დღე: მაისი 12, 2025

პროკურატურამ თბილისში, „რატის ბარში“ მომხდარი მკვლელობის ფაქტზე ორ ადამიანს ბრალი წარუდგინა. ივანე გიგლემიანს გამოძიება განზრახ მკვლელობას, რაჯი პაკელიანს კი დანაშაულის შეუტყობინებლობას ედავებიან. 36 და 45 წლის მამაკაცები სამართალდამცველებმა გუშინ დააკავეს. ადვოკატს, მისი თქმით, დაკავებული დუმილის უფლებას იყენებს. „ვუსამძიმრებ გარდაცვლილის ოჯახს, ეს არის უდიდესი ტრაგედია. რაც შეეხება ბრალის წაყენებას, წაყენებულია ბრალი 109-ე მუხლის “ვ” ქვეპუნქტით, პოზიცია ამ ეტაპისთვის არის დუმილის უფლება, მეტს ვერაფერს გეტყვით. როდესაც გავეცნობი საქმის მასალებს, ამის შემდეგ შემეძლება უკვე პასუხის გაცემა“, – ამბობს ადვოკატი გიორგი ბარდაველი გამოძიების ინფორმაციით, მკვლელობაში ბრალდებულმა ურთიერთშელაპარაკების ნიადაგზე 19 წლის ბიჭს ცივი იარაღით ჭრილობები…

სეტყვამ ახმეტის მუნიციპალიტეტის სოფელი მატანი დააზარალა. უამინდობა რამდენიმე წუთს გრძელდებოდა.  დაზიანებულია საკარმიდამო ნაკვეთები. უხვი ნალექის შედეგად კი სანიაღვრე არხებმა, წყლის ნაკადი ვერ გაატარა და რამდენიმე სახლი დატბორა. როგორც მუნიციპალიტეტის მერმა ალექსი ფიცხელაურმა განაცხადა,  ზარალს შესაბამისი სამსახურები დაითვლიან.

საქართველოს პროკურატურამ თბილისში  “რატის ბარში” მომხდარი მკვლელობის ფაქტზე, ერთ პირს  ბრალდება განზრახ მკვლელობის მუხლით, ხოლო მეორე პირს – დანაშაულის შეუტყობინებლობის მუხლით წარუდგინა. ამის შესახებ ინფორმაციას პროკურატურა ავრცელებს. მათი ცნობით, შინაგან საქმეთა სამინისტროს მიერ ჩატარებული გამოძიებით დადგინდა, რომ 11 მაისს, დაახლოებით 05:30 საათზე, ქ. თბილისში, ბარათაშვილის ქუჩაზე მდებარე „რატის ბარში“, ბრალდებულმა  დაზარალებულს დანით სხეულის სხვადასხვა არეში ჭრილობები მიაყენა – დაზარალებული  მიყენებული დაზიანებების შედეგად შემთხვევის ადგილზევე გარდაიცვალა. „მეორე ბრალდებულმა, რომელიც დანაშაულის ჩადენისას იმყოფებოდა შემთხვევის ადგილზე და  იცოდა, რომ ჩადენილი იყო განსაკუთრებით მძიმე დანაშაული – განზრახ მკვლელობა – აღნიშნულის შესახებ სამართალდამცავ ორგანოებს არ…

საქართველოში მოსალოდნელი ამინდის შესახებ გარემოს ეროვნული სააგენტო მოსახლეობას აფრთხილებს. როგორც სააგენტოს მიერ გავრცელებულ ინფორმაციაშია ნათქვამი, 16 მაისამდე საქართველოში შენარჩუნებული იქნება დროგამოშვებით წვიმა, ზოგან ძლიერი, შესაძლებელია ელჭექი, სეტყვა და ქარის გაძლიერება. „მოსალოდნელმა ნალექებმა საქართველოს მდინარეებზე შესაძლებელია წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო ქვეყნის გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალო)“, – ნათქვამია ინფორმაციაში.

შინაგან საქმეთა სამინისტროს კახეთის პოლიციის დეპარტამენტის საგამოძიებო და დეტექტივების სამმართველოს თანამშრომლებმა, ჩატარებული ოპერატიული ღონისძიებებისა და საგამოძიებო მოქმედებების შედეგად, განზრახ მკვლელობის და ცეცხლსასროლი იარაღის უკანონო ტარების ბრალდებით, 1967 წელს დაბადებული წარსულში ნასამართლევი რ.ლ. დააკავეს. ამის შესახებ ინფორმაციას შსს ავრცელებს. უწყების ცნობით, დანაშაულები 15 წლამდე ვადით თავისუფლების აღკვეთას ითვალისწინებს. „გამოძიებით დადგინდა, რომ მიმდინარე წლის 11 მაისს, ახმეტის მუნიციპალიტეტში, ურთიერთშელაპარაკების ნიადაგზე ჯ.კ.-მ სანადირო თოფიდან გასროლით ფეხის არეში დაჭრა რ.ლ., რის შემდგომაც ბრალდებულმა რ.ლ.-მ ცეცხლსასროლი იარაღით სასიკვდილო დაზიანება მიაყენა ჯ.კ.-ს. ბრალდებული რ.ლ. კლინიკაშია გადაყვანილი, სადაც შესაბამისი მკურნალობა უტარდება, ხოლო ჯ.კ. შემთხვევის ადგილზე გარდაიცვალა. პოლიციამ…

კახეთის რეგიონში, ახმეტაში მომხდარ მკვლელობასთან დაკავშირებით ახალი დეტალები ხდება ცნობილი. გავრცელებული ინფორმაციით, მოკლულიც და სავარაუდო დამნაშავეც სოფელ ქისტაურის მკვიდრნი არიან. როგორც ადგილობრივები აცხადებენ, ორივე ერთ სუფრასთან იმყოფებოდა, როცა მათ შორის კონფლიქტი დაიწყო. შეგახსენებთ, ახმეტაში თანასოფლელმა 40 წლამდე კაცი ცეცხლსასროლი იარაღიდან გასროლით მოკლა. დაჭრილია თავად სავარაუდო დამნაშავე. ის სამედიცინო დაწესებულებაშია გადაყვანილი. მიმდინარეობს გამოიძიება.

ახმეტაში თანასოფლელმა 40 წლამდე კაცი ცეცხლსასროლი იარაღიდან გასროლით მოკლა. გავრცელებული ინფორმაციით, დაჭრილია თავად სავარაუდო დამნაშავე. ის სამედიცინო დაწესებულებაშია გადაყვანილი. შემთხვევა ახმეტაში, ე.წ. წყაროების ტერიტორიაზე გვიან ღამით მოხდა. მომხდართან დაკავშირებით მიმდინარეობს გამოიძიება.

ქუთაისში, სიმაღლიდან ვარდნის შედეგად სკოლის მოსწავლე დაიღუპა. ამის შესახებ ინფორმაციას ადგილობრივი გამოცემა “ინფო იმერეთი” ავრცელებს. მედიის ცნობით, შემთხვევა 2 დღის წინ, შერვაშიძის ქუჩაზე მოხდა. გამოძიება თვითმკვლელობის მუხლით მიმდინარეობს.