დღე: მაისი 7, 2025

ვაშინგტონში მომუშავე ჟურნალისტის, ალექს რაუფოღლუს ინფორმაციით, ამერიკის შეერთებული შტატების სენატმა „MEGOBARI აქტი“ განსახილველად მიიღო. როგორც რაუფოღლუ X-ზე წერს, დოკუმენტი სენატის საკანონმდებლო კალენდარში 70-ე საკითხად დარეგისტრირდა. აღსანიშნავია, რომ „MEGOBARI აქტი“ მანამდე კონგრესის წარმომადგენელთა პალატამ მიიღო. კანონპროექტის მომხრე 349 კონგრესმენი იყო, მათგან 168 „რესპუბლიკელი“, ხოლო 181 – „დემოკრატი“. წინააღმდეგ 42 კონგრესმენი წავიდა, 42-ს კი, კენჭისყრაში მონაწილეობა არ მიუღია.

თბილისის მერის, კახა კალაძის განცხადებით, საქართველოსთან დაკავშირებით ამერიკის შეერთებული შტატების კონგრესის წარმომადგენელთა პალატის მიერ მიღებული „MEGOBARI აქტი“ არის მტრული აქტი, რომელიც  შინაარსობრივად სიცრუეს ეფუძნება. როგორც კალაძემ ჟურნალისტებს განუცხადა, კონკრეტულ აქტს მეგობრობასთან არანაირი კავშირი არ აქვს. „ჩვენ ვაკვირდებით პროცესებს და ვხედავთ, რომ პრეზიდენტი ტრამპი ებრძვის „დიფ სთეითს“, რომელსაც აქვს საკმაოდ ღრმა ფესვები, როგორც ჩვენს ქვეყანაში, ასევე სხვადასხვა ქვეყანაში. ეს ბრძოლა გრძელდება. კონკრეტულ აქტს რაც შეეხება, მას მეგობრობასთან არანაირი კავშირი არ აქვს. ეს არის მტრული აქტი, რომელიც მიმართულია ქვეყნის წინააღმდეგ და ძირითადად, შინაარსობრივად დაფუძნებულია სიცრუეზე, ტყუილზე, არასწორ ფაქტებზე. შესაბამისად, ის ვერ იქნება მეგობრული“, –…

„ბევრი სცენარი ვნახეთ, რომ ქვეყანაში სახელმწიფო გადატრიალება მომხდარიყო და ეს ყველაფერი იმართება გარედან“, – ამის შესახებ დედაქალაქის მერმა, კახა კალაძემ მედიასთან განაცხადა. კალაძის თქმით, „მიუხედავად ქვეყნის გარედან წამოსული მუქარებისა, მოქმედი ხელისუფლება ყოველთვის ქვეყნის ინტერესებს დაიცავს“. „ჩვენ ვნახეთ, რაც ქვეყნის შიგნით ხდებოდა რამდენიმე წლისა და თვეების წინ. ვნახეთ კონკრეტული სცენარები – ჯერ ჟურნალისტები გვიწყობდნენ რევოლუციას, მერე არასამთავრობო ორგანიზაციები, შემდეგ პოლიტიკური პარტიები, მერე საზოგადოების წევრები და ა.შ. ბევრი სცენარი ვნახეთ, მაგრამ არ იფიქროთ ეს საქართველოში დაგეგმილი იყო. ყველაფერი იმართება გარედან. მათ ჰყავთ თავისი პატრონები – კონკრეტული ადამიანები და ორგანიზაციები, ვინც გეგმავენ ამ…

„გრძელდება ბრძოლა ტრამპსა და „დიფ სთეითს“ შორის“, – ამის შესახებ პარტია „ქართული ოცნების“ თავმჯდომარემ, პრემიერ-მინისტრმა, ირაკლი კობახიძემ „MEGOBARI აქტთან“ დაკავშირებით ჟურნალისტებს განუცხადა. კობახიძის თქმით, „დიფ სთეითის“ დამარცხების შემთხვევაში, საქართველო-ამერიკის შეერთებული შტატების ურთიერთობა დალაგდება. „გვაქვს ოპტიმისტური მოლოდინი, რომ ტრამპის ადმინისტრაცია დაამარცხებს „დიფ სთეითს“ და ეს თუ ასე მოხდება, ამ შემთხვევაში, დალაგდება ურთიერთობები საქართველოსა და აშშ-ს შორის. არიან ადამიანები, რომლებიც არიან არა პრეზიდენტი ტრამპის გავლენის ქვეშ, არამედ „დიფ სთეითის“ გავლენის ქვეშ. მაგალითად, ჯო უილსონი არის თავიდან ბოლომდე „დიფ სთეითი“. ის არ არის ტრამპის გავლენის ქვეშ“, – აღნიშნა კობახიძემ.

„როგორ შეიძლება, „MEGOBARI აქტი“ ერქვას აქტს, რომელიც ქართველი ხალხის მიმართ და ქართველი ხალხის მიერ არჩეული ხელისუფლების მიმართ მტრული დამოკიდებულებით არის“, – ამის შესახებ „ქართული ოცნების“ თავმჯდომარემ, პრემიერ-მინისტრმა, ირაკლი კობახიძემ განაცხადა. როგორც კობახიძემ მედიის წარმომადგენლებთან საუბრისას აღნიშნა, „MEGOBARI აქტი“ მტრული აქტია. „მოკლედ გიპასუხებთ „MEGOBARI აქტთან“ დაკავშირებით, რომელიც სინამდვილეში არის მტრული აქტი და აქ ვლინდება კიდევ ერთხელ ორუელისეული მიდგომა, რომ მეგობარი არის მტერი, ომი არის მშვიდობა და ა.შ. როგორ შეიძლება, „MEGOBARI აქტი“ ერქვას აქტს, რომელიც ქართველი ხალხის მიმართ და ქართველი ხალხის მიერ არჩეული ხელისუფლების მიმართ მტრული დამოკიდებულებით არის. ეს არის, რა თქმა უნდა, მტრული აქტი“, –…

„ქართული ოცნების“ პოლიტიკური საბჭოს განახლებული შემადგენლობა დამტკიცდა. გადაწყვეტილება „ქართული ოცნების“ წევრებმა დღეს გამართულ რიგით მე-9 ყრილობაზე მიიღეს. პოლიტიკური საბჭოს შემადგენლობაში არიან: ბიძინა ივანიშვილი, ირაკლი კობახიძე, კახა კალაძე, შალვა პაპუაშვილი, მამუკა მდინარაძე, გიორგი ვოლსკი, თეა წულუკიანი, ვახტანგ გომელაური, ირაკლი ჩიქოვანი, მაკა ბოჭორიშვილი, ნიკოლოზ სამხარაძე, მარიამ ქვრივიშვილი, დიმიტრი სამხარაძე, სულხან თამაზაშვილი, ნინო წილოსანი. დღესვე ყრილობაზე პარტია „ქართული ოცნების“ თავმჯდომარედ პრემიერ-მინისტრი ირაკლი კობახიძე აირჩიეს.

„ქვეყანაში ღრმა პოლიტიკური კრიზისია“, – ამის შესახებ საქართველოს ყოფილმა პრეზიდენტმა, სალომე ზურაბიშვილმა განაცხადა. როგორც ზურაბიშვილმა ცოტა ხნის წინ გამართულ საგანგებო ბრიფინგზე აღნიშნა, საქართველო იზოლაციაში ექცევა მთავარ პარტნიორებთან, რასაც მისივე თქმით, „MEGOBARI აქტი“ და გამოქვეყნებული სია მოწმობს. „ეს მაჩვენებელია იმის, რომ ქვეყანაში ღრმა პოლიტიკური კრიზისია. კრიზისი ექვსი თვეა გრძელდება და ქვეყანა პარალიზებულია, მაგრამ „MEGOBARI აქტი“და ის სია, რომელიც გამოქვეყნდა და რომელიც პრაქტიკულად, „ქართული ოცნების” ყველა მაღალჩინოსანს ეხება და ალბათ, ამით არ მთავრდება, ნიშნავს იმას, რომ ჩვენ იზოლაციაში შევდივართ. ქვეყანა ჩვენს მთავარ პარტნიორებთან იზოლაციაში შედის. ერთი მხრივ, ევროკავშირთან, რომელსაც ყოველდღიურად „ქართული ოცნების”…

„ჩვენ ვერავის მივცემთ უფლებას, სიძულვილით გახლიჩოს ქართული საზოგადოება“, – ამის შესახებ „ქართული ოცნების“ ახლადარჩეულმა თავმჯდომარემ, მოქმედმა პრემიერ-მინისტრმა, ირაკლი კობახიძემ პარტიის მე-9 ყრილობაზე სიტყვით გამოსვლისას განაცხადა. როგორც კობახიძემ აღნიშნა, „ქართული პოლიტიკიდან რადიკალების ჩამოშორების შემდეგ სიძულვილი დამარცხდება“. მისივე თქმით, ხელისუფლებას აქვს 2 ეროვნული მიზანი, მათ შორის ერთი ქვეყნის საზოგადოებისა და საქართველოს ტერიტორიული გამთლიანებაა. „ჩვენ გვაქვს მკაფიო სახელმწიფოებრივი ამოცანები. ეს არის: დემოკრატიული სისტემისა და სამართლის უზენაესობის კიდევ უფრო განმტკიცება, საქართველოს დამოუკიდებლობისა და უსაფრთხოების გაძლიერება, ქართული ეკონომიკის განვითარება, საქართველოს საგარეო პოლიტიკური პოზიციების გამყარება, ევროკავშირში საქართველოს გაწევრიანება. სახელმწიფოებრივ ამოცანებთან ერთად, ჩვენ გვაქვს ორი ეროვნული მიზანი –…

„ადგილობრივი თვითმმართველობის არჩევნების სამზადისი დაწყებული გვაქვს“, – ამის შესახებ „ქართული ოცნების“ ახლადარჩეულმა თავმჯდომარემ, მოქმედმა პრემიერ-მინისტრმა, ირაკლი კობახიძემ პარტიის მე-9 ყრილობაზე სიტყვით გამოსვლისას განაცხადა. როგორც კობახიძემ აღნიშნა, „ქართული ოცნება“ არჩევნებს 64-ვე მუნიციპალიტეტში მოიგებს. „ადგილობრივი თვითმმართველობის არჩევნებამდე 5 თვეზე ნაკლებია დარჩენილი. არჩევნებისთვის სამზადისი დაწყებული გვაქვს და რამდენიმე კვირაში უკვე ოფიციალურად გავხსნით საარჩევნო კამპანიას. პარტია სრულად იქნება მობილიზებული მე-10 საიუბილეო გამარჯვებისთვის და ეს გამარჯვება იქნება კიდევ ერთი მნიშვნელოვანი ნაბიჯი კიდევ უფრო ძლიერი, კიდევ უფრო წელში გამართული, კიდევ უფრო განვითარებული საქართველოსკენ. ქართველი ხალხის მხარდაჭერით, ჩვენ მოვიგებთ მერის და საკრებულოს არჩევნებს 64-ვე მუნიციპალიტეტში, რათა არცერთ…

პოლიტიკურ გაერთიანება „ქართულ ოცნებას“ მოქმედი პრემიერ-მინისტრი ირაკლი კობახიძე უხელმძღვანელებს. კობახიძე პარტიის თავმჯდომარედ „ქართული ოცნების“ მე-9 ყრილობაზე აირჩიეს. მან სიტყვით გამოსვლისას თანაგუნდელებს ნდობის გამოცხადებისთვის მადლობა გადაუხადა. „ქართული ოცნების“ თავმჯდომარეობა, რა თქმა უნდა, არის ძალიან დიდი პასუხისმგებლობა და ამასთან ერთად, ბუნებრივია, არის ძალიან დიდი პატივი. მხარდაჭერისთვის და გამოცხადებული ნდობისთვის თითოეულ თქვენგანს ძალიან დიდი მადლობა მინდა გადაგიხადოთ“,- აღნიშნა კობახიძემ, რომელიც პარტიის თავმჯდომარის თანამდებობას 2021-2024 წლებშიც იკავებდა. შეგახსენებთ, „ქართული ოცნების“ თავმჯდომარის პოსტი ვაკანტური მას შემდეგ გახდა, რაც ირაკლი ღარიბაშვილმა აღნიშნული თანამდებობა დატოვა და პოლიტიკიდან წასვლის შესახებ განაცხადა.