დღე: მაისი 29, 2025

შსს-ში აცხადებენ, რომ „კოალიცია ცვლილებისთვის“ ლიდერი ნიკა მელია ადმინისტრაციული სამართალდარღვევათა კოდექსით არის დაკავებული. „ნიკა მელია სამართალდამცველების მიერ დაკავებულია საქართველოს ადმინისტრაციულ სამართალდარღვევათა კოდექსის 173-ე მუხლის საფუძველზე, რაც გულისხმობს სამართალდამცავი ორგანოს თანამშრომლის სიტყვიერ შეურაცხყოფას ან/და სხვაგვარი შეურაცხმყოფელი ქმედების განხორციელებას სამსახურებრივი მოვალეობის შესრულების დროს ან სამსახურებრივი მოვალეობის შესრულებასთან დაკავშირებით. ადმინისტრაციული სამართალდარღვევის საქმის განხილვისა და შესაბამისი გადაწყვეტილების მიღების მიზნით, ნიკა მელია კანონით დადგენილი წესით წარედგინება სასამართლოს”- აცხადებენ უწყებაში.

რესპუბლიკელი კონგრესმენი ჯო უილსონი “კოალიცია ცვლილებებისთვის“ ერთ-ერთი ლიდერის, ნიკა მელიას დაკავებას ეხმაურება. მისი თქმით, საქართველოში ოპოზიციის სრული აკრძალვა მიმდინარეობს. “ანტი-ამერიკულმა “ქართული ოცნების” რეჟიმმა ამ წამს დააპატიმრა საკვანძო ოპოზიციონერი ლიდერი, ნიკა მელია იგივე ყალბი ბრალდებებით, როგორც ოპოზიციაზე წინა თავდასხმის დროს. ნათელია, რომ ოპოზიციის სრული აკრძალვა მიმდინარეობს ქვეყნის ჩინეთისთვის მისაყიდად. სანქციები გამოსავალია!” – წერს კონგრესმენი.

ნიკა მელია დიღმის წინასწარი მოთავსების იზოლატორში გადაიყვანეს. თუმცა უცნიბია რა ბრალდებით დააკავეს ოპოზიცონერი ლიდერი. მელია ცოტა ხნის წინ ლისის ტბის ასახვევთან მაშინ დააკავეს, როდესაც ერთ-ერთ გადაცემაში მონაწილეობის მისაღებად მიდიოდა. შეგახსენებთ, რომ ნიკა მელიას ბრალდება სისხლის სამართლის კოდექსის 349-ე მუხლით აქვს წაედგენილი, რაც “საქართველოს პარლამენტის დროებითი საგამოძიებო კომისიის მოთხოვნის შეუსრულებლობას” გულისხმობს. მელიას სასამართლო პროცესი 30 მაისს არის ჩანიშნული, თუმცა ოპოზიციური პარტიის ერთ-ერთი ლოდერი აცხადებდა, რომ პროცესზე არ გამოცხადდებოდა.  ნიკა მელია დააკავეს  

„კოალიცია ცვლილებისთვის“ ერთ-ერთი ლიდერი ნიკა მელია დააკავეს. მისი უფლებადამცველი, გიორგი კონდახაშვილი აცხადებს, რომ მელიას, დაკავება ლისის ტბის ასახვევთან მაშინ მოხდა, როდესაც ერთ-ერთ გადაცემაში მონაწილეობის მისაღებად მიდიოდა. ადვოკატი ამბობს, რომ მას არ აქვს ინფორმაცია, თუ რას ედავებიან ნიკა მელიას. “ყოველგვარი ახსნა- განმარტების გარეშე, ძალისმიერი მეთოდებით მოხდა დაკავება. წაიყვანეს გაურკვეველი მიმართულებით. გაუგებარია რასთან არის დაკავშირებული, ვინაიდან მას არცერთ საქმეში აღმკვეთის ღონისძიება შეცვლილი არ აქვს”- ამბობს კონდახაშვილი. გიორგი კონდახაშვილის ვარაუდობსმ რომ მელია შეიძლება მოგონილი ადმინისტრაციული ბრალდებით დააკავეს, რომ ხვალ უზრუნველყონ მისი სასამართლო პროცესზე მიყვანა. შეგახსენებთ, რომ ნიკა მელიას ბრალდება სისხლის სამართლის კოდექსის 349-ე…

სახელმწიფო უსაფრთხოების სამსახურის უფროსმა, ანრი ოხანაშვილმა განაცხადა, რომ გიორგი ბაჩიაშვილი დაკავებიდან მოყოლებული ზღაპარს ჰყვება. მისივე თქმით, გიორგი ბაჩიაშვილი კრიმინალი და განსაკუთრებით მძიმე კატეგორიის დანაშაულის ჩამდენია. „ეს ადამიანი დაკავებიდან მოყოლებული არაერთ ზღაპარს ჰყვება და ალბათ, გააგრძელებს ამ ზღაპრების მოყოლას. მთავარია, რომ გამოძიება მიმდინარეობს, ამ ეტაპზე სუს-მა ოფიციალური განცხადება გაავრცელა, რაც ჩავთვალეთ საჭიროდ. გამოძიება გრძელდება და ვინმეს თუ ამ ვერსიის დაჯერება უნდა, ეს მათი ნებაა. მთავარი აქ, რაც არის, კრიმინალი არის დაკავებული. ეს ადამიანი არის კრიმინალი, მან ფულის გათეთრება განახორციელა და ის მსჯავრდებულია ამ დანაშაულისთვის. განსაკუთრებით მძიმე კატეგორიის დანაშაულის ჩამდენია და დამსახურებულად…

საქართველოს მეხუთე პრეზიდენტი, სალომე ზურაბიშვილი აცხადებს, საქართველოს მმართველმა პარტიამ უცხო ქვეყანაში პოლიტიკური ოპონენტი გაიტაცა. როგორც ზურაბიშვილი ამბობს,  მათი შეჩერების დროა. „ტერორი, საქართველოში სახელმწიფო ტერორად იქცა: საქართველოს მმართველმა პარტიამ უცხო ქვეყანაში პოლიტიკური ოპონენტი გაიტაცა რამე სამართლებრივი პროცესის გარეშე. ბატონი ივანიშვილის მიერ დაკვეთილი ეს ოპერაცია განხორციელებულ იქნა “საქართველოს ავიახაზების” თვითმფრინავის გამოყენებით! მათი შეჩერების დროა!” – წერს ზურაბიშვილი. გარდა ამისა ზურაბიშვილი კიდევ ერთ განცახდებას აქვეყნებს, რომელიც ანტიკორუფციულ ბიუროს ეხება. “ტერორი საქართველოში. მმართველი პარტიის კიდევ ერთი “ბოლშევიკური” ნაბიჯი: ანტიკორუფციული ბიურო მოქალაქეებს მოუწოდებს, ინფორმაცია მიაწოდონ “ნორმების დარღვევაზე”… და იძიებს მხოლოდ ოპოზიციის წევრებს, მაგრამ არც ერთ საჯარო კორუფციულ…

“გიორგი ბაჩიაშვილი  არის აშკარად დაკავებული სახელმწიფო უსაფრთხოების სამსახურის რეკლამირებით” –  ამის შესახებ საქართველოს პრემიერ-მინისტრმა ირაკლი კობახიძემ ბუდაპეშტში, ქართველ ჟურნალისტებს განუცხადა. მთავრობის მეთაურის თქმით, მანამდე მას ჰქონდა ვერსია, რომ იგეგმებოდა მისი მკვლელობა და შემდეგ საქართველოს ხელისუფლებისთვის ამის გადაბრალება. „თქვენ გახსოვთ, მანამდე გიორგი ბაჩიაშვილს ჰქონდა ასეთი ვერსია, რომ იგეგმებოდა მისი მკვლელობა, შემდეგ საქართველოს ხელისუფლებისთვის ამის გადაბრალება. თუ ეს მართალი იყო და თუ ეს არ იყო ტყუილი, მაშინ თავად უნდა იყოს მოხარული იმით, რომ დღეს არის საქართველოში, უსაფრთხო ადგილას, სასჯელაღსრულების დაწესებულებებში სათანადო პირობებში. გარდა ამისა, რაც შეეხება ბრალდებებს, რომლებიც მოვისმინეთ, ის არის აშკარად…

„არის ოფიციალური სტრუქტურები, არიან თანამდებობის პირები, რომლებიც მზად არიან, ნებისმიერ ფორმატში გაიარონ კონსულტაციები ამერიკულ მხარესთან, ბატონი ბიძინა ივანიშვილის პოზიცია არის აბსოლუტურად ლოგიკური, არ შეიძლება სახელმწიფო ინტერესებთან დაკავშირებული გადაწყვეტილება მიიღებოდეს პირადი შანტაჟის ფონზე“ – ამის შესახებ საქართველოს პრემიერ-მინისტრმა ირაკლი კობახიძემ ბუდაპეშტში ქართველი ჟურნალისტის კითხვის პასუხად განაცხადა, რომელიც ბიძინა ივანიშვილისა და ელჩი დანიგანის შეხვედრასთან დაკავშირებით საელჩოს მიერ გავრცელებულ წერილს შეეხებოდა. მთავრობის მეთაურის თქმით, ბიძინა ივანიშვილის პოზიცია ცნობილი იყო ამერიკული მხარისთვისაც. „ბატონმა ბიძინა ივანიშვილმა თავად განმარტა საკუთარი პოზიცია, რაც არის აბსოლუტურად ლოგიკური. ბუნებრივია, პირადი შანტაჟის ფონზე, მისი მხრიდან არ იქნებოდა სწორი, მიზანშეწონილი ასეთი…

პოლონეთის შემდეგ, საქართველოში მოგზაურობის მსურველებს, საფრანგეთის საელჩოც აფრთხილებს და აღნიშნულთან დაკავშირებით საგანგებო განცხადებას ავრცელებს. განცხადებაში მოგზაურებს მოუწოდებენ, რომ საქართველოში გამგზავრებამდე, შეისწავლონ ის ფაქტორები, რომლებიც მათ საქართველოს ტერიტორიაზე შესვლაზე უარის თქმის რისკის ქვეშ აყენებს. საელჩო ასევე მოუწოდებს მოქალაქეებს, საპროტესტო შეკრებებში მონაწილეობისგან თავი შეიკავონ. „28 ნოემბრიდან, თბილისსა და საქართველოს რამდენიმე ქალაქში ყოველდღიურად დემონსტრაციები იმართება, ზოგჯერ მასშტაბურიც. ეს დემონსტრაციები ხშირად იწვევს პოლიციის მხრიდან დაპატიმრებებსა და დაშლას, განსაკუთრებით პარლამენტის მიმდებარე ტერიტორიაზე, თავისუფლების მოედანსა და რესპუბლიკის მოედანს შორის. ამ ღონისძიებებში მონაწილეობა შეიძლება, დაისაჯოს მაღალი ჯარიმებით (თითო ჯარიმაზე 5 000 ლარი ანუ 1 600 ევროზე მეტი,…

გიორგი ბაჩიაშვილის საქმის პროკურორი აცხადებს, რომ ბრალდებულ ბაჩიაშვილის გატაცების საქმე,  რაზეც მან სასამართლოზე ისაუბრა, პროკურატურას არ ეხება. პროკურორ მიხეილ სანდრაძის განმარტებით, აღნიშნული ბრალდება  სახელმწიფო უსაფრთხოების სამსახურის კვლევის საგანია. „ბრალდებულის მიერ გაკეთებული განცხადებების შინაარსი არის გამოძიების კვლევის საგანი. ეს გამოძიება სახელმწიფო უსაფრთხოების სამსახურში მიმდინარეობს. შესაბამისად, თუ რაიმე დეტალი იქნება საჭირო, ბუნებრივია, ეს უწყება  გააკეთებს. რაც შეეხება შინაარსს, ბრალდებულმა განაცხადა, როგორც საქართველოში ჩამოყვანასთან დაკავშირებით, ასე შემდეგ… მიმდინარეობს გამოძიება, ამ კითხვებზე პასუხი, ბუნებრივია, გამოძიებას ექნება“ – განაცხადა ბაჩიაშვილის სასამართლო პროცესის დასრულების შემდეგ გიორგი ბაჩიაშვილის საქმის პროკურორმა, მიხეილ სადრაძემ. „24 მაისს, გამიტაცეს საზღვარგარეთიდან – საქართველოში მოტაცებული ჩამომიყვანეს“…

„მიუხედავად იმ ჯოჯოხეთისა, რომელსაც ესენი ცდილობენ, მომიწყონ, ჩვენ ყველანი ვიდგებით მაგრად, ჩვენ ყველანი ვიბრძოლებთ გამარჯვებამდე და აუცილებლად მოვიპოვებთ ჩვენს გამარჯვებას“, – ამის შესახებ მესამე პრეზიდენტმა, მიხეილ სააკაშვილმა სასამართლო პროცესზე დისტანციურად ჩართვისას განაცხადა. როგორც სააკაშვილმა აღნიშნა, მის მიმართ უსამართლობა არის წინასწარ დაწერილი და გათვლილი სცენარი. „დაწერილია FSB-ის დერეფნებში და კაბინეტებში. მასამართლებენ რაღაც ფულის გაფლანგვაზე, ჩვეულებრივ საპრეზიდენტო ხარჯებზე, როცა ჩემს შვილ ალისას ენატრება ცალკე ოთახი იმ ბინაში, რომელშიც ცხოვრობს, სადაც მუდმივად ზედახორაა სტუმრების და ა.შ. და ამათ თავზე გადასდით, წარმოუდგენლად გაზულუქდნენ. მე რა, სულელი ვიყავი, რომ ფულს არ ვაკეთებდი საქართველოს ხელისუფლებაში? სულელი კი არ…

პოლონეთის საელჩო მოქალაქეებისთვის მიმართვას ავრცელებს და საქართველოში გამგზავრების მსურველებს აფრთხილებს. როგორც საელჩოს მიმართვაშია ნათქვამი, მოქალაქეებმა საქართველოში გამგზავრებამდე რამდენიმე რისკ-ფაქტორი უნდა გაითვალისწინონ. „საქართველოში შესვლაზე უცხოელებისთვის, მათ შორის ევროკავშირის წევრი ქვეყნების მოქალაქეებისთვის, უარის თქმის მრავალი შემთხვევის გამო, გთხოვთ, საქართველოში გამგზავრებამდე გაითვალისწინოთ, არსებობს თუ არა თქვენს კონკრეტულ შემთხვევაში ფაქტორები, რომლებიც ზრდის შესვლაზე უარის თქმის რისკს: ეს შეიძლება, მოიცავდეს დემონსტრაციებში მონაწილეობას ან მათ სიახლოვეს ყოფნას, ასევე სოციალურ ქსელებში გარკვეულ აქტივობას. შეგახსენებთ, რომ საქართველოს ხელისუფლებას აქვს სუვერენული უფლება, შეაფასოს უცხოელის შესვლის რისკ-ფაქტორები და ასევე, შესვლაზე უარის თქმის გადაწყვეტილება შეიძლება საქართველოში ბინადრობის ნებართვის მფლობელებზეც გავრცელდეს. ასევე,…