დღე: ივნისი 10, 2025

ევროკავშირი რუსეთის წინააღმდეგ სანქციების მე-18 პაკეტს ამზადებს, სამიზნეში რუსეთის ენერგეტიკისა და საბანკო სექტორები იქნება ამოღებული. ამის შესახებ ერთობლივ განცხადებას ევროკომისიის პრეზიდენტი, ურსულა ფონ დერ ლაიენი და ევროკავშირის უმაღლესი წარმომადგენელი, კაია კალასი ავრცელებენ. “რუსეთის მიზანი მშვიდობა არ არის, მისი მიზანია, ძლიერების მმართველობის დაწესება. შესაბამისად, რუსეთზე ზეწოლას ვზრდით, ვინაიდან, ძალა ერთადერთი ენაა, რომელიც რუსეთს ესმის… ჩვენი მესიჯი ცხადია: ეს ომი უნდა დასრულდეს. ნამდვილი ცეცხლის შეწყვეტა გვჭირდება, რუსეთი მოლაპარაკებების მაგიდასთან სერიოზული წინადადებით უნდა მოვიდეს. ვინაიდან, დღეისთვის ის მშვიდობის მიღწევის სურვილს არ აჩვენებს, რუსეთზე ზეწოლას გავაძლიერებთ, მათ შორის მეტი ძლიერი სანქციებით. შესაბამისად, ძლიერი სანქციების მე-18…

„დღეს, კიევის ტერორისტული ბუნების, მიერ მიერ ჩადენილი ტერორისტული აქტების დამალვა შეუძლებელია. ჩვენ მხოლოდ თვალების დახუჭვა შეგვიძლია. შეგვიძლია ვთქვათ, რომ ვერაფერს ვხედავთ და არაფერი ვიცით“, – ამის შესახებ რუსეთის საგარეო საქმეთა სამინისტროს პრესსპიკერმა, მარია ზახაროვამ განაცხადა. „კიევის რეჟიმი საკუთარი ჯარისკაცების ცხედრებს არ იღებს. ეს უბრალოდ დეჰუმანიზაციაა. აწარმოებდით თუ არა მათთან დიალოგს? დასხდებოდით თუ არა მათთან მოლაპარაკებების მაგიდასთან? თუ ისინი ჯარისკაცების ცხედრებს არ იღებენ, რაზე მეტყველებს ეს? ამ ადამიანებს ხელი არ უნდა ჩამოართვათ“, – აღნიშნა ზახაროვამ. შეგახსენებთ, სტამბოლში გამართულ მოლაპარაკებებზე უკრაინა და რუსეთი 6000 დაღუპული სამხედროს ცხედრების გაცვლის შესახებ შეთანხმდნენ. გასულ კვირას…

POLITICO-ს ცნობით, ტრამპის ადმინისტრაციამ დაახლოებით 700 საზღვაო ქვეითს უბრძანა, შეუერთდნენ ეროვნული გვარდიის ძალებს ლოს-ანჯელესში. საზღვაო ქვეითები არ მიიღებენ მონაწილეობას სამართალდამცავ საქმიანობაში, თუ პრეზიდენტი არ გამოიყენებს ამბოხების აქტს, რაც მათ ძალადობის აღკვეთის უფლებას მისცემს. როგორც მედია წერს, არ არის ნათელი, რა როლს შეასრულებენ საზღვაო ქვეითები, მაგრამ ერთ-ერთმა ოფიციალურმა პირმა განაცხადა, რომ ისინი, სავარაუდოდ, მხარს დაუჭერენ ეროვნული გვარდიის ძალებს, რომლებიც სამართალდამცავების დასახმარებლად გაიგზავნა. ლოს-ანჯელესში არეულობა გრძელდება. ათასობით ადამიანი ამერიკის პრეზიდენტის, დონალდ ტრამპის საიმიგრაციო პოლიტიკის გასაკრიტიკებლად შაბათს ქუჩებში გამოვიდა. მოგვიანებით მიტინგი პოლიციასთან შეტაკებებში გადაიზარდა. ტრამპმა კვირას ქალაქში ეროვნული გვარდიის შეყვანის ბრძანება გასცა, რამაც…

კიევზე რუსეთის იერიშის შედეგად აფეთქების ტალღამ წმინდა სოფიას საკათედრო ტაძარი დააზიანა, რომელიც იუნესკოს მსოფლიო მემკვიდრეობის ძეგლთა სიაშია. ინფორმაციას კულტურის მინისტრი ნიკოლაი ტოჩიცკი ავრცელებს. „ღამით მტერმა ისევ დაარტყა ჩვენი იდენტობის გულს. დაზიანდა სოფიას ტაძარი კიევში – სიწმინდე, რომელმაც საუკუნეებს გაუძლო და წარმოადგენს ჩვენი სახელმწიფოებრიობის სიმბოლოს. აფეთქების ტალღამ ეროვნული მნიშვნელობის ძეგლის მთავარი აფსიდის კარნიზის ნგრევა გამოიწვია. ეს მე-11 საუკუნის ტაძარი მთელი უკრაინის სულია“, – წერს მინისტრი სოციალურ ქსელში. ტაძრის მდგომარეობის შესწავლა და ფიქსაცია სპეციალისტებმა და საგამოძიებო-ოპერატიულმა ჯგუფმა ჩაატარეს. კულტურის სამინისტრო აღნიშნავს, რომ აფეთქებების შედეგად გამოწვეულმა ნებისმიერმა ვიბრაციამ შესაძლოა, საფრთხე შეუქმნას ძეგლის კონსტრუქციის…

ლიეტუვის საგარეო საქმეთა მინისტრი, კესტუტის ბუდრისი რუსეთის ფედერაციის მიერ კიევსა და ოდესაზე განხორციელებულ საჰაერო თავდასხმას ეხმაურება. „წუხელ რუსეთმა კიდევ ერთხელ განახორციელა ტერორი უკრაინაზე, კიევსა და ოდესაზე დრონებისა და რაკეტების ტალღების გაშვებით. დაბომბეს სამშობიარო განყოფილება და საცხოვრებელი შენობები. დაიღუპნენ და დაიჭრნენ მშვიდობიანი მოქალაქეები. პუტინი და მისი იმპერიული ამბიციები მშვიდობის უდიდეს დაბრკოლებად რჩება. ის ომის დასრულებას არ ცდილობს – ის მხოლოდ მეტ სიკვდილს და ნგრევას ცდილობს“, – წერს ლიეტუვის საგარეო საქმეთა მინისტრი X-ზე. მისი თქმით, კაცობრიობის წინააღმდეგ ჩადენილი დანაშაულებისთვის ყველა დამნაშავემ პასუხი უნდა აგოს და მართლმსაჯულების წინაშე წარსდგეს.

ამერიკის სახელმწიფო მდივანი, მარკო რუბიო მხარს უჭერს პრეზიდენტ დონალდ ტრამპის მკაცრ საიმიგრაციო პოლიტიკას, რომელიც არალეგალი მიგრანტების მასობრივ დეპორტაციას ითვალისწინებს. ლოს-ანჯელესში მიმდინარე არეულობის ფონზე რუბიო წერს, რომ თითოეულ ერს აქვს თავდაცვის არათუ უფლება, არამედ ვალდებულება. ,,არცერთი სახელმწიფო არ არის ვალდებული, რომ უცხოელი კრიმინალები შეიფაროს. დაუშვებელია, რომ არალეგალმა კრიმინალებმა შეერთებული შტატების ტერიტორიაზე დანაშაულებრივი ქმედებები განაგრძონ”, – განაცხადა რუბიომ.

ირანის საგარეო საქმეთა პრესსპიკერის, ისმაილ ბაღაის განცხადებით, აშშ-სა და ირანს შორის ბირთვულ შეთანხმებაზე მოლაპარაკებების მორიგი რაუნდი კვირას, 15 ივნისს, ომანის დედაქალაქ მასკატში გაიმართება. ირანთან დაკავშირებით, თეთრ სახლში გამართული ღონისძიების დროს, კომენტარი გააკეთა დონალდ ტრამპმაც, რომლის თქმითაც, ისინი ბევრს მუშაობენ ირანთან, რათა შეძლონ შეთანხმების გაფორმება და აღნიშნა, რომ ირანული მხარე კარგი თუმცა, ხისტი მომლაპარაკებელია. როგორც ტრამპმა აღნიშნა, ირანული მხარე ითხოვს ისეთ საკითხებს, რისი გაკეთებაც ვაშინგტონს არ შეუძლია. მისივე თქმით, ირანს ასევე არ სურს, უარი თქვას, ურანის გამდიდრების შესაძლებლობაზე, რასაც ვაშინგტონი ვერ დაუშვებს.

საფრანგეთის პრეზიდენტი ემანუელ მაკრონი ქვეყანაში ვადამდელ არჩევნებს არ გამორიცხავს. ნიცაში კონფერენციაზე საუბრისას მაკრონმა პოლიტიკურ პარტიებს ერთად მუშაობისკენ მოუწოდა. „პოლიტიკურმა პარტიებმა, რომელთაც აქვთ შესაძლებლობა, ჩამოაყალიბონ უმრავლესობა ეროვნულ ასამბლეაში უნდა აჩვენონ, რომ შეუძლიათ ერთად მუშაობა, როგორც ჩვენი მეზობლები აკეთებენ. აი, რა არის დემოკრატია ისეთ მომენტებში, როდესაც ქვეყანა დაყოფილია”, – განაცხადა მაკრონმა როგორც მან აღნიშნა, ის აღარ გაიმეორებს იმავე ხრიკს, როგორც ეს შარშან, პარლამენტის დაშლითა და ვადამდელი საპარლამენტო არჩევნების დანიშვნით გააკეთა, რომლის შედეგებიც მისთვის, არც ისე სახარბიელო აღმოჩნდა.

,,ინტენსიური საბრძოლო მოქმედებები პოკროვის, კურსკისა და სუმის მიმართულებებზე გრძელდება”, – ამის შესახებ უკრაინის პრეზიდენტმა ვოლოდიმირ ზელენსკიმ განაცხადა. „ყველაზე სასტიკი, ინტენსიური საბრძოლო მოქმედებები პოკროვის მიმართულებაზე გრძელდება, ასევე კურსკის ოპერაციის რაიონებში, ასევე სუმის ოლქის სასაზღვრო ზონაში. რუსული ტაქტიკა ყველგან ერთია – ისინი არ თვლიან დანაკარგებს და ცდილობენ წინსვლას, შტურმით უტევენ ჩვენს უკრაინულ პოზიციებს, რომ აიღონ ერთი მეტრი მაინც. თუმცა, მათი ეს პოტენციალი უსასრულო არ არის, ამიტომ რუსული დანაკარგების გარკვეულმა რაოდენობამ და ჩვენმა აქტივობამ უნდა შეაკავოს და აკავებს რუსების წინსვლას“, – განაცხადა ზელენსკიმ.

რუსეთის საგარეო საქმეთა მინისტრის მოადგილის, სერგეი რიაბკოვის განცხადებით, მოსკოვსა და ვაშინგტონს შორის ორმხრივი საკითხების განსახილველად კონსულტაციების მესამე რაუნდი ძალიან მალე გაიმართება. „გაღიზიანების გამომწვევ საკითხებზე ორმხრივი კონსულტაციების მესამე რაუნდი ახლოვდება. კონკრეტულ თარიღზე საუბარი ჯერ ნაადრევია, მაგრამ იმედი მაქვს, რომ ეს რაუნდი ძალიან მალე გაიმართება. არსებობს საკითხების მთელი კომპლექსი, ზოგიერთი უფრო რთული და ზოგი – უფრო მარტივი, თუმცა აშშ-სთან დაკავშირებით მარტივი საკითხები, პრინციპში, არ არსებობს“, – აღნიშნა რიაბკოვმა.

აშშ-ის პრეზიდენტის, დონალდ ტრამპის განცხადებით, ისრაელსა და „ჰამასს“ შორის ცეცხლის შეწყვეტის შესახებ მოლაპარაკებებში ირანიც ჩართულია. „ამ დროისთვის ღაზის საკითხი ჩვენ, „ჰამასსა“ და ისრაელს შორის მასშტაბური მოლაპარაკების შუაგულშია და ირანი, რეალურად, ჩართულია. ვნახავთ, რა მოხდება ღაზასთან დაკავშირებით. ჩვენ გვინდა, მძევლები დავაბრუნოთ. ეს არის ყველაფერი, რაც შემიძლია, გითხრათ“, – განუცხადა ტრამპმა ჟურნალისტებს.

რუსეთის პრეზიდენტის პრესსპიკერ დიმიტრი პესკოვი უნგრეთის პრემიერ-მინისტრ ვიქტორ ორბანის კომენტარს გამოეხმაურა, რომლის თქმითაც, ევროპამ რუსეთის ფედერაციასთან სტრატეგიული შეთანხმება უნდა დადოს. „ჯერჯერობით ევროპასთან სამომავლო შეთანხმებებში საერთო ენა არ ჩანს, ევროპა კვლავ ომზეა ორიენტირებული, ევროპა, ასე ვთქვათ, მილიტარისტულ ყოყოჩობაშია ჩართული და საერთო ენის ძიების სურვილის აბსოლუტურად არანაირი სიგნალი არ არსებობს. მაგრამ, რა თქმა უნდა, ის ადამიანები, ვინც ამას ხვდებიან, ადასტურებენ, რომ ადრე თუ გვიან, ევროპაში საერთო უსაფრთხოების არქიტექტურაზე ფიქრი საჭირო გახდება. ამას ვერსად გაექცევი“, – აღნიშნა პესკოვმა.