დღე: მაისი 18, 2025

უკრაინის პრეზიდენტი, ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა. „კარგი შეხვედრა ჰქონდა“- წერს ზელენსკი. ზელენსკი ამბობს, რომ უკრაინა მზადაა ჩაერთოს რეალურ დიპლომატიაში. „მოლაპარაკებების დროს განვიხილეთ სტამბოლში გამართული მოლაპარაკებები, სადაც რუსეთმა გაგზავნა გადაწყვეტილების მიმღები პირების დაბალი დონის დელეგაცია. მე კიდევ ერთხელ დავადასტურე, რომ უკრაინა მზადაა ჩაერთოს რეალურ დიპლომატიაში და ხაზი გავუსვი სრული და უპირობო ცეცხლის შეწყვეტის მნიშვნელობას, რაც შეიძლება მალე. ასევე, შევეხეთ რუსეთის წინააღმდეგ სანქციების აუცილებლობას, ორმხრივ ვაჭრობას, თავდაცვის თანამშრომლობას, საბრძოლო ველზე არსებულ ვითარებას და მომავალი ტყვეების გაცვლას. რუსეთზე ზეწოლა აუცილებელია მანამ, სანამ ისინი…

ისრაელის მიერ ღაზაში განახლებული მასშტაბური სამხედრო ოპერაციის ფარგლებში ბოლო 24 საათის განმავლობაში განხორციელებული იერიშის შედეგად დაღუპულია 100 ადამიანი. ღაზის ჯანდაცვის უწყების ცნობით, გარდაცვლილთა უმეტესობა ქალები და მცირეწლოვანი ბავშვები არიან. გარდა ამისა, ვრცელდება ინფორმაცია, რომ  ისრაელის საჰაერო დარტყმების სერიამ ღაზაში ჰამასის ფაქტობრივი მეთაური, მუჰამედ სინვარი იმსხვერპლა. ამჟამად დოჰაში ისრაელსა და „ჰამასს“ შორის ცეცხლის შეწყვეტაზე მოლაპარაკებების ახალი რაუნდი მიმდინარეობს.

უკრაინის პრეზიდენტი დღეს ვატიკანში, პაპ ლეონ XIV-ის ინტრონიზაციის ცერემონიაზე აშშ-ის ვიცე-პრეზიდენტს ჯეი დი ვენსს შეხვდა. ფოტოჩანს, როგორ ართმევენ ერთმანეთს ხელს ზელენსკი და ვენსი.  ეს  მათი პირველი კონტაქტია,  28 თებერვალს, თეთრ სახლში მომხდარი კამათის შემდეგ. დღეს ვატიკანში რომის პაპის ინაუგურაცია შედგა. ღონისძიებას ესწრებოდნენ მსოფლიო პოლიტიკური ლიდერებიც.    

ბელგია უკრაინას ერთი მილიარდი ევროს ღირებულების სამხედრო დახმარების პაკეტს გამოუყოფს. დახმარება სხვადასხვა სამხედრო აღჭურვილობასა და იარაღს მოიცავს.  მთლიანი თანხის ნახევარზე მეტი – 650 მილიონი ევრო – ბელგიური კომპანიების მიერ არის დაფინანსებული. დახმარების პაკეტი მოიცავს: დაახლოებით ას ჯავშანტექნიკურ მანქანასა და Unimog-ის ტიპის მანქანა. ხუთ უპილოტო საზღვაო ხომალდს. დრონებს, ჩაფხუტებს, სამედიცინო აღჭურვილობას, პორტატული დრონების აღმოჩენის სისტემებს, ღამის ხედვის სათვალეებსა და ქიმიური, ბიოლოგიური, რადიოლოგიური და ბირთვული საფრთხეებისგან დამცავ სამოსს. 16 000-ზე მეტი იარაღსა და პისტოლეტს. ოც მოდერნიზებულ Cerberus-ის საჰაერო თავდაცვის სისტემას. ლეოპარდის საბრძოლო ტანკებს. ბელგია ასევე მოამზადებს უკრაინელ პილოტებს F-16-ებისათვის და ჩაატარებს ასაფეთქებელი…

რომის პაპმა ლეო XIV-მ წმინდა პეტრეს მოედანზე საინაუგურაციო ცერემონიაზე შეკრებილ მომლოცველებს მიმართა. მან გააკრიტიკა მსოფლიო ეკონომიკური სისტემა, რომელიც მისი თქმით, ექსპლუატაციას უწევს პლანეტის რესურსებს, ხოლო ღარიბი მოსახლეობის მარგინალიზაციას ეწევა. „ყოველგვარი დამსახურების გარეშე ამირჩიეს და ახლა შიშითა და ძრწოლვით მოვედი თქვენთან, როგორც ძმა, რომელსაც სურს, გემსახუროთ თქვენ რწმენასა და სიხარულში. რომის ეკლესია ხელმძღვანელობს გულმოწყალებით და მისი ჭეშმარიტი ავტორიტეტი ქრისტეს გულმოწყალებაა. ის არასდროს ცდილობს სხვების ძალისმიერი გზით გადაბირებას, რელიგიური პროპაგანდით ან სხვა ძალისმიერი საშუალებებით. ეს მხოლოდ სიყვარულის საკითხია, როგორც ამას იესო აკეთებდა. თუკი კლდე ქრისტეა, პეტრემ უნდა მწყემსოს სამწყსო, ისე რომ არასდროს დაემორჩილოს ავტოკრატობისა…

დღეს რომის პაპი ლეო XIV ვოლოდიმირ ზელენსკის შეხვდება. ინფორმაციას ვატიკანი ავრცელებს. ვატიკანის ცნობით, საინაუგურაციო მესის შემდეგ, რომის პაპი ლეო XIV დღეს, რომის ახალი პაპის, ლეო XIV-ის ინაუგურაციას სხვადასხვა ქვეყნის წარმომადგენლები ესწრებიან. კერძოდ, აშშ-ის დელეგაციას ვიცე-პრეზიდენტი, ჯეი დი ვენსი ხელმძღვანელობს, ინაუგურაციას ასევე სახელმწიფო მდივანი მარკო რუბიო ესწრება. სხვადასხვა ქვეყნის წარმომადგენლებს შორის, რომლებიც ინაუგურაციას ესწრებიან, არიან ისრაელის, პერუსა და ნიგერიის პრეზიდენტები; იტალიის, კანადისა და ავსტრალიის პრემიერ-მინისტრები; გერმანიის კანცლერი და ევროკომისიის პრეზიდენტი.

ლეონ XIV-მ ოფიციალურად დაიკავა პაპის თანამდებობა და პირველი ქადაგებაც წაიკითხა. მან  „სიყვარულისა და ერთიანობისკენ“ მოუწოდა მსოფლიოს. ლეონ XIV კათოლიკური ეკლესიის რიგით 267-ე პაპია. ინაუგურაციის წირვას 4 ათასზე მეტი ადამიანი დაესწრო. პაპის ინტრონიზაციის წირვა ესპანურ და ინგლისურ ენებზე აღინიშნა, როგორც მსოფლიოში ყველაზე ფართოდ გავრცელებული ენების. სახარების ქადაგების შემდეგ (ლათინურ და ბერძნულ ენებზე), სპეციალური რიტუალები შედგა – ოქროს „მეთევზის ბეჭედისა” და ცხვრის მატყლის მანტიის გადაცემა. ინაუგურაციის ცერემონიას მსოფლიო ლიდერებიც ესწრებოდნენ, მათ შორის საქარტველოს პრეზიდენტი, მიხეილ ყაველაშვილი.

ცეცხლის შეწყვეტის მიზნით დოჰაში განახლებულ მოლაპარაკებებზე „ჰამასი“ ცხრა მძევლის გათავისუფლებას დათანხმდა, სანაცვლოდ კი ისრაელისგან 60-დღიან ზავს ითხოვს. გარადა ამისა, შეთანხმება ასევე ითვალისწინებს ღაზის სექტორში დღეში 400-მდე ჰუმანიტარული სატვირთოს შესვლაზე ნებართვას. ისრაელს ჯერჯერობით კომენტარი არ გაუკეთებია. თუმცა მოლაპარაკებების დაწყებამდე ისრაელის მხარე აცხადებდა, რომ განხილვის საგანი არ იქნებოდა ღაზიდან შეიარაღებული ძალების გაყვანა. ისრაელის მიერ ღაზაში განახლებული მასშტაბური სამხედრო ოპერაციის ფარგლებში ღამით განხორციელებული იერიშის შედეგად დაღუპულია 33 ადამიანი. ღაზის ჯანდაცვის უწყების ცნობით, გარდაცვლილთა უმეტესობა მცირეწლოვნები არიან.

კიევის ოლქში რუსეთის თავდასხმის შედეგად ერთი ადამიანი დაიღუპა, არიან დაშავებულები. ინფორმაციას კიევის რეგიონული ადმინისტრაციის ხელმძღვანელი ნიკოლაი კალაშნიკი „ტელეგრამის“ არხზე ავრცელებს. დაზიანებულია მრავალსართულიანი შენობები და კერძო სახლები. ერთ-ერთ რაიონში მდებარე ქარხანაში ხანძარი გაჩნდა, ამჟამად მიმდინარეობს სალიკვიდაციო სამუშაოები. უკრაინული მედიის ცნობით, რუსეთმა უკრაინაზე 273 უპილოტო საფრენი აპარატით მასშტაბური საჰაერო იერიში მიიტანა.

რუსეთის პრეზიდენტის, ვლადიმერ პუტინის განცხადებით, უკრაინაში მიმდინარე ე.წ. სპეციალური სამხედრო ოპერაციის ერთ-ერთი მიზანი იმ ადამიანების ინტერესების უზრუნველყოფაა, რომლებიც რუსეთს თავიანთ სამშობლოდ მიიჩნევენ. მისი თქმით, ე.წ. სპეციალური სამხედრო ოპერაციის შედეგი უნდა იყოს „კრიზისის გამომწვევი მიზეზების აღმოფხვრა“. „ჩვენი ხალხის ინტერესების უზრუნველყოფა იმ ტერიტორიებზე, რომლებზეც მუდმივად ვსაუბრობთ – სადაც ცხოვრობენ ადამიანები, რომლებიც რუსულს მშობლიურ ენად და რუსეთს სამშობლოდ მიიჩნევენ. სპეციალური სამხედრო ოპერაციის შედეგი უნდა იყოს კრიზისის გამომწვევი მიზეზების აღმოფხვრა, გრძელვადიანი მდგრადი მშვიდობისთვის პირობების შექმნა და რუსეთის სახელმწიფოს უსაფრთხოების უზრუნველყოფა“- აღნიშნა პუტინმა.

რუსებმა უკრაინას 273 უპილოტო საფრენი აპარატით შეუტიეს. აქედან 88 ჩამოაგდეს, 128 კი – ლოკალურად დაიკარგა. ინფორმაციას უკრაინული მედია ქვეყნის შეიარაღებული ძალების საჰაერო ძალებზე დაყრდნობით ავრცელებს. მათივე ცნობით, თავდასხმის შედეგად დაზარალდა კიევის, დნეპროპეტროვსკის და დონეცკის ოლქები. სააგენტო Associated Press-ის ცნობით, ომის დაწყების შემდეგ, რუსეთის ჯარების მიერ უკრაინის ტერიტორიაზე ერთ დღეში გაშვებული უპილოტო საფრენი აპარატების რეკორდული რაოდენობაა.

რომის ახალი პაპი ლეო XIV-ე წმინდა პეტრეს მოედანზე დღეს საინაუგურაციო წირვას ჩაატარებს. მოსალოდნელია, რომ წირვას დაახლოებით 250 000 მომლოცველი და მსოფლიო ლიდერებისა და სამეფო ოჯახის წევრების დიდი რაოდენობა დაესწრება, მათ შორის აშშ-ის ვიცე-პრეზიდენტი ჯეი დი ვენსი, უკრაინის პრეზიდენტი ვოლოდიმირ ზელენსკი, კანადის პრემიერ-მინისტრი მარკ კარნი, ბრიტანეთის პრინცი ედუარდი, ისრაელის პრეზიდენტი ისააკ ჰერცოგი, არგენტინის პრეზიდენტი ხავიერ მილეი და ავსტრალიის პრემიერ-მინისტრი ენტონი ალბანეზე. წირვა, რომელიც კვირას, ადგილობრივი დროით დილის 10:00 საათზე დაიწყება. ტრადიციულად, პაპი წმინდა პეტრეს მოედანზე ხალხს მიესალმება. კარდინალების მსვლელობასთან ერთად, პაპი წმინდა პეტრეს ბაზილიკაში შევა, სადაც ორ სიმბოლურ საჩუქარს მიიღებს. პირველი…