დღე: მაისი 10, 2025

კიევში შეკრებილმა ევროპელმა ლიდერებმა აშშ-ის პრეზიდენტთან, დონალდ ტრამპთან სატელეფონო საუბარი გამართეს, რომლის დროს 30-დღიანი ცეცხლის შეწყვეტის გეგმები განიხილეს. ინფორმაციას „ბიბისი“ ავრცელებს. როგორც მედია წერს, ე.წ. მსურველთა კოალიციის ვირტუალური შეხვედრის შემდეგ უკრაინის ლიდერმა, ვოლოდიმირ ზელენსკიმ, ბრიტანეთის პრემიერ-მინისტრმა, კირ სტარმერმა, საფრანგეთის პრეზიდენტმა, ემანუელ მაკრონმა, გერმანიის კანცლერმა, ფრიდრიხ მერცმა და პოლონეთის პრემიერ-მინისტრმა, დონალდ ტუსკმა დონადლ ტრამპს მიაწოდეს ინფორმაცია აშშ-ის წინადადებისადმი მათი მხარდაჭერის შესახებ.

კიმ ჩენ ინი აცხადებს,  რომ რუსეთ-უკრაინის ომში ჩრდილოეთ კორეის ჩართვა სამართლიანი იყო. “ჩვენი მონაწილეობა კონფლიქტში სამართლიანი იყო და ის შეესაბამება ჩვენი რესპუბლიკის სუვერენულ უფლებებს. ყველა მამაც ჯარისკაცს, რომელმაც კურსკის ოპერაციაში მიიღო მონაწილეობა გმირად და ერის ღირსების უმაღლეს წარმომადგენლად მივიჩნევ” – თქვა კიმ ჩენ ინმა. კიმ ჩენ ინმა ასევე განაცხადა, რომ ფხენიანი არ მოერიდება სამხედრო ძალის გამოყენებას, თუ ამერიკის შეერთებული შტატები განაგრძობს “სამხედრო პროვოკაციებს” რუსეთის მიმართ.

კანცლერი ფრიდრიხ მერცი აცხადებს, რომ გერმანია გააძლიერებს რუსეთის “ომის მანქანაზე” ზეწოლას, თუ კრემლი მდგრად ცეცხლის შეწყვეტას არ დათანხმდება. მერცის თქმით, გერმანია, საფრანგეთი, პოლონეთი და დიდი ბრიტანეთი კიევში ერთად დგანან უკრაინის მხარდასაჭერად. „ჩვენ მხარს ვუჭერთ პრეზიდენტ ტრამპის მოთხოვნას სამშვიდობო შეთანხმების შესახებ. რუსეთს მოვუწოდებთ, არ შეუშალოს ხელი მდგრადი მშვიდობის მიღწევის მცდელობებს. ამერიკის შეერთებულ შტატებთან ერთად მოვუწოდებთ რუსეთს, დათანხმდეს სრულ და უპირობო 30-დღიან ცეცხლის შეწყვეტას, რათა შეიქმნას სივრცე სამართლიანი და მდგრადი მშვიდობის შესახებ მოლაპარაკებებისთვის. ჩვენთვის ნათელია, სისხლისღვრა უნდა დასრულდეს. რუსეთმა უნდა შეწყვიტოს უკანონო თავდასხმითი ომი და უკრაინას უნდა მიეცეს საშუალება, განვითარდეს, როგორც სუვერენული…

პაკისტანის პრემიერ-მინისტრმა, შეჰბაზ შარიფმა განაცხადა, რომ ინდოეთს სათანადო პასუხი გასცეს. „დღეს ჩვენ ინდოეთს სათანადო პასუხი გავეცით და უდანაშაულო ადამიანების დაღუპვის გამო შური ვიძიეთ“ – განაცხადა შეჰბაზ შარიფმა. მისი თქმით, პაკისტანმა საპასუხო მოქმედებებისას „უაღრესად დიდი თავშეკავება“ გამოიჩინა. შეგახსენებთ, დღეს პაკისტანმა ინდოეთის წინააღმდეგ ფართომასშტაბიანი სამხედრო ოპერაციის დაწყების შესახებ გამოაცხადა და ინდოეთში სამხედრო ბაზებს დაარტყა. პაკისტანის შეიარაღებული ძალების განცხადებით, სამხედრო ოპერაცია რამდენიმე საათით ადრე ინდოეთის მიერ ქვეყნის სამხედრო საჰაერო ბაზებზე განხორციელებულ სარაკეტო იერიშებზე პასუხს წარმოადგენდა.  

ინდოეთის დარტყმების შედეგად, ბოლო 12 საათში, სადავო ქაშმირის პაკისტანის მიერ კონტროლირებად ნაწილში 13 მშვიდობიანი მოქალაქე დაიღუპა, 50-ზე მეტი კი დაშავდა. ინფორმაციას „სქაი ნიუსი” ავრცელებს. 10 მაისს ღამით ინდოეთმა რამდენიმე სარაკეტო დარტყმა მიიტანა პაკისტანის ავიაბაზებზე. პაკისტანის შეიარაღებული ძალების წარმომადგენელმა თავდასხმა სახიფათო მოვლენად დაახასიათა, რომელიც რეგიონს დესტაბილიზაციას უქმნის. მეზობელი სახელმწიფოს აგრესიაზე საპასუხოდ, პაკისტანის მთავრობამ ინდოეთის წინააღმდეგ ფართომასშტაბიანი სამხედრო ოპერაციის დაწყების შესახებ განაცხადა.  

აშშ-ის სახელმწიფო მდივანი მარკო რუბიო პაკისტანსა და ინდოეთს შორის კონფლიქტის გადასაჭრელად შეერთებული შტატების შუამავლობის ინიციატივით გამოვიდა. ინფორმაციას სახელმწიფო დეპარტამენტის ავრცელებს. მარკო რუბიომ სატელეფონო საუბარი გამართა ინდოეთის საგარეო საქმეთა მინისტრთან, სუბრაჰმანიამ ჯაიშანკართან და პაკისტანის ვიცე-პრემიერსა და საგარეო საქმეთა მინისტრთან, ისჰაკ დართან. რუბიომ აღნიშნა, რომ ორივე მხარემ უნდა მოძებნოს დაძაბულობის შემცირებისა და პირდაპირი კომუნიკაციის აღდგენის გზები, რათა თავიდან აიცილონ შეცდომები. მანამდე ის ესაუბრა პაკისტანის არმიის მეთაურსაც, სადაც კვლავ მოუწოდა ორივე მხარეს, მოძებნონ გზები სიტუაციის განსამუხტად. პაკისტანსა და ინდოეთს შორის ურთიერთობები მას შემდეგ გამწვავდა, რაც 22 აპრილს შეიარაღებულმა პირებმა ქაშმირის ინდოეთის მიერ კონტროლირებას…

ინდოეთის შეიარაღებული ძალები აცხადებს, რომ პაკისტანმა სარაკეტო დარტყმები სამხედრო და სამოქალაქო ობიექტებზე განახორციელა. ქვეყნის საავიაციო ფრთის მეთაურმა, ვიომიკა სინგმა განაცხადა, რომ პაკისტანის სარაკეტო იერიშების სამიზნე სამხედრო და სამოქალაქო ინფრასტრუქტურა, ასევე, ქაშმირის ინდოეთის მიერ კონტროლირებად ნაწილში მდებარე სამედიცინო და საგანმანათლებლო ობიექტები იყო. „პაკისტანელი ჯარისკაცები საზღვრის გასწვრივ გადაადგილდებიან, რაც შემდგომი ესკალაციის მიზნით თავდასხმითი მოქმედებების განზრახვაზე მიუთითებს“ – აღნიშნა მან.

დიდი ბრიტანეთის ხელისუფლებამ რუსეთის “ჩრდილოვანი ფლოტის” 100 ტანკერს სანქციები დაუწესა. შეზღუდვები  ეხება იმ ტანკერებს, რომლებმაც 2024 წლის დასაწყისიდან 24 მილიარდ დოლარზე მეტი ღირებულების ტვირთი გადაიტანეს. სიაში ასევე შევიდა რუსეთთან დაკავშირებული ცხრა იურიდიული და ფიზიკური პირი, მათ შორის სადაზღვევო კომპანია “სოგლასიე“.’ პრემიერ-მინისტრმა კირ სტარმერმა განაცხადა, რომ ბრიტანეთის მთავრობა “ყველაფერს გააკეთებს, რაც მის ძალაშია, რათა ხელი შეუშალოს ვლადიმერ პუტინის ჩრდილოვან ფლოტს და მის სამხედრო მანქანას წაართვას ნავთობისგან მიღებული შემოსავლები”.