დღე: აპრილი 25, 2025

მოსკოვთან რუსეთის შეიარაღებული ძალების გენერალური შტაბის მთავარი ოპერატიული სამმართველოს უფროსის მოადგილე იაროსლავ მოსკალიკი ააფეთქეს. ქვეყნის საგამოძიებო კომიტეტის თანახმად, სახლთან გაჩერებულ ავტომობილში თვითნაკეთი ასაფეთქებელი მოწყობილობა ამოქმედდა. ამ ეტაპზე სისხლის სამართლის საქმე აღძრულია მკვლელობის და ასაფეთქებელი ნივთიერებების უკანონო ბრუნვის მუხლებით.  

კრემლში აცხადებენ, რომ აშშ-სთან “პოზიციები დააახლოვეს”. ამის შესახებ რუსეთის პრეზიდენტის თანაშემწემ, იური უშაკოვმა რუსეთის პრეზიდენტის პუტინისა და ტრამპის წარმომადგენლის, სტივ უიტკოფის შეხვედრის შემდეგ რუსულ მედიასთან საუბარში განაცხადა. “რაც შეეხება უშუალოდ უკრაინულ კრიზისს, საუბარი მიდიოდა, კერძოდ, რუსეთისა და უკრაინის წარმომადგენლებს შორის პირდაპირი მოლაპარაკებების აღდგენის შესაძლებლობაზე”, – განაცხადა უშაკოვმა. ცნობისთვის, ეს უიტკოფის უკვე მეოთხე ვიზიტია მოსკოვში.

სააგენტო Reuters-ი ასაჯაროებს რუსეთ-უკრაინას შორის სამშვიდობო პროცესისთვის აუცილებელი წინადადებების სრულ ჩამონათვალს, რომელიც ამერიკის შეერთებული შტატების წარმომადგენელმა, სტივ უიტკოფმა ევროპელ ოფიციალურ პირებს 17 აპრილს, პარიზში გამართულ მოლაპარაკებებზე წარუდგინა. სააგენტოს ცნობით, სამშვიდობო გეგმა შემდეგ პუნქტებს მოიცავს: „რუსეთ-უკრაინის შეთანხმების ჩარჩო ზეპირად გადასაცემი მიმოხილვა: ეს პირობები ორივე მხარის მიმართ აშშ-ის საბოლოო შეთავაზებას წარმოადგენს. ცეცხლის შეწყვეტა – ცეცხლის მუდმივი შეწყვეტა, შეთანხმების ტექნიკურ განხორციელებაზე მოლაპარაკებებს ორივე მხარე დაუყოვნებლივ დაიწყებს. უკრაინის უსაფრთხოების გარანტია – უკრაინა იღებს უსაფრთხოების საიმედო გარანტიებს. გარანტორი სახელმწიფოები შექმნიან სპეციალურ ჯგუფს ევროპული და არაევროპული სახელმწიფოების მონაწილეობით; უკრაინა ნატო-ში გაწევრიანებას არ შეეცდება. უკრაინას შეეძლება ევროკავშირისკენ…

„ფრანს-პრესის“ ცნობით, დღეს ღამით ინდოეთისა და პაკისტანის ჯარისკაცებმა ქაშმირში, ორი ქვეყნის გამყოფ კონტროლის ხაზზე ერთმანეთს ცეცხლი გაუხსნეს. სროლის შესახებ ინფორმაცია ინდოეთის არმიამაც დაადასტურა და განაცხადა, რომ ცეცხლი პაკისტანმა გახსნა. შეგახსენებთ, ინდოეთსა და პაკისტანს შორის ვითარება მას შემდეგ დაიძაბა, რაც 22 აპრილს ქაშმირის ინდოეთის მიერ კონტროლირებად ტერიტორიაზე შეიარაღებულმა პირებმა ტურისტების ჯგუფს ცეცხლი გაუხსნეს, რის შედეგადაც 26 ადამიანი დაიღუპა. ინდოეთის პოლიციამ სამი ეჭვმიტანილის ვინაობის შესახებ გაავრცელა ინფორმაცია და განაცხადა, რომ მათგან ორი პაკისტანის მოქალაქეა. თავდასხმის შემდეგ ინდოეთმა პაკისტანთან მთავარი სასაზღვრო გამშვები პუნქტი დახურა, დიპლომატები გააძევა და ინდის წყლების განაწილების შესახებ ხელშეკრულება შეაჩერა,…

აშშ-ს პრეზიდენტი, დონალდ ტრამპი ფიქრობს, რომ ირანთან შეთანხმებას მიაღწევს. კითხვაზე, შეაჩერა თუ არა ისრაელის მიერ ირანის ბირთვულ ობიექტებზე თავდასხმა და ფიქრობს თუ არა, რომ ისრაელის პრემიერ-მინისტრი, ბენიამინ ნეთანიაჰუ ირანის წინააღმდეგ ომში ჩაითრევს, დონალდ ტრამპმა უარყოფითი პასუხი გასცა. „მე ისინი არ შემიჩერებია. ვფიქრობ, ირანთან შეთანხმების მიღწევა თავდასხმის გარეშეც შეგვიძლია. შესაძლოა, ბენიამინ ნეთანიაჰუ ომში ჩაერთოს, მაგრამ მე საკუთარი სურვილის გარეშე ვერ ჩამითრევს. შეიძლება საკუთარი ნებით ჩავერთო. თუ შეთანხმებას ვერ მივაღწევთ, ამის სათავეში მე ვიქნები“, – აღნიშნა აშშ-ის პრეზიდენტმა.

აშშ-ის სახელმწიფო დეპარტამენტი „სამშობიარო ტურიზმის“ პრაქტიკის წინააღმდეგ ზომებს ამკაცრებს. ახალი რეგულაცია უცხო ქვეყნის მოქალაქეებს აფრთხილებს, არ ისარგებლონ ტურისტული ვიზით იმ მიზნით, რომ შეერთებულ შტატებში დაბადებულ შვილს ამერიკის მოქალაქეობა მიანიჭონ. სახელმწიფო დეპარტამენტი ასეთ მოქალაქეებს აფრთხილებს, რომ მომავალში შესაძლოა, მათ ვიზა გაუუქმდეთ ან აშშ-ში მოგზაურობა ვეღარ შეძლონ. ამ ფორმით, უწყებას სურს, დაიცვას ამერიკელი გადასახადების გადამხდელები.

დიდი ბრიტანეთის პრემიერ-მინისტრმა, კირ სტარმერმა იმედი გამოთქვა, რომ უკრაინაში ცეცხლის შეწყვეტა მიმდინარე წლის ზაფხულამდე გამოცხადდება. The Telegraph-ის ცნობით, დიდი ბრიტანეთის მთავრობის თავმჯდომარემ აღნიშნა, რომ მხარეები ახლა „მოლაპარაკებების ინტენსიურ სტადიაში“ იმყოფებიან. სტარმერი მოუწოდებს რუსეთს მოლაპარაკებების მაგიდას მიუსხდეს და ცეცხლის უპირობო შეწყვეტის შესახებ მსჯელობა დაიწყოს. სტარმერმა ხაზი გაუსვა იმას, რომ უკრაინამ თავად უნდა განსაზღვროს რუსეთთან ნებისმიერი სამშვიდობო შეთანხმების პირობები.

NATO-ს გენერალური მდივანი მარკ რუტე ევროკავშირსა და კანადას ალიანსის თავდაცვით ხარჯების გაზრდისა და „კვანტური ნახტომის“ განხორციელებისკენ მოუწოდებს. როგორც რუტემ ყოველწლიური ანგარიში წარდგენისას აღნიშნა, ევროპელმა მოკავშირეებმა და კანადამ 2024 წელს ნატო-ს ბიუჯეტში, 19.4%-ით მეტი ინვესტიცია განახორციელეს, ვიდრე წინა წელს, თუმცა, მისი თქმით, საჭიროა ამ ძალისხმევის კიდევ უფრო გაძლიერება. ანგარიშის მიხედვით, 2024 წელს აშშ-ს შენატანმა ნატო-ს თავდაცვით ხარჯებში 64% შეადგინა, ევროპელი მოკავშირეებისა და კანადის შენატანი კი 36% იყო. რაც შეეხება 2%-იან მაჩვენებელს, ალიანსის წევრი 32 ქვეყნიდან, 22-მა შეიტანა ნატო-ს ბიუჯეტში მშპ-ს 2%-ის ოდენობის თანხა. აღსანიშნავია, რომ აშშ-ი ნატო-ს ბიუჯეტში 2%-იანი შენატანის, 5%-მდე…

აშშ-ის პრეზიდენტმა, დონალდ ტრამპმა ჟურნალ Time-თან ინტერვიუში განაცხადა, რომ ყირიმის ნახევარკუნძული რუსეთის შემადგენლობაში დარჩება. ცნობისთვის, რამდენიმე დღის წინ მედიაში გავრცელდა ინფორმაცია, რომ ტრამპის ადმინისტრაცია უკრაინას სამშვიდობო მოლაპარაკებების ფარგლებში ყირიმის რუსეთის შემადგენლობაში აღიარება შესთავაზა, რაზეც უკრაინულმა მხარემ კატეგორიული უარი განაცხადა.

უკრაინამ ლონდონში 23 აპრილს გამართული მოლაპარაკებების დროს აშშ-ს საკუთარი ხუთპუნქტიანი სამშვიდობო გეგმა გადასცა. The Telegraph-ის ცნობით, გეგმის საკვანძო საკითხს ყირიმის ნახევარკუნძული წარმოადგენს. უკრაინის მოთხოვნების პირველ და მეორე პუნქტებში აქცენტი იმაზე კეთდება, რომ სამშვიდობო შეთანხმება საერთაშორისო სამართალს და არა კაპიტულაციას უნდა ეყრდნობოდეს. დოკუმენტში ცალკე საუბარი ეთმობა ჩინეთის შესაძლო შეჭრა ტაივანში. უკრაინა აგრეთვე ითხოვს უსაფრთხოების მკაფიო გარანტიებს. დოკუმენტის მესამე პუნქტში საუბარია იმაზე, რომ უკრაინა სამშვიდობო პროცესის ცენტრში უნდა დაბრუნდეს. მეოთხე პუნქტი აშშ-ს და ნატოს აფრთხილებს, რომ ყირიმზე რუსეთის მიერ კონტროლის შენარჩუნება საფრთხეს უქმნის არა მხოლოდ უკრაინას, არამედ შავი ზღვის სხვა ქვეყნებს –…

ვლადიმერ პუტინი აშშ-ის პრეზიდენტის სპეციალურ წარმომადგენელ სტივ უიტკოფთან მოლაპარაკებებს მართავს. ეს პუტინისა და ტრამპის წარმომადგენლის მეორე შეხვედრაა ბოლო ორ კვირაში. „რუსეთის პრეზიდენტი ვლადიმერ პუტინი კრემლში პრეზიდენტ ტრამპის წარმომადგენელს სტივ უიტკოფს იღებს“, – ამბობს კრემლის პრესსპიკერი დიმიტრი პესკოვი. ასევე, მოლაპარაკებებში მონაწილეობენ პრეზიდენტის თანაშემწე იური უშაკოვი და რუსეთის პირდაპირი ინვესტიციების ფონდის ხელმძღვანელი კირილ დმიტრიევი.

,,ყირიმი რუსეთს გადასცა პრეზიდენტმა სახელად ბარაკ ჰუსეინ ობამამ, ვფიქრობ, ყირიმის დაბრუნება ძალიან რთული იქნება”, – ამის შესახებ აშშ-ის პრეზიდენტმა, დონალდ ტრამპმა ოვალურ ოფისში, ნორვეგიის პრემიერ-მინისტრთან, იონას გაჰრ სტიორესთან შეხვედრისას განაცხადა ჟურნალისტის კითხვაზე „ჯერ კიდევ თვლით, რომ უკრაინამ რაღაც ტერიტორიაზე უნდა თქვას უარი, რომ მშვიდობა მიიღოს“. „დიახ, ეს იმაზეა დამოკიდებული, რა ტერიტორიაზეა საუბარი. ჩვენ ყველაფერს საუკეთესოდ გავაკეთებთ, რაც შეგვიძლია, უკრაინასთან ერთად ვიმუშავებთ, მაგრამ მათ უკვე ბევრი ტერიტორია დაკარგეს. როდესაც თქვენ ამბობთ ყირიმს, ყირიმი რუსეთს გადასცა პრეზიდენტმა სახელად ბარაკ ჰუსეინ ობამამ. ეს იყო 11 წლის წინ, ამას ჩემთან კავშირი არ აქვს, მათ…

ნატოს გენერალური მდივანი შეერთებულ შტატებს სთხოვს, უკრაინა არ აიძულოს, მიიღოს არახელსაყრელი სამშვიდობო შეთანხმება. ინფორმაციას The Financial Times-ი ავრცელებს და წერს, რომ მარკ რუტე, რომელიც ვაშინგტონში იმყოფება, აშშ-ის თავდაცვის მდივანს, პიტ ჰეგსეტს, სახელმწიფო მდივანს, მარკო რუბიოს და ეროვნული უსაფრთხოების საკითხებში ტრამპის მრჩეველს, მაიკლ უოლცს შეხვდება. გამოცემის ცნობით, უკრაინას თუ თავს მოახვევენ „სამშვიდობო რეგულირებას“, რომელიც, უპირველეს ყოვლისა მოსკოვს აწყობს, მაშინ მთელი ევროპის უსაფრთხოება აღმოჩნდება საფრთხის ქვეშ. როგორც ბრიტანული გამოცემა იუწყება, ტრამპის წინადადება, რომელიც რუსეთის მიერ ყირიმის ანექსიის აღიარებას ეხება, შესაძლოა, ვაშინგტონსა და ევროპელ მოკავშირეებს შორის უთანხმოების მიზეზი გახდეს. The Financial Times-ის ინფორმაციით,…

„პირველ რიგში, ჩვენს პარტნიორებს შევთავაზეთ ვარიანტები იმ საკითხების განსახილველად, რომლებიც ომის დასასრულებლად იქნება საჭირო. ამ ომის დასრულება შესაძლებელია. ამაზე ორივე მხარე უნდა დათანხმდეს. ჩვენ უკრაინასა და რუსეთს ვაჩვენეთ მშვიდობისკენ მიმავალი გზა”, – ამის შესახებ აშშ-ის სახელმწიფო მდივანმა, მარკო რუბიომ განაცხადა. „შაბათ-კვირას კარგი შეხვედრები გაიმართება. ჩვენ ვუჩვენეთ მათ მშვიდობისკენ მიმავალი გზა. ჩვენ გვჭირდება, რომ უკრაინამ და რუსეთმა, ორივემ თქვას „დიახ“. ყველამ მადლობა უნდა გადაუხადოს პრეზიდენტ ტრამპს, რომ ის მშვიდობისმყოფელია და ცდილობს სიცოცხლის გადარჩენას. ეს არის ის, რასაც ჩვენ ვცდილობთ აქ გავაკეთოთ. ეს არ არის ჩვენი ომი. ჩვენ არ დაგვიწყია ის, როგორც…

,,უკრაინის ევროკავშირში გაწევრიანება აქამდე მიღწეულ ჩვენს ყველა შედეგს საფრთხის ქვეშ აყენებს” – ამის შესახებ უნგრეთის პრემიერ-მინისტრი ვიქტორ ორბანი სოციალურ ქსელში წერს. „ნუ დავუშვებთ, რომ უნგრელებს გადაუარონ“, – აღნიშნა ვიქტორ ორბანმა.