვენ კი ვიცით, რაც არის ამის მიზეზი, თუმცა არაერთხელ გავაკეთეთ განმარტება იმასთან დაკავშირებით, რომ საქართველოს ინტერესები არ და ვერ დაითმობა. საქართველოს ხელისუფლება ყოველთვის გაატარებს, პირველ რიგში, ქართველი ხალხის ინტერესს და დაიცავს ქვეყანაში უსაფრთხოებას, მშვიდობას და განავითარებს…

დედაქალაქის მერი მედიასთან საუბრისას საქართველოში დიდი ბრიტანეთის საელჩოს მიერ გაკეთებულ განცხადებას გამოეხმაურა, რომელიც საგრანტო წინადადებების გაუქმებას ეხება. კახა კალაძის თქმით, მართალია, მსგავსი დაფინანსებები იფუთებოდა, როგორც მოქალაქეებისთვის ხელშეწყობა, თუმცა, სინამდვილეში ქვეყანაში არეულობის მოწყობას და ხელისუფლების დამხობას ხმარდებოდა. ,,ჩვენ ამ ყველაფრის მიზანი ვიცით. მსგავსი დაფინანსებები იფუთებოდა ისე, თითქოს საქართველოს მოქალაქეებს აძლევდნენ გრანტებს და ეხმარებოდნენ კონკრეტული პროექტების განხორციელებაში. ნებისმიერმა პატრიოტმა მოქალაქემ, ვინც პატივს სცემს ჩვენს კულტურასა და ტრადიციებს, პროექტი რომ წარადგინოს, ვნახოთ თუ მიიღებს დაფინანსებას. ეს დაფინანსება მიმართულია ქვეყანაში კონკრეტული ქმედებებისკენ. ძალიან კარგად იცის საზოგადოებამ ეს თანხები რას ხმარდებოდა – ზიზღს, პოლარიზაციას, ხალხის…

„ჩვენთვის მთავარი არის ქვეყნის ინტერესები და ქვეყანაში მშვიდობის შენარჩუნება“, – ამის შესახებ დედაქალაქის მერმა მედიასთან ევროპარლამენტარების განცხადების თემაზე კომენტირებისას ისაუბრა. კახა კალაძის თქმით, ზოგიერთი ევროპარლამენტარის მხრიდან დემოკრატიულ პროცესებზე საუბარი არის ორმაგი სტანდარტი, რადგან ისინი ამბობდნენ, რომ 2012 წლამდე საქართველოში დემოკრატია იყო. „არ მიკვირს, რომ ზოგიერთი გაზულუქებული ევროპარლამენტარი ამ ტიპის განცხადებას აკეთებს. ეს ადამიანები მიხეილ სააკაშვილს ევროპულ საზომად იყენებდნენ. ეს არის ჩვეულებრივი ორმაგი სტანდარტი. 2012 წლამდე ქვეყანაში თითქოს „დემოკრატიის შუქურა“ გვქონდა. ღმერთმა მოახმაროს მათ ასეთი დემოკრატია, რომელიც საქართველოში 2012 წლამდე იყო. მთავარი არის ქვეყნის ინტერესები და ქვეყანაში მშვიდობის შენარჩუნება. ეს არის…

თბილისის მერი კახა კალაძე აცხადებს, რომ არსებითი მნიშვნელობა არ აქვს, ვინ რა გადაწყვეტილებას მიიღებს ოპოზიციიდან ადგილობრივი თვითმმართველობის არჩევნებთან დაკავშირებით. როგორც მან შესაბამისი შეკითხვის საპასუხოდ განაცხადა, მმართველ გუნდს დაწყებული აქვს მზაობა არჩევნებისთვის და საკუთარ ხედვას მოსახლეობას უახლოეს პერიოდში წარუდგენს. „არ ვიცი, ვინ რა გადაწყვეტილებას მიიღებს. ვინ რას აპირებს, ამას არსებითი მნიშვნელობა არ აქვს – რასაც ეტყვიან, დაავალებენ, იმას გააკეთებენ. ნახეთ, როგორი პოზიცია ეჭირათ სულ რამდენიმე ხნის წინ არჩევნებში არმონაწილეობასთან დაკავშირებით და როგორც კი გარედან შეიცვალა რიტორიკა, მაშინვე დაიწყეს საუბარი, რომ ვიღაცები არჩევნებში მონაწილეობას აპირებენ. ჩვენთვის არსებითი მნიშვნელობა არ აქვს, რა გადაწყვეტილება…