დღე: ივნისი 7, 2025

აშშ-ის პრეზიდენტმა, დონალდ ტრამპმა განაცხადა, რომ ილონ მასკი სერიოზულ პრობლემებს წააწყდება, თუ დემოკრატ კანდიდატებს დააფინანსებს.  აშშ-ის პრეზიდენტს არ დაუკონკრეტებია, თუ რა სახის შედეგები მოჰყვება მსგავს ქმედებას. „მას ძალიან მძიმე შედეგების გადახდა მოუწევს, თუ ამას გააკეთებს”, – აღნიშნა ტრამპმა. აშშ-ის პრეზიდენტმა ასევე განაცხადა, რომ მას არ სურს მასკთან ურთიერთობის აღდგენა მას შემდეგ, რაც მათ შორის დაპირისპირება ამ კვირის დასაწყისში საჯაროდ გახდა ცნობილი. ტრამპმა მასკი „პრეზიდენტის თანამდებობისადმი უპატივცემულობაში“ დაადანაშაულა.

ირანის სადაზვერვო სამსახურმა მოიპოვა ისრაელის მთავრობასთან დაკავშირებული ინფორმაცია და დოკუმენტები, რომელთა ნაწილი ისრაელის ბირთვულ ობიექტებს ეხება. ამის შესახებ ინფორმაციას ირანული მედია ავრცელებს. გავრცელებული ცნობით, მიუხედავად იმისა, რომ ზემოაღნიშნული დოკუმენტების მოპოვების ოპერაცია გარკვეული დროის წინ ჩატარდა. ანგარიშის თანახმად, მონაცემთა შეგროვება საიდუმლო ოპერაციის დროს მოხდა და მოიცავდა უზარმაზარ მასალას, მათ შორის დოკუმენტებს, ფოტოებსა და ვიდეოებს.  

აშშ-ის ვიცე-პრეზიდენტმა, ჯეი დი ვენსმა განაცხადა, რომ არ არის დარწმუნებული, შეძლებს თუ არა ილონ მასკი დონალდ ტრამპის კეთილგანწყობის დაბრუნებას. მისი თქმით, მასკის მხრიდან აშშ-ის პრეზიდენტზე თავდასხმა „დიდი შეცდომა“ იყო. „მე ყოველთვის პრეზიდენტის ერთგული ვიქნები და იმედი მაქვს, რომ საბოლოოდ ილონიც დაუბრუნდება. შესაძლოა, ეს ახლა შეუძლებელია, რადგან ის ძალიან ფეთქებადი გახდა. ის და პრეზიდენტი რაიმე სისხლისმღვრელ დაპირისპირებაში თუ იქნებიან, რაც მთავარია, ეს ქვეყნისთვის ცუდი იქნება, მაგრამ არა მგონია, ეს ილონისთვისაც კარგი იყოს” – განაცხადა ჯეიმს დევიდ ვენსმა.  

ქალაქ ღაზაზე ისრაელის მიერ განხორციელებულ თავდასხმას, სულ მცირე, 15 ადამიანი ემსხვერპლა. ბოლო მონაცემებით, თავდასხმის შედეგად 50 ადამიანი დაშავდა. არაბული მედია წერს, რომ ადგილზე რაკეტა ჩამოვარდა, რომლის სამიზნე მრავალსართულიანი საცხოვრებელი შენობა იყო, თუმცა თვითმხილველებისა და მედიის ცნობით, აფეთქებამ ახლომდებარე რამდენიმე სხვა სახლი დააზიანა. პარალელურად, ვრცელდება ინფორმაცია, რომ ისრაელის ძალებმა ქალაქ რაფაჰის მახლობლად, ალ-ახავაში, ჰუმანიტარული დახმარების პუნქტთან ახლოს მოლოდინში მყოფი, სულ მცირე, რვა პალესტინელი მოკლეს.

ვენეციაში ბოლო 10 დღეში ქურდობისთვის საქართველოს 5 მოქალაქე დააკავეს. მედიის ცნობით, ქურდობის შემთხვევები 29 მაისს და 4 ივნისს მესტრეს რაიონში მოხდა. “29 მაისს სან მარკოს გამზირზე ბინაში შეღწევა სამმა ქართველმა კაცმა სცადა. როდესაც ნიღბიანები კარის სპეციალური ხელსაწყოებით გაღებას ცდილობდნენ, სახლის მეპატრონეს გამოეღვიძა და პოლიციაში დარეკა. სამივე პირი პოლიციამ დანაშაულის ადგილზე დააკავა. ერთი მათგანი უკვე ცნობილი იყო სამართალდამცავებისთვის, დანარჩენ ორს კი კრიმინალური წარსული არ ჰქონია. იტალიური მედიის ცნობით, სასამართლომ მათ პატიმრობა შეუფარდა. 4 ივნისს ვენეციის ისტორიულ ცენტრში ორი ქართველი კაცი ბინაში შესვლას ფანჯრის დაზიანებით შეეცადა, თუმცა ამჯერადაც მეპატრონე სახლში აღმოჩნდა და…

საფრანგეთის ქალაქ რეიმსში ელექტროსკუტერის მიერ გაჩენილ ხანძარს ოთხი ადამიანი ემსხვერპლა. მედიის ცნობით, ხანძარი ათსართულიანი შენობის მეოთხე სართულზე მდებარე ბინაში გაჩნდა. ბინაში 34 წლის მამაკაცი და 13 და 15 წლის მოზარდები ცხოვრობდნენ. უმცროსი ბიჭი ხანძრისგან თავის დასაღწევად მეოთხე სართულის ფანჯრიდან გადახტომის შემდეგ დაიღუპა. ბინაში ნაპოვნი დამწვარი ცხედარი, სავარაუდოდ, მისი უფროსი ძმისაა, ხოლო მათი მამინაცვალი, რომელმაც სერიოზული დამწვრობა მიიღო, გადარჩა. ხანძრის კიდევ ორი მსხვერპლია 87 წლის ქალი და მისი 59 წლის ვაჟი, რომლებიც ზედა სართულებზე ცხოვრობდნენ და ასფიქსიით გარდაიცვალნენ. კიდევ ერთი ადამიანი მძიმედ დაშავდა, რომელიც მოიწამლა და დამწვარობა მიიღო, ხოლო 26 ადამიანს…

რუსეთის სახელმწიფო დუმის საერთაშორისო საქმეთა კომიტეტის ხელმძღვანელმა, ლეონიდ სლუცკიმ განაცხადა, რომ ფრიდრიხ მერცი, რომელიც “ბრმად უჭერს მხარს ნაციზმის აღორძინებას უკრაინაში, მზადაა გერმანია რუსეთთან დაპირისპირების „ჯოჯოხეთში“ გაუშვას”. „მერცი, უკრაინაში ნაციზმის აღორძინების ბრმა მხარდაჭერით, მზადაა გერმანია რუსეთთან დაპირისპირების ჯოჯოხეთში გაუშვას. თანამედროვე გერმანელებს ეს სურთ? ჩვენ ნამდვილად არა. მაგრამ, მზად ვართ მოვლენების ნებისმიერი განვითარებისთვის!“ – აღნიშნა ლეონიდ სლუცკიმ. მისი თქმით, რუსეთი არ დაუშვებს მეორე მსოფლიო ომის ისტორიის დამახინჯებას და სსრკ-ის ხალხის გმირობის დავიწყებას.

რუსეთის ფედერაციის საგარეო საქმეთა მინისტრის მოადგილემ, სერგეი რიაბკოვმა განაცხადა, რომ ვაშინგტონმა კარგად იცის მოსკოვის პოზიცია. მისი თქმით, უკრაინის კონფლიქტის მიზეზების აღმოფხვრასთან დაკავშირებით სანქციებით მუქარა ამას ვერ შეცვლის. „ვლადიმერ პუტინმა დაადასტურა კონფლიქტის ძირეული მიზეზების პოლიტიკური და დიპლომატიური ძალისხმევის ფარგლებში აღმოფხვრის აუცილებლობის ძირითადი პრინციპი. სხვაგვარად შეუძლებელია გრძელვადიანი მშვიდობის უზრუნველყოფა. კონკრეტულად, აუცილებელია გამოირიცხოს უკრაინის შეიარაღებული ძალების მიერ პაუზის გამოყენების ნებისმიერი შესაძლებლობა შესვენებისა და ძალების გადაჯგუფებისთვის. პრინციპული პოზიცია, რომელიც რუსეთის პრეზიდენტმა თითქმის ერთი წლის წინ საგარეო საქმეთა სამინისტროს ხელმძღვანელობასთან შეხვედრაზე გააჟღერა, ვაშინგტონში კარგად არის ცნობილი და სანქციებით მუქარა მას ვერ შეცვლის“ – აღნიშნა რიაბკოვმა.

საფრანგეთის პრეზიდენტი ემანუელ მაკრონი 15 ივნისს გრენლანდიას ეწვევა. ინფორმაციას საფრანგეთის პრეზიდენტის ადმინისტრაცია ავრცელებს. ემანუელ მაკრონი შეხვედრებს გამართავს გრენლანდიის პრემიერ -მინისტრთან, იენს-ფრედერიკ ნილსენთან და დანიის პრემიერ-მინისტრთან, მეტე ფრედერიქსენთან. საფრანგეთის პრეზიდენტის ადმინისტრაციაში განმარტავენ, რომ ლიდერებს შორის საუბარი ჩრდილოეთ ატლანტიკისა და არქტიკის უსაფრთხოების, კლიმატის ცვლილების, ენერგეტიკული და კრიტიკული მნიშვნელობის მქონე მინერალების საკითხებზე იქნება ფოკუსირებული.    

უკრაინის საჰაერო ძალებმა დღეს დილით კურსკის მიმართულებით, წარმატებული ოპერაციის შედეგად, რუსული „სუ-35“ ტიპის მოიერიშე თვითმფრინავი ჩამოაგდეს. ინფორმაციას უკრაინული მედია ავრცელებს. მოიერიშე თვითმფრინავის ჩამოგდების შესახებ სხვა დეტალები, ჯერჯერობით, ცნობილი არ არის. საჰაერო ძალებმა გამოაქვეყნა დრონით გადაღებული ვიდეო, სადაც ასახულია, როგორ იწვის განადგურებული საბრძოლო თვითმფრინავი.

რუსული მედიის ინფორმაციით, უკრაინის ქალაქ ხარკოვის დაბომბვის შედეგად უკრაინის არმიის რამდენიმე ასეული ჯარისკაცი დაიღუპა. გავრცელებული ცნობით, დარტყმები განხორციელდა უკრაინის შეიარაღებული ძალებისა და უცხოელი დაქირავებული პირების შეკრების ადგილების წინააღმდეგ, ასევე განადგურდა უპილოტო საფრენი აპარატების წარმოების სახელოსნოები და საწყობები. რუსული მედია წერს, რომ მასშტაბური დაბომბვის შედეგად დარტყმა მიაყენეს უკრაინის არმიის კომუნიკაციებსა და ლოჯისტიკას.

უკრაინის პრეზიდენტმა, ვოლოდიმირ ზელენსკიმ განაცხადა, რომ ვლადიმერ „პუტინი მკვლელია“. ზელენსკიმ აღნიშნა, რომ ადამიანებს, რომლებიც ათასობით მილის დაშორებით არიან, არ შეუძლიათ უკრაინელების ტკივილის შეგრძნება და გაგება. „ჩვენ არ ვართ ბავშვები პუტინთან ერთად საბავშვო მოედნის პარკში, ის მკვლელია, რომელიც პარკში ბავშვების მოსაკლავად მოვიდა. საქმე პრეზიდენტ ტრამპში არ არის, არამედ ნებისმიერ ადამიანში, რომელიც ათასობით მილის დაშორებით, ამ ქვეყანაში არ იმყოფება. მათ ამ ტკივილის სრულად განცდა და გაგება არ შეუძლიათ“- განაცხადა უკრაინის პრეზიდენტმა. ვოლოდიმირ ზელენსკის თქმით, ომის დაწყების შემდეგ უკრაინაში 631 ბავშვი დაიღუპა.

სახელმწიფო დუმის თავმჯდომარემ, ვიაჩესლავ ვოლოდინმა განაცხადა, რომ გერმანიის მთავრობა სულ უფრო მეტად ერთვება რუსეთის წინააღმდეგ სამხედრო მოქმედებებში და უკრაინაში რაკეტების წარმოების გაჩაღებას გეგმავს. „ვიცით, რომ გერმანიის მთავრობა უკრაინაში რაკეტების წარმოების გაჩაღებას გეგმავს. ამით გერმანია სულ უფრო მეტად ერთვება რუსეთის წინააღმდეგ სამხედრო მოქმედებებში. თქვენ თვითონ გესმით, სადამდე შეიძლება მივიდეს ეს“ – აღნიშნა მან. მისი მტკიცებით, თანამედროვე ისტორიაში რუსეთმა ყველაფერი გააკეთა ეფექტური ურთიერთქმედებისა და ეკონომიკური კავშირების დასამყარებლად, რამაც გერმანიას განვითარების საშუალება მისცა, თუმცა, ვოლოდინის თქმით, გერმანიის ამჟამინდელი მმართველი ელიტა ორ ქვეყანას შორის შეტაკებას პროვოცირებს. „საკითხავია, უნდა თუ არა ეს გერმანელ ხალხს. ჩვენ არ…