დღე: მაისი 15, 2025

შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის დეტექტივების (ოპერატიული) და საგამოძიებო სამმართველოების თანამშრომლებმა, ერთობლივად ჩატარებული ოპერატიული ღონისძიებებისა და საგამოძიებო მოქმედებების შედეგად, ნარკოდანაშაულის ბრალდებით 1982 წელს დაბადებული გ.ჩ. დააკავეს. ამის შესახებ ინფორმაციას შსს ავრცელებს. უწყების ცნობით, დანაშაული 20 წლამდე ან უვადო თავისუფლების აღკვეთას ითვალისწინებს. „სამართალდამცველებმა ბრალდებული პირადი ჩხრეკის შედეგად, განსაკუთრებით დიდი ოდენობით 138 შეკვრად დაფასოებული ნარკოტიკული საშუალება „მეთადონი“-ს შემცველი გრანულები და ფხვიერი მასა ნივთმტკიცებად ამოიღეს. გამოძიება სისხლის სამართლის კოდექსის 260-ე მუხლის მე-3 ნაწილის „ა“ ქვეპუნქტით მიმდინარეობს“, – აღნიშნულია შსს-ს ინფორმაციაში.

შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებმა, მიღებული ინფორმაციის საფუძველზე, ორგანიზებული ჯგუფის მიერ, უცხო ქვეყნის მოქალაქეების მიმართ განხორციელებული თაღლითობის ფაქტზე, გამოძიება სისხლის სამართლის კოდექსის 180-ე მუხლის მე-4 ნაწილით დაიწყეს. ამის შესახებ ინფორმაციას შსს ავრცელებს. უწყების ცნობით, სამართალდამცველების მიერ ჩატარებული საგამოძიებო მოქმედებების შედეგად დადგინდა, რომ დუშეთის მუნიციპალიტეტში, ერთ-ერთ სასტუმროში, სავარაუდოდ, მოწყობილი იყო ე.წ. ქოლცენტრი. „პოლიციამ ადგილზე ჩატარებული ღონისძიებების შედეგად, ათეულობით მობილური ტელეფონი და პერსონალური კომპიუტერი, რომელთა მეშვეობითაც, სავარაუდოდ, უკანონო ფინანსური საქმიანობა ხორციელდებოდა, ნივთმტკიცებად ამოიღო. სასტუმროში მყოფი პირების გადამოწმებისას, შინაგან საქმეთა სამინისტროს მიგრაციის დეპარტამენტის თანამშრომლებთან კოორდინაციით, გამოვლენილ იქნა, ჩინეთის სახალხო რესპუბლიკის…

საქართველოს პროკურატურამ განსაკუთრებით დიდი ოდენობით ნარკოტიკული საშუალების უკანონო შეძენა, შენახვის და გასაღების მცდელობის ფაქტზე უცხო ქვეყნის მოქალაქეს ბრალდება წარუდგინა. ამის შესახებ ინფორმაციას პროკურატურა ავრცელებს. მათი ცნობით, შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულმა უკანონოდ შეიძინა და ინახავდა ნარკოტიკულ საშუალება „ჰეროინს“, რომლის ნაწილიც გასაღების მიზნით სამტრედიის მუნიციპალიტეტში სხვადასხვა ლოკაციაზე განათავსა. „გატარებული ღონისძიებების შედეგად ამოღებულია განსაკუთრებით დიდი ოდენობით ნარკოტიკული საშუალება „ჰეროინი“. დაკავებულს ბრალდება საქართველოს სისხლის სამართლის კოდექსის 260-ე მუხლის მე-3 ნაწილით და 19-2603-ე მუხლის მე-6 ნაწილით  (განსაკუთრებით დიდი ოდენობით ნარკოტიკული საშუალების უკანონო შეძენა, შენახვა და გასაღების მცდელობა) წარედგინა, რაც სასჯელის…

შინაგან საქმეთა სამინისტროს საგანგებო სიტუაციების მართვის სამსახურის ცნობით, მაშველებმა მდინარე მტკვარში კიდევ ერთი მამაკაცის ცხედარი აღმოაჩინეს, რომელიც 14 მაისს მომხდარ ავტოსაგზაო შემთხვევას არ უკავშირდება. სამსახურის მიერ გავრცელებული ინფორმაციით, მაშველებმა ასევე აღმოაჩინეს ქალის ცხედარიც, რომელიც ამ დროისთვის არსებული ცნობებით, 1-ელ აპრილს, მშვიდობის ხიდის ტერიტორიიდან გაუჩინარებულ აითაჯ მამედოვას ეკუთვნის. რაც შეეხება გუშინდელი ავტოსაგზაო შემთხვევის დროს მტკვარში გადავარდნილ ავტომობილს, ის 2 ცხედართან ერთად აღმოაჩინეს. „მეხანძრე-მაშველებმა, გუშინ, თბილისში მომხდარი ავტოსაგზაო შემთხვევის დროს, მდინარე მტკვარში გადავარდნილი ავტომობილის 2 მგზავრის ცხედარი იპოვეს. ცხედრები წყლიდან უკვე ამოასვენეს და მათ უტარდებათ ყველა შესაბამისი, სამართლებრივი პროცედურა. მდინარე მტკვრის ფსკერიდან ამოტანილია ავტომობილიც. ერთი პიროვნების ძებნა-შველის ოპერაცია…

მაშველებმა თბილისში, მდინარე მტკვარში გადავარდნილ მანქანასთან ერთად, 2 ადამიანის ცხედარი იპოვეს. შინაგან საქმეთა სამინისტროს საგანგებო სიტუაციების მართვის სამსახურის ცნობით, კიდევ ერთი დაკარგული ადამიანის საპოვნელად სამაშველო ოპერაცია გრძელდება. აღსანიშნავია, რომ ძებნა-შველის ღონისძიების ფარგლებში, მაშველებმა ქალის ცხედარიც იპოვეს. გავრცელებული ინფორმაცით, ცხედარი 1-ელ აპრილს, მშვიდობის ხიდის ტერიტორიიდან გაუჩინარებულ აითაჯ მამედოვას ეკუთვნის. შეგახსენებთ, 14 მაისს, გვიან ღამით, თბილისში, მტკვრის მარცხენა სანაპიროზე მომხდარი ავტოსაგზაო შემთხვევის შედეგად, ავტომობილი, რომელშიც რამდენიმე მგზავრი იმყოფებოდა, მდინარე მტკვარში გადავარდა. მაშველებმა შემთხვევიდან მალევე, ერთი ადამიანი წყლიდან უვნებლად ამოიყვანეს. პოლიციამ კი, ავტოსაგზაო შემთხვევაში მონაწილე მძღოლი დააკავა.  

თბილისში, მდინარე მტკვარში გადავარდნილი ავტომანქანა იპოვეს. მანქანა მაშველებს ამ წუთებში წყლიდან ამოაქვთ. გავრცელებული ინფორმაციით, ეს სწორედ ის ავტომანქანაა, რომელიც მტკვარში ავტოსაგზაო შემთხვევის შედეგად გადავარდა. ამ დროისთვის უცნობია ინფორმაცია იმ მგზავრებთან დაკავშირებით, რომლებიც ავტომობილში იმყოფებოდნენ. შეგახსენებთ, 14 მაისს, გვიან ღამით, თბილისში, მტკვრის მარცხენა სანაპიროზე მომხდარი ავტოსაგზაო შემთხვევის შედეგად, ავტომობილი, რომელშიც რამდენიმე მგზავრი იმყოფებოდა, მდინარე მტკვარში გადავარდა. მაშველებმა შემთხვევიდან მალევე, ერთი ადამიანი წყლიდან უვნებლად ამოიყვანეს. პოლიციამ კი, ავტოსაგზაო შემთხვევაში მონაწილე მძღოლი დააკავა. მდინარეში სამძებრო-სამაშველო ღონისძიება ამ დრომდე გრძელდება. ღონისძიებაში მყვინთავები არიან ჩართული. მტკვრის კალაპოტში წყლის დონის ბუნებრივ ნიშნულამდე შემცირებაც მოხდა.

თბილისში, მდინარე მტკვარში, მაშველებმა ძებნა-შველის ღონისძიების ფარგლებში ქალის ცხედარი იპოვეს. გავრცელებული ინფორმაცით, ცხედარი 1-ელ აპრილს, მშვიდობის ხიდის ტერიტორიიდან გაუჩინარებულ აითაჯ მამედოვას ეკუთვნის. მდინარე მტკვარში ძებნა-შველის ღონისძიება ამ წუთებშიც გრძელდება. მაშველები 14 მაისს მტკვარში გადავარდნილ ავტომობილსა და მის რამდენიმე მგზავრს ეძებენ. ერთი ადამიანი წყლიდან შემთხვევიდან მალევე ამოიყვანეს.