დღე: მაისი 24, 2025

უკრაინის პრეზიდენტი, ვოლოდიმირ ზელენსკი რუსეთთან ტყვეების გაცვლის მორიგ ეტაპს ეხმაურება. მისი განცხადებით, „307 უკრაინელი დამცველი სახლშია”. „დღეს თურქეთში მიღწეული შეთანხმების ფარგლებში „ათასი-ათასზე“ გაცვლის მეორე დღეა. სულ, ამ ორი დღის განმავლობაში სახლში 697 ადამიანი დაბრუნდა. ველით, რომ ეს პროცესი ხვალაც გაგრძელდება“, – წერს ვოლოდიმირ ზელენსკი. ვოლოდიმირ ზელენსკის ცნობით, დაბრუნებულ სამხედროებს შორის უკრაინის შეიარაღებული ძალების, სახელმწიფო სასაზღვრო დაცვის სამსახურისა და უკრაინის ეროვნული გვარდიის ჯარისკაცები არიან.

რუსებმა უკრაინას 14 ბალისტიკური რაკეტითა და 250 დრონით შეუტიეს. ინფორმაციას უკრაინული მედია ქვეყნის შეიარაღებული ძალების საჰაერო ძალებზე დაყრდნობით ავრცელებს. უკრაინის საჰაერო ძალების ცნობით, თავდაცვის ძალებმა რუსების მიერ გაშვებული „ისკანდერ-M/KN-23“ ტიპის 6 ბალისტიკური რაკეტა და 128 დრონი ჩამოაგდეს, ხოლო 117 დრონი ლოკაციურად დაიკარგა. რუსების თავდასხმის შედეგად კიევის, დნეპროპეტროვსკის, ოდესის, ხარკოვის, დონეცკისა და ზაპოროჟიეს ოლქები დაზარალდა. უკრაინის საჰაერო ძალების ინფორმაციით, რუსების მთავარი სამიზნე ქვეყნის დედაქალაქი კიევი იყო.

აშშ-ის პრეზიდენტმა დონალდ ტრამპმა და სახელმწიფო მდივანმა მარკო რუბიომ სამიზნეში ამოიღეს ეროვნული უსაფრთხოების საბჭოს „დიფ სთეითი“. ინფორმაციას გამოცემა „აქსიოსი“ ავრცელებს. როგორც გამოცემა წერს, დონალდ ტრამპის ადმინისტრაცია მიიჩნევს, რომ ეროვნული უსაფრთხოების საბჭო არის ბიუროკრატიული უწყება, სადაც მრავალი წელია დასაქმებულები არიან ისეთი მაღალჩნოსნები, რომლებიც პრეზიდენტის ხედვას არ იზიარებენ. თეთრი სახლის ოფიციალურმა პირმა, რომელიც ჩართული იყო რეორგანიზაციის დაგეგმვაში, მედიასაშუალებასთან საუბარში რეორგანიზაცია დაახასიათა, როგორც დონალდ ტრამპისა და მარკო რუბიოს უახლესი ნაბიჯი იმის წინააღმდეგ, რასაც ისინი ვაშინგტონის „დიპ სთეითად“ მიიჩნევენ. „ეროვნული უსაფრთხოების საბჭო არის „დიპ სთეითის“ უკიდურესი გამოვლინება. ეს არის მარკო რუბიო „დიპ სთეითის“ წინააღმდეგ.…

უკრაინის პრეზიდენტი, ვოლოდიმირ ზელენსკი რუსული ძალების მიერ კიევზე განხორციელებულ იერიშს ეხმაურება. მისი განცხადებით, ასეთი თავდასხმის შემდეგ მსოფლიო სულ უფრო და უფრო რწმუნდება, რომ ომის გახანგრძლივების მიზეზი მოსკოვია. „უკრაინამ არაერთხელ გააკეთა ცეცხლის შეწყვეტის შეთავაზება, როგორც სრული, ისე მხოლოდ ჰაერში. ამ ყველაფრის იგნორირება მოხდა. ნათელია, რომ შედეგების მისაღწევად და რეალური დიპლომატიის დასაწყებად რუსეთზე გაცილებით დიდი ზეწოლაა საჭირო. ჩვენ სანქციებთან დაკავშირებულ ნაბიჯებს აშშ-ის, ევროპისა და ჩვენი ყველა პარტნიორისგან ველით. მხოლოდ რუსეთის ეკონომიკის ძირითადი სექტორების მიმართ დაწესებული დამატებითი სანქციები აიძულებს მოსკოვს ცეცხლის შეწყვეტას“ – წერს ზელენსკი. მისი თქმით, რუსული ძალების საჰაერო იერიშების შემდეგ კიევში…

ღაზის სექტორში ისრაელის სამხედრო ოპერაციას გასული ღამეს რვა ადამიანი ემსხვერპლა. ინფორმაციას არაბული მედია ავრცელებს. მათივე ინფორმაციით, დაბომბვის შედეგად ღაზის სექტორში ბოლო ერთ დღეში 200-ზე მეტი ადამიანი დაშავდა. ისრაელის არმიამ განაცხადა, რომ დარტყმა განახორციელა, რომლის სამიზნეც ცენტრალურ ღაზაში „რამდენიმე შეიარაღებული პალესტინელი“ იყო. გაერო-ს გენერალურმა მდივანმა, ანტონიო გუტერეშმა განაცხადა, რომ ღაზაში კონფლიქტი ყველაზე სასტიკ ფაზაში შევიდა, რადგან პალესტინელები შიმშილობენ, ხოლო ისრაელი მხოლოდ მცირე დახმარებას უშვებს მოშიმშილე ანკლავში.

უკრაინის საგარეო საქმეთა მინისტრი, ანდრეი სიბიგა რუსული ძალების მიერ კიევზე განხორციელებულ იერიშს ეხმაურება. მისი თქმით, „სამშვიდობო მემორანდუმის“ ნაცვლად რუსეთი დრონებსა და რაკეტებს გზავნის. „კიდევ ერთი ხმაურიანი ღამე კიევსა და სხვა ოლქებში. საჰაერო თავდაცვა რუსული საჰაერო იერიშების მოსაგერიებლად განუწყვეტლივ მუშაობს. სტამბოლის შეხვედრიდან ერთი კვირა გავიდა და რუსეთს ჯერ კიდევ არ გამოუგზავნია თავისი „სამშვიდობო მემორანდუმი“. ნაცვლად ამისა, რუსეთი მშვიდობიანი მოსახლეობის წინააღმდეგ სასიკვდილო დრონებსა და რაკეტებს გზავნის. ეს არის რუსეთის პასუხი საერთაშორისო სამშვიდობო მცდელობებზე და ნათელი დასტურია იმისა, რომ სამშვიდობო პროცესის დასაჩქარებლად მოსკოვზე სანქციების გზით ზეწოლა უნდა გაიზარდოს“ – წერს ანდრეი სიბიგა. უკრაინის…

რუსეთის მიერ უკრაინის ქალაქ ოდესის ნავსადგური დაბომბვას ორი ადამიანი ემსხვერპლა, რვა კი დაშავდა. უკრაინულ მედიაში გავრცელებული ინფორმაციის თანახმად, რუსეთმა „ისკანდერ ემის“ ტიპის ორი ბალისტიკური რაკეტა გამოიყენა. ოთხი დაშავებული ადამიანი მძიმე მდგომარეობაშია. უკრაინის ხელისუფლებაში აცხადებენ, რომ თავდასხმის შედეგად დაზიანდა საავტომობილო განყოფილება, ასევე განადგურდა მანქანები და ტექნიკა. პარალელურად, რუსეთში აცხადებენ, რომ 20 მაისიდან 23 მაისამდე უკრაინამ რუსეთის წინააღმდეგ 800-მდე უპილოტო აპარატი გაუშვა, რომელთა უმრავლესობა განეიტრალდა. მოსკოვი კიევს სამოქალაქო ობიექტებზე თავდასხმაში ადანაშაულებს და საპასუხო ზომებით ემუქრება.    

აშშ-მა სირიის წინააღმდეგ დაწესებული სანქციების მოხსნის პროცესი დაიწყო. ინფორმაციას სააგენტო Reuters-ი აშშ-ის სახაზინო დეპარტამენტზე დაყრდნობით ავრცელებს. აშშ-ის სახაზინო დეპარტამენტმა გენერალური ლიცენზია გამოსცა, რომელიც სირიის დროებით მთავრობას, ცენტრალურ ბანკსა და სახელმწიფოს საკუთრებაში არსებულ კომპანიებს საერთაშორისო ტრანზაქციებში ჩართვის უფლებამოსილებას ანიჭებს. დონალდ ტრამპმა საუდის არაბეთში ვიზიტისას განაცხადა, რომ სირიის წინააღმდეგ დაწესებული სანქციების მოხსნას გეგმავდა. „სანქციები სასტიკი და დამაზიანებელი იყო, და ამისდა მიუხედავად, თავის დროზე, მნიშვნელოვან – ნამდვილად მნიშვნელოვან – ფუნქციას ემსახურებოდა. მაგრამ ახლა მათი დროა გაიბრწყინონ“, – განაცხადა დონალდ ტრამპმა.

ისრაელის პრემიერ-მინისტრი ბენიამინ ნეთანიაჰუ საფრანგეთის, ბრიტანეთის და კანადის ლიდერებს „ჰამასის“ წახალისებაში ადანაშაულებს. როგორც ნეთანიაჰუ ამბობს, ემანუელ მაკრონი, კირ სტარმერი და მარკ კარნი ისტორიის მცდარ მხარეს დგანან. „მასობრივი მკვლელები, მოძალადეები, ბავშვების მკვლელები და გამტაცებლები მადლობას როდესაც გიხდიან, თქვენ მართლმსაჯულების არასწორ მხარეს ხართ, კაცობრიობის არასწორ მხარეს და ისტორიის არასწორ მხარეს ხართ. ახლა ამ ლიდერებმა შეიძლება იფიქრონ, რომ ისინი ხელს უწყობენ მშვიდობას, მაგრამ არ უწყობენ. ისინი ამხნევებენ „ჰამასს“, რათა გააგრძელოს ბრძოლა სამუდამოდ და მათ იმედს აძლევენ, რომ დააარსონ მეორე პალესტინის სახელმწიფო, საიდანაც „ჰამასი“ კვლავ შეეცდება ებრაული სახელმწიფოს განადგურებას – და გაითვალისწინეთ, რომ ეს…