დღე: ივნისი 10, 2025

,,ვიქტორ ორბანი უკრაინას საკუთარი საარჩევნო მიზნებისთვის იყენებს”, – განაცხადა უკრაინის პრეზიდენტმა, ვოლოდიმირ ზელენსკიმ უნგრულ მედიასთან ინტერვიუში. „მას არ ესმის, რომ ამას გაცილებით სერიოზული და საშიში შედეგები მოჰყვება: უნგრეთის საზოგადოების რადიკალიზაცია და ანტიუკრაინული განწყობების გაღვივება. ის ამით პუტინს სამსახურს უწევს. სწორედ ამიტომ ვთქვი, რომ ვიქტორი სერიოზულ ისტორიულ შეცდომას უშვებს. ეს ჩემი პირადი აზრია. თუ ის სათანადო ურთიერთობისთვის მზად არის, მაშინ ჩვენ ამისთვის სამუშაო ჩარჩოს ვიპოვით. მაგრამ, როგორ შეიძლება, რომ არჩევნებისთვის ჩემი სახე გამოიყენოს? მე მისთვის ამის გაკეთების ნებართვა არ მიმიცია. მე სხვა ქვეყნის პრეზიდენტი ვარ. სხვა ქვეყნებში ორბანის ბილბორდები არ არის,…

მეტი...

ისრაელი გემ Madleen-ზე მყოფ გრეტა ტუნბერგს შვედეთში აბრუნებს. ისრაელის საგარეო საქმეთა სამინისტროს განცხადებით, ტუნბერგი შვედეთში საფრანგეთის გავლით ბრუნდება. ცნობისთვის, შვედი ეკოაქტივისტი გრეტა ტუნბერგი, სხვა აქტივისტებთან ერთად, ღაზის სექტორისკენ მიმავალ გემზე იმყოფებოდა, რომელიც ისრაელის ძალებმა შეაჩერეს. გემი Madleen-ი ღაზის სექტორში მოსახლეობისთვის ჰუმანიტარული დახმარების მიწოდების მიზნით მიემართებოდა. ისრაელის საგარეო საქმეთა სამინისტროს განცხადებით, ღაზის სექტორში დახმარების მისაწოდებლად არსებობს გზები, რომლებიც არ მოიცავს „ინსტაგრამის“ ე.წ. სელფებს.

მეტი...

აშშ-ის პრეზიდენტი, დონალდ ტრამპი შვედ გარემოსდამცველსა და აქტივისტს, გრეტა თუნბერგს, რომელიც ისრაელის მთავრობამ სხვა აქტივისტებთან ერთად იმ დროს დააკავა, როცა ღაზასთვის გემით ჰუმანიტარული დახმარების მიწოდებას ცდილობდნენ, „სიბრაზის მართვის კურსის გავლას“ ურჩევს. „ის უცნაური ადამიანია. ის ახალგაზრდა, გაბრაზებული ადამიანია. ის ნამდვილად განსხვავებულია. ვფიქრობ, რომ მან სიბრაზის მართვის კურსი უნდა გაიაროს. ეს არის ჩემი მთავარი რეკომენდაცია მისთვის“, – განუცხადა ტრამპმა ჟურნალისტებს, როდესაც ჰკითხეს, რა არის მისი მესიჯი თუნბერგისთვის. ისრაელის საგარეო უწყებამ დღეს განაცხადა, რომ გრეტა თუნბერგისა და სხვა აქტივისტების დეპორტაციას განახორციელებს.

მეტი...

აშშ-ის ვიცე-პრეზიდენტი, ჯეი დი ვენსი ლოს-ანჯელესში მიმდინარე საპროტესტო აქციების ჩასახშობად ჯარების განლაგების გადაწყვეტილებს ეხმაურება. „ამ ადმინისტრაციას უკანონობა ვერ დააშინებს, პრეზიდენტი ტრამპი უკან არ დაიხევს. ჩვენ მხარს დავუჭერთ FBI-ის აგენტებს, რომლებიც ძალადობრივ დამნაშავეებს აკვირდებიან, გვარდიის წევრებს, ადგილობრივ პოლიციას და საზღვაო ქვეითებს, რომლებიც წესრიგს აღადგენენ და ICE აგენტებს, რომლებიც ჩვენი იმიგრაციის კანონებს აღასრულებენ“, – წერს ჯეი დი ვენსი X-ზე. შეგახსენებთ, რომ დონალდ ტრამპმა ლოს-ანჯელესში ეროვნული გვარდიის კიდევ 2000 ჯარისკაცის განლაგება დაამტკიცა.

მეტი...

,,ირანთან დაკავშირებით ბევრს ვმუშაობთ”, – განაცხადა აშშ-ის პრეზიდენტმა, დონალდ ტრამპმა. მისი თქმით, აშშ-ისა და ირანის დელეგაციები ერთმანეთს ხუთშაბათს, 12 ივნისს შეხვდებიან. „მათ ირანის გამდიდრება სურთ და ჩვენ ამას ვერ მივიღებთ. ისინი იმას ითხოვენ, რაც შეუძლებელია“, – აღნიშნა აშშ-ის პრეზიდენტმა.

მეტი...

ჩრდილო-ატლანტიკური ალიანსის გენერალური მდივანის მარკ რუტეს განცხადებით, რუსეთი NATO-ს წინააღმდეგ სამხედრო ძალის გამოსაყენებლად 5 წელიწადში მზად იქნება. მისი თქმით, მოსკოვი მხოლოდ 3 თვეში აწარმოებს საბრძოლო მასალების იმ რაოდენობას, რასაც NATO ერთ წელს ანდომებს. ,,რუსეთმა ძალები გააერთიანა ჩინეთთან, ჩრდილოეთ კორეასა და ირანთან. ისინი აფართოებენ შეიარაღებული ძალებსა და შესაძლებლობებს. პუტინის სამხედრო მანქანა, შენელების ნაცვლად, სწრაფდება. რუსეთი თავის ძალას ჩინური ტექნოლოგიების გამოყენებით აღადგენს, უფრო სწრაფად აწარმოებს იმაზე მეტ იარაღს, ვიდრე გვეგონა. თავს ნუ მოვიტყუებთ, ახლა ჩვენ, ყველანი აღმოსავლეთ ფლანგზე ვართ. რუსული რაკეტების ახალ თაობას შეუძლია, იფრინოს სიჩქარით, რაც ბევრჯერ აღემატება ბგერის სიჩქარეს. ევროპის…

მეტი...

ლოს-ანჯელესში პოლიციასა და საიმიგრაციო რეიდების საწინააღმდეგოდ მიმდინარე საპრიტესტო აქციის მონაწილეებს შორის შეტაკება მოხდა. CNN-ის ცნობით, მომიტინგეებმა პოლიციელებს ბოთლები და სხვა ნივთები ესროლეს. სამართალდამცავებმა მათ დასაშლელად რეზინის ტყვიები და მანათობელი ხელყუმბარები გამოიყენეს. სამართალდამცავებმა აქციის რამდენიმე მონაწილე დააკავეს. აღსანიშნავია, რომ ლოს-ანჯელესში მიმდინარე საპროტესტო აქციებს აშშ-ის სხვა ქალაქებიც შეუერთდნენ. საპროტესტო აქციები გაიმართა სანტა-ანასა და სან-ფრანცისკოში, სადაც კვირას დაახლოებით 150 ადამიანი დააკავეს. მომიტინგეები შეიკრიბნენ ნიუ-იორკშიც, სადაც, პოლიციის ცნობით, რამდენიმე ადამიანი დააკავეს. ატლანტაში აქციის მონაწილეები საიმიგრაციო და საბაჟო აღსრულების სამსახურის (ICE) შენობის წინ შეიკრიბნენ და დაკავებულების გათავისუფლება მოითხოვეს. მსგავსი საპროტესტო აქციები გაიმართა კენტუკის შტატის ქალაქ…

მეტი...

რუსეთმა და უკრაინამ მძიმედ დაჭრილი და 25 წლამდე ასაკის ტყვეები გაცვალეს. გაცვლის მორიგი ეტაპი სტამბოლში მიღწეული შეთანხმების საფუძველზე განხორციელდა. „სტამბოლის შეთანხმების მიხედვით, ტყვეების გაცვლის პროცესი რამდენიმე ეტაპად გაგრძელდება. ამ ჯერზე გავცვალეთ მძიმედ დაჭრილი და 25 წლამდე ასაკის სამხედროები. ვვარაუდობთ, რომ პროცესი ერთი დღით არ შემოიფარგლება. დეტალები საკმაოდ დელიკატურია, ამიტომაც ახლა ინფორმაცია ჩვეულებრივზე ცოტაა. მადლობას ვუხდი ყველას, ვინც ჩვენი ხალხის რუსული ტყვეობიდან შინ დაბრუნებაზე მუშაობს“, – განაცხადა უკრაინის პრეზიდენტმა ვოლოდიმირ ზელენსკიმ.

მეტი...

რუსეთის შეიარაღებულმა ძალებმა გვიან ღამით უკრაინის დედაქალაქზე საჰაერო თავდასხმა განახორციელა. კიევის საქალაქო სამხედრო ადმინისტრაციის ხელმძღვანელის, ტიმურ ტკაჩენკოს თქმით, რუსეთი კიევს უპილოტო საფრენი აპარატებით ბომბავდა. დაიბომბა საქალაქო ინფრასტრუქტურა, რამდენიმე მრავალსართულიანი საცხოვრებელი სახლი, დაიწვა მანქანები და სასაწყობე მეურნეობა. კიევის მერის, ვიტალი კლიჩკოს ინფორმაციით, რუსული შეტევის დროს ოთხი ადამიანი დაშავდა. ყველა მათგანი საავადმყოფოშია გადაყვანილი. მისი თქმით, რუსული დაბომბვის შედეგად კიევის ექვსი რაიონი დაზარალდა. ამასთან, 10 ივნისის ღამეს რუსებმა ოდესაში სამშობიარო სახლს, სასწრაფო სამედიცინო დახმარების პუნქტს და საცხოვრებელ შენობებს დაარტყეს. ამ დროისთვის არსებული მონაცემებით, ერთი ადამიანი დაიღუპა, სამი დაშავებული კი საავადმყოფოში გადაიყვანეს.

მეტი...

ლოს-ანჯელესში საიმიგრაციო და საბაჟო აღსრულების სამსახურის მიერ ჩატარებული რეიდების წინააღმდეგ საპროტესტო აქციები გრძელდება. ვითარების განსამუხტად, შეერთებული შტატების არმია ქალაქში დაახლოებით 700 საზღვაო ქვეითს განათავსებს. მიმდინარე მოვლენებს კიდევ ერთხელ გამოეხმაურა შტატების პრეზიდენტი დონალდ ტრამპი და აღნიშნა, რომ მეამბოხეებს აქვთ ტენდენცია, სახეში შეაფურთხონ ეროვნული გვარდიის წევრებს. ,,თუ შეაფურთხებენ, ჩვენ დავარტყამთ, ასეთ უპატივცემულობას არ მოვითმენთ. აჯანყებულებს აქვთ მიდრეკილება, რომ სახეში შეაფურთხონ ეროვნული გვარდიის წევრებს და სხვებს. ამ პატრიოტებს ეუბნებიან, რომ შეეგუონ ამას, რადგან ,,ცხოვრება ასეთია”, მაგრამ არა ტრამპის ადმინისტრაციის პირობებში. თუ შეაფურთხებენ, დავარტყამთ და გპირდებით, რომ ისე ძლიერად დავარტყამთ, როგორც არასდროს. ასეთ უპატივცემულობას…

მეტი...