დღე: ივნისი 11, 2025

უკრაინის პრეზიდენტის ადმინისტრაციის მრჩეველმა, მიხაილ პოდოლიაკმა განაცხადა, რომ რუსეთის წინააღმდეგ სანქციების სანაცვლოდ, 18 წლის ახალგაზრდების მობილიზაციას მოითხოვს. ვოლოდიმირ ზელენსკის ადმინისტრაციის მრჩეველის თქმით, უცნაურად მიაჩნია ევროპელებისა და ამერიკელების განმარტება, რომ სანქციებს დააწესებენ, თუ უკრაინა 18 წლის და უფროსი ასაკის ადამიანების მობილიზებას მოახდენს. „როგორ არის ეს დაკავშირებული? ეს ნამდვილად არანაირად არ არის დაკავშირებული. პირიქით, ჩვენ უნდა ვისაუბროთ მილიტარიზმზე. თუ რაკეტები გამოიყენება და ტექნოლოგია მნიშვნელოვნად გაუმჯობესდა, თქვენ ავტომატურად ანადგურებთ მტრის დიდი რაოდენობით ცოცხალ ძალას და აღჭურვილობას, რატომ უნდა ვისაუბროთ აქ მობილიზაციაზე? რუსეთის მსგავს ქვეყანას მხოლოდ მობილიზაციის ინსტრუმენტებითა და სანგრებით ვერ შეებრძოლები. ბოლოს და…

უკრაინის პრეზიდენტმა, ვოლოდიმირ ზელენსკიმ განაცხადა, რომ რუსეთის წინააღმდეგ ევროკავშირის სანქციების მე-18 პაკეტი შეიძლება უფრო ძლიერი იყოს. მისი თქმით, მე-18 პაკეტი “შეიძლება უფრო ძლიერი იყოს, განსაკუთრებით რუსული ნავთობტანკერებისა და მისი ფინანსური სექტორის წინააღმდეგ”. “ნავთობზე 45 დოლარის “ჭერი” უკეთესია, ვიდრე 60, ეს გასაგებია, ეს სიმართლეა. მაგრამ ნამდვილი მშვიდობა ნავთობზე 30 დოლარის ჭერთან ერთად მოვა. ეს ის დონეა, რომელიც ნამდვილად შეცვლის მოსკოვში აზროვნების წესს” – განაცხადა ზელენსკიმ.

კოსოვო აშშ-დან დეპორტირებული მიგრანტების მიღებას დათანხმდა. კოსოვოს მთავრობის განცხადებით, გეგმა წელიწადში აშშ-დან დეპორტირებული 50 ადამიანის მიღებას ითვალისწინებს. „მთავრობა მზადყოფნას გამოთქვამს ჩაერთოს, შემოთავაზებული სიიდან პირების შერჩევის შესაძლებლობის გათვალისწინებით და იმ პირობით, რომ ისინი კანონის უზენაესობასთან დაკავშირებულ კრიტერიუმებს დააკმაყოფილებენ“, – ნათქვამია განცხადებაში.

რუსულმა და უკრაინულმა მხარეებმა მძიმედ დაჭრილი და დაავადებული სამხედრო ტყვეები ერთმანეთში გაცვალეს. როგორც უკრაინის პრეზიდენტმა, ვოლოდიმირ ზელენსკიმ აღნიშნა, ტყვეობიდან დაბრუნებულ ყველა უკრაინელს სამედიცინო დახმარება სჭირდება. მან აღნიშნული „მნიშვნელოვან ჰუმანიტარული აქტად“ შეაფასა. „უკრაინაში, სახლში დაბრუნდნენ მეომრები, რომლებიც უკრაინის თავდაცვისა და უსაფრთხოების ძალების სხვადასხვა დანაყოფების წევრები იყვნენ: შეიარაღებული ძალების, ეროვნული გვარდიის, უკრაინის სახელმწიფო სასაზღვრო სამსახურის, ტრანსპორტის სპეციალური სახელმწიფო სამსახურის“, – დაწერა ზელენსკიმ.

ემანუელ მაკრონი 15 წლამდე ბავშვებისთვის სოციალური ქსელებზე წვდომის შეზღუდვას გეგმავს. საფრანგეთის პრეზიდენტის განცხადებით, ამ საკითხთან დაკავშირებით თუ ევროკავშირის დონეზე პროგრესი არ იქნება მიღწეული, საფრანგეთი 15 წლამდე ბავშვებს სოციალურ ქსელებზე წვდომას შეუზღუდავს. საბერძნეთი, საფრანგეთისა და ესპანეთის მხარდაჭერით, ხელმძღვანელობს ინიციატივას, რომელიც მიზნად ისახავს მოზარდების მიერ ონლაინ გატარებული დროის შეზღუდვას. მაკრონმა საფრანგეთის ზემო მარნის რეგიონის ერთ-ერთი დასახლების სკოლაში 14 წლის მოსწავლის მიერ მასწავლებლის მკვლელობის შემდეგ ხაზგასმით აღნიშნა, რომ უფრო სწრაფად მოქმედება სურს. ცნობისთვის, საფრანგეთის ზემო მარნის რეგიონის ერთ-ერთი დასახლების სკოლაში, სავარაუდოდ, 14 წლის მოსწავლემ სკოლის ასისტენტი დანით სასიკვდილოდ დაჭრა. მოზარდი დაკავებულია და პოლიციაში მისი…

,,ყოველთვის ვცდილობთ, საქართველოსა და იტალიას შორის ურთიერთობები იყოს მჭიდრო”, – ამის შესახებ ლომბარდიის რეგიონის ვიცე-პრეზიდენტმა, მარკო ალპარონემ მილანში საქართველოს გენერალური საკონსულოს ოფიციალური გახსნის ცერემონიაზე განაცხადა. „მინდა, ნაყოფიერი მუშაობა ვუსურვო საქართველოს გენერალურ საკონსულოს. ყოველთვის ვცდილობთ, ჩვენი ურთიერთობები იყოს მჭიდრო. ეს ურთიერთობები კიდევ უფრო მჭიდრო და ახლობელი ხდება არა მხოლოდ ეკონომიკური მიმართულებით, არამედ გარემოს დაცვის, ტურიზმის სფეროშიც, ნებისმიერი კუთხით, სადაც ძალიან აქტიური გვაქვს თანამშრომლობა. მინდა, ხაზი გავუსვა კულტურას. ძალიან ბევრი სკოლაა საქართველოში, სადაც იტალიური ენა ისწავლება. ჩვენთანაც ბევრი სკოლაა, სადაც ქართული ისწავლება. მიმაჩნია, რომ ეს არის საუკეთესო მაგალითი იმისა, თუ როგორ შეიძლება,…

,,აშშ გმობს ბრიტანეთის, კანადის, ნორვეგიის, ახალი ზელანდიისა და ავსტრალიის მთავრობების მიერ ისრაელის კაბინეტის ორ მოქმედ წევრზე დაწესებულ სანქციებს”, – განაცხადა აშშ-ის სახელმწიფო მდივანმა, მარკო რუბიომ. „ეს სანქციები ხელს არ უწყობს აშშ-ის ძალისხმევას ცეცხლის შეწყვეტის, ყველა მძევლის სახლში დაბრუნებისა და ომის დასრულების მიზნით. „ჰამასი“ არის ტერორისტული ორგანიზაცია, რომელმაც გაუგონარი სისასტიკე ჩაიდინა, აგრძელებს უდანაშაულო მშვიდობიანი მოქალაქეების მძევლად აყვანას და ღაზის მოსახლეობას ხელს უშლის მშვიდობიანად ცხოვრებაში. ჩვენ შევახსენებთ ჩვენს პარტნიორებს, არ დაივიწყონ ვინ არის ნამდვილი მტერი. აშშ მოუწოდებს სანქციების გაუქმებისკენ და მხარს უჭერს ისრაელს“, – აღნიშნა მარკო რუბიომ.

,,რუსეთის მხრიდან ომის გაგრძელების უნარი სანქციების სიმძიმეზეა დამოკიდებული”, – განაცხადა გერმანიის კანცლერმა, ფრიდრიხ მერცმა. მისი თქმით, კრემლი განზრახ ესხმის თავს მშვიდობიან მოსახლეობას და არა სამხედრო ინფრასტრუქტურას. „დახმარება კიევისთვის, ზეწოლა მოსკოვზე – ორივე საჭიროა ახლა, რათა დაიწყოს რეალური მოლაპარაკებები ცეცხლის შეწყვეტის შესახებ. რუსეთი მშვიდობიან მოსახლეობას ბევრი დრონითა და რაკეტებით დაესხა თავს. ეს ყველაფერი იყო, გარდა პროპორციული პასუხისა გასულ კვირას, უკრაინის მიერ რუსეთის სამხედრო ავიაბაზებზე განხორციელებულ ძალიან ზუსტ დარტყმებზე. რუსეთს ნამდვილად სურდა სისხლისღვრა. ის ფაქტი, რომ ეს მხოლოდ ძალიან შეზღუდული მასშტაბით მოხდა, მხოლოდ უკრაინის ეფექტური თავდაცვის დამსახურებაა. კიდევ ერთხელ, რუსეთი მოლაპარაკებების ნაცვლად…

„საჭიროების შემთხვევაში, თუ მხარეები ამას საჭიროდ ჩათვლიან, რუსეთი მზად არის, რომ ირანიდან ზედმეტი ბირთვული მასალის გატანა უზრუნველყოს“, – ამის შესახებ კრემლის პრესსპიკერმა, დიმიტრი პესკოვმა განაცხადა. მისი თქმით, რუსეთს ირანთან მუდმივი კონტაქტი აქვს. მანამდე, რუსეთის საგარეო საქმეთა მინისტრის მოადგილემ, სერგეი რიაბკოვმა განაცხადა, რომ რუსეთი მზადაა ბირთვული შეთანხმების მიღწევის მიზნით თეირანსა და ვაშინგტონს პრაქტიკული დახმარება გაუწიოს.

უკრაინაში, ჩატარებული რეპატრიაციის ღონისძიებების შედეგად, 1 212 დაღუპული სამხედროს ცხედარი დააბრუნეს. გავრცელებული ინფორმაციით, სამშობლოში დააბრუნეს იმ ჯარისკაცების ცხედრები, რომლებიც რუსეთის ფედერაციის კურსკის ოლქში და უკრაინის ხარკოვის, ლუგანსკის, დონეცკის, ზაპოროჟიესა და ხერსონის ოლქებში იბრძოდნენ. მედიის ცნობით, ცხედრები დააბრუნეს შტაბის თანამშრომლების, უკრაინის უსაფრთხოების სამსახურის გაერთიანებული ცენტრის, უკრაინის შეიარაღებული ძალების, უკრაინის შინაგან საქმეთა სამინისტროს, უკრაინის უმაღლესი რადას ადამიანის უფლებათა კომისრის ოფისის, უკრაინის სახელმწიფო საგანგებო სიტუაციების სამსახურისა და უკრაინის უსაფრთხოებისა და თავდაცვის სექტორის სხვა სტრუქტურების ერთობლივი მუშაობის შედეგად. მათ ცხედრების დაბრუნებაში დახმარება გაუწია „წითელი ჯვრის საერთაშორისო კომიტეტმა“.

,,რუსეთი დასცინის სამშვიდობო ძალისხმევას და სრულ უპატივცემულობას გამოხატავს მსოფლიოში ყველას მიმართ, ვინც მკვლელობებისა და ომის დასრულებისკენ მოუწოდებს”, – წერს უკრაინის საგარეო საქმეთა მინისტრი, ანდრეი სიბიგა სოციალურ პლატფორმა X-ზე. უკრაინის საგარეო უწყების ხელმძღვანელი დასავლეთს რუსეთის წინააღმდეგ სანქციების დაწესებისკენ მოუწოდებს. „დაუწესეთ რუსეთს სანქციები ახლავე. მოსკოვმა უკვე ნათლად განაცხადა, რომ უარყოფს მშვიდობას“, – აცხადებს სიბიგა.

ნატო-ს სამიტზე ალიანსში უკრაინის გაწევრიანებაზე საუბარი არ იქნება. „ბლუმბერგის” ცნობით, სამიტის პროექტში ასევე არ არის განმეორებული გასული წლის დაპირება, რომელიც უკრაინისთვის 40 მილიარდი დოლარის დახმარებას ითვალისწინებდა. განცხადებაში რუსეთი ევროატლანტიკური უსაფრთხოებისთვის „საფრთხედ“ არის აღიარებული, თუმცა, ის უკრაინის აგრესორად არ არის აღიარებული. „ბლუმბერგი“ წერს, რომ დოკუმენტის პროექტში არ არის ნახსენები ჩინეთი, რომელიც ადრე უკრაინაში რუსეთის შეჭრის „გადამწყვეტ ხელშემწყობ ფაქტორად“ მოიხსენიებოდა. ნატო-ს მოკავშირეები განიხილავენ უკრაინის თავდაცვისთვის შენატანის ჩართვას იმ ახალ ხარჯვით მიზნობრივ გეგმაში, რომელსაც სავარაუდოდ, ამ თვის ბოლოს ლიდერების სამიტზე დაამტკიცებენ. სამიტის დეკლარაციის წინასწარი პროექტის თანახმად, ჩრდილოატლანტიკური ხელშეკრულების ორგანიზაცია ასევე შესთავაზებს მუშაობას თავდაცვის…

ფინეთის საგარეო საქმეთა სამინისტროში, ქვეყნის საჰაერო სივრცის დარღვევასთან დაკავშირებით, რუსეთის საქმეთა დროებითი რწმუნებული დაიბარეს. ფინური მედიის ცნობით, შეხვედრა ეხება 10 ივნისს მომხდარ შემთხვევას, როდესაც რუსული თვითმფრინავი სავარაუდოდ შევიდა ფინეთის საჰაერო სივრცეში, ქალაქ პორვოოს სანაპიროსთან. შემთხვევას ფინეთის სასაზღვრო სამსახური იძიებს. ეს ბოლო ერთი თვის განმავლობაში მეორე შემთხვევაა. რუსი დიპლომატი ფინეთის საგარეო უწყებაში რუსული თვითმფრინავის მიერ საჰაერო სივრცის დარღვევის გამო 23 მაისსაც იყო დაბარებული.