დღე: მაისი 3, 2025

რუსთაველის გამზირი გადაიკეტა. აქციის მონაწილეებს ადგილზე მიტანილი აქვთ სხვადასხვა წარწერით ბანერი, ასევე, საქართველოსა და ევროკავშირის დროშები. პარალელურად, სხვადასხვა ფრაზებს სკანდირებენ. მოქალაქეებს, რომლებიც საკანონმდებლო ორგანოსთან არიან შეკრებილი, უცვლელი მოთხოვნები აქვთ – დაინიშნოს ახალი არჩევნები და გათავისუფლდნენ აქციების პერიოდში დაკავებულები. საპროტესტო აქციები სხვა ქალაქებშიც გაიმართა.

ამერიკის კინოაკადემიის უმაღლესი ჯილდოს – ოსკარის მფლობელის, იტალიელი მსახიობის სოფი ლორენის შვილი, მცხეთაში მოინათლა. კარლო პონტი სამთავროს მონასტერში გაქრისტიანდა. მას სახელი გაბრიელი, წმინდა მამა გაბრიელის საპატივცემულოდ დაერქვა. ფოტოზე, რომელიც ნათლობის დღესაა გადაღებული, სოფი ლორენის შვილი, კარლო პონტი, მისი ქართველი მეუღლე მარიამ შარმანაშვილი და დედაოები არიან.

“ბათუმელებისა” და “ნეტგაზეთის” დამფუძნებელი მზია ამაღლობელი საპატიმროდან კოლეგებს მიმართავს. ამაღლობელი მედიის წარმომადგენლებს პრესის თავისუფლების მსოფლიო დღეს ულოცავს. “გილოცავთ კოლეგებს, კოლეგებს, რომლებიც ქართულ კრიტიკულ მედიას და საზოგადოებრივ ინტერესებს წარმოადგენთ. შთამაგონებელია თქვენი სოლიდარობა და დასანანია, რომ თქვენ გვერდით არ ვარ ახლა, როცა სრულიად დაუცველ გარემოში გიწევთ მუშაობა და თქვენს ყოველდღიურ თავგანწირვაზეა დამოკიდებული, ისმოდეს უსამართლობის და წინააღმდეგობის ხმა, ხმა, რომელსაც ძალადობით, შანტაჟით, მუქარით და ათასგვარი გამოგონილი სასჯელით ახშობს ოლიგარქის რეჟიმი. აქ პატიმრობისას განსაკუთრებით გამიძლიერდა გრძნობა, რომ ჩვენი პროფესია, ჟურნალისტიკა გაცილებით მეტია, ვიდრე ინფორმაციის მოძიება, დამუშავება და გავრცელება. ბოტების, ტროლების, პროპაგანდის და ოლიგარქების სამყაროში…

ხო­ბის მუ­ნი­ცი­პა­ლი­ტე­ტის სო­ფელ ჭა­ლა­დიდ­ში მომ­ხდა­რი ავა­რი­ის შე­დე­გად 22 წლის მამაკაცი გარდაიცვალა, ხოლო 10 წლის ბიჭი დაშავდა. ერთმანეთს დის­ტრი­ბუ­ცი­ი­სა და სატ­ვირ­თო ავ­ტო­მან­ქა­ნე­ბი შე­ე­ჯა­ხა. შემ­თხვე­ვის შე­დე­გად, დის­ტრი­ბუ­ცი­ის მან­ქა­ნის მძღო­ლი გარდაიცვალა. გარ­დაც­ვლი­ლი ახალ­გაზ­რდა გი­ორ­გი ჟორ­ჟო­ლი­ა­ნია. ის ქუ­თა­ი­სი­დან იყო. მას მე­უღ­ლე და ორი მცი­რე­წლო­ვა­ნი შვი­ლი დარ­ჩა. მომ­ხდარ ავ­ტო­საგ­ზაო შემ­თხვე­ვას­თან და­კავ­ში­რე­ბით და­წყე­ბუ­ლია გა­მო­ძი­ე­ბა.    

საქართველოს შინაგან საქმეთა სამინისტროში აცხადებენ, რომ გამოძიება ცეცხლსასროლი იარაღის უკანონო შეძენა-შენახვა-ტარებისა და ჯანმრთელობის განზრახ ნაკლებად მძიმე დაზიანების ფაქტებზე გუდიაშვილის ბაღის მიმდებარედ მომხდართან ინციდენტს, რა დროსაც ორი ადამიანი დაიჭრა. უწყების ცნობთ, გამოძიება სისხლის სამართლის კოდექსის 236-ე და 118-ე მუხლებით მიმდინარეობს. „გამოძიებით დადგინდა, რომ მიმდინარე წლის 3 მაისს გუდიაშვილის ბაღის მიმდებარე ტერიტორიაზე უცნობ პირებს შორის მოხდა ურთიერთშელაპარაკება, რა დროსაც ცეცხლსასროლი იარაღით დაიჭრა ორი პირი, რომლებიც კლინიკაში გადაიყვანეს და მათ ჯანმრთელობას საფრთხე არ ემუქრება. საქმეზე გატარებული ოპერატიული ღონისძიებების შედეგად სამართალდამცველების მიერ დადგენილია დანაშაულის ჩამდენი პირი, რომლის დაკავების მიზნით საქმეზე მიმდინარეობს ყველა შესაბამისი საგამოძიებო მოქმედება“…

ხობის მუნიციპალიტეტის სოფელ ჭალადიდში ავტოსაგზაო შემთხვევას მსხვერპლი მოჰყვა.  არსებული ინფორმაციით ერთმანეთს დისტრიბუციისა და სატვირთო ავტომანქანები შეეჯახა. შემთხვევის შედეგად, დისტრიბუციის მანქანის მძღოლი, 25 წლამდე კაცი დაიღუპა, მანქანაში მყოფი მისი 10 წლის ძმა კი დაშავდა. მოზარდი სამედიცინო დაწესებულებაშია გადაყვანილი.

ლეგენდარული მოჭადრაკე, მსოფლიოს ხუთგზის ჩემპიონი ნონა გაფრინდაშვილი 84 წლის გახდა. ის პირველი ქალი, ვისაც საერთაშორისო დიდოსტატის წოდება მიენიჭა ვაჟთა შორის.  

აჭარის პოლიციის დეპარტამენტის თანამშრომლებმა, განსაკუთრებით დიდი ოდენობით ნარკოტიკული საშუალებების უკანონო შეძენა-შენახვისა და გასაღების მცდელობის ბრალდებით 1993 წელს დაბადებული ო.კ. და 1993 წელს დაბადებული მოლდოვის რესპუბლიკის მოქალაქე მ.პ. დააკავეს. შს სამინისტროს ინფოემაციით, დანაშაულები 20 წლამდე ან უვადო თავისუფლების აღკვეთას ითვალისწინებს. სამართალდამცველებმა ბათუმში, ბრალდებულების საცხოვრებელი სახლების ჩხრეკის შედეგად, ნივთმტკიცებად ამოიღეს ნარკოტიკული საშუალებები: „ალფა-პვპ”, „კლეფედრონი“ და „მეთადონი“. პოლიციამ,ასევე, ამოიღო ლოკაციაზე სარეალიზაციოდ განთავსებული ნარკოტიკული საშუალება, ელექტრო სასწორები და წებოვანი ლენტები. გამოძიება საქართველოს სისხლის სამართლის კოდექსის 260-ე და 19-260-ე მუხლებით მიმდინარეობს.  

შსს-ს საპატრულო პოლიციის, თბილისის, კახეთის, აჭარის, სამეგრელო-ზემო სვანეთის პოლიციის დეპარტამენტების თანამშრომლებმა, ბოლო პერიოდში ჩატარებული ოპერატიული ღონისძიებებისა და საგამოძიებო მოქმედებების შედეგად უკანონო ცეცხლსასროლი იარაღები და საბრძოლო მასალა ამოიღეს – დაკავებულია 12 ადამიანი. “ცეცხლსასროლი იარაღისა და საბრძოლო მასალის უკანონო შეძენა-შენახვა-ტარების ფაქტებზე დაკავებული არიან: 1997 წელს დაბადებული ვ.პ., 1974 წელს დაბადებული გ.კ. და თურქეთის რესპუბლიკის მოქალაქე 2002 წელს დაბადებული ს.ვ., ასევე, წარსულში ნასამართლევი პირები: 1998 წელს დაბადებული ჯ.თ., 1997 წელს დაბადებული თ.წ., 1977 წელს დაბადებული ვ.ბ., 1989 წელს დაბადებული ს.ჯ., 1973 წელს დაბადებული, ჯ.წ., 1985 წელს დაბადებული ნ.ბ., 1976 წელს დაბადებული მ.ც., 1983…