დღე: აპრილი 19, 2025

ირანელი და ამერიკელი კოლეგები შეთანხმდნენ გამართონ მოლაპარაკებების მესამე რაუნდიც. რაც ირანის ბირთვულ ამბიციებზე, დადებითი სიგნალია. აშშ-ის დელეგაციის მხრიდან, რომელსაც თეთრი სახლის სპეციალური წარმომადგენელი სტივ ვიტკოფი ხელმძღვანელობდა, რომის მოლაპარაკებების შედეგზე ჯერ კომენტარი არ გაკეთებულა. მაგრამ ირანის საგარეო საქმეთა მინისტრმა თქვა, რომ მხარეები შეთანხმდნენ, რომ კვლავ შეხვდებიან 26 აპრილს ომანში, სადაც გაიმართება მოლაპარაკებების პირველი რაუნდი. „მე მჯერა, რომ ტექნიკური მოლაპარაკებები ექსპერტების დონეზე ომანში ოთხშაბათს (23 აპრილს) დაიწყება, ხოლო შემდეგ შაბათს ჩვენ შევხვდებით ომანში და განვიხილავთ ექსპერტების მუშაობის შედეგებს, რათა დავინახოთ რამდენად ახლოსაა ის შეთანხმების პრინციპებთან“ – განუცხადა აბას არაღჩიმ ირანის სახელმწიფო ტელევიზიას.…

აშშ-ის ვიცე-პრეზიდენტი, ჯეი დი ვენსი ვატიკანში ვიზიტის ფარგლებში წმინდა საყდრის სახელმწიფო მდივანს, კარდინალ პიეტო პაროლინისა და წმინდა საყდრის სახელმწიფოებთან ურთიერთობის მდივანს, პოლ რიჩარდ გალაჰერს შეხვდა. „ოფიციალურმა პირებმა გულითადი მოლაპარაკებებისას მოსაზრებები გაცვალეს საერთაშორისო ვითარების შესახებ, კერძოდ, ომის, პოლიტიკური დაძაბულობისა და ჰუმანიტარული სიტუაციების შედეგად დაზარალებული ქვეყნების შესახებ. განსაკუთრებული ყურადღება დაეთმო მიგრანტების, ლტოლვილებისა და პატიმრების საკითხებს“ – ნათქვამია ვატიკანის განცხადებაში. ცნობისთვის, აშშ-ის ვიცე-პრეზიდენტი, ჯეი დი ვენსი მეუღლესთან და შვილებთან ერთად ვატიკანში გუშინ ჩავიდა.

ირანსა და აშშ-ს შორის მოლაპარაკებების შემდეგ, ომანის სულთანი რუსეთის პრეზიდენტს, ვლადიმერ პუტინს მოსკოვში შეხვდება. აღნიშნულთან დაკავშირებით ინფორმაციას ადგილობრივი მედია ავრცელებს. სულთანი ჰაითამ ბინ ტარიკ ალ-საიდი რუსეთის პრეზიდენტს 22 აპრილს შეხვდება. კრემლში განცხადეს, რომ შეხვედრები რეგიონულ და გლობალურ საკითხებზე თანამშრომლობაზე იქნება ფოკუსირებული, თუმცა დამატებითი დეტალები არ დაუზუსტებიათ.  

აშშ-ის მთავრობის ეფექტურობის დეპარტამენტის ხელმძღვანელი, ილონ მასკი მიიჩნევს, რომ აშშ შეიძლება ფინანსურ კრახამდე მივიდეს, თუ გააგრძელებს მრავალრიცხოვანი არასამთავრობო ორგანიზაციების დაფინანსებას. კითხვაზე – შეიძლება თუ არა “ენჯეოები” გიგანტურ პროპაგანდისტულ მანქანად ან რეჟიმების შეცვლის სისტემად ჩაითვალოს, მასკმა დადებითი პასუხი გასცა. მან ჯორჯ სოროსს გავლენის გლობალური მექანიზმის არქიტექტორი უწოდა, რომელიც “ენჯეოებს” პოლიტიკური და იდეოლოგიური ინტერესების გასატარებლად იყენებდა მთელს მსოფლიოში. “ამ საქმეში ჯორჯ სოროსი ძალიან კარგი იყო. ჯორჯ სოროსი სისტემური ჰაკერივითაა. ის მიხვდა, როგორ უნდა გაეტეხა სისტემა. ის არბიტრაჟის გენიოსია. ის მიხვდა, რომ შეიძლება არც თუ ისე დიდი თანხის გამოყენება არაკომერციული ორგანიზაციის შესაქმნელად, შემდეგ…

აშშ-ის უზენაესმა სასამართლომ დონალდ ტრამპის ადმინისტრაციის მიერ „უცხოელი მტრების აქტის“ ფარგლებში ვენესუელელი მიგრანტების დეპორტაცია დროებით შეაჩერა. სასამართლომ ტრამპის ადმინისტრაციას უბრძანა, რომ 1798 წლის კანონის ფარგლებში ჩრდილოეთ ტეხასში დაკავებული ვენესუელური კრიმინალური დაჯგუფებების სავარაუდო წევრების დეპორტაცია დროებით შეაჩეროს. „მთავრობას ევალება, რომ დაკავებულთა არცერთი წევრი არ გაიყვანოს აშშ-დან ამ სასამართლოს შემდგომი გადაწყვეტილების მიღებამდე“, – ნათქვამია აშშ-ის უზენაესი სასამართლოს ბრძანებაში. ცნობისთვის, აშშ-ის პრეზიდენტმა, დონალდ ტრამპმა 1798 წლის „უცხოელი მტრების აქტი“ გასულ თვეში გამოიყენა, რათა ადმინისტრაციას ვენესუელურ კრიმინალურ დაჯგუფება Tren de Aragua-სთან კავშირში ბრალდებული ვენესუელელი მიგრანტები დაეკავებინა და შემდეგ სალვადორში გაეგზავნა.

აშშ-ის პრეზიდენტმა დონალდ ტრამპმა წინასააღდგომო მიმართვის დროს განაცხადა, რომ ამერიკა მორწმუნეების ქვეყანაა. ტრამპის თქმით, ამერიკას ღმერთი სჭირდება. „ამერიკა მორწმუნეების ქვეყანაა. ჩვენ გვჭირდება ღმერთი და ჩვენ გვინდა ღმერთი. მისი წყალობით გავხდით ჩვენს ქვეყანას უფრო ძლიერს, უსაფრთხოს და აყვავებულს, ვიდრე ოდესმე ყოფილა. მინდა ვუსურვო ქრისტიანებს მთელს მსოფლიოში ბედნიერი აღდგომის დღესასწაული“, – განაცხადა ტრამპმა  

კრემლის პრესსპიკერმა, დიმიტრი პესკოვმა განაცხადა, რომ რუსეთს, ირანსა და ჩინეთს შორის დიალოგს სამი ქვეყნის ინტერესებისთვის დიდი მნიშვნელობა აქვს. „სხვადასხვა საკითხებზე რუსეთს, ირანსა და ჩინეთს შორის დიალოგს დიდი მნიშვნელობა აქვს როგორც სამი ქვეყნის ინტერესების, ასევე ახლო აღმოსავლეთის რეგიონში სტაბილურობისა და უსაფრთხოების უზრუნველყოფის თვალსაზრისით“ – განაცხადა დიმიტრი პესკოვმა. როგორც ის აღნიშნავს, რუსეთი ბირთვული პროგრამის შესახებ ირანსა და აშშ-ს შორის მიმდინარე მოლაპარაკებებს მიესალმება.

გერმანია თურქეთისთვის „ევროფაიტერის“ ტიპის გამანადგურებლების მიწოდებას სტამბოლის მერის, ეკრემ იმამოღლუს დაკავების გამო ბლოკავს. ინფორმაციას, გერმანული მედია ავრცელებს. „ერდოღანთან კონფიდენციალური მოლაპარაკებების დროს მნიშვნელოვანი პროგრესი იყო მიღწეული და დამტკიცების პროცესი წარმატებით მიმდინარეობდა, თუმცა, თურქეთის პრეზიდენტმა იმამოღლუს წინააღმდეგ გადადგმული ნაბიჯებით ეს წამოწყებები ჩაშალა“ – წერს გამოცემა. შეგახსენებთ, 19 მარტს კორუფციის ბრალდებით სტამბოლის მერი ეკრემ იმამოღლუ დააკავეს. ის თურქეთში რეჯეფ თაიფ ერდოღანის მთავარ პოლიტიკურ ოპონენტად ითვლება. 23 მარტს სასამართლომ ეკრემ იმამოღლუს წინასწარი პატიმრობა შეუფარდა. იმავე დღეს „რესპუბლიკურმა სახალხო პარტიამ“ ეკრემ იმამოღლუ 2028 წლის საპრეზიდენტო არჩევნებში პრეზიდენტობის კანდიდატად დაასახელა.

რუსეთს სურს, რომ მოლდოვის ხელმძღვანელობა იმ ხალხით შეცვალოს, რომელთა კონტროლიც შეუძლია. მოლდოვის პრეზიდენტმა, მაია სანდუმ ადგილობრივ მედიასთან ინტერვიუში განაცხადა. „ჩვენ უპრეცედენტო ჩარევა გასულ წელსაც ვნახეთ და აშკარაა, რომ არჩევნების შედეგებზე გავლენის მოხდენას წელსაც შეეცდებიან. კრემლი ფსონს იმაზე დებს, რომ ქვეყნის ხელმძღვანელობა იმ ხალხით შეცვალოს, რომელთა კონტროლიც შეუძლია. ეს მხოლოდ მოლდოვას არ ეხება, რადგან რუსეთს ახლა უკრაინა აინტერესებს. თუ რუსეთი ძალაუფლებას ხელში ჩაიგდებს, მაშინ მოლდოვის რესპუბლიკას უკრაინის წინააღმდეგ გამოიყენებს“ – განაცხადა მაია სანდუმ.