დღე: აპრილი 27, 2025

რუსეთის საგარეო საქმეთა მინისტრი, სერგეი ლავროვი აცხადებს, რომ უკრაინასთან დაკავშირებით, კრემლი გარკვეული დათმობებისთვის მზადაა. “უკრაინასთან დაკავშირებით, რუსეთი გარკვეული დათმობებისთვის მზადაა. მე არაერთხელ გავუსვი ხაზი ჩვენს მზადყოფნას, ვეძიოთ ინტერესთა ბალანსი. აშშ-ის პრეზიდენტი თვლის, და მე სწორადაც მიმაჩნია, რომ ჩვენ სწორი მიმართულებით მივდივართ. პრეზიდენტის განცხადებაში შეთანხმებაზეა საუბარი და ჩვენ მზად ვართ შეთანხმების მისაღწევად, მაგრამ ჯერ კიდევ არსებობს კონკრეტული პუნქტები, ამ შეთანხმების ელემენტები, რომლებსაც დახვეწა სჭირდება და ჩვენ ახლა სწორედ ამით ვართ დაკავებულები“- აღნიშნა მან.  

უკრაინის პრეზიდენტი ვოლოდიმირ ზელენსკი აცხადებს, რომ უკრაინის ძალები რუსეთის კურსკისა და ბელგოროდის ოლქების ტერიტორიაზე აქტიურ თავდაცვით მოქმედებებს განაგრძობენ. „მრავალ მიმართულებაზე სიტუაცია კვლავ რთული რჩება. მხოლოდ ამ დღის ნახევარში ჩვენს პოზიციებზე რუსული ჯარების თითქმის 70 შეტევა განხორციელდა. ბრძოლები გრძელდება. ოკუპანტი აგრძელებს შეტევის მცდელობას”- აღნიშნავს ზელენსკი. ზელენსკის განცხადებით, შეტაკებების უმეტესობა პოკროვსკის, კრამატორსკის, ლიმანსკის და კურსკის მიმართულებით მიმდინარეობდა.

აშშ-ის სახელმწიფო მდივანმა მარკო რუბიომ განაცხადა, რომ მომდევნო კვირა გადამწყვეტი იქნება, უკრაინაში კონფლიქტის მოგვარების საკითხში. “ვფიქრობ, ეს ძალიან კრიტიკული კვირა იქნება. ეს კვირა მართლაც მნიშვნელოვანი კვირა იქნება და ჩვენ უნდა გადავწყვიტოთ, გავაგრძელებთ თუ არა ამ ომში მონაწილეობას, თუ დროა ყურადღება გავამახვილოთ სხვა საკითხებზე… მაგრამ ჩვენ გვინდა, რომ ეს მოხდეს, არსებობს ოპტიმიზმის საფუძველი, მაგრამ ასევე არსებობს რეალისტობის საფუძველი. ჩვენ ახლოს ვართ, მაგრამ საკმარისად ახლოს არ ვართ”- აღნიშნა რუბიომ.

პრეზიდენტი, ვოლოდიმირ ზელენსკი აცხადებს, რომ უკრაინა აგრძელებს თავისი დამოუკიდებლობისა და მიწის ბრძოლით დაცვას. მისივე თქმით, ფრონტის ხაზზე არსებული ვითარება ადასტურებს, რომ რუსეთზე მიმდინარე გლობალური ზეწოლა არასაკმარისია ამ ომის „რეალური დიპლომატიისთვის მეტი შესაძლებლობების შესაქმნელად რუსეთზე უფრო ხელშესახები ზეწოლაა საჭირო. მადლობას ვუხდი მსოფლიოში ყველას, ვინც უკრაინის გვერდით დგას“ – წერს ზელენსკი.

საფრანგეთის ულტრამემარჯვენე პარტიის, „ეროვნული გაერთიანების“ (RN) ლიდერის, ჯორდან ბარდელას თქმით, 2027 წლის საპრეზიდენტო არჩევნებში კენჭს იყრის, თუ მარინ ლე პენს არჩევნებში მონაწილეობას აუკრძალავენ. France 24-ის ინფორმაციით, 29 წლის ბარდელამ Le Parisien-თან ინტერვიუში მკაფიოდ მიანიშნა, რომ თუ მარინ ლე პენი კენჭისყრას ვერ შეძლებს, „ეროვნული გაერთიანების“ პარტიის პრეზიდენტობის კანდიდატი ის იქნება. „არ არსებობს ბუნდოვანება იმაში, რომ მარინ ლე პენი ჩემი კანდიდატია, მაგრამ თუ მას ხვალ კენჭისყრაში ხელს შეუშლიან, ვფიქრობ, შემიძლია გითხრათ, რომ მე მისი კანდიდატი ვიქნები. ამაზე უფრო ნათლად ვერ ვიტყვი“, – განუცხადა გამოცემას ჯორდან ბარდელამ. შეგახსენებთ, მიმდინარე წლის მარტში პარიზის სასამართლომ…

ირანის პრეზიდენტი მასუდ პეზეშკიანი ხვალ, 28 აპრილს აზერბაიჯანს ეწვევა. ინფორმაციას, აზერბაიჯანული მედია ავრცელებს. ირანის პრეზიდენტის თანმხლები დელეგაციის შემადგენლობაში შევა 120 ადამიანი, მათ შორის კერძო სექტორის წარმომადგენლები, ირანისა და აზერბაიჯანის მეგობრობის საპარლამენტთაშორისო ჯგუფის წევრები, ასევე ირანის ჩრდილო-დასავლეთის ოთხი პროვინციის გუბერნატორები. ვიზიტის ფარგლებში გათვალისწინებულია ორ ქვეყანას შორის ეკონომიკური თანამშრომლობის გაფართოება და კერძო სექტორის წარმომადგენელთა შემდგომი ვიზიტების დაგეგმვა.

ევროკომისარი თავდაცვის საკითხებში, ანდრიუს კუბილიუსი აცხადებს, რომ ნატო უკრაინისთვის რუსეთს მომავალი აგრესიის დაგეგმვას უადვილებს. „რუსეთი ითხოვს: არავითარი ნატო უკრაინისთვის. არა იმიტომ, რომ უკრაინის ტერიტორიიდან რუსეთის წინააღმდეგ ნატო-ს შეტევის შიში აქვთ, არამედ იმიტომ, რომ შიშობენ, რომ ნატო უკრაინას რუსეთის მომავალი აგრესიისგან დაიცავს. არავითარი ნატო უკრაინისთვის რუსეთს მომავალი აგრესიის დაგეგმვას უადვილებს“ – აცხადებს კუბილიუსი.

რუსეთის უსაფრთხოების ფედერალურ სამსახურში აცხადებენ, რომ გენერალ-ლეიტენანტ იაროსლავ მოსკალისიკის მკვლელობისთვის დააკავეს მანქანის დანაღმვაში ეჭვმიტანილი. მათი ინფორმაციით,  ის უკრაინული სპეცსამსახურების აგენტი იგნატ კუზინია. უწყების მტკიცებით, 1983 წელს დაბადებულმა კუზინმა შეიძინა მანქანა და დაამონტაჟა მასში ხელნაკეთი ასაფეთქებელი მოწყობილობა. უსაფრთხოების ფედერალური სამსახურის განცხადებით, ასაფეთქებელი მოწყობილობა დისტანციურად აამოქმედეს უკრაინის ტერიტორიიდან, როდესაც რუსი სამხედრო მაღალჩინოსანი სადარბაზოდან გამოდიოდა. ავტომობილი მოსკოვში პარასკევს, დილით აფეთქდა. აფეთქების შედეგად გარდაიცვალა რუსეთის შეიარაღებული ძალების გენშტაბის მთავარი ოპერატიული სამმართველოს უფროსის მოადგილე, გენერალ-ლეიტენანტი იაროსლავ მოსკალიკი.

ამერიკელი რესპუბლიკელი სენატორი ლინდსი გრემი აცხადებს, რომ სენატი მზად არის რუსეთის წინააღმდეგ დამატებითი სანქციების დასაწესებლად. სენატორი პრეზიდენტ ტრამპის გუშინდელ განცხადებას გამოეხმაურა, რუსეთის წინააღმდეგ საბანკო ან მეორადი სანქციების შესაძლო შემოღებასთან დაკავშირებით. „ძალიან ვაფასებ პრეზიდენტ ტრამპისა და მისი გუნდის გულმოდგინე მუშაობას უკრაინაში პუტინის ბარბაროსული ინტერვენციის დაწყებული ომის დასასრულებლად პატიოსანი და სამართლიანი გზით. პუტინის რუსეთის დამატებითი სანქციების დასაწესებლად მაქვს ორპარტიული კანონმდებლობა 60-მდე თანასპონსორით, რომელიც დააწესებს მეორად ტარიფებს ნებისმიერი ქვეყნისთვის, რომელიც რუსულ ნავთობს, გაზს, ურანს ან სხვა პროდუქტს ყიდულობს. სენატი მზად არის, ამ მიმართულებით გადადგას ნაბიჯი და ამას აბსოლუტური უმრავლესობით გააკეთებს, თუ რუსეთი არ მიიღებს…

აშშ-ის პრეზიდენტი დონალდ ტრამპი მიიჩნევს, რომ ქვეყანას „გაბედული მართლმსაჯულება“ სჭირდება ქვეყნიდან კრიმინალების გასაძევებლად. ტრამპის განცხადებით, შეუძლებელია სასამართლოში მილიონობით მიგრანტის საქმის განხილვა. „ჩვენ გვჭირდება გაბედული მართლმსაჯულება ქვეყანაში. თუ სასამართლოები არ დაგვრთავენ იმის ნებას, რისი გაკეთების უფლებაც 250 წლის განმავლობაში გვქონდა, ამერიკა აღარ იქნება იგივე. თაღლითი ჯო ბაიდენი გაანადგურებს ჩვენს ქვეყანას თავისი ღია საზღვრების სიგიჟით და ყველა სახის კრიმინალისთვის სასჯელის გარეშე შემოსვლის უფლების მიცემით. მკვლელები, ნარკომოვაჭრეები, კრიმინალური დაჯგუფების წევრები და ფსიქიკურად შეშლილები დასახლდებიან ჩვენს ქვეყანაში და დათესენ აქამდე არნახულ ქაოსს. შეუძლებელია სასამართლო პროცესების გამართვა მილიონობით ადამიანისთვის. ჩვენ ვიცით, ვინ არიან კრიმინალები და…

პაკისტანი ქაშმირის სადავო შტატში ტურისტებზე თავდასხმის ნეიტრალური გამოძიებას ინიციატივით გამოვიდა. ისინი მზად არიან თანამშრომლობისთვის, თუმცა სუვერენიტეტს არ დათმობენ. „პაკისტანი სრულად მზადაა, ითანამშრომლოს ნებისმიერ ნეიტრალურ გამომძიებლებთან, რათა უზრუნველყოს, რომ სიმართლე გამოაშკარავდეს და სამართლიანობა აღსრულდეს. პაკისტანი კვლავ ერთგულია მშვიდობის, სტაბილურობისა და საერთაშორისო ნორმების დაცვისა, მაგრამ არ დათმობს თავის სუვერენიტეტს“– განაცხადა პაკისტანის შინაგან საქმეთა მინისტრმა, მოჰსინ ნაქვიმ. ცნობისთვის, ქაშმირის შტატის იმ ნაწილში, რომელსაც ინდოეთი აკონტროლებს, თავდასხმა 22 აპრილს მოხდა. შედეგად, 26 ადამიანი დაიღუპა. ინდოეთის ხელისუფლების ცნობით, თავდამსხმელებიდან ორი პაკისტანის მოქალაქე იყო, რომელთა იდენტიფიცირებაც მოხერხდა.