დღე: მაისი 13, 2025

ოკუპირებული ცხინვალის რეგიონიდან თბილისის ერთ-ერთ კლინიკაში გადაიყვანეს მამაკაცი, რომელსაც მძიმე დაზიანებები ჰქონდა. როგორც გამოცემა “საპა” იტყობინება, 40 წლის მამაკაცი ცხინვალში, “რესპუბლიკური” სამედიცინო ცენტრის მეოთხე სართულიდან 6 მაისს გადმოვარდა და უკიდურესად მძიმე მდგომარეობაში იმყოფებოდა. მას ტვინში მრავლობითი სისხლჩაქცევა, მენჯის, ბარძაყის, წვივისა და ქუსლის მოტეხილობები აღენიშნებოდა. “ფილტვისა და თირკმელების შოკი. ის უკიდურესად მძიმე მდგომარეობაში იმყოფებოდა, ვლადიკავკაზელ ექიმებამდე ვერ მიაღწევდა. მას პოლიტრავმული განყოფილება ესაჭიროებოდა“ – თქვა ცხინვალის მთავარმა რეანიმატოლოგმა, ალექსანდრ პლიევმა. პაციენტის ნათესავების მოთხოვნით, კაცი გადმოვარდნის მეორე დღეს თბილისის კლინიკაში გადაიყვანეს.

თბილისში, „რატის ბარში“ მომხდარი მკვლელობის საქმის პროკურორ გია შაიშმელაშვილის განცხადებით, მკვლელობაში ბრალდებულმა 18 წლის ბიჭს სხეულზე მძიმე დაზიანებები მას შემდეგ მიაყენა, რაც დაზარალებულმა მას „მხარი გაარტყა“. პროკურორის თქმით, შემთხვევის შემდეგ ბრალდებულმა დაჭრილი მიატოვა და მეორე ბრალდებულთან ერთად ტერიტორია დატოვა. „ერთ-ერთმა ბრალდებულმა სრულიად უმიზეზოდ, უმოტივოდ „რატის ბარში“ ყოფნისას, მას შემდეგ, რაც დაზარალებულმა ნასვამ მდგომარეობაში მყოფმა 18 წლის ბიჭმა გვერდით გავლისას უბრალოდ მხარი გაარტყა, ამ მიზეზით მოკიდა მას ხელი, შეიყვანა ამ ბარის უკანა სივრცეში არსებულ ერთ-ერთ ოთახში და ხელთარსებული დანით სხეულზე მიაყენა დაზიანებები. დაზიანებების მიყენების შემდეგ, დაჭრილი მიატოვა იქვე, გამოვიდა, დაბრუნდა თავის სუფრასთან, მეორე…

პარლამენტმა დაამტკიცა გარემოს დაცვისა და სოფლის მეურნეობის სამინისტროს მიერ მომზადებული კანონპროექტი, რომელიც ხე-ტყით უკანონო სარგებლობასთან დაკავშირებული პასუხისმგებლობის გამკაცრების მიზნით, სისხლის სამართლისა და ადმინისტრაციულ სამართალდარღვევათა კოდექსებში ცვლილებებს ითვალისწინებს. ამის შესახებ ინფორმაციას სოფლის მეურნეობის სამინისტრო ავრცელებს. უწყების ცნობით, ცვლილებების თანახმად, პასუხისმგებლობა გამკაცრდა სამასალე მერქნის უკანანო დამზადებაზე; რაც შეხება საშეშე მასალის მოპოვებას, სოფლად მცხოვრები მოსახლეობა აქამდე არსებული რეგულაციის პირობებით/შესაბამისად შეძლებს. სამინისტროს ინფორმაციითვე, კანონპროექტი საკანონმდებლო ორგანოში მესამე მოსმენით განსახილველად გარემოს დაცვისა და სოფლის მეურნეობის მინისტრის მოადგილე ნინო თანდილაშვილმა წარადგინა. „სანქციები მკაცრდება ისეთ სამართალდარღვევებზე, როგორიცაა სახერხი საამქროს რეგისტრაციის მოთხოვნათა დარღვევა, სახერხი საამქროს ტერიტორიაზე არამარკირებული მრგვალი…

თბილისში, „რატის ბარში“ მომხდარი მკვლელობის ფაქტზე დაკავებულ 2 ადამიანს აღკვეთის ღონისძიების სახით პატიმრობა შეეფარდა. პროკურატურა ბრალდებულების მიმართ სწორედ პატიმრობის გამოყენებას ითხოვდა. ერთ პირს ბრალდება საქართველოს სისხლის სამართლის კოდექსის 109-ე მუხლის „ვ“ ქვეპუნქტით (განზრახ მკვლელობა ხულიგნური ქვენაგრძნობით) აქვს წარდგენილი, მეორეს კი – სსკ-ის 376-ე მუხლის მეორე ნაწილით (დანაშაულის შეუტყობინებლობა). შეგახსენებთ, თბილისში, ბარათაშვილის ქუჩაზე მდებარე „რატის ბარში“ მკვლელობა 11 მაისს მოხდა. სამართალდამცველებმა ბრალდებულები იმავე დღეს დააკავეს. 12 მაისს, მათ პროკურატურამ ბრალი წარუდგინა.

საქართველოს პროკურატურაში საკადრო ცვლილებები განხორციელდა. პროკურატურის ინფორმაციით, გენერალური პროკურორის მოადგილედ ზურაბ ბელთაძე, ხოლო თბილისის პროკურორად გიორგი გვარაკიძე დაინიშნა. „გენერალური პროკურორის მოადგილედ ზურაბ ბელთაძე დაინიშნა, რომელსაც პროკურატურაში სხვადასხვა პოზიციებზე მუშაობის ცხრა წლიანი გამოცდილება აქვს, მას ასევე მრავალწლიანი გამოცდილება აქვს საადვოკატო საქმიანობაში. ასევე, თბილისის პროკურორად გიორგი გვარაკიძე დაინიშნა. გიორგი გვარაკიძე აღნიშნულ პოზიციაზე დანიშვნამდე, სპეციალური საგამოძიებო სამსახურის სპეციალურ საქმეთა გამოძიების დეპარტამენტის უფროსის მოადგილის თანამდებობას იკავებდა. გიორგი გვარაკიძე საქართველოს პროკურატურაში წლების განმავლობაში სხვადასხვა თანამდებობებს იკავებდა. რაც შეეხება თბილისის პროკურორს ლევან გეგეჭკორს, იგი სახელმწიფო უსაფრთხოების სამსახურში, სახელმწიფო დაცვის სპეციალურ სამსახურში, დაზვერვის სამსახურში, თავდაცვის სამინისტროსა და შინაგან საქმეთა…

გურჯაანის მუნიციპალიტეტის სოფელ ჩუმლაყში კაცი დაჭრეს. 40 წლამდე ასაკის მამაკაცი გურჯაანის საავადმყოფოშია გადაყვანილი. გავრცელებული ინფორმაციით, დაჭრილი პოლიციის თანამშრომელია. მიმდინარეობს გამოძიება.