დღე: მაისი 4, 2025

აშშ-ის პრეზიდენტმა დონალდ ტრამპმა განაცხადა, რომ მეორე ვადის ამოწურვის შემდეგ თეთრ სახლს დატოვებს. ტრამპმა ასევე ხაზი გაუსვა რესპუბლიკური პარტიიდან რამდენიმე კანდიდატს, რომლებიც, მისი თქმით, შეძლებენ კენჭისყრას, მას შემდეგ, რაც ის რესპუბლიკური პარტიის არჩეული ლიდერის თანამდებობას დაასრულებს. „მე რვა წლით პრეზიდენტი ვიქნები, მე ვიქნები პრეზიდენტი ორი ვადით. ყოველთვის ვფიქრობდი, რომ ეს ძალიან მნიშვნელოვანი იყო“, – განაცხადა ტრამპმა.  

სლოვაკეთის პრემიერ-მინისტრი რობერტ ფიცო აცახდებს, რომ 9 მაისს მოსკოვში ჩავა. მან ასევე გააკრიტიკა უკრაინის პრეზიდენტი იმ განცხადების გამო, სადაც ზელენსკიმ თქვა, რომ ვერ უზრუნველყოფს 9 მაისს მოსკოვში ჩასული ლიდერების უსაფრთხოებას. “მე ჩავალ გამარჯვების 80 წლისთავისადმი მიძღვნილ ღონისძიებაზე მოსკოვში. ზელენსკი ცდება, თუ ფიქრობს, რომ უცხოური დელეგაციები არ ჩავლენ მოსკოვში”- ამბობს ის. სამედიცინო დაწესებულება დატოვა სერბეთის პრეზიდენტმა, თუმცა უცნობია ჩავა თუ არა ის მოსკოვში.

უკრაინის ევროკავშირში გაწევრიანება უნგრეთის გარეშე შეუძლებელია.  ამის შესახებ პრემიერ-მინისტრი, ვიქტორ ორბანი სოციალურ პლატფორმა X-ზე წერს. „პრეზიდენტმა ვოლოდიმირ ზელენსკიმ გუშინ უნგრელ ხალხს მიმართა. ბატონო პრეზიდენტო! იმას, თუ რას ფიქრობს უნგრელი ხალხი არ წყვეტს კიევში პრეზიდენტი ან ბრიუსელში ბიუროკრატები. უკრაინის ევროკავშირში გაწევრიანება უნგრეთის გარეშე შეუძლებელია. ყველა უნგრელი იტყვის თავის სათქმელს ამ საკითხზე. მოგწონთ ეს თუ არა, ასე ვმოქმედებთ აქ“ – წერს ორბანი. შეგახსენებთ, ზელენსკიმ განაცხადა, რომ უნგრელების აბსოლუტური უმრავლესობა მხარს უჭერს ევროკავშირში უკრაინის გაწევრიანებას, ქვეყნის პრემიერ-მინისტრის ვიქტორ ორბანის პოზიციის მიუხედავად, რომელმაც შესაბამისი ღია გამოკითხვა დააინიცირა.

ფილიპინების დედაქალაქში უბედურ შემთხვევას ორი ადამიანი ემსხვერპლა, მათ შორისაა 4 წლის ბავშვი. არინ დაშავებულებიც. მანილას საერთაშორისო აეროპორტის ერთ-ერთ შესასვლელს, დილის საათებში, მანქანა შეეჯახა. ადგილზე ტელეფონით გადაღებულ ვიდეოს “წითელი ჯვარი” ავრცელებს. მომხდარზე მიმდინარეობს გამოძიება, დაშავებულები კლინიკებში გადაიყვანეს.

უკრაინის პრეზიდენტი, ვოლოდიმირ ზელენსკი, პირველ ლედისთან, ოლენა ზელენსკასთან ერთად ოფიციალური ვიზიტით ჩეხეთში ჩავიდა. ინფორმაციას  ზელენსკი სოციალური ქსელის საშუალებით ავრცლებს. “რაც მთავარია, ჩვენ მადლობას ვუხდით ჩეხეთს პრინციპული მხარდაჭერისა და ჩვენი თანამშრომლობის გაძლიერებისთვის. ჩეხეთის საარტილერიო ინიციატივა ეფექტური აღმოჩნდა და ჩვენ ამ ძალისხმევას გავაგრძელებთ. თანამშრომლობის კიდევ ერთი სფეროა ჩვენი სამხედრო ავიაციის განვითარება, პილოტების მომზადების პროგრამების გაფართოება და ჩვენი F-16 ფლოტის მხარდაჭერა. ჩეხეთის რესპუბლიკასთან და საავიაციო კოალიციის სხვა წევრებთან ერთად, ჩვენ უკრაინისთვის კარგ ამბებს ვამზადებთ” – წერს ზელენსკი. მისი თქმით, ჩეხეთში გამართულ შეხვედრებზე ასევე განიხილავენ ომის დასრულების მიზნით რუსეთზე ერთობლივი ზეწოლის განხორციელებას.

უნგრეთის პრემიერ-მინისტრი ვიქტორ ორბანი გერმანიის ულტრამემარჯვენე პარტიას „ალტერნატივა გერმანიისთვის“ მხარდაჭერას ღიად უცხადებს. „რა ჯანდაბა ხდება გერმანიაში? შეგიძლიათ, ჩვენი იმედი გქონდეთ“, – წერს ორბანი სოციალურ ქსელში. ორბანმა მხარდაჭერა გამოუცხადა პარტიის ლიდერს, ალისა ვაიდენს. გერმანიაში პარტია „ალტერნატივა გერმანიისთვის“ მემარჯვენე ექსტრემისტულ ორგანიზაციად გამოაცხადეს.

“რუსები 9 მაისს ცეცხლის შეწყვეტას ითხოვენ, მაშინ, როცა ისინი თავად ყოველდღე ურტყამენ უკრაინას. ეს უმაღლესი დონის ცინიზმია” – ამის შესახებ უკრაინის პრეზიდენტმა, ვოლოდიმირ ზელენსკი განაცხადა. მისი თქმით, ღამით რუსები თავს დაესხნენ კიევის, ჩერკასის, ხარკოვის, მიკოლაივისა და კიევის ოლქებს. „რუსები 9 მაისს ცეცხლის შეწყვეტას ითხოვენ, მაშინ, როცა ისინი თავად ყოველდღე ურტყამენ უკრაინას. ეს უმაღლესი დონის ცინიზმია. საჭიროა ნამდვილი ცეცხლის შეწყვეტა. უკრაინა მზადაა ცეცხლის შეწყვეტისთვის ნებისმიერი დღიდან, მაგრამ სულ მცირე ერთი თვით, რათა ომი დასრულდეს. თუ სიჩუმეა, მაშინ ყოველდღიურად უნდა იყოს, თუ ცეცხლის შეწყვეტაა, მაშინ არა მათ დღესასწაულებზე, არამედ ყოველდღე უნდა იყოს“ – აღნიშნა…

იაპონიის პრემიერ-მინისტრმა, შიგერუ იშიბამ განაცხადა, რომ აშშ-ის პრეზიდენტის, დონალდ ტრამპის დამატებითი სატრანსპორტო ტარიფებით, რომლებიც ძალაში შევიდა, უკიდურესად იმედგაცრუებულია. იშიბამ აღნიშნა, რომ ორმა ქვეყანამ შეძლო კონსტრუქციული განხილვების გამართვა ტარიფებზე, მათ შორის ავტომობილების, ფოლადისა და ალუმინის ტარიფებზე, მაგრამ ვერ შეძლეს შეთანხმების მიღწევა. „ძალიან იმედგაცრუებული ვარ, რომ ძალაში შევიდა დამატებითი ტარიფები ავტომობილების ნაწილებზე. ჩვენი პოზიცია არ შეცვლილა. გავაგრძელებთ აშშ-ის მიერ მიღებული სატარიფო ზომების სერიის გადახედვის მოთხოვნას. როგორც უკვე ვთქვი, კვლავ არსებობს პოზიციების სხვაობა აშშ-სა და იაპონიას შორის და ჯერ არ ვართ იმ მდგომარეობაში, რომ შეთანხმების წერტილი ვიპოვოთ“, – აღნიშნა იშიბამ. ტრამპის მიერ დაწესებული…

„ჰუსიტებმა“ იემენიდან ისრაელის ბენ გურიონის აეროპორტს ბალისტიკური რაკეტით დაარტყეს. მომხდარის გამო აეროპორტი დროებით დაიხურა. ინფორმაციას The Times of Israel-ი ავრცელებს. გამოცემის ცნობით, სარაკეტო თავდასხმის შედეგად ექვსი ადამიანი მსუბუქად დაშავდა. თავდასხმას ისრაელის თავდაცვის მინისტრი ისრაელ კაცი გამოეხმაურა. „ვინც არ უნდა დაგვაზიანოს, შვიდმაგად დავარტყამთ” – განაცხადა კაცმა.

სამხრეთ სუდანში დაიბომბა ქალაქ ფანგაკის საავადმყოფო. გავრცელებული ინფორმაციით, დაიღუპა 7 და დაშავდა  20-მდე ადამიანი. “მკაცრად ვგმობთ ძველ ფანგაკში მდებარე საავადმყოფოს მიზანმიმართულ დაბომბვას. შეაჩერე დაბომბვა. დაიცავი მშვიდობიანი მოსახლეობა. დაიცავი ჯანდაცვა” – აღნიშნულია სამედიცინო საქველმოქმედო ორგანიზაციის განცხადებაში. არსებული ინფორმაციით, ეს იყო ქვეყნის ჩრდილოეთ ნაწილში მოქმედი ბოლო სამედიცინო დაწესებულება.