დღე: მაისი 5, 2025

ახალციხეში მდებარე კერძო ბაგა–ბაღში 2 წლის ბავშვი გარდაიცვალა.  ინფორმაციას ადგილობრივი მედია ავრცელებს. შემთხვევის ადგილზე ექსპერტ–კრიმინალისტები მუშაობენ. რა გახდა მისი გარდაცვალების მიზეზი, ამ ეტაპზე უცნობია. მომხდარზე გამოძიება სისხლის სამართლის კოდექსის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.

ენერგოომბუდსმენი ნინო გულეიშვილი მოქალაქეებს მოუწოდებს, ბუნებრივი აირის ქსელის შემოწმებასთან დაკავშირებული შეტყობინებები უყურადღებოდ არ დატოვონ. როგორც გულეიშვილმა „მედიაცენტრ მთავართან“ განაცხადა, ძალიან ბევრი მომხმარებელი ფლობს ისეთ საშიშ დანადგარს, გამათბობელს, რომლის გამოყენებაც კონკრეტულ სივრცეში არ შეიძლება. „წელს, სამწუხაროდ, დაფიქსირდა ცალკეული შემთხვევა, სადაც იყო გარდაცვალების ფაქტი. რა თქმა უნდა, ასეთი ფაქტები შემცირებულია და ეს გარკვეულწილად არის იმის დამსახურებაც, რომ კომპანიებმა დაიწყეს მომხმარებლების ინფორმირება, შემოწმებების ჩატარება. ჩვენ ვნახეთ კომპანიების მიერ მოწოდებული სტატისტიკა, საიდანაც ირკვევა, რომ ჯერ კიდევ ძალიან ბევრი მომხმარებელი ფლობს ისეთ დანადგარს, რომლის ფლობაც, გამოყენებაც იმ სივრცეში არ შეიძლება“, – აღნიშნა ენერგოომბუდსმენმა „მედიაცენტრ მთავართან“.…

თბილისში, „სადგურის მოედანზე“ მკვლელობა მოხდა. მოკლულია ახალგაზრდა კაცი. არსებული ინფორმაციით, მამაკაცს დაზიანება სახის არეში აღენიშნება. შემთხვევის ადგილზე ამ წუთებში საგამოძიებო მოქმედებები მიმდინარეობს. მომხდართან დაკავშირებით სხვა დეტალები ჯერჯერობით უცნობია.

გურჯაანის მუნიციპალიტეტის სოფელ ველისციხეში  30 წლამდე მამაკაცი დაჭრეს. ადგილობრივების ინფორმაციით, მამაკაცს დაზიანება ცეცხლსასროლი იარაღიდან მიაყენეს. დაჭრილი „ჯეო ჰოსპიტალსის“ კლინიკაში შეიყვანეს. მომხდარზე დაწყებულია გამოძიება.

ღია ბაზრების უკონტროლობის გამო, ხშირია ქიმიურად და მიკრობიოლოგიურად დაბინძურებული პროდუქციის მოხმარება. ამ საკითხზე „მედიაცენტრ მთავარში“  გაეროს სურსათისა და სოფლის მეურნეობის ექსპერტმა, ეკოტოქსიკოლოგმა ხათუნა ახალაიამ ისაუბრა და აღნიშნა, რომ ბაზარში ნაყიდი პროდუქტი მიკრობიულოგიურად დაბინძურებულია. „აგრალურ ბაზრებზე 2 მიმართულების პრობლემა არსებობს.  ერთია პრუდუქტის ქიმიური დაბინძურება, რომელიც პესტიციდს ეხება და მეორე მიკრობიოლოგიური დაბინძურება, რომელიც უშუალოდ ბაზარში, დახლებზე ხდება, დაბინძურებული დახლები, ტილოები, იწმინდება დახლი თუ უშუალოდ ხილი და ბოსტნეული, ასევე წყალი რითაც ნამავენ ბოსტნეულს.  მაგალითად, მწვანილი, რომელსაც თითქმის ყველაფერში იყენებთ, პესტიციდების კუთხით საკმაოდ საფრთხის შემცველია, ქიმიური დაბინძურების კუთხით. თითქმის ყველა პროდუქტზე შეიძლება მიიტანოთ ეჭვი. ასევე,…

კლინიკა „ვივამედში“ გარდაცვლილი პატიმრის ადვოკატი მუხრან ღურწკაია აცხადებს, რომ იოსებ გორგაძეს თავის და სახის მიდამოებში 30-ზე მეტი დაზიანება აღენიშნებოდა. ღურწკაიას თქმით, წარმოუდგენელია, რომ პატიმარს „ერთი წაქცევით ეს დაზიანებები მიეღო“. „გამოძიება მიმდინარეობს, დაახლოებით, 4 თვეა, მაგრამ არანაირი შედეგი – არავისთვის არც ბრალი წაუყენებიათ, არც დაუკავებიათ და დევნა არავის მიმართ არ დაწყებულა. პირიქით, გამოძიებას აქვს ის ვერსია, რომ სავარაუდოდ, იოსებ გორგაძე წაიქცა და მიიღო დაზიანებები. მას აქვს თავის და სახის მიდამოებში, დაახლოებით, 30-ზე მეტი დაზიანება და წარმოუდგენელია, რომ ერთი წაქცევით ეს დაზიანებები მიეღო. წარმოუდგენელია, რომ მარტო პატიმრებს გაეკეთებინათ ეს. ამაში, სავარაუდოდ, არის გარეული დაწესებულების თანამშრომლების…

საქართველოში მოსალოდნელი ამინდის შესახებ გარემოს ეროვნული სააგენტო მოსახლეობას აფრთხილებს. როგორც სააგენტოს მიერ გავრცელებულ ინფორმაციაშია ნათქვამია, მოსალოდნელია წვიმა, ელჭექი, სეტყვა და ქარის გაძლიერება. „5 მაისის დღის მეორე ნახევრიდან 6 მაისის დილამდე, აღმოსავლეთ საქართველოში მოსალოდნელია წვიმა, ზოგან ძლიერი, შესაძლებელია ელჭექი, სეტყვა და ქარის გაძლიერება. მოსალოდნელმა ნალექებმა, შესაძლებელია, აღმოსავლეთ საქართველოს მდინარეებზე წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა – გააქტიურება გამოიწვიოს (საფრთხის დონე საშუალო)“, – აღნიშნულია სააგენტოს ინფორმაციაში.

საქართველოს პროკურატურამ ნარკოტიკული საშუალების უკანონო შეძენა, შენახვის და გასაღების ფაქტებზე 5 ადამიანს ბრალდება წარუდგინა. როგორც პროკურატურის მიერ გავრცელებულ განცხადებაშია ნათქვამი, შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულებმა უკანონოდ შეიძინეს და ინახავდნენ ნარკოტიკულ საშუალებებს, რომლის რეალიზაციასაც ახდენდნენ. „გატარებული ღონისძიებების შედეგად ამოღებულია ნარკოტიკული საშუალება „ტეტრაჰიდროკანაბინოლი“, „ჰეროინი“ და „მარიხუანა“. 3 ადამიანს ბრალდება სისხლის სამართლის კოდექსის 260-ე მუხლის მე-3, მე-4 და მე-5 ნაწილებით წარედგინა, რაც სასჯელის სახედ და ზომად 17 წლამდე თავისუფლების აღკვეთას ითვალისწინებს. 2 ადამიანს ბრალდება სისხლის სამართლის კოდექსის 273 პრიმა მუხლის მე-2 და მე-8 ნაწილებით წარედგინა, რაც სასჯელის სახედ და…