დღე: მაისი 20, 2025

ბათუმის აეროპორტში თვითმფრინავი ვერ ჯდება. გავრცელებული ინფორმაციით, ქალაქის ცაზე ამ წუთებში სტამბულის მიმართულებიდან მომავალი სამგზავრო თვითმფრინავი მანევრებს. შესაძლოა ბათუმის საერთაშორისო აეროპორტში დაფრენისას გარკვეული სირთულეების მიზეზი ქარი იყოს. დამატებითი დეტალები უცნობია. ინფორმაციას ადგილობრივი მედია ავრცელებს.

საქართველოს პროკურატურამ, გორში მომხდარი არასრულწლოვანების ჯგუფურად ცემის ფაქტზე, ოთხ ადამიანს ბრალდება წარუდგინა. პროკურატურის ინფორმაციით, შინაგან საქმეთა სამინისტროს მიერ ჩატარებული გამოძიებით დადგინდა, რომ მიმდინარე წლის 16 მაისს, გორში, წარსულში ქურდობისთვის და ცემისთვის ნასამართლევი არასრულწლოვანის ინიციატივით არასრულწლოვან ძმებთან შეხვედრა შედგა. მან სხვა არასრულწლოვანებთან ერთად დაზარალებულებს ფიზიკური შეურაცხყოფა მიაყენა. “სამართალდამცავებმა წარსულში ნასამართლევი არასრულწლოვანი 19 მაისს დააკავეს. მას, ორ სხვა არასრულწლოვანთან ერთად ბრალდება საქართველოს სისხლის სამართლის კოდექსის 126-ე მუხლის პირველი პრიმა ნაწილის „ა“ და „ბ“ ქვეპუნქტებით (არასრულწლოვანის ჯგუფურად ცემა), ხოლო ერთ არასრულწლოვანს საქართველოს სისხლის სამართლის კოდექსის 126-ე მუხლის პირველი პრიმა ნაწილის „ა“, „ბ“ და…

კახეთში შუახნის კაცი მოზარდი შვილის მიმართ განხორციელებული სექსუალური ძალადობის ბრალდებით დააკავეს. ინფორმაცია მედიაში ვრცელდება. არსებული ცნობით, მამაკაცი 14 წლის შვილზე ერთი წლის განმავლობაში ძალადობდა. გამოძიება სისხლის სამართლის კოდექსის 11-ე პრიმა 137-ე მუხლით მიმდინარეობს.  

თურქეთის საზღვარზე მუხურის გამგებელი ბაკურ ქომეთიანი დააკავეს. „მედიაცენტრ მთავარს“ დაუდასტურეს ინფორმაცია, რომ დაკავებულია სოფელ მუხურის გამგებელი. გავრცელებული ინფორმაციით, გამგებელი საქართველო-თურქეთის საზღვარზე ნარკოდანაშაულის ბრალდებით დააკავეს, თუმცა, როგორც წყარო გვიყვება, აღნიშნული ინფორმაცია სიმართლეს არ შეესაბამება. ბაკურ ქომეთიანის დაკავება დასტურდება, თუმცა, ნარკოტიკები მას არ ეკუთვნის. „ქომეთიანი მოდიოდა უცხოეთიდან, მოჰყავდა მანქანა. ავტომანქანა ბორანით გამოგზავნა საქართველოში, თავად კი ნავსადგურიდან დაემგზავრა ზუგდიდელ მძღოლს, რომელიც საქართველოში მოდიოდა. საქართველო-თურქეთის საზღვართან შემოწმებისას, აღნიშნულ მანქანაში ნარკოტიკები აღმოაჩინეს. დაკავებულია ორივე ადამიანი“, – გვიყვება წყარო.

საქართველოს პროკურატურამ ნარკოტიკული საშუალების უკანონო შეძენის, შენახვის, რეალიზაციის, რეალიზაციის მცდელობის და რეალიზაციის მომზადების ფაქტებზე 6 პირს ბრალდება წარუდგინა. ამის შესახებ ინფორმაციას პროკურატურა ავრცელებს. მათი ცნობით, პროკურატურის შუამდგომლობის საფუძველზე სასამართლომ  ბრალდებულებს აღკვეთის ღონისძიების სახით პატიმრობა უკვე შეუფარდა. „შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულები უკანონოდ ინახავდნენ განსაკუთრებით დიდი ოდენობით  ნარკოტიკულ საშუალება გამომშრალ „მარიხუანას“, რომლის რეალიზაციასაც ახდენდნენ. გატარებული ღონისძიებების შედეგად ამოღებულია უკანონოდ შენახული და გასაღების მიზნით ლოკაციებზე განთავსებული ნარკოტიკული საშუალება. ასევე ელექტროსასწორები, შესაფუთი მასალა, ფულადი თანხა და კრიპტოვალუტა, რომელსაც ანგარიშსწორებისას იყენებდნენ. დაკავებულ პირებს ბრალდება საქართველოს სისხლის სამართლის კოდექსის 18-2603 მუხლის მე-3 ნაწილის…

გორში, კომბინატის დასახლებაში, ერთ-ერთ საცხოვრებელ კორპუსში ხანძარი გაჩნდა. როგორც შინაგან საქმეთა სამინისტროს საგანგებო სიტუაციების მართვის სამსახურში აცხადებენ, ხანძარი ამ დროისთვის ლიკვიდირებულია. შემთხვევის შედეგად არავინ დაშავებულა. მეხანძრე-მაშველებმა დედა და 2 მცირეწლოვანი ფანჯრიდან უსაფრთხოდ გადმოიყვანეს.

ვაკის რაიონში ქაქუცა ჩოლოყაშვილისა და გიორგი წერეთლის ქუჩების რეაბილიტაცია იწყება, რის გამოც, საავტომობილო მოძრაობა შეიზღუდება. ამის შესახებ ინფორმაციას თბილისის მერია ავრცელებს. მერიის ცნობით, სარეაბილიტაციო არეალი ვაკის პარკის მიმდებარე ტერიტორიიდან წყნეთის გზატკეცილის N6-მდე არსებულ საგზაო მონაკვეთს მოიცავს, შეზღუდვა კი 22 მაისის 00:00 საათიდან ოთხი თვის განმავლობაში იმოქმედებს. „სამუშაოების მიმდინარეობის დროს, მიხეილ თამარაშვილის გამზირისა და ჭაბუა ამირეჯიბის გზატკეცილის კვეთიდან, თამარაშვილის გამზირისა და გიორგი წერეთლის ქუჩების კვეთამდე არსებულ საგზაო მონაკვეთში მარცხნივ მოხვევა შეიზღუდება. მოძრაობა დასაშვები იქნება მხოლოდ პირდაპირ ან მარჯვნივ. გზის აღნიშნულ მონაკვეთში დროებით მოიხსნება საზოგადოებრივი ტრანსპორტის ზოლში გადაადგილებაზე დაწესებული შეზღუდვაც. წერეთლის ქუჩაზე…

საქართველოს პროკურატურამ განსაკუთრებით დიდი ოდენობით ნარკოტიკული საშუალების უკანონო შეძენის, შენახვის და გასაღების მცდელობის ფაქტებზე ერთ პირს ბრალდება წარუდგინა. პროკურატურის ცნობით, შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულმა უკანონოდ შეიძინა და ინახავდა ნარკოტიკულ საშუალება „ალფა-პვპ“-ს, რომლის ნაწილიც გასაღების მიზნით რუსთავის მუნიციპალიტეტში, სხვადასხვა ლოკაციაზე განათავსა. გატარებული ღონისძიებების შედეგად ამოღებულია განსაკუთრებით დიდი ოდენობით ნარკოტიკული საშუალება. მათივე ინფორმაციით, დაკავებულს ბრალდება საქართველოს სისხლის სამართლის კოდექსის 260-ე მუხლის მე-3 ნაწილით და 19-2603-ე მუხლის მე-6 ნაწილით (განსაკუთრებით დიდი ოდენობით ნარკოტიკული საშუალების უკანონო შეძენა, შენახვა და გასაღების მცდელობა) წარედგინა, რაც სასჯელის სახედ და ზომად ოც წლამდე,…