დღე: აპრილი 24, 2025

საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, კაია კალასმა განაცხადა, რომ რუსეთს არ სურს მშვიდობა. „ცხადია, რომ ჩვენ გვსურს მშვიდობა, მოლდოველებს სურთ მშვიდობა, უკრაინელებს სურთ მშვიდობა, ევროპელებს სურთ მშვიდობა, მაგრამ რეალობა ისაა, რომ პუტინი თავდასხმებს აძლიერებს და ნათელს ხდის, რომ მას არ სურს მშვიდობა. მშვიდობისთვის ორი მხარეა საჭირო, ომისთვის კი მხოლოდ ერთი. ჩვენ უნდა განვაგრძოთ უკრაინის მხარდაჭერა, რათა მათ შეძლონ თავის დაცვა” – განაცხადა მან.  

აშშ-ის პრეზიდენტი, დონალდ ტრამპი აცხადებს, რომ  მას რუსეთ-უკრაინის შეთანხმებასთან დაკავშირებით „თავისი საბოლოო ვადა“ აქვს. „მე მაქვს ჩემი საკუთარი საბოლოო ვადა. ორივე მხარეს უნდა მშვიდობა, მაგრამ ისინი მოლაპარაკებების მაგიდასთან უნდა მოვიდნენ. ჩვენ დიდი ხანია, ველოდებით. ვფიქრობ, შეთანხმებას მივაღწევთ. მინდა, გადავარჩინო 5 000 ახალგაზრდა ადამიანი. დაახლოებით 5 000 ახალგაზრდა ადამიანი იღუპება კვირაში ამ საშინელ ომში. იცით, თავიდან ეს დავიწყე იმიტომ, რომ არ მომწონდა ის თანხები, რასაც ვიხდიდით, შემდეგ გავაცნობიერე, რამდენი ადამიანი იღუპება. და ეს არის ამჟამად გაცილებით მნიშვნელოვანი ელემენტი“– აღნიშნა დონალდ ტრამპმა.    

„უკრაინა მზად არის დიდი კომპრომისისთვის“, – ამის შესახებ უკრაინის პრეზიდენტმა, ვოლოდიმირ ზელენსკიმ პრეტორიაში, სამხრეთ აფრიკის პრეზიდენტ კირილ რამაფოსასთან ერთობლივ პრესკონფერენციაზე, მოლაპარაკებების შემდეგ განაცხადა. როგორც ზელენსკიმ აღნიშნა, ომის დასრულების შესახებ მოლაპარაკებებისკენ გადადგმული პირველი ნაბიჯი ცეცხლის სრული და უპირობო შეწყვეტა უნდა იყოს, რასაც „რუსეთი არ ეთანხმება“. „უკრაინა მზადაა, რუს სამხედრო დამნაშავეებთან მოლაპარაკებისთვის. და ეს უკვე დიდი კომპრომისია ჩვენი სახელმწიფოს მხრიდან“,- განაცხადა ზელენსკიმ. მისივე თქმით, უკრაინა, როგორც არავინ მსოფლიოში, დაინტერესებულია ომის დასრულებით. მანვე იმედი გამოთქვა, რომ ამერიკის შეერთებული შტატები „შეძლებს რუსეთზე მეტი ზეწოლის მოხდენას, რათა საბოლოოდ ცეცხლის სრულ შეწყვეტას მიაღწიოს“. „ტრამპმა და შეერთებულმა…

უკრაინის პრეზიდენტი ვოლოდიმირ ზელენსკი აცხადებს, რომ ლონდონში გამართული მოლაპარაკებების შედეგად, „სამშვიდობო შეთანხმების“ ახალი ვარიანტი აშშ-ის პრეზიდენტ დონალდ ტრამპის მაგიდაზეა. „აშშ-ის წინადადების შემდეგ გამოჩნდა სხვა დოკუმენტებიც და მე ვფიქრობ, რომ დღეს ეს ფორმატი, ეს დოკუმენტი უკვე არის პრეზიდენტ ტრამპის მაგიდაზე“– განაცხადა ზელენსკიმ.

პოლონეთის პრეზიდენტი ანჯეი დუდა აცხადებს, რომ სამშვიდობო მოლაპარაკებების დროს ყველა მხარეს მოუწევს გარკვეულ დათმობაზე წასვლა, მათ შორის უკრაინასც. „უკრაინას ასევე მოუწევს გარკვეული თვალსაზრისით დათმობა. ეს უნდა იყოს კომპრომისი. მხედველობაში მაქვს, რომ დე ფაქტო ეს მშვიდობა, ჩემი პირადი შეხედულებით, უნდა დავიდეს იმ ეტაპამდე, როდესაც ვერცერთი მხარე ვერ შეძლებს თქმას, რომ ეს ომი მოიგო. ამიტომაც ყველა მხარეს მოუწევს რაღაც თვალსაზრისით დათმობაზე წავსლა“ – განაცხადა ანჯეი დუდამ. დუდამ ასევე განაცხადა, რომ ომი ზიანს აყენებს ორივე ქვეყანას. მისივე განმარტებით, მხოლოდ ამერიკელების ზეწოლას შეუძლია ომის დასრულება და ისეთი მშვიდობის დამყარება, რომელიც არცერთი მხარისთვის არ იქნება…

კიევის სამხედრო ადმინისტრაციის ინფორმაციით, რუსეთის მიერ უკრაინაზე განხორციელებული მასირებული შეტევის შედეგად დაღუპულთა რიცხვი 12-მდე გაიზარდა. მომხდარის გამო 90 მოქალაქე დაშავდა. რუსეთის თავდაცვის სამინისტროში აცხადებენ, რომ დარტყმა განხორციელდა „საავიაციო, სარაკეტო-კოსმოსური, მანქანათმშენებელ და სატანკო მრეწველობის ობიექტებზე“.

საფრანგეთის პრეზიდენტი ემანუელ მაკრონი რუსეთ-უკრაინის მოლაპარაკებების საკითხს ეხმაურება და აცხადებს, რომ არსებულ ვითარებაში ერთადერთი აგრესორი რუსეთია. როგორც მაკრონი ამბობს, სწორედ ამიტომ, ამერიკის შეერთებული შტატების „რისხვა“ პრეზიდენტ ვლადიმერ პუტინისკენ უნდა იყოს მიმართული. „ამერიკული რისხვა უნდა იყოს მიმართული მხოლოდ ერთი ადამიანისკენ – პრეზიდენტ პუტინისკენ“, – აღნიშნა მადაგასკარზე მყოფმა საფრანგეთის პრეზიდენტმა. მაკრონი უკრაინის დედაქალაქ კიევზე რუსეთის მიერ მიტანილ მასშტაბურ იერიშსაც გამოეხმაურა და პუტინს მოუწოდა, რომ „შეწყვიტოს ტყუილი“. „ის ამბობს „მშვიდობა მინდა“ და აგრძელებს დაბომბვებსა და უკრაინაში ხალხის მკვლელობას. თუ ის ხვალ იტყვის „კი“, გვექნება ცეცხლის შეწყვეტა“, – აცხადებს საფრანგეთის პრეზიდენტი.

რუსეთის საგარეო საქმეთა სამინისტროს პრესსპიკერი მარია ზახაროვა 2030 წლისთვის, საქართველოს ევროკავშირში გაწევრიანების საკითხს ეხმიანება და ირონიულად ამბობს, რომ მთავარია, ამ დროისთვის, „იქ“ შესასვლელი ადგილი დარჩეს. როგორც რუსული სამთავრობო მედია TASS-ი წერს, ზახაროვა აღნიშნულ საკითხზე საუბრისას დიდი ბრიტანეთის გამოცდილებას იხსენებს და აცხადებს, რომ [ევროკავშირი] „კარგი რომ ყოფილიყო, ბრიტანეთი არ გამოვიდოდა“. „სადაც არის რამე სარგებელი, სადაც არის რეალური პოტენციალი, ბრიტანელები იქნებიან პირველები. მათ პირველმა დატოვეს ევროკავშირი“, – ამბობს ზახაროვა. მისივე თქმით: „ევროკავშირში კრიზისული მოვლენები იმდენად აშკარაა და პოტენციალი იმდენად პროგნოზირებადია, რომ ვისაც საკუთარი ეროვნული ეკონომიკა ადარდებს, იქ არაფერი ესაქმება“. ზახაროვას აზრით, ვისაც…

უკრაინის პრეზიდენტი ვოლოდიმირ ზელენსკი დონალდ ტრამპის მიერ მისი მისამართით გამოთქმულ კრიტიკას გამოეხმაურა. ზელენსკიმ გაიხსენა უკრაინის, ამერიკის, დიდი ბრიტანეთის, საფრანგეთისა და გერმანიის წარმომადგენლების შეხვედრა, რომელიც ლონდონში გაიმართა. „ჩვენ მადლიერები ვართ პარტნიორების. უკრაინა ყოველთვის იმოქმედებს კონსტიტუციის შესაბამისად და აბსოლუტურად დარწმუნებულები ვართ, რომ ჩვენი პარტნიორები, კონკრეტულად კი აშშ, იმოქმედებს საკუთარი ძლიერი გადაწყვეტილების შესაბამისად“, – წერს ზელენსკი X-ზე. სოციალურ ქსელში თავის პოსტს ზელენსკიმ დაურთო ყირიმის დეკლარაციის ამონარიდი, ტრამპის პირველი ადმინისტრაციის სახელმწიფო მდივნის, მაიკ პომპეოს 2018 წლის განცხადება, რომელმაც დაადასტურა რუსეთის მიერ ყირიმის ანექსიის არაღიარება.

,,ვლადიმერ, გაჩერდი! კვირაში 5 000 ჯარისკაცი იღუპება”, – ამის შესახებ აშშ-ის პრეზიდენტი დონალდ ტრამპი Truth Social-ზე წერს. ,,კიევზე რუსეთის მიერ განხორციელებული დარტყმებით უკმაყოფილო ვარ. არასაჭიროა და ამისთვის ძალიან ცუდი დროა. ვლადიმერ, გაჩერდი! კვირაში 5 000 ჯარისკაცი იღუპება. მოდით, სამშვიდობო შეთანხმებას მივაღწიოთ!”, – წერს ტრამპი.

აშშ-ის პრეზიდენტმა, დონალდ ტრამპმა ილონ მასკის თეთრ სახლში ყოფნაზე ისაუბრა და აღნიშნა, რომ უნდა დიდი ხნის განმავლობაში შეინარჩუნოს აშშ-ის სამთავრობო ეფექტიანობის დეპარტამენტის ხელმძღვანელი, რომელიც არაჩვეულებრივი პიროვნებაა. „მასკი არაჩვეულებრივი პიროვნებაა. ის ძალიან დამეხმარა როგორც საარჩევნო კამპანიაში, ასევე იმით, რაც მან გააკეთა სამთავრობო ეფექტიანობის დეპარტამენტთან დაკავშირებით, და თქვენ იცით, რაზეც ვსაუბრობთ, თითქმის 200 მილიარდ დოლარზე, რომელიც სწრაფად იზრდება, რადგან ბევრი რამ, რასაც ჩვენ განვიხილავდით, ახლა ფაქტად იქცა. ეს საშინელებაა. მე ვგულისხმობ თაღლითობას, ფულის ფლანგვას, ძალაუფლების ბოროტად გამოყენებას, ყველაფერს, რაც მოხდა, უბრალოდ საშინელებაა“, – განაცხადა ტრამპმა.

აშშ-ის სახაზინო დეპარტამენტის ხელმძღვანელი, სკოტ ბესენტი აცხადებს, რომ საერთაშორისო სავალუტო ფონდსა და მსოფლიო ბანკს რეფორმა სჭირდება. როგორც მან აღნიშნა, ეს ინსტიტუტები კრიტიკულ როლს ასრულებენ საერთაშორისო სისტემაში და დონალდ ტრამპის ადმინისტრაცია მოწადინებულია მათთან სამუშაოდ, ვიდრე ამ ინსტიტუტებს შეუძლიათ, დარჩნენ საკუთარი მისიის ერთგულები. სკოტ ბესენტის თქმით, საერთაშორისო სავალუტო ფონდი ძალიან დიდ დროსა და რესურსს უთმობს კლიმატის ცვლილებებზე, გენდერულ და სოციალურ საკითხებზე მუშაობას. მისივე განცხადებით, ანალოგიური პრობლემები არსებობს მსოფლიო ბანკშიც. ასევე, პრობლემად რჩება, რომ ეს ინსტიტუტები ჩინეთს კვლავ განვითარებადი ქვეყნის მსგავსად ეპყრობიან, რის გამოც პეკინი უსამართლოდ იღებს ხელსაყრელ პირობებს მსოფლიო ინსტიტუტებისგან.

უკრაინის პრეზიდენტმა ვოლოდიმირ ზელენსკიმ, სამხრეთ აფრიკაში ჟურნალისტებთან საუბრისას განაცხადა, რომ უკრაინა მზადაა, ხელი მოაწეროს აშშ-თან მინერალების შეთანხმებაზე. ამის შესახებ ვოლოდიმირ ზელენსკიმ სამხრეთ აფრიკაში ჟურნალისტებთან საუბრისას განაცხადა. მისი თქმით, უკრაინა აკეთებს ყველაფერს, რასაც პარტნიორები სთავაზობენ. უკრაინის პრეზიდენტმა თქვა, რომ რუსეთს სააღდგომო პერიოდში ცეცხლი არ შეუწყვიტავს, მაშინ როდესაც უკრაინამ 30-საათიანი ცეცხლის შეწყვეტის შესახებ დადებული პირობა შეასრულა. როგორც მან განმარტა, რუსეთზე მეტი ზეწოლაა საჭირო ცეცხლის შეწყვეტის გზაზე წინსვლისთვის. ვოლოდიმირ ზელენსკის თქმით, ის ფაქტი, რომ ყველაფრის შემდეგ უკრაინა კვლავ არის მზად, მოსკოვთან მოლაპარაკების მაგიდასთან დასხდეს, კომპრომისია.

რამდენიმე ევროპელი მაღალჩინოსნის განცხადებით, აშშ-ის პრეზიდენტს, დონალდ ტრამპს უკრაინაში ცეცხლის შეწყვეტის მიღწევა მისი პრეზიდენტობის 100 დღისთვის სურს. ინფორმაციას CNN-ი ავრცელებს. როგორც ამერიკულ ტელეარხს ერთ-ერთმა ევროპელმა განუცხადა, აშშ-ის სამშვიდობო ინიციატივაში კონკრეტული ჯერ არაფერია დაფიქსირებული, თუმცა ამერიკელების სულისკვეთება მიუთითებს იმაზე, რომ მათ ტრამპის პრეზიდენტობის 100 დღისთვის ცეცხლის შეწყვეტა სურთ. ტრამპის პრეზიდენტობის 100 დღეს 1 მაისს სრულდება.

,,უკრაინას რუსეთთან სამშვიდობო მოლაპარაკებების დროს გარკვეულ დათმობებზე წასვლა მოუწევს”, – ამის შესახებ პოლონეთს პრეზიდენტმა, ანდჟეი დუდამ განაცხადა. „დღეს ჩემი შეფასება აბსოლუტურად ნათელია: არ არსებობს არავინ აშშ-ის ფარგლებს გარეთ, ვისაც ვლადიმერ პუტინის შეჩერება შეუძლია. ამიტომაც მჯერა, რომ პრეზიდენტ დონალდ ტრამპს მისი გამბედაობით ამ ომის დასრულება შეუძლია. მხოლოდ ამ ამერიკულ წნეხს შეუძლია ამ ომის დასრულება და მშვიდობის დამყარება, რომელიც არცერთი მხარისთვის არ იქნება კომფორტული. მაგრამ, შესაძლოა, ამან აქციოს ის გრძელვადიანად“, – თქვა დუდამ. მისი თქმით, გრძელვადიანი მშვიდობა ურთიერთდათმობებზე უნდა აშენდეს. როგორც დუდამ აღნიშნა, ომი აზიანებს ორივე ქვეყანას, ამიტომაც, მათ კომპრომისებზე წასვლა მოუწევთ.

ქაშმირში ტერორისტული თავდასხმის შემდეგ, ინდოეთმა პაკისტანთან მთავარი სასაზღვრო გამშვები პუნქტი დახურა და დიპლომატიური ურთიერთობები შეამცირა. ოფიციალური დელის განცხადებით, ქვეყანა ,,ინდის წყლის შეთანხმებაში” მონაწილეობას აჩერებს. 1960 წლის შეთანხმება პაკისტანს რამდენიმე მდინარის გამოყენების უფლებას აძლევს. ინდოეთმა პაკისტანს მოსთხოვა შეწყვიტოს სასაზღვრო ზონაში ტერორიზმის მხარდაჭერა, ამას კატეგორიულად უარყოფს ისლამაბადი.