დღე: მაისი 30, 2025

თბილისის მერი კახა კალაძე მიიჩნევს, რომ პოლონეთისა და  საფრანგეთის საელჩოების მიმართვა საკუთარი მოქალაქეებისადმი საქართველოში მოგზაურობასთან დაკავშირებით, არის „მავნებლობა, რომელიც მიმართულია გარკვეული ეკონომიკური პრობლემების შექმნისკენ“. როგორც კალაძემ დღეს ჟურნალისტებს განუცხადა, ტურისტული მიმართულება საქართველოსთვის  ერთ-ერთი პრიორიტეტულია და ნებისმიერ უცხოელს შეუძლია საქართველოში შემოსვლა, თუ მას ბოროტი ზრახვები არ ამოძრავებს. „ეს ჩვეულებრივი მავნებლობაა, სხვას ვერაფერს დავარქმევ და მიმართულია იმისკენ, რომ ეკონომიკური თვალსაზრისით გარკვეული პრობლემები შექმნან ქვეყანაში. ტურისტული მიმართულება ჩვენი ქვეყნისთვის ერთ-ერთი პრიორიტეტულია. წლიდან წლამდე ყოველთვის იზრდება ტურისტების რაოდენობა და ამ ტიპის განცხადებები, რომლებიც ყველანაირ  საფუძველს მოკლებულია, მხოლოდ და მხოლოდ მიმართულია იმისკენ, რომ ხელი შეუშალონ ამ…

„ახალი სპეციალობა გაჩნდა მედიცინაში და ახალი დარგი ექსპერტიზაში: „პოლიციელ“ დგებუაძის სილისგან გამოწვეული ტკივილის ნიშნების აღმოჩენა და შესწავლა“, – ამის შესახებ საქართველოს მეხუთე პრეზიდენტი სალომე ზურაბიშვილი სოციალურ ქსელში წერს. ზურაბიშვილის განცხადებით, ირაკლი დგებუაძე „თავისი უღირსი საქციელით პოლიციას შეურაცხყოფას აყენებს“. „საკუთარ ოჯახის და გვარის სირცხვილის გარდა, თავისი უღირსი საქციელით დგებუაძე შეურაცხყოფას აყენებს პოლიციას, რომლის დღე აღინიშნება ხვალ! შემთხვევითობად ვერ მივიჩნევთ იმას, რომ მზიას კიდევ ერთი სამარცხვინო სასამართლო სწორედ დღეს ტარდება! დამთხვევა არაა ეს, პირიქით, ემსახურება პოლიციის ინსტიტუტის დაკნინებას, დისკრედიტაციასა და მის სრულ დემორალიზაციას. ესე იგი, სახელმწიფოებრიობის დაშლის კიდევ ერთი ნაბიჯი!“ – წერს…

„საქართველოში მიმდინარე პროცესებს ქართველი ხალხი უძღვება და არა გარედან ვინმე“, – ასე გამოეხმაურა თბილისის მერი კახა კალაძე მედიასთან „წინააღმდეგობის პლატფორმის“ მიერ „ვაიმარის სამკუთხედის“ ლიდერებისადმი მიმართვას. მისი განმარტებით, „ისინი დავალებებს იღებენ საქართველოს საზღვრებს მიღმა, კონკრეტული პატრონებისგან“ „ერთი რამ ყველამ უნდა იცოდეს – საქართველოში მიმდინარე პროცესებს უძღვება ქართველი ხალხი და არა გარედან, როგორც ამ რადიკალების, უსამშობლო აგენტურის წარმომადგენლებს ჰქონიათ. ეს ადამიანები არ ეკუთვნიან საქართველოს, მათ ჰყავთ თავიანთი პატრონები. ისინი აგენტურის ქსელის წარმომადგენლები არიან. მათ ვერ გაუაზრებიათ, რომ საქართველოში გადაწყვეტილებებს ქართველი ხალხი იღებს. შესაბამისად, ის ქმედებები, რასაც ბოლო პერიოდში მათი მხრიდან ვხედავთ, გარედან მართული…

საქართველოს პრემიერ-მინისტრი ირაკლი კობახიძე ამერიკის შეერთებული შტატების სენატის საგარეო ურთიერთობათა კომიტეტის წევრს, სენატორ სტივ დეინსს შეხვდა. ამის შესახებ ინფორმაციას მთავრობის ადმინისტრაცია ავრცელებს. ადმინისტრაციის ცნობით, შეხვედრისას საუბარი აშშ-საქართველოს ურთიერთობებს, საქართველოს როლს რეგიონში, ასევე ქვეყანაში არსებულ პოლიტიკურ ვითარებას შეეხო. „პრემიერ-მინისტრმა კიდევ ერთხელ დაადასტურა საქართველოს მთავრობის მზადყოფნა ამერიკის შეერთებულ შტატებთან ურთიერთობების გადატვირთვისა და სტრატეგიული პარტნიორობის განახლებისთვის, რომელიც კონკრეტულ გზამკვლევს დაეფუძნება და ხელშესახებ შედეგებს მოუტანს ორივე ქვეყანას. ხაზი გაესვა საქართველოს მნიშვნელოვან როლს რეგიონში მშვიდობისა და სტაბილურობის უზრუნველყოფაში, ასევე ქვეყნის სატრანზიტო პოტენციალს. ირაკლი კობახიძემ აღნიშნა, რომ საქართველო პარტნიორებს სთავაზობს მნიშვნელოვან შესაძლებლობებს, მრავალმილიონიან ბაზრებზე წვდომის კუთხით. შეხვედრისას ასევე…

საქართველოს მეხუთე პრეზიდენტის, სალომე ზურაბიშვილის განცხადებით, „წინააღმდეგობის პლატფორმის“ სახელით, თბილისში მყოფ ამერიკელ სენატორ სტივ დეინსს შეხვდა. როგორც ზურაბიშვილმა ცოტა ხნის წინ გამართულ ბრიფინგზე აღნიშნა, პლატფორმას ორი მთავარი მიმართულება აქვს – „რეპრესიების ყოველდღიურად გაძლიერება და რეჟიმის დასუსტება“. „ჩვენ გვაქვს ორი პარალელური მიმართულება – რეპრესიების ყოველდღიურად გაძლიერება და რეჟიმის დასუსტება. ვაგრძელებთ პარტნიორებთან მჭიდრო ურთიერთობას. დღეს, „წინააღმდეგობის პლატფორმის“ სახელით შევხვდი სენატორ დეინსს, რომელიც კავკასიაშია ჩამოსული. იყო ბაქოში, მერე მიდის ერევანში და ასევე, თბილისში, სადაც ჩვენ შეგვხვდა – ოპოზიციას მხოლოდ და მოისმინა არა მხოლოდ შიდა საკითხები, კანონების დარღვევებთან დაკავშირებით რაც ჩვენ წარვუდგინეთ, არამედ ასევე…

საქართველოს მეხუთე პრეზიდენტმა, სალომე ზურაბიშვილმა, „წინააღმდეგობის პლატფორმის“ სახელით, „ვაიმარის სამკუთხედის“ წევრი ქვეყნების – საფრანგეთის, გერმანიისა და პოლონეთის ლიდერებს, ემანუელ მაკრონს, ფრიდრიხ მერცსა და დონალდ ტუსკს წერილით მიმართა. როგორც წერილშია აღნიშნული, „ქვეყანაში არსებული კრიზისის დემოკრატიული გზით გადასაწყვეტად“, 6 ძირითადი ნაბიჯის გადადგმაა საჭირო. წერილის თანახმად, „წინააღმდეგობის პლატფორმა“ მოუწოდებს მაკრონს, მერცსა და ტუსკს, რომ „ვაიმარის სამკუთხედის“ ქვეყნები, სხვა მოკავშირეებთან ერთად, „საქართველოში მიმდინარე კრიზისის მშვიდობიანი გადაწყვეტის პროცესს გაუძღვნენ“. „ემანუელ მაკრონს, საფრანგეთის პრეზიდენტს, ფრიდრიხ მერცს, გერმანიის ფედერაციული რესპუბლიკის კანცლერს, დონალდ ტუსკს, პოლონეთის პრემიერმინისტრს, თქვენო აღმატებულებავ, ჩვენ, „წინააღმდეგობის პლატფორმას“, რომელიც პროდასავლურ პოლიტიკურ პარტიებს აერთიანებს და რომელსაც…

ამერიკის შეერთებული შტატების სენატის საგარეო ურთიერთობათა კომიტეტის წევრი, სენატორი სტივ დეინსი საქართველოშია. ამის შესახებ ინფორმაციას საქართველოში აშშ-ის საელჩო ავრცელებს. როგორც საელჩოს ინფორმაციაშია ნათქვამი, სენატორი მთავრობისა და პოლიტიკური პარტიების წარმომადგენლებთან შეხვედრას მოელის და გეგმავს, მათთან საუბრისას, პრეზიდენტ დონალდ ტრამპისა და სახელმწიფო მდივან მარკო რუბიოს „მთავარი პრიორიტეტები“ გააჟღეროს. „კეთილი იყოს თქვენი მობრძანება საქართველოში, სენატორო დეინს! სენატორი დეინსი აშშ-ის სენატის საგარეო ურთიერთობათა კომიტეტის წევრია და მოუთმენლად ელის მთავრობისა და პოლიტიკური პარტიების წარმომადგენლებთან შეხვედრას თბილისში. ის გეგმავს, წამოჭრას შიდა და საგარეო საკითხები, მათ შორის კანონის უზენაესობა და ბიზნესისა და უცხოური ინვესტიციების პრიორიტეტები. ის ასევე გეგმავს,…