დღე: აპრილი 22, 2025

რუსეთის პრეზიდენტმა ვლადიმერ პუტინმა აშშ-ის უკრაინაში ფრონტის ხაზის გაყინვა შესთავაზა. ინფორმაციას გამოცემა Financial Times-ი სამ ინფორმირებულ წყაროზე დაყრდნობით ავრცელებს. “ეს წინადადება პირველი ოფიციალური სიგნალია, რომელიც პუტინმა სამი წლის წინ ომის დაწყვებიდან გააკეთა, რომ რუსეთმა შეიძლება უკან დაიხიოს თავისი მაქსიმალური მოთხოვნებისგან შეჭრის შესაჩერებლად” – წერს გამოცემა. ამავდროულად, ევროპელი მაღალჩინოსნები, რომლებიც Financial Times-ს ესაუბრნენ, შიშობენ, რომ პუტინი შესაძლოა აშშ-ის მხრივ დათმობას იყენებს, რათა ტრამპი პუტინის სხვა მოთხოვნების მიღებაზე დაითანხმოს და ისინი თავს მოახვიოს უკრაინას – მაგალითად, ყირიმის ანექსიის აღიარება და ნატოში გაწევრიანების აკრძალვა.

„ევროკავშირი ყირიმს რუსულად არასდროს აღიარებს. ყირიმი უკრაინაა“- აღნიშნულთან დაკავშირებით, ევროკავშირის უმაღლესმა წარმომადგენელმა, კაია კალასმა განაცხადა. როგორც მან აღნიშნა აშშ-ის რუსეთზე ზეწოლისთვის ყველა ინსტრუმენტი არ გამოუყენებია. “ისინი ზავს არ იცავდნენ. აშკარაა, რომ რუსეთი ყველა ამ თამაშს თამაშობს და დროს წელავს, და რეალურად არ სურს მშვიდობა,” – განაცხადა კალასმა. მისივე განცხადებით, პუტინის მიერ 30-საათიანი “სააღდგომო ზავის” გამოცხადება რეალურად იმით იყო გამოწვეული, რომ აშშ-ის პრეზიდენტი დონალდ ტრამპი “მოთმინებას კარგავს” კრემლის პოზიციის გამო. “მათ [რუსეთს] ჰგონიათ, რომ დრო მათ მხარესაა, ამიტომ არავითარ პოზიტიურ სიგნალებს არ აგზავნიან, არავითარ კეთილ ნებას არ აჩვენებენ” – განაცხადა კალასმა.…

უნგრეთის პრემიერ-მინისტრმა, ვიქტორ ორბანმა უნგრეთში გამართულ პლებისციტში უკრაინის ევროკავშირში გაწევრიანების წინააღმდეგ მისცა ხმა. აღნიშნულთან დაკავშირებით, უნგრეთის პრემიერი სოციალურ ქსელში წერს. „ბრიუსელი და პარტია „ტიზა“ მხარს უჭერენ უკრაინის ევროკავშირში გაწევრიანებას. ეს გაანადგურებს უნგრეთის ეკონომიკას. მოდით, არ მივცეთ მათ საშუალება, გადაწყვიტონ ჩვენი მომავალი. მე უკვე გავაკეთე არჩევანი“ – წერს ორბანი.  

აშშ-ის პრეზიდენტის, დონალდ ტრამპის წარმომადგენელი, სტივ უიტკოფი მიმდინარე კვირას მოსკოვში ჩავა. ამის შესახებ რუსეთის პრეზიდენტის თანაშემწემ, იური უშაკოვმა განაცხადა. კერძოდ, კითხვაზე, ელიან თუ არა მიმდინარე კვირას იუტკოფის მოსკოვში ვიზიტს, უშაკოვმა უპასუხა: “ველით”. ცნობისთვის, ჯამში უიტკოფი უკვე სამჯერ იყო რუსეთში.

აშშ-ის პრეზიდენტის, დონალდ ტრამპის რეიტინგი 3%-ით შემცირდა. Gallup-ის კვლევის მიხედვით, ინაუგურაციის შემდეგ თეთრი სახლის ლიდერის მხარდაჭერის მაჩვენებელი 47 % -ს შეადგენდა. აპრილში ჩატარებული გამოკითხვით კი 44 %.

ამერიკის შეერთებული შტატების თავდაცვის მდივანმა პიტ ჰეგსეთმა The New York Times-ის ინფორმაცია უარყო და მედია მწვავედ გააკრიტიკა. ,,მედია ანონიმურ წყაროდ უკმაყოფილო ყოფილ თანამშრომლებს იყენებს, რომლებიც ცდილობენ ადამიანების დაკნინებასა და მათი რეპუტაციის განადგურებას. ჩემთან ეს არ გამოვა. ცვლილებებს ვახორციელებ თავდაცვის დეპარტამენტში, პენტაგონს სამხედროების ხელში ვაბრუნებ და აქ ყოფილი თანამშრომლების ძველ ამბებთან დაკავშირებულ ანონიმურ ცილისწამებებს მნიშვნელობა არ აქვს. მე ძალიან ვამაყობ იმით, რასაც ვაკეთებ პრეზიდენტისთვის – მთელი ძალით ვიბრძვით”, – აცხადებს პიტ ჰეგსეთი. ამერიკული გამოცემა წერდა, რომ მან იემენში დაგეგმილი დარტყმების კონფიდენციალური ინფორმაცია აპლიკაცია Signal-ის მეორე ჩატშიც გააზიარა.  

,,ჩვენ გვსურს, საქართველოს დავუმტკიცოთ, რომ მოწოდებულნი ვართ, ჩავერთოთ საქართველოში უსაფრთხოების განმტკიცებისათვის ყველანაირი თვალსაზრისით, ყველა იმ საშუალებით, რომელიც ჩვენს ორგანიზაციას აქვს”, – ამის შესახებ საქართველოში ვიზიტით მყოფმა ეუთო-ს გენერალურმა მდივანმა, ფერიდუნ სინირლიოღლუმ საგარეო საქმეთა სამინისტროში გამართული შეხვედრის შემდეგ განაცხადა. „მინდა, ხაზი გავუსვა, რომ ეუთო საკმაოდ დაინტერესებულია და ჩვენ მხარს ვუჭერთ საქართველოს, ამ რეგიონის ყველა ქვეყანას. ინციდენტების პრევენციის მექანიზმი ფაქტობრივად უკვე 16 წლისაა. ეუთო გახლავთ ორგანიზაცია, რომელმაც დაამტკიცა, რაოდენ მნიშვნელოვანია დიალოგის წარმოება, განსაკუთრებით იმ რეგიონებში და ქვეყნებს შორის, რომლებიც კონფლიქტის მდგომარეობაში იმყოფებიან. ჩვენ გვაქვს მედიაციის მრავალმხრივი საშუალებები, რომლებსაც ვიყენებთ მსგავს შემთხვევებში და…

უკრაინაში, ზაპოროჟიეზე რუსეთის თავდასხმას 69 წლის ქალი ემსხვერპლა, დაშავდა 22 ადამიანი, მათ შორის სამი ბავშვი. გავრცელებული ინფორმაციით, რუსეთის ძალებმა ქალაქს დაახლოებით დილის 11:40 საათზე ორი KAB ბომბით შეუტიეს, რომელთაგან ერთი ინფრასტრუქტურულ ობიექტს, ხოლო მეორე მრავალსართულიან საცხოვრებელ შენობას მოხვდა. ასევე, საგანგებო სიტუაციების სამსახურის ცნობით, თავდასხმის შედეგად რამდენიმე ცხრასართულიანი საცხოვრებელი შენობა და საგანმანათლებლო დაწესებულება დაზიანდა, ხოლო ავტომობილებს ცეცხლი გაუჩნდა.

ამერიკის სახელმწიფო დეპარტამენტის ყოფილმა მაღალჩინოსნმა, მაიკ ბენცმა განაცხადა, რომ აშშ-ის პრეზიდენტის, დონალდ ტრამპის მკვლელობის ბოლო მცდელობის გეგმის კვალი უკრაინამდე მიდის. მისი თქმით, პოტენციური მკვლელი აზოვის ბატალიონის ჯგუფურ ონლაინ მიმოწერაში ფიგურირებდა. ბენცი აზიარებს ამერიკელი ბლოგერის, კენ სილვას ინფორმაციას, სადაც აზოვის ბატალიონის მხარდამჭერი დაჯგუფების მიმოწერაში ტრამპის მკვლელობას განიხილავენ.

შვეიცარიამ რვა რუსული მედიასაშუალების წინააღმდეგ სანქციები დააწესა. სანქციები დაუწესდა რუსულ სააგენტო „ლენტა.რუს“, ტელეკომპანია „ზვეზდას“, გაზეთ „კრასნაია ზვეზდას“, საინფორმაციო ვებგვერდ „ევრაზია დეილის“, სააგენტო „ნიუს ფრონტს“, ვებგვერდ „საუზ ფრონტს“, პორტალ „რუბალტიკ.რუს“ და სტრატეგიული კულტურის ფონდს. შვეიცარიის სახელმწიფო სამდივნოს განცხადებაში ნათქვამია, რომ შეზღუდვები 23 აპრილიდან ამოქმედდება. ცნობისთვის, 24 თებერვალს ევროკავშირმა რუსეთის წინააღმდეგ სანქციების მეთექვსმეტე პაკეტი დაამტკიცა. ამ პაკეტის ფარგლებში, ზემოაღნიშნულ რუსულ მედიასაშუალებებს ევროკავშირშიც შეუზღუდა მაუწყებლობის უფლება.

,,არსებობს მხოლოდ ორი გენდერი/სქესი: ქალი და კაცი”, – ამის შესახებ აშშ-ის კონგრესის წარმომადგენელთა პალატის წევრმა, „რესპუბლიკელმა“ მარჯორი ტეილორ გრინმა სოციალურ ქსელ X-ში დაწერა. „ყველაფერი ერთ ფუნდამენტურ ჭეშმარიტებამდე დადის. არსებობს მხოლოდ ორი გენდერი/სქესი: ქალი და კაცი. ვერანაირი ჰორმონები, მედიკამენტები თუ ოპერაციები ვერ შეცვლის პიროვნების სქესს. ვისაც ასეთი ტყუილის სჯერა, მენტალურად და სულიერად გზააბნეულია“, – წერს კონგრესმენი.

New York Post-მა აშშ-ის პრეზიდენტის, დონალდ ტრამპის ადმინისტრაციის მიერ შემუშავებული უკრაინის სამშვიდობო გეგმა გამოაქვეყნა, რომლის ერთ-ერთი კომპონენტი ქვეყანაში სამშვიდობო ძალების განლაგებაა. გარდა ამისა, უკრაინაში ცალკე სამშვიდობო მისიის ჩამოყალიბებაც იგეგმება. მისიის შემადგენლობაში შევლენ რუსეთის, უკრაინისა და მესამე ქვეყნის წარმომადგენლები. აუცილებელი პირობაა, რომ მესამე ქვეყანა არ უნდა იყოს ნატოს წევრი. ის ცეცხლის შეწყვეტის რეჟიმს კონტროლს გაუწევს. თავის მხრივ, The Wall Street Journal-ი აღნიშნავს, რომ გეგმა, შესაძლოა, ყირიმის რუსულ ტერიტორიად აღიარებას მოიცავდეს. ერთ-ერთმა ჩინოვნიკმა განაცხადა, რომ უკრაინა, სავარაუდოდ საკუთარი მიწის 20% დათმობს. ეს მოხდება დე-ფაქტო და არა დე-იურე. „დე-ფაქტო ნიშნავს იმას, რომ ჩვენ…