დღე: აპრილი 28, 2025

ელექტროენერგიის მიწოდების შეწყვეტის გამო ესპანეთში საგანგებო მდგომარეობა გამოცხადდა. ქვეყნის შინაგან საქმეთა სამინისტროს განცხადებით, საგანგებო მდგომარეობა ქვეყნის იმ რეგიონებში ამოქმედდება, რომლებიც ამას მოითხოვენ. დღეს ესპანეთსა და პორტუგალიაში ელექტროენერგიის მიწოდება შეწყდა, რამაც ორივე ქვეყანაში მნიშვნელოვანი შეფერხებები გამოიწვია. პორტუგალიის ელექტროქსელის ოპერატორმა REN-მა განაცხადა, რომ ქვეყანაში ელექტროენერგიის გათიშვა ესპანეთის ელექტროქსელში მომხდარმა გაუმართაობამ გამოიწვია, რაც შეიძლება „იშვიათ ატმოსფერულ ფენომენს“ უკავშირდებოდეს. ესპანეთის ელექტროქსელის ოპერატორის, Red Electricas-ს ინფორმაციით, იბერიის ნახევარკუნძულის ზოგიერთ ნაწილში ელექტროენერგიის მიწოდება აღდგა.

მეტი...

ევროპული საბჭოს პრეზიდენტის, ანტონიო კოშტას განცხადებით, ამ ეტაპზე არ არსებობს ნიშნები, რომ ესპანეთსა და პორტუგალიაში ელექტროენერგიის გათიშვა კიბერშეტევით იყო გამოწვეული. კოშტას თქმით, ის უკვე დაუკავშირდა ესპანეთის პრემიერ-მინისტრ პედრო სანჩესს და პორტუგალიის პრემიერ-მინისტრ ლუის მონტენეგროს და ორივე ქვეყნის ელექტროქსელის ოპერატორები მუშაობენ მომხდარის მიზეზის დადგენასა და ელექტროენერგიის მიწოდების აღდგენაზე. ესპანეთის პრემიერ-მინისტრს ასევე ესაუბრა ევროკომისიის პრეზიდენტი, ურსულა ფონ დერ ლაიენი. ესპანეთში ელექტროენერგიის მიწოდების აღდგენა დაიწყო  

მეტი...

ირანის ნავსადგურში აფეთქების შედეგად დაღუპულთა რაოდენობა 65-მდე გაიზარდა. „ამ საშინელი ინციდენტის შედეგად დაღუპულთა რიცხვი 65-მდე გაიზარდა“, – განუცხადა ირანის სახელმწიფო ტელევიზიას ჰორმოზგანის პროვინციის გუბერნატორმა, მოჰამად აშურიმ. მოჰამედ აშურის ცნობით, ბანდარ აბასში ხანძარი ჯერჯერობით სრულად ლიკვიდირებული არ არის. შეგახსენებთ, ირანის უდიდეს ნავსადგურ, ბანდარ აბასში აფეთქება შაბათს, 26 აპრილს მოხდა. ადგილობრივი ხელისუფლების ცნობით, აფეთქების შედეგად 1000-ზე მეტი ადამიანი დაშავდა. აფეთქების ზუსტი მიზეზი ჯერჯერობით უცნობია.

მეტი...

ესპანეთში ელექტროენერგიის მიწოდების აღდგენა დაწყებულია. მოქალაქეები იუწყებიან, რომ დენის მიწოდება უკვე აღდგა მალაგაში. როგორც ქვეყნის ტრანსპორტის მინისტრმა, ოსკარ პუენტემ განაცხადა,  დღეს ქვეყნის მასშტაბით მატარებლების მოძრაობა არ აღდგება. „ჩვენ ვმუშაობთ, რათა უზრუნველვყოთ, რომ როგორც კი დენის მიწოდება აღდგება, ჩვენმა სერვისებმა მუშაობა განაახლონ, რაც დღეს შესაძლებელი არ იქნება“, – განაცხადა მინისტრმა. მისივე თქმით, ესპანეთის აეროპორტები  ნორმალურად მუშობენ, რადგანაც მათ დენი გენერატორების საშუალებით მიეწოდებათ. ესპანეთსა და პორტუგალიაში დღეს ელექტროენერგია გაითიშა, რასაც ორივე ქვეყანაში პრობლემები მოჰყვა.  

მეტი...

სამხრეთ კორეის ქალაქ ჩონჯუში მდებარე ერთ-ერთ სკოლაში, შეიარაღებული თავდასხმა განხორციელდა.  18 წლის მოსწავლემ, სახის, მუცლისა და სხეულის სხვადასხვა არეში 6 ადამიანი დაჭრა, მათ შორის – მასწავლებელი. ისინი ახლომდებარე საავადმყოფოებში გადაიყვანეს. არცერთი დაჭრილის მდგომარეობა კრიტიკულად არ ფასდება, თუმცა რამდენიმე მათგანის მდგომარეობა მძიმეა. თავდასხმაში ბრალდებულმა გაქცევა სცადა, თუმცა მალევე დააკავეს.  

მეტი...

ლოს-ანჯელესის პოლიციამ ვუდლენდ ჰილსში მოკლული 47 წლის ალექსანდრე მოდებაძის მკვლელობაში ეჭვმიტანილები დააკავა. როგორც სამართალდამცველები აცხადებენ, მათ 38 წლის პაატა ყოჩიაშვილი, 46 წლის ზაზა ოთარაშვილი და 52 წლის ბესიკ ხუციშვილი დააკვეს. გამოძიების ცნობით, მკვლელობაში ეჭვმიტანილები მოდებაძის საცხოვრებელ სახლში, სავარაუდოდ, ძარცვის მიზნით შეიჭრნენ, რის შემდეგაც 47 წლის მამაკაცს ფიზიკურად გაუსწორდნენ. ალექსანდრე მოდებაძე მიყენებული დაზიანებების შედეგად გარდაიცვალა.

მეტი...

საფრანგეთის ციხეებზე განხორციელებული ტერორისტული თავდასხმის ბრალდებით, 28 აპრილს, სულ მცირე, 25 ადამიანი დააკავეს. ამის შესახებ ინფორმაციას სააგენტო Reuters-ი საფრანგეთის ეროვნულ ანტიტერორისტულ პროკურატურაზე (PNAT) დაყრდნობით ავრცელებს. PNAT-ის ცნობით, თავდაპირველად 22 პირის დაკავება მოხდა, 3 ადამიანი კი, მოგვიანებით აიყვანეს. მათივე ინფორაციით, 5 ღამის განმავლობაში, საფრანგეთის, სულ მცირე, 10 ციხეზე თავდასხმა ცეცხლსასროლი იარაღით მოხდა. ქვეყნის იუსტიციის მინისტრი ჟერალ დარმანენი და შინაგან საქმეთა მინისტრი ბრუნო რეტაიო აცხადებენ, რომ თავდასხმების უკან, სავარაუდოდ, დგანან ნარკომოვაჭრეები, რომლებიც მთავრობის მხრიდან კრიმინალური დაჯგუფებებთან ბრძოლას ეწინააღმდგებიან. გამოძიებაში პარიზის პროკურატურის ორგანიზებული დანაშაულის განყოფილება JUNALCO-ც არის ჩართული.

მეტი...

თურქეთში, ქალაქ სამსუნში მეწყერი ჩამოწვა, რის შედეგადაც 3 ადამიანი დაიღუპა, ხოლო ერთი დაშავდა. ამის შესახებ ინფორმაციას თურქული მედია ავრცელებს. მედიის ცნობით, შემთხვევას 35 წლის მამაკაცი და მისი 5 და 7 წლის ქალიშვილები ემსხვერპლნენ. რაც შეეხება დაშავებულს, ის დაღუპულების ოჯახის წევრი ქალია, რომელიც მრავლობითი დაზიანებებით სამედიცინო დაწესებულებაში გადაიყვანეს. როგორც თურქული მედია წერს, შემთხვევა ადგილობრივი დროით 23:20 საათზე, სამსუნ-ორდუს გზატკეცილზე მდებარე ბენზინგასამართ სადგურთან მოხდა. მეწყერის ჩამოწოლისას ტერიტორიაზე მანქანა იდგა, რომელშიც ერთი ოჯახის 4 წევრი იმყოფებოდა. მომხდართან დაკავშირებით პოლიციამ ერთი ადამიანი დააკავა, ხოლო კიდევ ერთი პირის სამძებრო ოპერაცია მიმდინარეობს.

მეტი...