დღე: მაისი 9, 2025

პარლამენტთან საპროტესტო აქცია განახლდა.  რუსთაველის გამზირი გადაიკეტა. „ევროპის მოედანზე“ შეკრებილების ნაწილმა რუსთაველის გამზირისკენ მსვლელობით გადაინაცვლა. მოქალაქეების უცვლელი მოთხოვნებია: აქციის დროს დაკავებულების გათავისუფლება და ახალი არჩევნების დანიშვნა.

საქართველოს მეხუთე პრეზიდენტი, სალომე ზურაბიშვილი, 26 მაისს  დაგეგმილი აქციის შესახებ, პრემიერ-მინისტრის, ირაკლი კობახიძის განცხადებას პასუხობს. ზურაბიშვილი პრემიერს სიმშვიდისკენ მოუწოდებს. „ჩემი ფეხი არის მყარი. მინდა რომ დაწყნარდეს. ჩვენი ფეხი მყარია ვიცით საითკენ მივდივართ. ვიქნებით ძალიან ბევრი 26 მაისს. მოწოდებაც არ სჭირდება ხალხს, რომ ყველა გამოვიდეთ. დამოუკიდებლობის დღე არის ის დღე, როცა უნდა გადავარჩინოთ დამოუკიდებლობა“- აცხადებს სალომე ზურაბიშვილი.   „ზურაბიშვილი ჩაიბარებს აღლუმს, ალბათ, ელისაშვილისგან – ფეხი არ დაუცდეთ, ეს გაფრთხილებაა“ – კობახიძე

„ევროპის მოედანზე“ აქცია –  „ძალა ევროპაშია, ძალა ერთობაშია“ მიმდინარეობს. ამ წუთებში  საქართველოს ჰიმნი სრულდება, გაჟღერდება ასევე ევროკავშირის ჰიმნიც. „ევროპის მოედანზე“ დამონტაჟებულია სცენა და შესაბამისი ტექნიკური ინვენტარი. ორგანიზატორების თქმით, ცოტა ხანში პატიმრების ოჯახის წევრები, ექიმები, აქტივისტები, მსახიობები გამოვლენ და სიტყვით მიმართავენ შეკრებილებს. „ევროპის მოედნამდე“ მსვლელობა 5 ლოკაციიდან: რესპუბლიკის მოედნიდან, მარჯანიშვილის მოედნიდან, მეტრო “ავლაბრიდან”, საზოგადოებრივი მაუწყებლიდან და პარლამენტის მიმდებარე ტერიტორიიდან გაიმართა. მეტეხის ხიდიდან გადმოფენილია საქართველოსა და ევროკავშირის დროშები. საქართველოსა და ევროკავშირის დროშები გადმოფინეს ასევე მშვიდობის ხიდიდან.

„ევროპის მოედნის“ მიმართულებით მსვლელობა დაიწყო. ევროპის დღესთან დაკავშირებულ მარშს, რომელიც რუსთაველის გამზირიდან ევროპის მოედნისკენ მიემართება, სტუდენტებიც უერთდებიან. მსვლელობის სათავეში ახალგაზრდებს აქციების პერიოდში დაკავებული მოქალქეების ფოტოები უკავიათ, უკან კი ევროკავშირისა და საქართველოს დროშებით მიჰყვებიან აქციის სხვა მონაწილეები. ევროპის მოედნამდე მსვლელობა 5 ლოკაციიდან: რესპუბლიკის მოედნიდან, მარჯანიშვილის მოედნიდან, მეტრო “ავლაბრიდან”, საზოგადოებრივი მაუწყებლიდან და პარლამენტის მიმდებარე ტერიტორიიდან მიმდინარეობს.  

თბილისში ევროპის დღესთან დაკავშირებით რამდენიმე მსვლელობა იმართება. მოქალაქეები სხვადასხვა ადგილიდან, მათ შორის მარჯანიშვილის მოედნიდან, მეტროსადგურ „ავლაბრისა“ და საზოგადოებრივი მაუწყებლის მიმდებარე ტერიტორიებიდან მსვლელობით ევროპის მოედნამდე მივლენ. ევროპის მოედანზე დაგეგმილია აქცია, ლოზუნგით „ძალა ევროპაშია, ძალა ერთობაშია“, რომელიც 19:00 საათზე დაიწყება. აქციას სხვადასხვა საზოგადოებრივი ჯგუფები, მათ შორის კულტურის სფეროს წარმომადგენლები, სტუდენტები, არასამთავრობო ორგანიზაციები და პოლიტიკოსები უერთდებიან.

საქართველოს ყოფილი პრეზიდენტი სალომე ზურაბიშვილი აცხადებს, რომ 26 მაისს – ქვეყნის დამოუკიდებლობის დღეს საზოგადოება ერთად იზეიმებს. მედიის წარმომადგენლებმა ზურაბიშვილს კითხვა დაუსვეს 30 აპრილს გაკეთებულ განცხადებაზე, სადაც მან აღნიშნა, რომ „ჩვენ ვიბარებთ 26 მაისს“. მეხუთე პრეზიდენტის თქმით, 26 მაისი ხალხის ზეიმია. „ცალკე ვინ აღნიშნავს? რეებს ლაპარაკობთ. ეს არის ხალხის ზეიმი და ჩვენც სწორედ სახალხო ზეიმს ვაწყობთ, სადაც ყველანი ერთად ვიქნებით. დამოუკიდებლობა არის ჩვენი ერთობლივი და ჩვენი ერთობის მიღწევა“, – აღნიშნა ზურაბიშვილმა, რომლის კომენტარსაც საზოგადოებრივი მაუწყებელი ავრცელებს.

„საქართველო არ ესწრება უფრო და უფრო მეტ ღონისძიებას, მათ შორის ევროკავშირის გაფართოებასთან დაკავშირებულ ღონისძიებას“, – ამის შესახებ ევროკავშირის ელჩმა, პაველ ჰერჩინსკიმ ჟურნალისტებს განუცხადა „ექსპო ჯორჯიაში“, სადაც EU-ის საელჩოს ინიციატივით, ევროპის დღე აღინიშნება. კითხვას, მიიწვიეს თუ არა ევროპის დღესთან დაკავშირებით ღონისძიებაზე პრემიერ-მინისტრი ირაკლი კობახიძე, ყოფილი პრეზიდენტი სალომე ზურაბიშვილი და სხვა პოლიტიკოსები, ელჩმა უპასუხა, რომ ეს „ღია ღონისძიებაა“. „ეს არის ღია ღონისძიება. ჩვენ მოვიწიეთ ყველა. შესაძლოა, ნახეთ კამპანია მედიაში, სოციალურ ქსელში ჩვენი პოსტერები. იმედი მაქვს, ბევრი ადამიანი მოვა, რათა აღნიშნოს ევროპის დღე ჩვენთან ერთად, ოჯახის წევრებთან და მეგობრებთან ერთად. მართალი ხართ, პირადი…

„თუ საქართველო დაუბრუნდება დემოკრატიული განვითარების გზას, ჩვენ მზად ვართ, ვიმუშაოთ ერთად საქართველოს ევროკავშირში გაწევრიანებისთვის“, – ამის შესახებ საქართველოში ევროკავშირის ელჩმა, პაველ ჰერჩინსკიმ განაცხადა. როგორც ჰერჩინსკიმ ევროპის დღესთან დაკავშირებულ ღონისძიებაზე სიტყვით გამოსვლის დროს აღნიშნა, „ახლა საქართველოს დემოკრატია საფრთხეშია“. „2023 წელს ევროკავშირმა საქართველოს ევროპული კარი გაუღო და ის გახდა ევროკავშირის წევრობის კანდიდატი. დღეს, სამწუხაროდ, საქართველოს ხელისუფლების ქმედებების შედეგად, ევროინტეგრაციის პროცესი შეჩერებულია. თუ ეს ვითარება არ შეიცვლება, საქართველომ, შესაძლოა, დიდი ხნით დაკარგოს ევროკავშირის წევრობის შანსი. ახლა საქართველოს დემოკრატია საფრთხეშია… ევროპული ოჯახის წევრობა არის შესაძლებლობა საქართველოსთვის. ის ეფუძნება ხალხისა და სახელმწიფოს სუვერენულ არჩევანს. ევროკავშირის წევრობა ნიშნავს…

დღეს, 9 მაისს საქართველო ევროპის დღეს აღნიშნავს. ევროპის დღესთან დაკავშირებით, თბილისში, ევროკავშირის საელჩოს ორგანიზებით, ღონისძიება, სლოგანით „#ertad აღვნიშნოთ ის, რაც გვაერთიანებს!“ მიმდინარეობს. რა ხდება ამ წუთებში „ექსპო ჯორჯიაში“, „მედიაცენტრი მთავარი“ ფოტორეპორტაჟს გთავაზობთ.